IDAedu_NAHV

bugun 23:00 da qabul yopiladi

bugun 23:00 da qabul yopiladi

bugun elon chiqadi

Tez kunda elon chiqadi… - Yangi Hayot Pro Turmush sirlari - Boshlangich Nahv Sarf - Orta Nahv

Tez kun elon chiqadi… - Yangi Hayot Pro Turmush sirlari - Boshlangich Nahv Sarf - Orta Nahv

Ilm — do‘stlarning eng vafodoridir. Unga jonini bergan, unga sadoqat bilan xizmat qilgan insonni hech qachon mukofotsiz qoldirmaydi. Ilmdan voz kechmasangiz, ilm ham sizdan aslo voz kechmaydi. Olimlarning sirlaridan biri shundaki, ular ozgina qiyinchilikka duch kelsalar ham ilmni tark etishga bahona izlamaganlar. Ular boshqa narsalarga uzr topganlar, ammo ilmga uzr aytmaganlar. Bugungi kunda esa ko‘pincha insonlar biror qiyinchilikka duch kelsa, eng avvalo ilmni tark etishga sabab izlaydilar. Vaholanki, ilm — insonni yuksaltiradigan eng ulug‘ yo‘ldir. Imom Shofi’iy rahimahulloh aytganlar: “Ilm — ovdir, yozib olish esa uning bog‘ichidir. Ovlagan narsangni bog‘ich bilan mahkamla.” Chunki ilmga sadoqat qilgan inson oxir-oqibat uning barakasini ko‘radi. Asroriddin ustoz | 100 kitob

Ustozning vaqtini qadrlash — ilm odobining eng muhim belgilaridan biridir. Ustoz dars uchun tayyorgarlik ko‘radi, vaqt ajratadi va o‘quvchilari uchun o‘z mashg‘ulotlarini chetga suradi. Shunday ekan, talabaning ham belgilangan vaqtda hozir bo‘lishga intilishi ilmga bo‘lgan hurmatning ifodasidir. Ilm odobi faqat kitob o‘qish yoki ko‘p ma’lumot bilish bilangina o‘lchanmaydi. Ustozga bo‘lgan hurmat, va’daga va dars tartibiga sodiqlik ham ilmning odobidandir. قال عبد الله بن المبارك رحمه الله: نَحْنُ إِلَى قَلِيلٍ مِنَ الأَدَبِ أَحْوَجُ مِنَّا إِلَى كَثِيرٍ مِنَ العِلْمِ “Biz ozgina odobga, ko‘p ilmdan ham ko‘proq muhtojmiz.

Kitobda xatolarni korganlar, aytsangiz xursand bolaman

📚KITOB TAQDIMOTIga marxamat! ✨BOŞLANĞIÇ NAHV Muallif: Asroriddin Djalilov Arab tili nahv ilmini o‘rganishni boshlayotganlar uchun yangi kitob taqdimoti. 🗓SHANBA ⏰17:00 🇺🇿O‘zbekiston vaqti bilan 💻ONLINE ZOOM orqali 🏛️BOŞLANĞIÇ NAHV arab tili nahv ilmini o‘rganish sari mustahkam poydevor va ishonchli yo‘l!

kitob taqdimoti Tez kunda..... BOŞLANĞIÇ NAHV SARF o'qish va o'qitish uchun munosib varyant!

Ko‘pchilik: «Vaqtim yo‘q», deydi. Aslida esa muammo vaqtning kamligida emas, ilmning ustuvor bo‘lmay qolganidadir. Inson nimani qadrlasa, o‘sha narsa uchun vaqt ajratadi. Ilm ham shunday. Uni birinchi o‘ringa qo‘ygan inson kun tartibini ilmga qarab rejalashtiradi. Vaqt topilmaydi. Vaqt ajratiladi. Ilm esa o‘ziga ajratilgan vaqtning qadriga yetgan insonni yuksaltiradi. قال يحيى بن أبي كثير رحمه الله: لا يُسْتَطَاعُ العِلْمُ بِرَاحَةِ الجِسْمِ “Ilmga tana rohatini ko‘zlab erishib bo‘lmaydi.

Hayotda har kimning uzri bo‘lishi mumkin. Muhim xizmat vazifasi, oilaviy masala yoki kutilmagan holatlar yuz beradi. Bunday holatlar hech kimdan xoli emas. Lekin ilmga jiddiy qaraydigan insonni boshqalardan ajratib turadigan narsa — uning munosabatidir. U bir darsni o‘tkazib yuborsa ham, ilmni tark etmaydi. Aksincha: «Bu safar uzrim bor, in shaa Alloh keyingi darsda albatta qatnashaman», deydi. Shuning uchun u ilm bilan aloqasini uzmaydi va sobit qoladi. Ilm yo‘lida eng katta yutuqlardan biri ham aynan mana shu davomiylikdir. قال الإمام أحمد رحمه الله: العِلْمُ لا يَعْدِلُهُ شَيْءٌ لِمَنْ صَحَّتْ نِيَّتُهُ “Niyati to‘g‘ri bo‘lgan inson uchun ilmga teng keladigan narsa yo‘q.”

Ba’zan talaba ilmni emas, ilmni o‘z qulayligiga bo‘ysundirmoqchi bo‘ladi. “Bugun boshqa vaqt qilaylik.” “Bu safar darsni sursak bo‘ladimi?” Agar bu holat odatga aylansa, ilm asta-sekin hayotdagi ustuvor o‘rnini yo‘qota boshlaydi. Shundan keyin esa bahonalar ko‘payadi, qatnashuv kamayadi va ilm yo‘li ham uzoqlashib boradi. Ilmga sobitlik bilan xizmat qilgan insongina uning samarasini ko‘radi. قال الله تعالى: ﴿وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا﴾ “Bizning yo‘limizda jiddu jahd qilgan zotlarni, albatta, O‘z yo‘llarimizga hidoyat qilurmiz.”

Ilmda uzoqqa borgan insonlarning hayotiga nazar tashlasangiz, ularni birlashtiradigan muhim bir sifatni ko‘rasiz: ular ilmni o‘z hayotlariga moslashtirmaydi, aksincha hayotlarini ilmga moslashtiradi. Ustoz qaysi vaqtni belgilasa, o‘sha vaqtni qadrlaydi. Boshqa ishlarini esa imkon qadar ilm atrofida rejalashtiradi. Aynan mana shunday munosabat ilmning barakasini olib keladi. Chunki ilm fidoyilikni yaxshi ko‘radi. Qulaylikni emas. قال بعض السلف: مَنْ صَدَقَ فِي طَلَبِ الْعِلْمِ فُتِحَتْ لَهُ أَبْوَابُهُ “Kim ilm talabida rostgo‘y va sidqidildan bo‘lsa, uning uchun ilm eshiklari ochiladi.”