Available now! Telegram Research 2025 — the year's key insights 
قُربى
Open in Telegram
Owner: @maaias79 Group link: https://t.me/qourpaa https://ngl.link/ayamedhat86008
Show moreThe country is not specifiedThe category is not specified
2 204
Subscribers
+124 hours
-157 days
-1530 days
Posts Archive
2 205
﴿أَلَا بِذِكْرِ اللَّهِ تَطْمَئِنُّ الْقُلُوبُ ﴾ [سورة الرعد: 28]وخلاصة تفسير محمد متولي الشعراوي: مهما تعب الإنسان من الدنيا فلن يجد راحته الحقيقية إلا بالقرب من الله، فذكر الله يملأ القلب طمأنينة ويُذهب الخوف والقلق ويمنح النفس سكينة لا يجدها الإنسان في أي شيء آخر🤍
2 205
أنك تلتزم وتقرب من ربنا وتصلح علاقتك بيه مش معناه أنك أتحولت لـ فضيلة الشيخ فلان وخلاص بقيت شخص مستشيخ ، لا أنت نفس الشخص بطبيعتك وبشخصيتك وبأفكارك بدون تغيير
- أنت بس بتجاهد عشان تكون أخف ذنباً وأرقي خلقاً
2 205
قال الإمام الغزاليُّ رحمه الله تعالى:
مِن حقوق الأخوة أن تُبلغَه ثناءَ مَن أثنى عليه، مع إظهار الفرحِ به، فإنّ إخفاءَ ذلك محضُ الحسد!
- إحياء علوم الدين.
2 205
مرة سمعت جملة وفضلت معلّقة في دماغي، بتقول :
"الراضي ربنا بيراضيه فى أي حتة، واللي مش راضي دنيته ضيقة عليه فى كل حتة".
الكلام ده حقيقي لأقصى درجة بجد، مفيش مرة هترضى فيها بوضع صعب أو ابتلاء تقيل إلا وهتلاقي ربنا مقدّرك تستحمله وبيراضي قلبك في جوانب تانية في حياتك، مفيش مرة هترضى بأمر واقع أو فقدان عزيز إلا وهتلاقي ربنا منزّل عليك صبر وعوض جميل من عنده ..
وعلى النقيض مفيش مرة هتسخط على حالك وتبقى مش راضي عن أقدار الله والابتلاءات اللي بتواجهك إلا وهتلاقي قلبك دايما مهموم وروحك تعبانة ونفسيتك في النازل والدنيا حواليك ضيقة رغم وسعها ..
ربنا يرضّينا بأقداره، ويراضي قلوبنا بعوضه، ويجعل نفوسنا ساكنة مُطمئنة لحكمته.")
-رحمة رشاد
2 205
افكاري بتتغير كل سنة عن اللي قبلها ويمكن من سنة واحده بس كنت بقول ان أي شخص بيتخلي عن حد فهو توكسيك والمفروض الانسان يعافر في اي علاقه فحياته .
بس لأ توصلّت لحاجة وهي إن الانسان بيقدر يتخلّي عن اي حد بدون تأنيب ضمير لما يبدأ يفوق ويحب نفسه ويقدّر ذاته، علي سبيل المثال، انا الشخص دا عزيز عليا جدا بس معاملته مش مريحاني وبالتالي العلاقه دي مؤذية ليا فَ لا شكرا انا استاهل احسن من كدا .
الحياة صعبه كفايه لوحدها فالانسان لو مش محاط بناس تهوّن عليه الطريق وتحسسه بقيمته يبقي بلاش منها العلاقه دي خالص..
2 205
مع زوال شمس اليوم
يتنزل اللّٰه عز وجل نزولًا يليق بجلال وجهه وعظمته ..
غدًا يومُ التلاقِ، يوم عرفة المشهود
جهّزوا دعوات عرفة، وجهّزوا نفسكم لهيبَة هذا النزول العظيم.
2 205
اللي عايز/ه اي دعوه يبعتها هنا و هنخلي كلو يدعيلو و لكم بالمثل
قال رسول الله ﷺ:
«ما مِن عبدٍ مسلمٍ يدعو لأخيه بظهرِ الغيبِ إلا قال المَلَكُ: ولكَ بمِثلٍ»
رواه صحيح مسلم.
2 205
جزء كبير من هدوئي وسلامي النفسي بـ أستمدّه من القاعدتين دول ..
القاعدة الأولى: إن الدنيا زائلة وهتخلص وأي نجاح دنيوي هو إعمار للأرض تعبدًا لله ، فأنا مش بنافس حد ولا حتى نفسي ، أنا في رحلة سفر،
الثانية: لا تتعلق إلا بالله ولا تنتظر إلا من الله ، عمرك ما هتحس بالخذلان لو طبقت القاعدة دي!
لما بتجيلي نوبة غضب أو حزن بعرف إني ما طبقتش واحدة من القاعدتين دول ..
2 205
المؤمن يقطع عمره كله في مُحاولة ترويض نفسه
يهزمها مرة و تهزمه مرات
وكل أمله أن يلقى الله غالبًا لا مغلوبًا
لأن في هزيمتها انتصاره ونجاته.
{ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللهَ لَمَعَ الْمُحْسِنِينَ }
2 205
انسى المنطق وأنت بتدعي
قول كل اللي نفسك فيه،
خلي عندك حسن ظن بالله
ومتشغلش بالك الدعوه دي هتتحقق إمتى وإزاي، ده لأنه الله.
- أحمد عامر.
2 205
'' لعلّه خير.. فربّ الخير لا يأتي إلا بالخير. ''
لازم يبقا أسلوب حياتك مبني على الجمله دي، ومهما كان حظك قليل في أي أمر من أمور الدنيا خليك راضي.
سيدنا عمر قال: ستمضي أقدارك على كل حال، فاجعلها تمضي وأنتَ عنها راضٍ؛ فَلَرُبما ثوابُ رضاكَ يُرضيك.
وما تنساش إن كل ما شَقَّ على النفوس مُكَفِّر للسيئات!
"فاصبِر إنَّ العاقبةَ للمُتَّقين."))
