فَذَكِّر

السلام عليكم ورحمة الله وبركاته موضوع اليوم " ذنوب الخلوات " فيه ذنوب يمكن ما يشوفها أحد ذنوب تصير وأنت لحالك، بعيد عن أعين الناس لكنك تنسى إن الله سبحانه وتعالى مطّلع عليك، ويسمعك ويراك، وما يخفى عليه شيء في الأرض ولا في السماء ذنوب الخلوات من الأمور اللي لازم نحذر منها، لأنها تكشف حقيقة مراقبتنا لله؛ فالمؤمن مو بس يحافظ على نفسه قدّام الناس، بل يحاول يراقب الله في السر والعلن يمكن تكون قدّام الناس حريص على صلاتك، وعلى وردك من القرآن وتحافظ على الأذكار، لكن إذا خلوت بنفسك تساهلت في النظر للمحرّمات، أو استمريت على معصية محد يدري عنها، وكأنك نسيت إن الله يشوفك حتى لو ما شافك أحد وهنا اسأل نفسك: ليه أستحي من الناس إذا عرفوا عن ذنبي، ولا أستحي من الله وهو مطّلع عليّ؟ تأمّل قول الله تعالى: ﴿أَلَمْ يَعْلَمْ بِأَنَّ اللَّهَ يَرَىٰ﴾ الله يراك في خلوتك، ويعلم وش تخفي في صدرك، ويعلم كم مرة غلبتك نفسك، وكم مرة ضعفت قدّام المعصية ومن آثار ذنوب الخلوات إنها قد تكون سببًا في قسوة القلب، والحرمان من لذّة الطاعة والتثاقل عن العبادات؛ فتلقى نفسك كنت تحب قيام الليل، وتأنس بالقرآن وفجأة صرت تتكاسل عن وردك، وتؤجل طاعتك، وتحس بثقل في قلبك لكن انتبه، مو كل فتور سببه ذنب، فقد يمر الإنسان بفترات ضعف وتعب وابتلاء، لكن من المهم إنه يراجع نفسه وما يغفل عن التوبة والاستغفار طيب، وش الحل إذا ابتُليت بذنب في الخفاء؟ أول شيء: لا تجاهر بمعصيتك، ولا تستهن فيها بحجة إن محد يدري عنك ثاني شيء: اقطع الطريق على المعصية وابتعد عن كل شيء يوصّلك لها ثالث شيء: أكثر من الاستغفار، وجدّد توبتك كل ما أخطأت، ولا تسمح لليأس إنه يبعدك عن ربك رابع شيء: اجعل لك أعمالًا صالحة في الخفاء، ركعتين ما يدري عنها أحد وصدقة ما يعلم بها إلا الله، وورد من القرآن تحافظ عليه بينك وبين ربك ولا تنسى إن الله يفرح بتوبة عبده فلا تستمر في البعد وأنت تقدر ترجع، ولا تقول إني كثرت ذنوبي وما عاد لي توبة؛ فرحمة الله أوسع من ذنوبك تذكّر دائمًا: مو العبرة كيف يشوفك الناس العبرة كيف حالك مع الله إذا أغلقت الأبواب وغابت عنك أعين الخلق فراجع خلواتك، وحاسب نفسك قبل ما تنشغل بعيوب غيرك وجدّد توبتك وابدأ من جديد .

غداً صيام الاثنين