የልብ ጥበብ

የሰው መድረሻው ወደ መነሻው ነው።             ትልቅነት ወደ ልጅነት ሲሆን: አዕምሮህ መሞገት የማይችለውን የፈጣሪ እውቀት ያለጥያቄ ማመን ትጀምራለህ።   ያለምክንያት ትሰ'ጣለህ፤ ትሰጣ'ለህ     ውበትን ሁሉ በንፅህና ታደንቃለህ..         ፍቅርህ በሁኔታ አይገደብም..    እውነትን ያለ ፍርሀት ትመሰክራለህ..        መነሻህን በቅርብ ርቀት ታያለህ .. ትልቅነት ማገልገል እንደሆን ትረዳለህ          ........ ሳትዋጋ ትነግሳለህ፤ሳትጣራ ትከበባለህ! ........ ሞትህ ይታደስና 1 ብለህ 2 የማትለውን   ያልተገደበ መኖር ትኖራለህ። ህይወት ለንፁሀን የምትፈርገው እውነተኛ የምልሰት ፍርድ ይህ ነው።              ወደ ልጅነት እደግ! #ትልቅነት #ልጅነት #የልብ_ጥበብ ©የልብ ጥበብ - t.me/Ye3773ab

እውነት-እውነት እልሀለው እውነት-ሀሰት የሆነ ህይወት ካለመኖር ያነሰ ነው።                                     ለምን ? ካንዳንድ ሳቅ ማልቀስ ስለሚሻል   ካንዳንድ ጥጋብ መራብ የተሻለስለሚሆን   ካንዳንድ መሮጥ መቆም መሮጥ ስለሆነ             ካንዳንድ መዋደድ ጥላቻ ፍቅር ስለሆነ ካንዳንድ ማወቅ አለማወቅ የሻለ ስለሆነ      ካንዳንድ መሰብሰብ መበተን ስለሚሻል     ካንዳንድ ልማት መፍረስ ስለሚሻል        ካንዳንድ መኖር ሞት ህይወት ስለሆነ              እውነት በእውነት ስትደበቅ "እውነት" ዘላለም የተደበቀች ትሆናለች!               #እውነት-ሀሰት #የልብ-ጥበብ © የልብ ጥበብ - t.me/Ye3773ab

ምህረት እድል እንጂ ድህነ"ት አይደለም። ብዙዎች ምህረትን ድክመት አድርገው ያስባሉ። ነገር ግን ምህረት ታላቅ ጥንካሬ ነው። ምህረት ከበቀል ነጻ መውጣት ነው። ምህረት ከጥላቻ መላቀቅ ነው። ምህረት ዋነኛ የፍቅር መገለጫ ነው።         ምህረት ማድረግ ማለት፦ ምህረት ሰቶ መራቅ ወይም መሸሽ አይደለም ፤ ይህ የልብ ምህረት አይሆንም። ያለፈውን ረስቶ እንደ ሌለ ማሰብም አይደለም ፤ አዲስ እምነትን ለመገንባት እድል መስጠት ነው እንጂ። ምህረት አዲስ መነሻ እንጂ አዲስ ማብቂያ አይደለም! #ምህረት #የልብ_ጥበብ © የልብ ጥበብ - t.me/Ye3773ab

ቃል እንደ ውሃ ነው! ውሀ ሲፈስ ልብን እንደሚያረሰርስ፤ የለዘበ ቃልም እንዲሁ ነው። ውሀ ሲደርቅ ሰንጥቆ ይጥላል፤ ደረቅ ቃልም ልብን ይሰብራል። ንፁህ ውሀ ሕይወትን ይሰጣል፤ የእውነት ቃልም ጨለማን ያበራል። የተበከለ ውሀ ግን ሞትን ይጠራል፤ የሀሰት ቃልም ፍዳን ያመጣል። ያለ ውሀ መኖር እንደማይቻል፤ ያለ ቃልም መኖር ዲዳነት ነው። ውሃ ተንጠባጥቦ ድንጋይን ይሰነጥቃል ፤ ቃልም ቀስ በቀስ ልብን ይለውጣል። #ቃል #ውሃ #የልብ_ጥበብ © የልብ ጥበብ - t.me/Ye3773ab

ሰው ሲተኛ ይነቃል ሲነቃ ይተኛል! ሥጋ ሲተኛ ነፍስ ከፍ ወዳለ ዓለም ትነቃለች። ሥጋ ሲነቃ ነፍስ በግርግር ፣ በጭንቀት ፣ በስጋ ምኞት ውስጥ ዝላ ትተኛለች። እውነተኛ ንቃት ሁለቱም ሲነቃቁ ነው፤ ነፍስም ስጋም እንደ ፍህም ብረት ሲሆኑ፤ ተኝተህ ስትነቃ ሳይሆን! ነቅተህ ስትተኛ። እንዲያ ሲሆን:   ስጋህ በነፍስህ ምሉዕነትን ያገኛል፤        ይህ ሲሆን ደግሞ:- ሳይነግሩህ! ያልነገሩህን ማወቅ ይቻልሀል፤  በቆምክበት ቦታ ሆነህ! ባልቆምክበት ቦታ መገኘት ይቻልሀል። "ይህ እንዴት ይሆንልኛል?" ንፁህ ሁን ! ሀሳብህን ተቆጣጠር ! ነቅተህ ተኛ ! #ንቃት #ነፍስ #ሥጋ #የልብ_ጥበብ © የልብ ጥበብ - t.me/Ye3773ab

የማሰብ ፍላጎትህ የቀነሰው የመብላት ፍላጎትህ ሲጨምር ነው። የማሰብ ፍላጎት ወደ ላይ ይወስዳል። የመብላት ፍላጎት ወደ ታች ይስባል። ሁለቱን ሚዛናዊ ስታደርግ: ነፍስህ በእውቀት ትመራለች። ስጋህን የነፍስ ዕውቀት ይመራታል። የነፍስ እውቀት፤የስጋን ድካም ይቀንሳል! #ማሰብ #የልብ ጥበብ © የልብ ጥበብ - t.me/Ye3773ab

ውሃ በሌለበት በእሳት አትጫወት። እሳት ኃይል ነው። ሊጠቅም ይችላል፣ ሊያጠፋም ይችላል። ያለ ውሃ ከእሳት ጋር መጫወት ጥፋት ነው። በሕይወትህም እንደዚሁ፦ አደገኛ ነገር ማድረግ ከፈለክ፣ መጀመሪያ መከላከያህን አዘጋጅ። እሳትነቱ ከውሀነትህ ከበለጠ ውሀነትህን ጨምረህ ና ያኔ አሸናፊ ትሆናለህ። ደህንነትህን አረጋግጥ። ከዚያ በእሳት ተጫወት። ውሀ ታጥቀህ ሞግት ጥልን እንዳታተርፍ። #ጥበብ #ደህንነት #የልብ_ጥበብ © የልብ ጥበብ - t.me/Ye3773ab

የማታውቀውን ለማወቅ የምታውቀውን አድርግ። አዲስ ነገር ለማወቅ ቀድመህ የምታውቀውን ተግብር። ያለመተግበር እውቀት ሙት ነው። የምታውቀውን በምታደርግ ቁጥር ፣ ወደማታውቀው የሚከፈትልህ በሮች ብዙ ይሆናሉ። እውቀት በተግባር ይበረታል። መረዳት በሥራ ይገነባል። ስለዚህ ዛሬ የምታውቀውን አድርግ። ነገ የማታውቀውን ታውቃለህ። #እውቀት #ተግባር #እድገት #የልብ_ጥበብ © የልብ ጥበብ - t.me/Ye3773ab

እንደ ነፋስ አትሁን እንደ መሬት ሁን። እንደ ነፋስ ስትሆን - መፍጠንህ ጥበብ ይመስልሀል -ሁካታህ መሬትን የሚያስጨንቅ                  ይመስልሀል። መሬት ያመቀችው ነፋስ ፣እሳት ፣ውሀ ቢገለበጥ ግን መኖርን ወደ አለመኖር ይቀይራል። ነፋስ ማፍረስ መለያው ነው። መሬት ግን ሁሉንም ትሸከማለች። ስለዚህ ባሕርይህ እንደ መሬት ይሁን፦ ጸንቶ መቆየት፣ የማይለወጥ፣ ሁሉንም የሚሸከም። ስሜትህ እንደ ነፋስ ቢሆንም፣ አንተ ግን እንደ መሬት ቁም። #ጽናት #መረጋጋት #የልብ_ጥበብ © የልብ ጥበብ - t.me/Ye3773ab

በማይታይ አካል የሚታይ አካልን ከማይታይ አካል ስታዋህድ ሙሉ ሰው ትባላለህ!       ነፍስህ ሥጋህን ስትመራ፣ ሀሳብህ ተግባርህን ስትቀድም፣ ልብህ ቃልህን ሲወልድ፣ ቃልህ በመንፈስህ ሲቃኝ፣ በቃልህ ልብህ ሲታይ! ያኔ ነው ሙሉ ሰው የምትሆነው። ሙሉ ሰው ማለት ውስጡ እንደ ውጩ      ነው ፤ውጩም እንደ ውስጡ ነው። ስለዚህ በውስጥህ ያለው እውነት በውጭህ ይገለጥ። በውጭህ ያለው ተግባርህ ወደ ውስጥህ ያመልክት። ያኔ ሙሉ ሰው ትባላለህ። እንዴት ይህ ይሆናል?       ልብህን አንፃ! ፍላጎትህን በማወቅህ ግዛ!      #ሙሉ_ሰው #አንድነት #የልብ_ጥበብ © የልብ ጥበብ - t.me/Ye3773ab

በመኖር ያልፈተኗት እውነት ሀይል የላትም ሰይጣን የደበቀብን እውነትን ሳይሆን መኖርን ነው።          እንዴት ያለ ጥበበኛ¡ ነው ባካችሁ።     ምን ማለቴ መሰላችሁ: ያልጠነከረ ቅርንጫፍ ፍሬ ሲያዝል ለገበሬው አስከፊ ነው ፍሬዎቹን ሳይበስሉ ያረግፋልና! ሌሎችን መሸከም የሚፈልጉ ግን ያልጠነከሩ ቅርንጫፎች፦ ነፋስ ያወዛውዛቸዋል                   - ማንም በቀላሉ ይሰብራቸዋል         - ፍሬያቸውንም ሳይበስሉ  ያወድቃሉ ስለዚህ ኃላፊነት ከመውሰድህ በፊት ጠንክር። ሌሎችን መደገፍ ከመጀመርህ በፊት ራስህን ገንባ። "አለማወቅህን ለተማሪዎችህ ንገራቸውና ናና  ተማር" #የልብ_ጥበብ © የልብ ጥበብ - t.me/Ye3773ab

ብርሃን ካልተከተልክ ጥላ ተከታይ ትሆናለህ። ሕይወት ምርጫ ናት። በየቀኑ ትመርጣለህ። ግን ብርሃንን ስትመርጥ፦ እውነትንና ትጋትን፣ ቅንነትንና እምነትን፣ ተስፋንና ፍቅርን መርጠሀል።    ይህ አይደለም የሚያስደንቀው ከብርሀን በራቅህና ጥላን በተከተልክ ቁጥር ጨለምተኝነት እውነተኛ ባህርይህ እየሆነ ይመጣል። ለጥላህ መሪ ሁን ያኔ እውነትንም ታገኛለህ! #ብርሃን #ጥላ #የልብ_ጥበብ © የልብ ጥበብ - t.me/Ye3773ab

የትኛውም አገልግሎት ፍቅር ከሌለው ግብዝነት ነው። ለሰው ልትታወቅ ስታገለግል፣ ግብዝ ነህ። ለምስጋና ስታገለግል፣ ግብዝ ነህ።       እውነተኛ አገልግሎት ከፍቅር ብቻ ነው የሚመነጨው። እሱም: ከተግሳፅ ማፅናናትን ያስቀድማል      በማፅናናትም ይፈፅማል። ይህ ደግሞ ፍቅር ይባላል። #የልብ_ጥበብ © የልብ ጥበብ - t.me/Ye3773ab

እኔነት ሁሌም ተበዳይ ነው። ለዛም ነው ፍርደኛ የጠፋው።     ሁሉም: "እኔ ተጎጂ ነኝ" "በእኔ ላይ በደል ተፈጽሟል" "ሰዎች ጎድተውኛል" የሚል ከሆነ ማን በዳይ ማን ተበዳይ ሊሆን ነው? እውነተኛ ጠቢብ ግን ሁሌም ዓይኖቹ በራሱ ላይ ናቸው።            እኔነትህ በተበዳይነት ውስጥ ጠልቆ ፍርደኛነትን ያስረሳል። ራስህን ከተበዳይነት አውጣ። ለራስህ ፍርድ ስጥ። #እኔነት #የልብ_ጥበብ © የልብ ጥበብ - t.me/Ye3773ab