𝘽𝙖𝙘 ²⁰²⁷ 𝙬𝙞𝙩𝙝 𝙢𝙚𝙧𝙞𝙚𝙢📚✍️

🚨مساعدات الحرائق

لا تنسو الدعاء للمتضررين في الحرائق : اللهم احفظ بلادنا من شرّ الحرائق والكوارث، اللهم اجعل النار بردًا وسلامًا، وأطفئها بقدرتك، واحفظ أهلنا وأحبابنا وكل من في طريقها، اللهم لا تجعل فيها ضررًا ولا هلاكًا، وارحم من أصابهم البلاء، وعوّضهم خيرًا، وأنزل علينا سكينتك ورحمتك، يا أرحم الراحمين.

مكتسبات قبلية فيزياء الأستاذ عبد اللطيف

السلام عليكم عذرا خرجت عن محتوى القناة هدا مشروعي الصغير ادعموني 😭 https://www.instagram.com/elegant_with_meriem?igsi=MWZ6eWFoMWp4cTNzZw==

المنشور موجه للشعب الأدبية فقط لي سيونتيفيك خاطيكم😂🤝🏻

نحاوها الفرونسي ياك علابالكم🙂🙂

كيفاه ندي علامة ممتازة فالفرنسية؟؟؟؟؟💥

🎈بعد ما تفهم هيكلة الموضوع كيفاه تمشي رح تبدا تقرا بذكاء وش معناه نقرا بذكاء؟ رح نعطيكم أهم النصائح من متحصلة على علامة 18.5 في هاذ المادة💗 كي يجيك وقت المراجعة تاع اللغة الفرنسية ماتروحش تحط فيديو يوتيوب تاع قواعد و تعاود تديرها كل خطرة نهار يحطولك السوجي تحل غير القواعد و الباقي يجيب ربي و تحط روحك خادم حتى تتصدم بالعلامة مبعد تقول انا قريت الفرونسي و ماديتش🤧🚫 الفرنسية مهيش غير قواعد دير طلة على مواضيع البكالوريا تلقى القواعد عليهم 4 نقاط عالأكثر! حذاري تديرو هاذ الغلطة.. ●كل وحدة تفوت عليك تديرلها ملخص خاص بيها و حبذا يكون نهاية الكراس الخاص بحل مواضيع المادة نهاية العام ماتتخلطش عليك الامور و تلقى روحك مرتاح و انت تراجع✨ ●أسئلة البناء الفكري معندهاش طريقة غير حل المواضيع و فهم النص تفهم تجاوب ماتفهمش مش رح تجاوب بكل بساطة... احفظ اكبر عدد من المصطلحات و الأفعال الخاصة بكل وحدة رح يعاونك انك تفهم النص ●دروس القواعد مكانش بزاف عام الباك و هاذي حاجة مليحة باه تتمكنوا منهم ففترة وجيزة+ سؤال العائد تاع الضمائر أيضا مفروغ منه هذا مش رح يكون ضمن البرنامج السنوي أصلا لأنه مكتسبات قبلية لكن يحتاج تديرولو ملخص هو الآخر باه تفرزوا كي يجيكم فالنص على وش يعود🤗 ●سؤال الرأي هذا تفهمو المنهجية تاعه رح يولي يبانلكم أتفه سؤال تدو 2 نقاط مجانية بلا والو... ●التلخيص: تحفظو قالب التلخيص الخاص بكل وحدة النص التاريخي عندو shéma و الجدلي shéma و النداء shéma بعدها تركزو عالتمرن على تلخيص أي نص يفوت عليكم لما نقول حل المواضيع مش معناه اني نهز الموضوع نحله من الأول للأخير و انا نص الأسئلة عارفهم كي نوصل للتلخيص و لي هو أهم جزء نسكيبي نروح نرقد😀💔 نحل فقط وش نشوف روحي مزلت ناقص فيه نربح الوقت و نربح الجهد ممكن لمادة أخرى....👌🏻 🚨عالعموم لو أمكنني نقدم نصيحة وحدة لكل الطلاب بخصوص الفرنسية رح نقول حلو المواضيع و ما تملوش نهار لول تغلط في عشر عفايس كي يخلاص العام تغلط فعفسة وحدة. 🥇:https://t.me/step_to_bac

🪷طريقة دراسة اللغة الفرنسية🪷

🎈رح نبداو مع هيكلة موضوع اللغة الفرنسية: 💭1/الجزء الأول:البناء الفكري"copréhension de l"écrit": _13نقطة شعبة أداب و فلسفة _12 نقطة شعبة لغات أجنبية ●7 أسئلة الأولى كامل متعلقة بالنص و تتطلب فهم صحيح لأحداث النص  ●السؤالين 8/9 غالبا هم اسئلة قواعد مثلا les rapports logiques أو ممكن يسقسيك على la visée communicative ●السؤال الأخير "question de réflection": هذا السؤال عليه 2 نقاط و بزاااااف تاع طلبة يخافوه و يهربو منو كاين حتى لي مايكسرش معاه راسو خلاص يقلك منعرفش نعبر إذا مانقراهش و هو سؤال بسييط جدا عنده منهجية خاصة بيه تخليك تضمن النقطة الكاملة أكيد رح نخليهالكم هنا في قادم الأيام🤝🏻💗 💭2/الجزء الثاني:"production de l'écrit" _7 نقاط لشعبة اداب و فلسفة _8نقاط لشعبة لغات اجنبية رح يمدولكم تخيرو بين موضوعين: ●موضوع 1: تلخيص للنص "compte rendu" هو الآخر عندو منهجية و shéma خاصة بيه تتحفظ تقدر تضمن فيه حتى 5 نقاط بسهولة💫 ●موضوع 2: "production libre" تعبير كتابي حر يجيبلك فيه على أي موضوع رياضة تاريخ هواية و أنت تعبر عليه و هنا لازم تكون قاسح فاللغة باه تقدر تخيرو و انا لا انصح بيه لانه عموما حتى و كنت تطير فاللغة سهل على روحك المأمورية و خير التلخيص و هكذا تضمن العلامة الكاملة بلا تكسار راس😍👀 🥇:https://t.me/step_to_bac

السلام عليكم سيتم نشر المكتسبات القبلية في مادة العلوم في المساء بإذن الله

افضل موقع و راح يفيدكم بزاف

راح ننشر معاكم كتيب فيه المصادر لي تحتاجوهم كامل بالإضافة لموقع راح يفيدكم كامل بإذن الله

حاولت جمع الأساتذة لي ملاح