Bac2027 with alaa

مثلا باش تفهموني اكثر اي واحد راح يعتمد على طريقتي ممكن ميحصلش على نتيجة علاش؟ لان ممكن الطريقة راه يطبقها على تمارين بسيطة او تمارين متجيش كيفها فالباك او شيء من هاذ القبيل و أنا صراحة و الله شاهد على ما أقول اني شاركت معكم طريقتي من كل قلبي و الله بدون نقصان لكن كلشي يبقى على نوعية التمارين لي كنت نحلها و هاذو أكيد راح نشاركهم معكم باذن الله 🤌🏻💞

سلام الله عليكم 💞 مقبيلات و أنا نحاول نلم الفكار على الفيزياء هاذا وين كملت البوست 😭💔 ساو غادي نزوقه و نحطه 🤌🏻💞 بالمناسبة سمحولي لي مقدرتش نرد عليهم راح نحاول نجاوب اجابات جماعية ساو عطوني شوية وقت من فضلكم 💞 و بكل صراحة راني نشارك معكم طريقة دراستي لكل مادة لكن هاذوك النقاط التي تحصلت عليها أنا نشوف بلي سببهم هو نوعية التمارين لي كنت نحلها و كيفية التنظيم لان الطريقة أنا اعتبرها عادية و شكلية اساس و سبب تلك النقاط كان التمارين التي حللتها و نوعيتها و ذلك راح نشاركه معكم أكيد 🤌🏻💞

جماعة بالنسبة لي سقساوني اذا راح نزيد نعاود على جال 19 و لا خلاص 😭 شوفو هي 80% راني دايرة في بالي نعاود لكن من جانب اخر راني باغية نركز اكثر على الطب ساو راح نسجل و نشوف لان سقسيت طلاب طب قالولي السنة الثانية هي اسهل سنة في الطب و ما إلى ذلك سمالا راح نشوف إذا قدرت نوفق راح نجوز لكن التركيز الأكبر راح نعطيه للطب أكيد

اما بخصوص لي راهم حابين يغيرو الشعبة خاصةً من علوم تجريبية إلى رياضيات شوفو شعبة رياضيات ليست بتلك البساطة و ديرو في بالكم مليييح بلي الرياضيات تاع العلوم التجريبية مشي كيما تاع الرياضي و كذلك الفيزياء ساو كنصيحة لي تاكل على روحه بلي ممتااااااز في هاذو المادتين و راه جاب فيهم ما يفوق 18 في الباكالوريا يمكن يبدل هكذا و راح يلقى صعوبات لكن كنصيحة ابقاو في شعبتكم و ابذلو فيها مجهود اكبر و اكبر احسن ما تروحو لشعبة و تبقاو تكتاشفوا في دروس و محاور جديدة هاذاك الوقت لي ضيعوه في الاكتشافات ضيعوه في في أشياء و في دروس زيدو داركوها احسن و راني قدامكم خير دليل بلي لي يتعب يلقى مرانيش نقول متعبتوش لكن يمكن طريقة الدراسة تاعكم كانت خاطئة او المصادر تاعكم كانت ناقصة و غير ذلك أنا قلت لكم بلي راح نشارك معكم كلش و حرفيا إذا تبعتو بالحرف تقدرو حتى تدو احسن مني لأن أنا في الباك الثاني عندي بزاف عوامل لي طيحوني منهم الوفاة تاع الوالد و منهم الجامعة لو ركزت على شيء واحد و هو الباك كنت قادرة نجيب اكثر

جمااعة بخصوص لي راهم حابين يعاودو احرار ساو قروا مليح واش راح نكتب لكم ! علابالي اغلبكم راه حاير بين يبلوكي و لا يقرا تخصص و يعاود شوفو أنا و بكل صراحة لو مجبتش معدل ممتاز كنت راح نبلوكي العام مدامني جبت المعدل و دخلني تخصص شباب لي كنت دايرة في بالي اني مراحش نبدله ساو قررت اني منبلوكيش و نعاود مع دراسة الطب لان كان عندي أولويتين الطب ثم الباك و ليس الباك ثم الطب او تخصص آخر لهاذا نصيحة لاي واحد في قلبه تخصص اخر و المعدل تاعه مسمحلهش يوصله لواش راه حاب إذا قدرت تبلوكي ابلوكي باش يكون كل تركيزك على الباك لأن أنا وحدة من الناس حسيت بضغط شديييييييييد هاذ العام بين الطب و الباكالوريا ان شاء الله تصح لي الفرصة و نحكي لكم تجربتي كطالبة حرة بالتفصيل باش يكون عندكم فكرة خاصة لي مراهمش حابين يبلوكو اما بخصوص الطريق الذي سلكته فوعد مني راح نشارك معاكم كل ما اعتمدت عليه برك اصبروا عليا لأني حرفيا راني خارج الولاية لي نسكن فيها علابيها مشاركتش معكم حد الان اي شيء

سلام الله عليكم بالنسبة للصورة التي تحمل اسماء أساتذة اليوتيوب فبالمناسبة أنا لم ادرس عند اغلبهم لكي تكون الصورة أوضح فقط وضعت من درس عندهم اغلب الطلبة لان ذلك يختلف من شخص لاخر و طريقة الاستيعاب تختلف من طالب لاخر اما بخصوص الاساتذة الذين درست عندهم فطبعا ستكون أسماءهم في كل ريل خاص بكل مادة و طريقة دراستها لان هناك من اعتمدت على طريقة طرحهم للدروس فقط و هناك من اعتمدت على تمارينهم و هناك من اعتمدت عليهم اعتماداً كلياً 🤌🏻

قولولي باش نعرف وقتاش نبدا نحط المكتسبات القبيلية و غير ذلك

شاركت معكم جميع الاساتذة من بعد نقول لكم عند من درست و كيف تعرف الاستاذ الذي يناسبك لان الطريقة تختلف من طالب إلى اخر

السلام عليكم🥹 جبت كشف النقاط و حطيته لكم 😊💞

السلام عليكم ورحمة الله عساكم بخير بصحة و عافية 💞 المهم هاذي القناة فتحتها باذن الله راح نشارك معكم الملخصات و طرق الدراسة و التنظيم طيلة عام البكالوريا و كذلك جميع المصادر بدون استثناء لكن كنصيحة أولية متبدوش من الان راح تفشلو جماعة مع منتصف اوت راح نبدا نحط لكم كل ما يجب مراجعته من مكتسبات قبلية تاع السنة الثانية ثم نتطرق لبرنامج البكالوريا باذن الله لا تنسوني من صالح دعواتكم 💞💞