𝑺𝒊𝒎𝒑𝒍𝒆 𝑪𝒐𝒓𝒏𝒆𝒓 || رُكن بسيط

يلا اقرأوا واستمتعوا بالجمال ده.. 🫰🏻♥️

المشارك الثاني عشر....

"إوعى تفتحه غير لما تحس إن الدنيا ضاقت بيك."

"كنت أعلم أن الدنيا ستضيق بك يومًا، ولم أجد لك شيئًا ينجيك مثل كلام الله."

"هصلي بعد ما أخلص." وكل ما يخلص حاجة، يبدأ غيرها. لحد ما جه يوم الامتحان الحقيقي... لكن مش امتحان الجامعة، امتحان القبر. وقتها عرف إن التأجيل كان أكبر خدعة عاش فيها.

المشارك الحادي عشر.....

السلام عليكم ورحمة الله وبركاتة

حبيت أشارككم معلومة بسيطه وكلناا عارفينهاا بس للاسف مش واخدين بالناا من اهميتهاا وهي ان

عارفين يعني إيه البلاء مُعلق بالنُطق به؟ يعني الكلمة اللي بتخرج من لسانك ليها طاقة، وممكن تكون هي اللي بتحدد شكل اللي هيحصلك فيه قصص كتير بسمعهاا بتخوفني زي بنت كتبت قبل السنة الجديدة إنها مش مستنية السنة، هي مستنية "ملك الموت"، وفعلاً بعد أيام ربنا توفاها وعلي الجانب التاني شوفوا أدب النبي ﷺ لما زار أعرابي مريض، طبطب عليه وقاله: "لا بأس، طهورٌ إن شاء الله"، يعني هيقوم ويطهر من تعبه زي ما الهدوم بتنضف من البقع. الأعرابي متمسكش بالأمل وقال "يارب"، لأ ده قال: "بل هي حُمى تلقيني ف القبر يا رسول الله فالنبي قاله: "فَنَعَم إِذَن"، وكأنه بيقوله زي ما نطقت وأكدت، هيحصل. وبالفعل مات.

سيدنا عبد الله بن مسعود كان بيقول دايماً "البلاء مُعلق بالنُطق به". فتلاقي الواحد مننا أول ما يتشائم ويقول "أنا هسقط" "الموضوع هيبوظ"، "مش هلاقي شغل".. تلاقي الدنيا قفلت في وشه فعلاً. زي ما بنقول دايماً "تفاءلوا بالخير تجدوه". حتى في المواقف العادية لما تكون بتتكلم عن حد وفجأة تلاقيه داخل عليك ده أكبر دليل إن كتير من حاجاتنا بتيجي بسبب إننا جبنا سيرتها خلو عندكم يقين وأمل في ربنا، قول دايماً "بإذن الله ربنا هيكرمني وهيحقق مُرادي". ما ربنا قال في الحديث القدسي: "أنا عند ظن عبدي بي"؛ لو ظنيت خير هيجيلك الخير، ولو ظنيت شر، للأسف هتلاقيه

ربنا سبحانه وتعالى بيقول: ﴿وَفِي السَّمَاءِ رِزْقُكُمْ وَمَا تُوعَدُونَ * فَوَرَبِّ السَّمَاءِ وَالْأَرْضِ إِنَّهُ لَحَقٌّ مِّثْلَ مَا أَنَّكُمْ تَنطِقُونَ﴾.

أحسنوا الظن بالله، وخلوا سيرتكم دايماً تفاؤل وخير لأن اللي بتنطق بيه، هو اللي بيجيلك

المشارك العاشر.....

يقول النبي (ونساء كاسيات عاريات ..)

ودول عقوبتهم ( لا يَدْخُلَنَّ الجنةَ ، ولا يَجِدَنَّ ريحها )

المشارك التاسع......

الجزء التاني.....

وكان حُبي سبَب هدَايتـِي ♡゙

أيوب: طب هي لو مكنتش من نصيبك كنت هتعمل إيه؟ إبتسم وقالي يوسف: كنت هزعل، كنت هزعل أوي بس كنت هرضى في الآخر وکلي أمل إن ربنا مش بيضيع مننا حاجه إلا وهو هيعوضنا بالأحسن منها.. مهما طال الوقت بقى بس العوض هيكون أحسن بكتير من اللِـ إنت عايزه. قال كلامه والآذان أذن، حط إيده علي رجلي، وقال بحماس يوسف: يلا فريرة نلحق الصف الأول إبتتسمت على حماسه، اول مره أكون مرتاح كده ومبسوط، و جوايا قرار أخدته مفيش منه رجوع. بعد الصلاة شيخ المسجد أحمد الي بعتره والدي التاني قال أنه في مجلس تدبر لآيات مِن سورة النور وقبل ما أخد بالي لقيت يوسُف بياخدني علشان نقعد قدام الشيخ، وانتهى الدرس وقتها عرفت إن كان لازم آخد القرار د من زمان فقت علي صوت المسدج اللِـ وصلتلي، حركت نظري للتليفون، وفتحت عيني بصدمه من كميه المسدجات، ضحكت بعدم تصديق علي نفسي، وكتبت أيوب: أنا عايزك تعرفي إني هوفي بوعدي، وفي الوقت اللِـ ربنا أراده هتلاقيني قدام بابك جاي أطلب إيدك.. أما دلوقتي ف في أمان الله وثقي إن ولنا فالحلال لقاء. علقت علي المسدج بإيموجي، مسحت الرقم، عشان شيطاني ميلعبش معايا، وبدأت صفحه جديدة من اول وجديد. عدت سنه، وأنا بحاول وبجاهد نفسي علي فعل الطاعات، بعدت عن کل صحابي السوء وبقيت أنا و يوسُف صحاب جداً، وكان نعم الرفيق. إتخرجت، وبدأت أتشغل شغلانه تليق بيا وبشهادتي، وأهم حاجه شغلانه ترضي ربنا.. أنا مهندس معمارى. وحاليا بحاول أبني ليا بزنس خاص بيا. بدأت أهتم بنفسي وبحياتي، وبعلاقاتي ومن أهمها علاقتي مع ربنا، كنت بايع أي حاجه هتبعدني عن طريق لِ ربنا.. الموضوع مكنش سهل بس برضو مش مستحيل، وكنت بفكر نفسي بالحديث بتاع "وإن تقرب إليَّ شبرًا تقربت إليه ذراعًا، وإن تقرب إلي ذراعًا تقربت إليه باعًا، وإن أتاني يمشي أتيته هرولة. ..." وخلال السنه دي ما شوفتش آيه، وكلمتها.. "آيه نفسها البنوته اللِـ بدعي ربنا إنها تكون من نصيبي". بقيت مدوام علي قيام الليل عشان ربنا يقبل دعوتي عملت بنصيحه يوسُف وكنت بدعيلها ربنا يصلحها ويجعلها خير ليا وتكون من نصيبي وكنت بنزل بنفسي أتصدق وأوزع أكل وحاجات كتير علي الناس عشان يدعولي. وفي يوم من الأيام و إحنا فالمسجد يوسف بصلي وقالي يوسف: هتفضل تدعي بس يا أيوب؟ فسألته باستغراب أيوب: يعني إيه؟ ابتسم وقاله بضحك يوسف: ما تتقدملها يا بني ضحكت علىٰ كلامه أيوب: هو أنا مقفوش اوي كد يوسف اوي اوي يعني ومن قرب يوسف ليه حكيتله عن آية، وكنت بستشيره، فكذا حاجه وكان اول داعم ان اثبت نفسي الأول وبعدها أتقدم وبعد مرور كمان نص سنه، قررت أنه خلاص أنا لازم أروح وأتقدم، أخدت بابا وماما وروحنا. بعد ما أخدنا معاد من والدها. كنت قاعد علي أعصابي، وعايز الوقت يطير، والليلة دي تخلص بسلام. دخلت آيه مع والدتها.. إبتسمت تلقائية أول ما شوفتها بهيئتها الي صدمنتي.. لبست النقاب! يا هنايا وسعدي والله، العوض بينله أحلي، والحلال شكله كان يستحق بجد طلعت العيلة، وفضلنا أنا و آية، اللِـ قلعت النقاب عشان الرؤية الشرعيه، عينها كانت في الأرض، ومشبكه إيدها في بعضها بتوتر. قطعت أنا التوتر وقلت أيوب: إزيك يا آنسه آية؟ رفعت عينها بتوتر، وقالت آية: الحمدلله ف زحام من النعم أيوب: أتم الله حمدك، بس اللهم بارك شايفك لبستي النقاب. آية: ربنا أراد إن ألبسه، وحقيقي أنا كنت عايزة أخد الخطوة من زمان. سكتت شوية ولقيتها بتقولي آية إيه اللي خلاك تتغير بالشكل ده؟ فسكت لثواني أيوب: هداية من ربنا أولاً و السبب التاني انتِ لقيتها ابتسمت وكملت آية: طب لو اختلفنا في يوم، هتعمل إيه؟ ابتسمت وقولت أيوب: هفتكر إننا متجوزين عشان نكمل بعض، مش عشان نكسب بعض آية: وإيه أكتر حاجة بتتمناها في بيتك؟ أيوب: بيت يرضىٰ عنه الله عزوجل، بيت يتعمر بالقرآن، والحب والمودة و أهم حاجه قعدة تدبر ف البلكونة مع كوبايتين شاي بالنعناع لقيتها ابتسمت فكملت أيوب: أظن دلوقتي أنا اقدر أقول إننا مستعدين نكون على علاقه صح و إنك موافقة. هزيت راسها بتأييد وقالت بمرح: وبما يرضيٰ..إيه ضحكت بخفه، وقلت أيوب: وبما يرضي الله وتم قراءة الفاتحه وبعدها الخطوبة استمرت تلت شهور وكتبنا الكتاب وهنا أقدر أقو... آية: أنا أنا هقول أيوب: قولي ي ست أيوية ي وصية الرسول آية: تسلم ي قرَة عيني، وكده أقدر أقولكم وكان لنا فالحلال لقاء ♡

(تمت بحمد الله)

المشارك التاسع.....

وكان حُبي سبَب هدَايـتِي♡゙

مسدج إتبعتتلي من آيه، قريت المسدج، وكتبت بهدوء أيوب: يعني ولنا فالحلال لقاء وصلني أنها شافت المسدج بس مردتش، إبتسمت بخفه لإني عارف هي بتفكر في إيه.. أيوب: متخافيش يا ايوية، أنا هبعد لإن ده الصح ليا وليكي، مش عشان أخدت اللـِ ...أنا عايزه منك ولا الهري ده.. بس يمكن تقولي أنا فوقت وعايزك بس فالحلال آية: غريبة ما انا ياما قولتلك كده، إيه إلي غير رأيك بالسرعة دي..؟ رفعت عيني من التليفون، وبصيت قدامي، وإبتسمت بخفه لما إفتكرت مقابلة يوسُف (Flash Back) أيوب: إتفضل يا عم أدم هات إيدك. أدم: تسلم يا بني ربنا يبارك فيك. إبتسمت بهدوء، ودخلت وراه المسجد، المسجد كان هادي ومفهوش ناس كتير، أنا متعود أجي المسجد قبل آذان الفجر، بصلي ركعتين وأقعد أقرأ قرآن لحد ما الفجر يأذن وأنا داخل لمحت شاب قاعد في رکن منفرد لوحده بيقرأ ف المصحف، وكان أول مرة أشوفه مركزتش ودخلت أتوضيٰ.. صليت ركعتين وأنا بسلم لمحت نفس الشاب بعد ما خلص قرأته ف المصحف، قاعد وحاطط إيدة علي خده وكان باين عليه مهموم او حاجه زي كده.. قُمت بعد ما خلصت، ورُحت قعدت جنبه وأنا بقول أيوب: شايل طاجن سِتك ليه يا صاحبي؟ إنتبه ليا، وبصيلي و هو بيرسم إبتسامه بشوشه علي ملامحه، وقال يوسف: لا شايل طاجن سِتي ولا حاجه. ضحكت بخفة أيوب: أومال إيه الحوار؟ لو مافيهاش مُضايقة يعني. ابتسملي بود يوسف: لا مضايقه ولا حاجه، کل الحكاية إني مطرود من البيت عشان زعلت مراتي. ضحكت جامد علي ملامحه أيوب: إحلف؟ يوسف: آه والله! الست الوالده قالتلي روح إعرف غلطك وإبقي تعالىٰ. أيوب: غربية والدتك واقفة في صف زوجتك. يوسف: والدتي صاحبه حق يعم. ضحكت على كلامه أيوب: ربنا يديمها نعمه في حياتك. يوسف: اللهم آمين، تسلم. أيوب: طب وإنت مروحتش ليه؟ أنا شايفك هنا من بدري. يوسف: كنت ماشي بعِد عمايلي السودة عشان أروح أسمعهم لأمي، وأعتذر لِـ وصية الرسول، لكن وأنا ماشي لقيت المسجد مفتوح ف دخلت صليت وقعدت أقرأ قرآن، ولقيت أن الفجر ما فضلش عليه كتير عشان أروح وكده. لفت نظري جملة وصية الرسول اللِـ قالها، سألته بإهتمام أيوب: مين وصية الرسول؟ يوسف: زوجتي. أيوب: ليه بتقول عليها كده؟ يوسف: لإن هيٰ وصيه الرسول ليا، وبعدين وصية الرسول الأخيرة لينا إننا نستوصيٰ بالنساء خيرا. هزيت راسي بتأثر، وأنا ببتسم أيوب: حابب أسأل سؤال لو مش هيضايقك؟ إبتسم إبتسامه بشوشه يوسف: لا أكيد إتفضل أيوب: كنت بتكلم زوجتك قبل ما تتجوزا؟ أو أقصد يعني كُنتوا تعرفوا بعض قبل الجواز. بصيلي بهدوء، بصيتله بترقب وكنت قلقان من ردة فعله للحقيقه، بس صدمني، وقال يوسف: أه. رفعت حواجبي ببلاهه، كمل وقال يوسف: بس، أنا سارعت وقفلت باب الحرام ودخلتلها من باب الحلال. هزيت رأسي بعدم فهم أيوب: إزاي مش فاهم؟ بص قدامه وسند ضهره للحيطه يوسف: سمعت جمله جميلة جداً خليتني أعيد ترتيب الأمور بس بالمنظور الصح. أيوب إيه هي؟ بصيلي بهدوء، وقال بجدية يوسف: إن العلاقة اللِـ بدايتها مش بترضي ربنا نهايتها مش هترضي صحابها. حركت نظري من عليه بتوهان، وأنا بفكر في جملته، سمعته بيقول يوسف: أنا كنت بحبها وعايزاها ليا ومكنتش بتسلي ولا الكلام ده، بس إكتشفت إن طريقتي كانت غلط... مش علاقتي معاها في السِر هيٰ اللِـ هتخليها ليا، ولا كلامي معاها من ورا باباها هيخليها من نصيبي، ولا العلاقه الغير شرعيه دي هي اللِـ هكون عايزه في النهاية، لأنها علاقه مبنيه علي غضب من ربنا، فالبتالي كوالتي العلاقة اللِـ هعيشها م هتكون نفس كوالتي العلاقة اللـِ بتمناها.. هزيت راسي بتفهم يوسف: ف عشان كده قفلت الباب ده نهائيا ودخلت باب أحليٰ بكتير.. باب التوبه. قال جملته الأخيرة وهو بيبتسم بفرحه، إبتسمت علي آثر إبتسامته أيوب: وبعدين إيه اللِـ حصل؟ يوسف: الصراحه الدنيا بقت أحلي، والنفسية كانت مرتاحه، وكنت مبسوط والحياة كانت فل الفل.. وكل ده لإني كُنت في الطريق اللِـ إختاره ليا ربنا.. طريق الحلال. وبصيلي وقال بإبتسامه يوسف: وعلفكرة كنت دايما في کل صلاة بدعي إنها تكون من نصيبي، وكنت بطلع صدقات كتير عشان الناس تدعيلي أتجوزها، لحد ما ربنا سهل الحال ورُحت إتقدمتلها وحاليا معايا رحمة و مودة إبتسمت بفرحه أيوب: ماشاء الله اللهم بارك، ربنا يحفظهملك وينبتهم نباتًا حسنًا حط إيده علي كتفي، وقال بإبتسامه ودودة يوسف: حبيبي تسلم والله، وعقبالك يا رب. أيوب: قريب بإذن الله يا... إنت إسمك إيه صحيح؟ يوسف: اسمي يوسف مديت إيدي بترحاب أيوب: وانا أخوك أيوب يوسف: وعِز الأسامي يا غالي. فضلنا نتكلم شويه، لكن كان في سؤال شاغلني، ف قلتله بدون تفكير..

المشارك التامن.....

أصبحنا في زمن المجاهرة بالمعصية أمر طبيعي

نذهب لنشتري حاجاتنا نجد المَحَال والمنشئات التجارية المشهورة تضج بالموسيقى والأغاني فتخرج من هذا التيه فما تلبث أن تركب أي وسيلة للنقل والمواصلات فتجدها أيضًا مليئة بذلك الضجيج ـ ضجيج الموسيقى ـ تمشي في الشارع فتجد المارة علقوا هواتفهم عليها أيضًا تتفقد الهاتف فتجد اغلب المقاطع والصور مشغولة بالموسيقى تَنَسا الجميع أن الموسيقى معصية فصاروا يتباهون من أمثر حفظ للأغاني وسماعًا لها، ومن يحضر حفلة الفنان هذا والمغني ذاك وكأن معاير الاحترام في مجتمعنا صارت لأكثرهم معصية لله ونشرها ـ والعياذ بالله ـ وكلما زادت معصيتك زاد احترامك في أعين الناس ثم يردفون أفعالهم في النهاية بقول الله تعالى:" إن الله غفور رحيم " ونسوا قول النبي ﷺ" كل أمتي معافى إلا المجاهرون" فاستقيموا قبل أن يستقيم الناس صفوفًا ويقول قائلهم صلاة الجنازة على ميتكم