الخوارزمي | AL-KHAWARIZMI

هو انا ليه ضد النقاب والحجاب والملابس الواسعة المحتشمة ؟ دي الإجابات اللي محدش هيقولها ليك أبداً مبدأياً الموضوع ملوش علاقة بحرية المرأة إنها حرة في لبسها وإن جسدها ثورة مش عورة وإن النقاب خافي هويتها وده غلط عشان الأمن العام والكلام العبيط ده أنا ضد النقاب والحجاب والملابس الواسعة لأنها بتخفي جمال المرأة، بتخفي شكل الملامح الجميلة اللي عاوز أبص عليها بتخفي الشعر اللي ممكن يكون شكلة جميل اللي عاوز استمتع بجماله، بتخفي شكل جسمها اللي هموت وأفصصه حته حته، النقاب والحجاب والملابس المحتشمة مع الأسف بيأثروا في البنت فتلاقيها واحدة واحده أخدت جمب بعيد عن الشباب وتقولك حرام اني اكلم فولان، او اقعد مع علان، وتقولك حرام وحلال، فوقتها هكلم مين اتسلى بيها وووو..... الحجاب والنقاب مع الأسف بيكونو أو بلوك خرساني في وش كل شاب عاوز يحتقر المرأة ويسلعها ويستمتع بيها عشان كده أنا ضد الكلام ده دا الكلام اللي مش هتسمعه من علماني، دا الكلام اللي في قلب كل واحد كاره الحجاب والنقاب واي مظهر محتشم للمرأة عشان كدة ربنا فرض على النساء الحجاب "النقاب" عشان كده ربنا قال في كتابه " وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ " ربنا خلقك وخلقني ومطلع ايه اللي داير في قلوبنا وعقولنا ومطلع على أنفسنا وإيه بيأثر فيها سلباً وإيجاباً ربنا لما خاطب النبي وأمره في كتابه وقال " يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ " بيأمره ان ستر المرأة بيحميها من الأذى بكل أنواعه، لا فولان هيقول عنها كذا ولا في حد هيبص ليها بصه مش كويسة ولا حد هيتعرض ليها ويعاكسها أنا كمسلم مؤمن بالله العلي العظيم وملائكته وكتبه ورسله واليوم الآخر والقدر خيره وشره مش ضد النقاب أو أي تشريع أمر بيه ربنا سبحانه وتعالى، لكن حبيت أبين جزء من اللي في نفوس مرضى العلمنج والالحاد...

منقول ومُنقّح للأمانة ليس إلا ...

أفضل شيء عند التباس أمر ما هو العودة لأمهات الكتب وللعلماء الثقات...

في الأول… الجروب كان للدراسة. نراجع سوا، نحل أسئلة، نشجع بعض. بس بعد شوية… بقت واحدة تقول: "أنا بعرف أطبخ"، والتانية ترد: "أنا لأ، نفسي أتعلم"، والتاني يرد عليها : " ايه الشطارة دي"، وكل الكلام يتحوّل لوصفات وصور أكل! والكلام يجرّ لمين أشطر، ومين أحن، ومين أنسب! وتبدأ العلاقات تتكوّن والحدود تتكسر.! واللي عنده مشكلة يشاركها، وكل الجروب يقعد يطبطب، وده يواسي، ودي تنصح، ويتحوّل الجروب لمستشفى مشاعر، مش مكان جايين ناخد منه معلومة أو فايدة، وكلنا نبقا دكاترة نفسية، هزار بين ولاد وبنات، وتقييمات، ومقارنات… والوقت يضيع. والهزار يزيد، والضحك يعلى، والنوايا تتلخبط، والوقت… يضيع. هو ده طلب علم؟ ولا بداية فتنة مغلّفة بنيّة طيبة؟ طب فين المذاكرة؟ فين الهدف اللي دخلنا عشانه أصلًا؟ بقيتوا بتقضوا ساعات في الجروب… لا ذاكرتم، ولا ارتحتوا. لا ربنا راضي، ولا قلبك سليم، ولا وقتك محفوظ. اسأل نفسك: هل ده جو يُرضي ربنا؟ هل أنا فعلاً هنا عشان أتعلم؟ ولا أنا دخلت دايرة تلهيني عن هدفي وديني؟ خلي نيتك لله، واختصر الطريق… وسيب كل طريق ممكن يفتحلك باب فتنة وأنت فاكرها بريئة. احموا قلوبكم، واحفظوا نواياكم، واختصروا الطريق…العلم عبادة، ومواطن العبادة لا تحتمل المزاح ولا الإستعراض.

-مَــرَام سَـيِّـد.

«العينُ قد ترى آلافَ الوجوه ، لكنَّ القلبَ لا يختارُ إلا وجهًا واحدًا» ❤🫶