لِذام

‏لي أيام سارح ما يشد إنتباهي شي ‏ يمر الكلام المختلف كنّه العادي

يا أكون الخِيار الأول المستثنىّ ‏المرغوب ‏دون بدائل / يا لأ

بنسى عهود العام ولا اجيب طاريك ‏وبنسى ليالي ماضية / كنت وياك ‏ولا تحسبني ياهوى البال برجيك ؟ ‏والله لدوس القلب يازين و أجفاك ‏ابعد وأنا ببعد وخاب الأمل فيك ‏خلاص انا يازين عزمت لـ فرقاك ‏بكره تعرف ان الليالي تغـرك ‏وان المسافة جرح ومفارقي تيّه وبتعرف ان اللي معك مايسرك ‏وراح يتخلا عنك من كنت تغليه ‏وبتذكر اللي لو تضره مايضرك ‏مع انك اكثر واحد يبيح خافيه ‏بكره مع الأيام لا بد / أمرك ‏واقول هذا كنت ما اقدر أخليّه

يا غرامً يندعابه على الصدر الرحوب ‏من ظفر به يشكر الله على حسن المئاب ‏انت غاية من تمنى ونكسة من يتوب ‏معك ياهون المصايب ويا كبر المصاب ‏فيك مصياف الخواطر ومرباع القلوب ‏وفيك من نجد العذيّه عواصيف المهاب ‏وفيك يلقى اللي يحبك من الواقع هروب ‏ما درا انه رايحً من عذابً في عذاب

‏الشدايد لعبة كبار الاشدّه ‏والزمن فتاك والغافل يعاني ‏لو تهادى بين لين وبين شدّه ‏ما لـ راعي الوجه الابيض وجه ثاني ‏البشر يظهر مداها بعد مده ‏لا تغرك في الرخا روح التفاني ‏ماتخفيه الصدور سنين عدّه ‏تكشفه بعض المواقف في ثواني

عزّت علي نفسي ولاني بملزوم أقربك من بعد ما رحت عني إلى متى في دربك أطيح وأقوم وأجيك متعني وأرد متعني ليه أتأمل وأنتظر وصل معدوم وليه أتمنى وش يفيد التمني لو إني أدري وش ورا الغيم مقسوم ما كان حبيتك ولا خاب ظني

ماكنت خاين العهد وناوي الودّاع ‏لا والذي خلقني ناوي اختم فيك امنياتي ‏ لين هاك الليل لوح بكف الضيّاع ‏واستقرت بالجوف اصعب امنياتي ‏ظلمتني بالخيانه وانا كنت احسبك شجاع ‏ومارِضيت تسمع الصدق في ظل مأساتي ‏ ‏كنت اشوفك من بينهم الحب المتاع ‏ولا زلت اشوفك بين همي وضحكاتيّ

مابيني وبينك مشارِيه وعتاب شِف دربك الي جيت منه تدله كِنت القريب وكلهم اغراب حتى القمر لا غاب شفتك محله رِح واعتبرني واحدٍ اذنب وتابّ مانِي بثوبٍ تلبسه ثم تمِله

شيٍ من الشِعر !