رساله إلى قَلبـك...🫀♥️
Open in Telegram
اجعلني يا الله فتاة هيّنه ليّنة لا أترك في الناس إلا أثراً طيباً ولا ينالني إلا جميل الدعاء.🤍 رابط التعزيز: https://t.me/boost/inma90l
Show moreThe country is not specifiedThe category is not specified
558
Subscribers
No data24 hours
-447 days
+19130 days
Posts Archive
بر الوالدين طريقك للجنة
ربنا عز وجل بيقول ايه:
{وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا}
ربنا حط برهم بعد التوحيد مباشرة. تخيلي؟
قصة أويس القرني: "بار بأمه فدخل الجنة بدعائها"
كان في اليمن راجل اسمه أويس. النبي ﷺ وصّى سيدنا عمر وسيدنا علي قالهم: "لو لقيتوه خلوه يستغفرلكم".
ليه؟ عشان كان بار بأمه بر ميتوصفش. كان مريض بمرض برص وربنا شفاه، بس فضل منه حتة قد الجنيه في جسمه عشان دعاء أمه.
كان ممكن يروح المدينة يشوف النبي ﷺ، بس ساب ده كله عشان أمه كبيرة ومريضة ومايقدرش يسيبها.
النبي ﷺ نفسه شهد له وهو لسه ماشافوش. ده ثمن البر.
كمان قصة جُريج العابد: "لما قدم أمه على صلاته"
جريج كان عابد حابس نفسه في صومعة. أمه نادت عليه وهو بيصلي: "يا جريج"
مردش عليها عشان كان في الصلاة نافلة.
نادته تاني: "يا جريج" مردش.
فدعت عليه: "اللهم لا تمته حتى تُريه وجوه المومسات"
وفعلاً اتفتن وربنا ابتلاه.
لو كانت صلاة نافلة وأمه أولى، فما بالك بينا احنا؟
النبي ﷺ نفسه: "أمك، ثم أمك، ثم أمك"
جه راجل للنبي ﷺ قال: "يا رسول الله من أحق الناس بحسن صحابتي؟"
قال: "أمك"
قال: ثم من؟ قال: "أمك"
قال: ثم من؟ قال: "أمك"
قال: ثم من؟ قال: "أبوك"
ثلاث مرات الأم قبل الأب. عشان تعب الحمل والولادة والسهر اللي محدش هيعرفه غير ربنا.
دعوة أمك وهي راضية عنك تفتحلك أبواب رزق مقفولة.
زعلتها منك ولو بكلمة ممكن تعطل حالك سنين ومش هتعرفي السبب.
بوسة على ايدها بتغسل قلبك من قسوة الدنيا.
متستنيش لحد ما تقولي "يا ريتني". اليوم اللي هتفقده فيه، الجنة اللي كانت تحت رجله هتتقفل.
