هەوریHAWRI
Open in Telegram
گۆرانی باڵە و مرۆڤیش پەلەوەر... نەناسراوی هەوری : https://t.me/HibyChatBot?start=sc-5PaM2g4rlu
Show moreThe country is not specifiedThe category is not specified
269
Subscribers
+124 hours
+27 days
-230 days
Posts Archive
267
Repost from Nazilê|نازیلێ
چەندە کورتە تەمەنی من
کە پێم خۆشە
هەمووی دانێم لە ڕێگای تۆ
ئاخ نیشتمانی سەربەخۆ!
ک.د.ئازاد
267
Repost from Nazilê|نازیلێ
شەکەتەنا شەکەت لالۆ دەسوو وێمۆ دسوو شاریۆ دەسوو وەریۆ دەسوو هوایۆ دەسوو مانگێ دەسوو خود٘ایۆ ژیانم بیەن قەرە لالۆ شەکەتەنا فرە لالۆ شەوەم شەوگاروو پاییزی ڕێوم دەیجوروو ٸازیزی نەمام واد٘ەو گەڵاڕێزی جەمین ماچی ڕووەو دێزی وشکەن هانە و دەرە لالۆ شەکەتەنا فرە لالۆ شیویان سات و مانگ و ساڵم دیویان دیسان نەحسی تاڵم مڕیان هەر دوو لاق و باڵم ڕنیان جە باخ مێوەی کاڵم یانەم نیشتەن هەڕڕە لالۆ شەکەتەنا فرە لالۆ ساڵم یەکسەر بێوەهارەن کەش و کۆ مات و ٸەوگارەن خاکەلێوەم پەنجو تارەن هەرچی ساڵ خۆزگە وە پارەن سۆتێ وەنی و نەرە لالۆ شەکەتەنا فرە لالۆ تاریک بیەن یانەو دڵی نمەشنیۆ لام ڕووەو گوڵی قەد٘اخەن دەنگوو بوڵبوڵی بووڵە وەشتێنە زاوەڵی شاد٘ی نمەی بەرە لالۆ شەکەتەنا فرە لالۆ شەماڵ بیەن تۆف و زلان ڕواسی بیێنە قازی کەڵان بانگوو مزگیشا دان قەلان دیواخان بیەن یاگێ شەلان شێتخانە بیەن مەرە لالۆ شەکەتەنا فرە لالۆ هەڵۆی ٸاسمانی مەردێنێ قاڵاو قسێش زلێ بیێنێ ژەرەژی خاڵێش شەردێنێ قاچێ شێریشان مەڕدێنێ وەرگێ بیێنێ وەرە لالۆ شەکەتەنا فرە لالۆ مانیا و لێوە و هەردەنا همەی پڕچن جە دەردەنا جە ژیانی دڵسەردەنا درەختێوە پایوە مەردەنا نەمەنەنم ورە لالۆ شەکەتەنا فرە لالۆ لالۆ هەوارێ چۆڵێنێ بیرێ خەمان فرە قووڵێنێ نامەردێ پیا ماقووڵێنێ ڕەفیقێ گردێ زۆڵێنێ ڕەهنەما بییەن هەرە لالۆ شەکەتەنان فرە لالۆ لالۆ ڕاو ڕاسی سەخڵەتەن بەشوو ڕاسواچی مەینەتەن وەڵادیمو سکێ شەهوەتەن دانسقەو لێمان غیرەتەن گەواد٘ بیەن پیای سەرە لالۆ شەکەتەنا فرە لالۆ کۆن سیاچەمانە و هەواران کۆن کەپرە و تارمە و کەلاران کۆن زرمە و ناڵوو سواران کۆن گەلە پاڵوو دواران هەڵیزە بێ کەرە لالۆ شەکەتەنا فرە لالۆ کۆن گیانوو ٸەمن و گیانوو تۆ کۆن سەوزایی چنوور و لۆ کۆن وەرکەمەر تا کەرمێش بۆ کۆنە زامان ٸاماینێ سۆ بوەکۆرە بیەن سەیرە لالۆ شەکەتەنا فرە لالۆ کۆن ترووسکە و چراوە و کەوێڵی کۆن یەکڕەنگی گردو خێڵی کۆن قەسەموو تاڵ و سوێڵی کۆن وێژدان بەجیای بەرتێڵی پاژنە بیەن سەرە لالۆ شەکەتەنا فرە لالۆ دڕ و داهاڵ سەروو ڕایۆ پەنگەڵ وێش چەسپنان مایۆ ژیان دریان دەسوو وایۆ گیرمان واردەن دەسوو شایۆ بنچینە کەوت لەرە لالۆ شەکەتەنا فرە لالۆ کۆن مەولەوی واچۆ خاڵۆ وێش ٸاسای قۆڵێ هۆرماڵۆ دەمش سەروو خاڵان ماڵۆ تۆموو عەشق و وەفای کاڵۆ بۆ بە خەمەوەرە لاڵۆ شەکەتەنا فرە لالۆ ٸاخ پەی سەیدی ڕاوە بەیۆ ساتێ جە لامانۆ سیۆ کەرۆ هاوار دەم بە مەیۆ خۆ کافرستانی نیۆ بچنۆ باڵاشەرە لالۆ شەکەتەنا فرە لالۆ پەی قاد٘ری و لێفە شڕەکەیش پەی هاواری و دڵە پەڕەکەیش پەی قەڵاخوانی و دەرەکەیش پەی مەلە بەرزەفڕەکەیش کولەی کەرۆ گەرە لالۆ شەکەتەنان فرە لالۆ پەی عەشقەکەو جەهانارای چەنی خەمی وێش و نارای دڵ بە شەرەفی سپارای پەی پاییزی و خەزان وارای وەفاش کەرد بە مارە لالۆ شەکەتەنا فرە لالۆ خەڵکی پەشێو و ماتەمەن خێڵخانەی مەینەتشا جەمەن ٸانە فرە بۆ، دەروون خەمەن مەردەی ٸاسان ژین ٸەستەمەن قەورسان بیەن مەنزەرە لالۆ شەکەتەنا فرە لالۆ ٸاخ پەی مەردمەکەو جارانی وێش بد٘ۆ وەروو وارانی بلۆوە هەواروو داڵانی خۆرێڵە و میشاوو هاڵانی دیسان بەسۆ کەپرە لالۆ شەکەتەنا فرە لالۆ لالۆ تووخۆدا تۆ بۆرێوە سەردەن با ٸایرێ کەرمێوە دەورشەنە جەمێ بێمێوە سروودەو گاتای بوانمێوە واچم زاڵم بمرە لالۆ شەکەتەنا فرە لالۆ
موعتەسەم شافێعی
