‏وَمَا تَوْفِيقِي إِلاَّ بِاللَّهِ 🕊️🤎

الواتس اب رجع الحمد لله ، والله انتوا زي السكر ، و وشكم حلو عليا 😍💗

بتقعد لوحدك، وبتحس كتير إن مفيش حد معاك… طب وإيه يعني؟ من حقك تزعل، ومن حقك تحتاج حد، بس لو ركزت شوية كده 🤏🏻 هتلاقي إن أعظم وأحن وأقرب حد ليك هو رب العالمين ممكن يكون عندي صحاب وبنات كتير جدًا، بس مش بكلم غير 3 أو 4 منهم وعدى عليا فترات والله كنت محتاجة حتى كلمتين حلوين، بس مش شرط حد يكون موجود جمبي عشان أكمل… وكنت بكمل لوحدي عادي، لحد ما بقيت في غنى عن الكلمتين دول تعالى نتكلم بمنطق شوية… لما بتحصلك مشكلة، مين اللي بينجيك؟ رب العالمين ومهما كان حواليك ناس كتير، في لحظات معينة هتكتشف إنك ملكش غير الله سبحانه وتعالى ربنا سترك كتير، ورزقك، وكرمك، وأنعم عليك بنعم لا تعد ولا تحصى… فـ احمد ربنا

وأنا آسفة، بس عيب أوي بعد كل النعم دي، اللي نعرفها واللي مش واخدين بالنا منها، تيجي في الآخر وتعصيه😢

راجع نفسك… الله ربي، وأنا محتاجه، وهو الغني عني🥺 فما تحاربش عشان حاجة مؤقتة، وتخسر بسببها رضا ربنا والجنة… مش مستاهلة والله ، والله المستعان 🫡🤎

مفيش حاجة مميزة حصلت، بس مجرد إنك بدأت يومك بالصلاة وذكـر ربنا، دي لوحدها نعمة كبيرة🫀 اللهم ارزقنا سكينة لا تزول، وقلوبًا لا تأنس إلا بك🤍

أول ما الباند يتفك إن شاء الله🥲 ، هنتكلم شويه مع بعض علي قناة الواتس ، بنحكي مواقف واقعيه والاكثر مواقف حصلت معايا انا شخصياً وممكن ممكن احكيلكم بداية إلتزامي 👈🏻👉🏻 ف إنتظاركم الليلة إن شاء الله والله المستعان 💗💗💗

صليت الفجر… والجو راحة نفسية لا توصف 🤍 مفيش صوت، مفيش دوشة، غير هدوء الصبح وسكينة القلب.. من أجمل الأوقات اللي بحبها كوباية قهوة، أتأمل في السما، أستغفر، وأسمع المنشاوي… 🌿 تقدر تبدأ يومك وإنت مرتاح نفسيًا، وفي ذمّة الله بإذن الله 🤎 My photo👀

الحب لا يموت𔍤️

صلاة_الفجرِ عهدُ القلوبِ مع الله، من أقامها أشرقتْ حياتُهُ نورًا ورضًا صلاةُ الفجرِ خيرٌ من النوم، بل هي حياةٌ بعد سكون صـلاة الفجـر يـٰ صُحبة الجنّـة 🥹❤‍🩹

"🤍

تحبوا نعمل اي ..

خلاصة سلسلة «رسائل إلى شاب» 🥹

اتكلمنا سوا عن حاجات كتير، من التوبة والصلاة وغض البصر، لـ العادة السرية والفتن والموسيقى والذنوب الخفية، واتكلمنا عن الحجاب والعفة، الصحبة، حفظ الوقت، واختيار شريك الحياة لكن لو هنلخص كل السلسلة في كام كلمة قرب من ربنا، حافظ على صلاتك، احفظ قلبك وبصرك، اختار صحبتك، ومتستسلمش لذنب ولا لوقعة ولو بعد كل الكلام ده هتبدأ خطوة واحدة بس… خليها خطوة تقربك من ربنا. 🤎 ربنا ينفعنا بما علمنا، ويثبت قلوبنا على طاعته والله المستعان

أُمَّة تَسْعَىٰ 🦋

وقبل ما ندخل على خلاصة السلسلة… عايزة أقولكم شوية كلام من القلب متعيشوش حياتكم مستنيين اللحظة المناسبة عشان تبدأوا… ابدأ من دلوقتي حتى لو بخطوة صغيرة جدًا، المهم إنك تتحرك الحاجة اللي نفسك تتغير فيها بقالك فترة، خد أول خطوة ناحيتها النهارده متقارنش نفسك بحد إنت مش متأخر، وإنت مش أقل من غيرك، وكل واحد ليه وقته وطريقه ورزقه ركز في نفسك، وشوف إيه اللي محتاج تصلحه واشتغل عليه بهدوء ولو وقعت… متقعدش مكانك الغلط مش معناه إنك فاشل، والوقوع مش معناه إن الطريق انتهى قوم، استغفر، اتعلم من اللي حصل، وابدأ من جديد وربنا يحب العبد اللي يرجع إليه ومتخليش رأي الناس يتحكم في حياتك طالما إنت بتعمل الصح وبتحاول ترضي ربنا، متستنزفش نفسك في محاولة إرضاء كل الناس لأنك مهما عملت، مش هتعجب الكل اهتم بنفسك من غير ما تهمل روحك نام كويس، العب رياضة، اقرأ، اتعلم، اخرج من الروتين، وجرب حاجات جديدة… حياتك أكبر بكتير من شاشة بتفضل تقلب فيها بالساعات وخلي ليك هدف مش لازم يكون هدف ضخم، حتى لو هدف صغير تشتغل عليه كل يوم المهم تصحى وإنت عارف إن عندك حاجة بتسعى ليها اختار اللي حواليك بعناية👌 صاحب اللي لما يشوفك بتضعف يشجعك، ولما تغلط ينصحك، ولما تنجح يفرحلك بجد الصحبة الصالحة نعمة كبيرة، فحافظ عليها ومتستصغرش أي طاعة ركعتين، صدقة بسيطة، ذكر، آية من القرآن، مساعدة لحد، كلمة طيبة… يمكن حاجة بسيطة في عينك تكون سبب في خير كبير عند ربنا ولو الدنيا ضاقت بيك في يوم، افتكر إنك مش لوحدك🥺 ارفع إيدك لربنا واحكيله كل اللي جواك، حتى الكلام اللي مش عارف تقوله لحد

وأخيرًا…

إوعى تنسى أنت عديت بإيه عشان توصل للي أنت فيه دلوقتي كل مرة كنت فاكر إنك مش هتقدر، ربنا عداك منها وكل باب اتقفل، ربنا قادر يفتحلك غيره فـ شد حيلك، وخليك مكمل، ومتستعجلش النتيجة… إنت بتبني نفسك يوم ورا يوم، وربنا شايف سعيك🤎🦋 والله المستعان

✍🏻أُمَّـةٌ تَـسْـعَـىٰ

مساء الخير يا حلوين 🙃 تعالوا نقعد مع بعض شوية… الحمد لله وصلنا لليلة قبل الأخيرة من السلسلة، ومش عارفة الأيام عدت بالسرعة دي إزاي! 🥹 مرينا سوا بمواقف، وضحكنا، واتناقشنا، واتعلمنا حاجات كتير، والأجمل إننا كنا بنتشارك كل ده سوا النهارده حابة أجمع معاكم كل اللي اتكلمنا فيه، ونراجع أهم النقط اللي محتاجين نفتكرها، ومعاها كام نصيحة من أختكم أُمَّة تَسْعَىٰ يلا بينا نبدأ… والله المستعان 🦋

صلاة العشاء يا رفاق 🕌 ونحن علي موعد بعد الصلاة بإذن الله تعالي نتناول سويا موضوعنا... ونختم حديثنا ب رواية دينيه والله المستعان 🤎