Never Mind

ما زلتُ أبحثُ... عنِ الإنسانِ الذي كنتُهُ قبلَ أنْ أثقَ بكَ.

رمتني بعينٍ كالغزالِ سهامُها فما زلتُ بين الوهمِ فيها أُقتَلُ

ربنا قال أنا عند ظن عبدي بي، اللي يسيب حياته لربنا يديرها كيفما يشاء اي حاجه هتحصله هيرضي بيها،إن شاءالله فكروني احكيلكم كرم ربنا عليا بغير حول مني ولا قوه عشان انا بجد استعنت بالله وزي ما بيقولوا إعقلها وتوكل وانا عملت كدا ف ربنا كرمني ،اه حصل مواقف وحجات كتير وحشه وحجات اتحطيت فيها اكبر بكتير من سني بس قولت يارب انت معايا وزي ما بيقولوا برضو ربك يقطع من هنا ويوصل من هنا وانا راضيه بحياتي عشان متاكده أنه 24 قيراط بتوعي ربنا كرمني بيهم وفي حجات عندي مش عند غيري والعكس ف المهم الرضا والتوكل ع الله🤎

عيطت🙂 فكرتني بحجات كتير والله بس الحمد لله ربنا اللي بيكرم ف الاخر والمكان اللي ربنا اختاره لينا هو الخير لينا حتي لو مش عاوزينو🤎

وأنا بكتب جالي Flashback لكل حاجه دموعي نزلت والله.

السنه الي فاتت كان يوم 22\7 كنت خايف اوي قبل الحدث بيوم مكنتش عارف انام من الخوف والقلق من التفكير ومكنتش عندي خلفية للجامعه ولا أعرف حاجه انا بس كان نفسي اجيب مجموع يبسطني علشان تعبت اوي اوي سواء نفسي او جسدي فضلت صاحي لحد الفجر وبعد الفجر لقيت حد بيكلمني بيقولي هات اجيب ليك النتيجة قولت ليه ماشي واديته رقم الجلوس ف قالي انت جبت 83% انا زعلت اوي اوي وبابا شافني بعيط قالي مالك قولت ليه إن نتيجتي ظهرت وجبت 83 وهو حاول يهديني بس بعديها راح قالي النتيجة لسه مظهرتش علفكرة ويمكن الي قالك كداب (وفعلاً كان كداب) وعدى اليوم ونمت لقيت حد بيتصل عليا العصر يقولي جبت كام كنت نايم قومت مرعوب بجد لأني مِش عارف وساعتها النتيجة مظهرتش لسه جيه المغرب لقيت اختي بتتصل عليا بتقولي نتيجتك ظهرت يا عمووره الف مبروك جبت 71 وكانت مبسوطة انا قومت من نومي مصدوم مِش فاهم حاجه لقيت كل الناس جابت نتيجتي منين بجد مِش عارف بجد وكلهم فرحانين وانا زعلت جدا لدرجة اني قفلت الفون حوالي اسبوع انا حرفيااا مسحت كل حاجه اختفيت عن الوجود حتى عن أهلي انا زعلت، وعندنا بيت تاني رحت قعدت فيه حبيت اكون لوحدي وزعلت اوي وكنت كل شوية اعيط لاني عمري ما اتوقعت اجيب كده مش مجهودي مِش انا ده والله مِش مصدق ، وكل صحابي منهم الي عاد السنه والي جايب 50% وهما اكتر ناس ذاكرت برضه انا فعلاً مكنتش فاهم حاجه ، زعلت كتيرة وعيطت وبعدت عن الناس واهلي وده غلط اوي — المفروض أكون جنبهم يهونو عليا — سبت كل حاجه حتى الرغبات وكل حاجه انا ما اختارت من الزعل كنت مُكتئب محبتش فعلاً الي حصل ليا لأني تعبت جدا فوق ما تتخيلوا! ، غلطت إني ما اختارت الرغبات ولا الكلية غلطت إن انا سبت نفسي لليأس غلطت اني من زعلي محبتش اكلم حد حتى اهلي مع أنهم اكتر ناس هونو عليا الدُنيا ، فـ متعملوش زيي وأنكم تسيبو كل حاجه اختاروا الكلية بنفسكم دي اكتر حاجه هتريحك بعد كده ، متزعلش على مجموعك مهما كان المهم تعرف إن ربنا شايل ليك حاجه كبيرة سواء دلوقتي او بعدين وهتعرف ده لما يكون عندك حُسن ظن في ربنا إنه هيكرمك وإن لسه رحلتك مخلصتش وأنتَ هتكون شخص محدود التفكير في الحالة دي لأنك خارج من ثانوية ما تعرفش ولا عايز تعرف حاجه غير انك تجيب مجموع وتدخل كلية أحلامك، بس أحب اقولك رحلتك لسه مخلصتش خليك شاطر وذكي إنك تتعامل مع كل حاجه وتفهمها بجد وفي الاول والاخر ربنا هيكرمكم كلكم.. ياريت متعملوش نفس الغلط الي عملته وتكتئب أهدى واستوعب واصبر ، اه صح نسيت اقولكم إن ربنا كرمني في حجات كتيرة اوي بعيداً عن الكلية فـ انا مبسوط والحمد لله بجد 🤍 ' والي يسالك جبت كام استحمل وقول عادي وانت مبسوط مش هو ماله وكده هو حابب يعرف حابب يفتخر بيك عايز يقولك مبروك والله. عموماً النتيجة سمعت انها هتظهر النهاردة متنسوش تكونو بخير ومبروك ليكم مُقدماً وكفاية إنك عملت الي عليك وتعبت وتعبك ده محدش شافو ولا عاشو غيرك فـ قدر نفسك واستحمل وتقبل 🤎' بعتذر عن الإطالة.

‏نزول الجامعة دا اكبر ابتلاء وتكفير ذنوب واختبار للصبر والله

عامةً انا بحبكم اوي🤎

انا عن نفسي بسامح وبقول حسبي الله ونعم الوكيل وكلت امري لله هو حسبي ووكيلي..ليه اخلي تفكير ف زاويه واحده وموضوع واحد واعصر دماغي فيه زعل واكتئاب ما اعدي واقول يارب هات حقي انا مظلومه اه ازعل بس أخرج الطاقه دي ف عِلم أو شغل أو أي مهاره انميها مش ف زعل وقعده ف اوضه وقفلان ع نفسي..

نصيحه من اختكم ف الله .. متخلوش اي حد مهما كان مين يقل منكم ومن مكانتكم أو شغلكم أو دراستكم ايا كان بتعملو اي ،متنتظروش حاجه م الناس والله محد بيحب الخير لحد ولا حتي اقرب الأقربين .. نمي نفسك وادرس واتعلم م المواقف وخد عِبره لقدام احنا لسا صغيرين ف بدايه حياتنا ليه السن اللي كله طاقه وشغف وحب وموهبه يتحول لإكتئاب الدنيا ابسط من كدا بكتير وبدماغنا نمشي كل حاجه 🤎