Bac with Fidaa
Closed channel
🌸 bac 2027 | BAC WITH FIDAA قناة مخصّصة للبنات فقط، نرافقوا فيها بعضانا في رحلة الباك من خلال سلاسل افكار خطط ، نصائح وتجارب طلبة متفوّقين، وأفكار عملية تعينكم على تنظيم القراية وتحسين المستوى. مساحة للتعلّم، التطوّر، وتبادل الهمم، حتى نحقّقوا أهدافنا
Show moreThe country is not specifiedThe category is not specified
856
Subscribers
+324 hours
+717 days
+50630 days
Posts Archive
سلامم عليييكم🤍
هيييلوووو البنات، صراحة بعد ما شفت إجاباتكم في الاستفتاءات فهمت أكثر وش راكم حابين ووش تحتاجوا، ومن هنا قررت وش راح تكون السلسلة لي نبداوا بيها، يعني هي ثاني سلسلة بعد سلسلة الأفكار اللي درتهالكم من قبل.
ولي هي :
سلسلة المواد 🌸 :علاش بديت بهذه السلسلة بالذات؟ خاطر قبل ما نديروا أي خطة وقبل ما نبدأوا أي تحدي لازم
أولاًنعرفوا كل مادة كيفاش تتقرا، يعني لازم نعرفوا الأساس اللي راح نمشوا عليه. في هذي السلسلة راح نمشيوا مادة بمادة، وإنتوما اكتبولي في التعليقات المواد اللي راكم حابين نبدأوا بيهم، لأن إحنا راح نهدروا عليهم كامل، فقط وضحولي المواد اللي نبدأوا بيهم باش تكون عندنا الأولوية في بداية سلسلة المواد.
والمهم🌝 :
كل مادة راح نهدروا عليها بالتفصيل :كيفاش تقراوها، وش هي الطريقة اللي تخليكم تفهموها وتثبتوها، وراح تكون طريقة الشرح في فوكال باش يكون الفهم سهل عليكم 😭 يادرا كي نخمم فيكم 🤓
المهم:من بعد كي نشرحلكم هذي المادة وش فيها وكيفاش تقراوها، ووش هي الأخطاء اللي راح تلقاوها في عام الباك وكذا، راح نبعثلكم الخطة مكتوبة في ورقة 📝، 🥹 ومن بعدها نشرحلكم هذيك الخطة وكيفاش تمشوا بيها. بعد ماا نكملوا جميييع المواد. هنا ننطلقوا في التحديات خاطر ما نحبش نديرلكم تحدي وخلاص ونقولوا هيا نقروا، وإحنا ما زال ما عرفناش أصلاً وش نقرأوا وكيفاش نقرأوا.🤷♀️ حابة هاذي المرة نبنيو كلش من الأساس وبالترتيب، نمشوا مع بعضانا خطوة بخطوة وما نستبقوش الأحداث 🤍 إن شاء الله تكون سلسلة قوية وتعاونكم بزاف
ومذابيا نشوف تفاعلكم بزاف باش أنا نزيد نمدلكم أكثر وأكثر. 🤏🥹وضك قولولي: وشمن مادة حابييني نبدالكم بييهااا ::::؟ 👀
فتياااااتتتتتت🌝 وجدوا رواحكم على 16:00راح نعلنلكم على سلسلة علاباااااالييييييي تعجبكمممممم كون ما نلقاش التفاعل فوق 30 ما نحطش 😝
صحا بنات سؤال مهم باش نعرف كيفاش نعاونكم مليح 👀🍓
كي تديري برنامج قراية، تحبي يكون مفصل بالساعة ولا غير واش تقراي في كل نهار؟
بنات سؤال صغير باش نعرف الوقت اللي نلقاكم فيه أكثر 👀🍓
في أي وقت تكونوا متواجدين في التليجرام بكثرة ؟
صحا بنات، بالنسبة للقراية…
بديتو تقراو ولا مازال؟ 👀😭
واللي حابة تقولّي علاش اخترتي هاذ الإجابة، اكتبولي السبب في التعليقات 😭🤎 نحب نعرف وين راكم بالضبط باش نعرف كيفاش نعاونكم 🍓
بنات 👀🍓 سؤال صغير ليكم:
وش أكثر حاجة حابين نركزلكم عليها في القناة هاذ الفترة؟
بناتتت 😭🌸
حبيتكم تتفاعلوا معايا شوية،
خاطر الفترة الجاية راح نديرلكم :
♡ تحديات شهرية… أسبوعية… + خطط دراسة لكل مادة
♡ ونجيبولكم أفكار وحوايج تساعدكم طول العام 😭🍓
وزيد أي وحدة عندها فكرة حابة نديروها في القناة، ولا حاجة حابة تفهموها/نهدرو عليها، اكتبولي في رسائل القناة ولا في البوت، راه في الرسالة المثبتة 🤎صارحوني بلا خجل 👀 ، نحب نديروا أفكار جميلة مع بعض ونخلي القناة دايمًا فيها الجديد 🎀 وبالمناسبة… نحّوا الكتم على القناة وديرولها تثبيت 😭 راه كاين بزاف حوايج جاية، ما راحش تندموا 🍓.
💡 الفكرة الخامسة والأخيرة: ما تستنايش حتى يولي كلش كامل باش تبداي 🙂🤏شوفوا… هذي آخر فكرة، وبالنسبة ليا هي الأهم، خاطر راح تمس زوج جوانب. 🤎 كاين اللي بداو يقراو، وكاين اللي مازال ما بداوش أصلًا، وهذا عادي 😭 خاطر رانا مازلنا في البداية، وحتى الانطلاقة الرسمية في الثانوية مازالت ما بداتش، تمام؟ 👍
بصح الحاجة اللي ما نحبش نديروها:هي نستناو حتى يكون عندنا الوقت المثالي، البرنامج المثالي، المكتب المرتب، والروتين المثالي باش نقولو: «هايا، نبدأو.» 👀 خاطر في الأخير، البداية ما تحتاجش تكون كاملة، تحتاج غير تكون بداية.🌝🤷♀️ 🤍 مش لازم بداية من نوع «واو»… بداية فقط. بديتي؟ كملي من وين راكي. ما بديتيش؟ ما تستنايش أكثر هذا هو الوقت ، ابدئي بحاجة بسيطة. المهم ما تقعديش تخممي بزاف كيفاش راح تبداي 😭 ابدئي برك، ومن بعد عدلي طريقتك مع الوقت. 🌝 مش لازم ديري خطة محكمة ومثالية باش تبداي، ابدئي المرة الأولى، ومن بعد كي تشوفي روحك بديتي، عدلي طريقتك على حساب واش يناسبك. 👍
🌸وهذي بالضبط هي الفكرة اللي حابة نوصلها لكم في هذي السلسلة كاملة: ما نحتاجوش نعرفوا الطريقة المثالية من الأول. 💡نجربوا، نشوفوا واش يخدم معانا، ونبدلوا اللي ما يخدمش معانا. 🌱🤍 ( راني نعاودكم غير بداية ابداي مهم نبدا.. ابداو.. البداية تكون... ملا ها افهموا رواحكم وابداو😭😂) وإذا كاين أي استفسار، أي حاجة حابينها، ولا أي فكرة حابين نضيفوها، ابعتولي في رسائل القناة. 🤎🍓😗
