👑بيتُكٍ مملكتُك مع أم البنين 👑

🛎🛎🛎إعلاااان 🎊 الملكة النشيطة في دفعتها 17 اللهم بارك 🎊 هل تشعرين أحياناً أن الفوضى تضغطك و تسرق هدوءك؟ هل تشعرين أن كثرة المسؤوليات تجعلك تركضين طوال اليوم دون إحساس بالإنجاز؟ هل تشعرين ان منزلك يحتاج فقط إلى لمسات تنظيم ذكية ليصبح أكثر راحة وجمالاً؟ كم من برنامح يصعب عليك تطبيقه؟ لكن قد يكون الحل أمامنا لكن تصعب رؤيته . وقد يكون الخطأ منا لكن لم ننتبه له. وقد تكون عاداتنا اليومية سببا في إحداث الفوضى دون أن نشعر. وربما قد تكون هناك أسباب أخرى، خفية أو ظاهرة، لكن صعب علينا علاجها والقضاء عليها. 🌷 بكل حب عدت إليكن مجددا بدورة الملكة النشيطة لتنظيم البيوت بمحتوى عملي يساعدك على تحويل منزلك إلى مساحة مريحة ومنظمة تبعث على الراحة والهدوء بإذن الله. حان الوقت أن تتعلمي خطوات عملية وبسيطة لتنظيم منزلك بطريقة مستدامة، توفر عليكِ الوقت والجهد، وتمنحك شعورًا بالراحة والسعادة. 💡 هذه الدورة تساعدك على صناعة بيئة تمنحكِ راحة نفسية 💐 يُسعدني أن أرافقكِ في هذه الرحلة نحو منزل أكثر تنظيماً، وحياة أكثر راحة وعطاءً. ​📩 المقاعد محدودة، للاستفسار عن تفاصيل الدورة وحجز مقعدكِ الملكي 👑 تواصلي معنا عبر الخاص ⏬ @oum_elbanin #شهادات_المتدربات_في_الدفعات_السابقة_اطلعي_عليها ⏬⏬⏬ https://t.me/Baytouki16/61?single

السلام عليكم🌸 هذا مسلك المجاري تاع ماركة ستيك هاااااايل مرة وحدة سرحلي مجيرية أعزكن الله سعره 230دج طريقة الاستعمال في الصورة ( طبعا تسمي بسم الله ثم تهوي دنيا مليح...ماتقابليهش بوجهك...تلبسي قفازات) نتيجته هايلة في تسريح المجاري والبالوعات أعزكن الله 💯 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

تجربتي مع ... منشفة الارضيات ميكرو فيبر حجم 70 × 50 سم 💯💯 لجميع انواع الارضيات أنا شريت في اللون الوردي من ماركة deco land جاية خشيييينة ودوبل فاص هي صح ثقيلة لكن رائعة جبدة زوج تنشف الله يبارك 💯 وسهلة جدا في التنظيف ديريلها قطرة فقط منظف تدير رغوة بزااااف 💯 عجبتني بزاف وماندمتش عليها كاين صغار للبوطاجي وغير ذلك وكاين هادو لكبار للارضيات عجبوني في زوج بزااااف 💯✅ صغار : 150دج والكبار تاع الارضيات : 400دج #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

السلام عليكم ملكات🌸 عساكن بخير حال❓ 🔴القصة الأولى ⬇️ صونا الهاتف فجأة واتصلت أم الزوج وقالت راني جاية على نصف ساعة المراة قطعت الاتصال وهي واقفة مذهولة قلبها راح يحبس تغسل ماعن ولا تكنس الارض ولا تعطر المكان ولا تنشر القش ولا تطوي القش لقديم ولا ترفد الالعاب ولا تمسح الغبار لي فوق الديكور ولا تبدل ليكوش لوليدها ، احتاج حل وش الحل حابة نتنظم ونولي مرتبة ومانوليش نخاف في اوقات الطوارئ ؟؟ 🔴القصة الثانية⬇️ عائلة قدر الله مرضو كامل والأم طاحت فراش وطولت حالتهم بعد المرض وقفت لقات لماعن متراكمين ولقش موسخ الدهون فوق الكويزينيار الغرف مغبرين ولادها ماشي مدوشين..الخ وش ندير بواش نبدا كي نمرض وكلش يتخلط؟؟؟ وش ندير في اوقات الطوارئ 🔴القصة الثالثة ⬇️ امراة نافسة وماكانش لي معاها يعاونها مالقات تطيب الاكل او تسيق او تتهلا فنفسها او تهتم برضيعها لي ماتعرفلوش.....وش ندير ؟ كيفاش نظم نفسي ووقتي بعد الولادة واثناء رحلة التربية وش ندير في اوقات الطوارئ ✔️طيب، شوفو هاد اللحظات لي جازو علينا في الحالات لي لفوق يسموهم #لحظات_طوارئ🔔 هكا نسميهم انا و من المستحيل انسانة تكون فوضوية عام كامل وتحب في لحظات الطوارئ تلقا حلول خارقة ❌ باش تلقاي روحك منظمة في الطوارئ و مايولوش يخلعوك هاد الاوقات ومايغلبوكش لازم تخدمي على نفسك طيلة العام باش تلقاي نتائج في هذه اللحظات وهذه هي ماتسمى #نظرية_المُزارع ✅ كنت قريت مرة هذه النظرية في تثبيت العادات تنسب إلى ستيفن كوفي، وهو مؤلف كتاب (العادات السبع للناس الأكثر فاعلية) هذه النظرية تُستخدم لتوضيح أهمية الصبر، العمل المستمر،الاجتهاد والمشي على قوانين طبيعية للنمو والتطور. حب يقول مانقدروش نزرعو بذرة ونحوها غدوا لازم تمر على مراحلها الطبيعية الغير مصطنعة حرث... زرع ...ري ...عناية... انتظار...واخيرا جني الثمار ✅( في أي مجال من مجالات الحياة نطبقوها هاد النظرية في البيت أو التربية اوالعناية بالنفس او الرياضة أو العلاقة الزوجية ...الخ )، انا عجبتني وطبقتها على #البيت_و_تنظيمه✅ ماهي نظرية المزارع❓ الفلاح لايستطيع زرع البذور في غير وقتها وعدم الاعتناء بها ومن ثم ينتظر منها أن تنمو وتزهر في ٱوقات الحصاد ، نفس شي في البيت عموما و العادات خصوصا تحتاج منا تخطيطا وقتا ومتابعة وعناية وصبراً طويلا واستمرارية حتى تتغير وتتثبت وفي اوقات الطوارئ نلقاو نفسنا واجدين ومعظم الامور مرتبين ومتقونين وحنا نزيدو اللمسات فقط ، مراحش نقولكم انو الدار تبقى منظمة ومرتبة على شعرة دايما لالا مستحيل، بل يطيحو مخايد ويكونو العاب في الارض ويكونو ماعن مش مغسولين ويكون قش متراكم لكن هذه الامور كي يكون الأساس صحيح تولي تحتاج منا دقائق ويرجع النظام عادي لانو الاساس راهو منظم جيدا وعام كامل وحنا نخدمو عليه، ماشي كيما عام كامل مخلطة وتحبي في اوقات الطوارئ ديري لمسات تتنظم لالا ❌ ماتكفيك لادقيقة لاساعة لازم يكون الأساس متقون✅ 🌱 الخطة المناسبة والبرنامج الجيد= هي بذرة جيدة 🚿 سعيك و جهدك ( طيحتك ونوضتك) واستمرارك + المهارات المكتسبة التي ثبتيها شيئا فشيئا مثل البكور وغير ذلك= هي الماء ☀️ الناس الإيجابيين...العلاقات الغير سامة...وضع الحدود معرفة حقوقك واجباتك ، الحفاظ على سلامك النفسي = هي الشمس لو زرعت فكرة صحيحة ( الخطة ) وسقيتيها كل يوم بالعمل والسعي والانضباط والاستمرارية ، وتولي تعرفي حقك وواجبك … يوم الحصاد تفرحي وتشوفي نتيجة تعبك إن شاء الله لكن… لو استعجلت، أو زرعتي أي خطط او برامج عشوائية، أو خليتي الحشائش (المشتتات واليأس والتبريرات والحجج الكثيرة والتسويف والمماطلة ) تنتشر عام كامل…راح يجي موسم الحصاد ونتي فارغة اليدين لذلك تخدمي عام كامل على بيتك كي تكوني لباس عليك بجهد قليل وبرنامج واضح وخطة محكمة باش نهار يجيك #الطارئ ( كي تطيحي لقدر الله) على الأقل كي تعاودي ترفدي راسك تلقاي البيت تخلط بنسبة متوسطة ماشي 100/100 وماتتعبيش تعب لي يطيح القلب. ،كوني كالمُزارع يخدم عام كامل باش وقت الجني يحصد ويفرح🌹 قناتي على التلغرام: ⤵️ https://t.me/Baytouki16 صفحتي على الفايسبوك: ⤵️ https://www.facebook.com/share/1HyvV2CED6/

🌸السلام عليكم 🌸 #تجربتي_مع... خل مزيل الدهون من ماركة الباخرة ✅ لي حبت منتج خفيف يومي لتنظيف المطبخ من الدهون كاين هذا #الباخرة رائع خل مزيل الدهون لمختلف الاستعمالات يعني ينقي ويعقم اسطح العمل ( اجتنبي الاسطح الحساسة مثل الرخام) تمسحي بيه الثلاجة..الغسالة...فرن المطبخ بشكل يومي تمسحيه بيه يولي يشعل اللهم بارك عجبني ...مسحت بيه حتى المرآة وخرجهالي نقية ✅ و كاتبينلك أنو حتى تنقي بيه المكواة فيه 1لتر و ريحتو خل عادي 🔴هذا خل خاص بالتنظيف فقط وماهوش تاع أكل حذاري ❌ 🔴ونتوما قولولي وشنو هو اكثر خل التنظيف لي جربتوه وعجبكم؟؟؟ #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

السلام عليكم، من أروع المنتجات الجزائرية ^^ #Sido #سيدو جربتهم كاااامل و كامل قمة الروعة ✔️ 🌸الوردي للملابس مزيل البقع 🟢سيدو للرضع مزيل البقع قمممة في إزالة البقع المخير عندي 🟡🔵🟠الأصفر والأزرق والبرتقالي للملابس و البشرة يقدر يعوض صابون لحوايج ونتوما وش جربتو ❓ 🔴السعر: من 140دج حتى 160دج 🔴 الحجم :250غ #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

السلام عليكم 🌸 لبنات شوفو هاد ليلانجات متعددة الأسطح من ماركة wippro انا جربت لي مخدومة #بالخل عجبتني تاع حاجة خفيفة او تكوني مزروبة متبقايش تمسحي وتغسلي فالمناشف، تلمي طابلة من لفتات تمتم ، تمسحي سطح فرن المطبخ تمتم بيهم بعد الغداء وحتى لليل باش ديريلو رغوة مليحة ، تجوزي على بوطاجي كتلميع وتعقيم أخير، تمسحي زجاج يرجعو يشعل ، ترتبي مكان المؤونة تمسحيه بيها تمتم ، حاشاك تمسحي حذاء أولادك او اي سطح حبيتي تنقيه وتعقميه خفيف خفيف ومليحة لي ترفدها معها برا تنقي وتعقم تلقاها لمسح الأسطح ✅ ( طبعا ماهيش للاستعمال على البشرة ❌ هادي تاع مسح وتعقيم بعض اسطح العمل والبعض لالا ❌ ) كاينة حاجة فيها لاحظتها انو ماتجيش مشمخة تجي شوية ناشفة بصح تخدم خدمة مليحة مفهمتش اذا هوما خدموها هكا ناشفة ولا نشفت ولا مفهمتش فيها 40 حبة سعرها 130دج( ثلطاشنلف ) #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

🌸السلام عليكم🌸 عساكن بخير حال❓ #البكور_بركة شوية تسريبااااات من الدورة ^^ 📌حليمة: السلام عليكم وشراكي جارتي لعزيزة ، دايما نسمع تقربيع في دارك يبدا من الفجر الله يبارك انا نكون عيااااانة بسيف مانحل عيني نحب نوض كيما نتي بصح يتغلقو عينيا ومانقدرش جيتك تفيديني بحلول لو سمحتِ 📌زينب: اهلا وسهلا بالغالية،طبعا نفيد جارتي ان شاء الله بما اعرفه شوفي اول شي انا ندير رافاي لصلاة الفجر نقرا اذكار النوم ونقرا حديث التسبيح كما قال نبينا عليه الصلاة والسلام خير لك من خادم ( الحديث وشرحه في التعليقات) ، ونرقد على وضوء، يصوني صباحا نوض نتكل على ربي نصلي الفجر نقرا اذكار مابعد الصلاة وتاع الصباح ونوض مباشرة، مانعاودش ندخل لغرفتي اذا دخلتلها راح يعاود يجيني النعاس، وكيما تعرفي كما قال صل الله عليه وسلم " بورك لأمتي في بكورها"، والبركة كما نعلم هي النماء والزيادة يعني راح يباركلنا الله عز وجل في الوقت تولي تحسيه مضاعف سبحان الله ونقدرو نخدمو كل شغلنا وبدقة، ماشي وين يشوف حمد برك وكذلك نديرو عدة امور في يومنا في مختلف المجالات بكل اريحية ، لكن اذا نضتي متأخرة راح تجري ديري الضروري تاع الضروري فقط وباقي الامور تتراكم تلقاي وقتك وايامك ضاعو ونتي لا خدمتي شغل بالطبع ولا درتي رياضة تحافظي بيها على جسمك من الامراض ولا طالعتِ كتاب ولا ختمتِ قران غير تجري وفقط، حتى علميا قريت مرة انو بعض الاطباء لاحظو انو اغلب جلطات القلب والمخ تحدث صباحا بعد ساعات نوم متواصلة يفرز الجسم مادة تضيق الشرايين مما يسبب جلطة نسٱل الله العافية. لذلك لازم تكوني واعية لسلبيات النوم الكثير 📌حليمة مقاطعة... : بصح انا نوض مع وليدي كي يروح يقرا ونصلي الفجر لكن غير مايخرج نعاود نفشل ونرقد 📌زينب : جيد ، كي صليتي الفجر في وقتو راكي في ذمة الله بإذن الله ، وبنسبة لتفشلي ويجيك نعاس باينة خاطر تشدي مباشرة الهاتف وتبداي تكوناكتي حتى تنعسي وترقدي ^^ لذلك الهاتف صباحا ممنوع منعا باتا ✅ تروحي مباشرة تحلي تواقي وتنفضي لفراش يضربك لهوا تفطني و عقلك يستوعب بلي مراحش تولي ترقدي و كذلك البسي حاجة مغلوقة في رجليك هادي جربتها و خرجت عليا روعة تلقاي روحك خفيفة وتنجزين الامور بسرعة بإذن الله 📌حليمة : صح صح قريتها عند فلاي ليدي وبزيادة امهاتنا وجداتنا بكري نشفالهم كان عندهم بنتوفات تاع ديور مغلوقين سواء بلاستيك او مقطنين 📌 زينب ايوا هوما بالذات، بعدها تبداي في برامجك وضروري يكون عندك برنامج لشغل البيت وتكوني محددة فيه الاولويات والمهام كل مهمة ووقتها وطريقة انجازها باش تكملي بسرعة و تتفرغي لباقي المهام وماتبقايش تضيعي فالوقت بالتفكير فالطبخ والتفكير بواش تبداي وتدوري فالفارغ. 📌حليمة: مالا افيديني ببرنامج يومي لشغل المنزل 📌زينب: آآآ هادي فوتيني واهبطي سقسي جارتنا ام البنين اطلبي منها تدخلك في دورة الملكة النشيطة فيها قواعد واساسيات لتنظيم البيت 📌حليمة : باطل ولا بدراهم؟ 📌زينب: --__-- 📌حليمة: خلاص ايه وش عليه معليش من بعد نروحلها ونتفاهمو فيها ان شاء الله { المهتمة بالدورة تدقدق في الخاص ^^} 📌زينب: لمهم وكاين امر لازم تتفطنيلو ، لي هو الامراض ديري تحاليل شوفي اذا عندك خمول غدة او نقص فيتامين د او فيتامينات اخرى هي لي مفشلاتك ماكيش قادرة تنوضي، اذا عندك امر نفسي كذلك لازم يتعالج و عليك بالرقية كذلك🌸 ونقطة ثالثة هي تحمل المسؤولية نتي كأم خممي فالجانب تاع عائلتك يجو على 12 يلقاو البيت مهوي فراش دافي مشمس ريحة الغدا يشموها من الشارع، معطر ونقي الله الله، خيرمن يدخلو على بيت ظلما لغدا هاداك وين يطيب ، لماعن فوق بعض ، الماشبنة تمشي ، الرضيع يبكي ...الخ هاد شي راح يأثر فنفسيتهم وزوجك مهما يحمل لكن يجي وقت وينفجر فانتبهي عزيزتي 📌حليمة: 💦💦💦 معك حق وهذا شي لي قاهرني، وشي لي متعبني اكثر نهوض الرضيع المتكرر ليلا 📌زينب : فهاد الحالة ديري تحاليل و اشربي فيتامينات مناسبة و كولي صحي باش يبقى الجسم نشيط وتقدري تزيدي شوية وتنوضي ديري رافاي لكن بشرط فهاد الحالة تعتمدين اكثر على روتين ليلي منزلي وتديري المهام لكبيرة فليل باش تلقاي روحك بيدما يجوزو عليك العامين لولين مع الرضيع ان شاء الله ، و كنصيحة أخيرة اخطيك من الانترنت صباحا و الهاتف و الڨصرة فيه بزاف، اجلي مكالماتك كي تريحي ، ديري دروس تسمعيها واخدمي شغلك 📌حليمة: نعم صح كاين دروس الشيخ عبد الرزاق البدر والشيخ صالح ال شيخ هايلة 📌زينب: نعم، ربي يسرلك، والآن مضطرة انصرف عزيزتي وماتطيبيش ليوم دوك نبعتلك لغدا ان شاء الله 🌹 السلام عليكم. 📌حليمة : بارك الله فيك اختي الطيبة💦 لاأنساها لك 🌸 وعليكم السلام ورحمة الله وبركاته. #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/