بين رفوف مريم.

طيب الشاب اللي مش عنده شقة ملك منجوزهوش؟ الواقع صعب والشباب حقيقي بيكدوا وسط الغلاء والفتن فعدم وجود شقة مش سبب أبدا للرفض. عارفة ليه الاهل بيرفضوا الايجار بس يا جماعة ما هو الايجار مش رخيص بردو الله يعين الشباب. والله المستعان بدعائك ودعمك واجتهاده وتعبه ممكن تحوشوا وتجيبه شقة حتى لو بعد سنين. وانا بصراحة مش بشوف عدم وجود شقة سبب للرفض. فانتي تعملي ايه؟ تتبعي خطوات الحكم على الخاطب وتشوفي دينه وخلقه واجتهاده وشخصيته وتستخيري. ولو كلام الاهل من النساء طنشيهم. ولو هو كلام والدك ووالدك اللي هيرفض حاولي تقنعيه لو متاح ده لو مش متاح خلاص متعمليش حاجة وادعي ربنا يعوضك وييسر لك أمرك وبس كدة. الله ييسرلك وتبشرينا بالخير قريب ونفرح بيكي🫂

عليكم السلام.. عارفاه يعني معجبة بيه او متعلقة بيه وكنتوا بتتكلموا؟ ولا عارفاه مجرد معرفة؟ لو عارفاه مجرد معرفة يبقى تمام. لكن لو فيه تعلق فراجعي نفسك كتير لو حكمك متأثر بالمشاعر دي. طيب الشخص تقدم؟ دي نقطة كويسة جدا. مش عارفة قعدتي رؤية شرعية ولا لا ولكن المفروض الرجال في عيلتك يسألوا عنه وعن اخلاقه وتعاملاته وهكذا لو سمعوا عنه خير تعملوا رؤية شرعية سواء انتوا بتفضلوا الأب يقعد مع الشاب الأول ولا بييجي البيت على طول. المهم نقعد معاه ونتكلم معاه ونشوف القبول شكلا وخلقا وتفكيرا. ليه بقول كل ده؟ علشان ده المسار الصحيح في الحكم على الخاطب. بعد ما بنعمل الرؤية نستخير ونفكر ونستشير قبل القرار. نقطتين مهمين: 1) لو انتي مستواكي المادي أعلى منه وهيكون فيه معايرة أو ضغط عليه من ناحية عيلتك وتكلفة له اكبر من طاقته فبلاش أحسن. 2) زي ما قولت قبل كدة مش بنحكم على الراتب على قد ما بنحكم على ان الشخص ده مجتهد وراجل ومتحمل للمسؤولية ولا لا. هيتعب ويجتهد علشان يوفر رزق طيب حلال لبيته ولا لا وعلى هذا الاساس بنحكم، رزق الزواج واسع وربنا ييسره الخير طالما ناوي العفاف. فمن رأي المهم الشخص واجتهاده مش الراتب

عليكم السلام ورحمة الله وبركاته آمين واياكم يارب متعجبيش ولا تحبي حد طالما متقدملكيش أبدا هتكوني بتحطي نفسك في حرب نفسية جواكي واستهلاك لمشاعرك حقيقي انتي في غنى عنه. وكمان انتي مش عارفة الطرف التاني ده بيبادلك المشاعر ولا لا يعني تعلق بالوهم طيب ليه نعمل في نفسنا كدة؟ افرضي هو مش من نصيبك هتفضلي تعذبي نفسك بالمشاعر دي وأي شخص يتقدم لك هتقارني بينه وبين الشخص ده فحقيقي بلاش. اقطعي اي سبيل بيعرفك على معلومات واخبار الشخص ده ولو متابعاه في السوشيال ميديا اعملي بلوك مش مجرد عدم متابعة. لان لو عملتي عدم متابعة في لحظات الضعف هتدوري عليه وتشوفي اخباره. واشغلي نفسك ووقتك وتفكيرك بنفسك طوري ونفسك واهتمي بنفسك وشكلك وحبي نفسك انتي. ادعي ربنا سبحانه وتعالى انه يبعد عنك الفتن ويصون قلبك ونفسك من اي تعلق زائف وتجربة صعبة وانه يرزقك الحلال والعفاف عاجلا ويرزقك الزوج الصالح المناسب لك

أفضل من سمعتهم يتكلموا عنها وكل ما كنت بزهق منها أو بتعب كنت برجع أسمعهم https://youtu.be/KNwc5gMvL7Q?si=ptDVu87To8U-7IHf https://youtu.be/ERv9leFKC_M?si=46GK_y4XhcUW311B https://youtu.be/Z3Yf1PPGLVM?si=rjL-b2UkgTcUuuwd بصي أمر الاتصالات انتي رقيبة نفسك والله مطلع عليكي هو له شروط انا بشوف انه مهم خصوصا لو الزيارات بعيد او الخاطب مسافر بس انتي رقيبة نفسك والله مطلع عليكي لو هيحصل فيه تجاوز في الكلام وهما باب فتنة ليكم فبجد كدة مش هتسهلوا الموضوع كدة هيبقى أصعب فهماني؟ فمهما دورتي على فتوى تبيح الكلام أو هكذا المهم انتي وهو وانضباطكم مع نفسكم أمام الله. ربنا يرزقكم الحلال عاجلا غير آجل ويجمع بينكم على خير.

https://www.facebook.com/share/1KAVFNqWGS/ أحسبها على خير وشخصية جميلة جدا تعاملت معاها ولكن محصلش اني استشارتها او كدة. فجربي وانقليلي تجربتك.

https://youtube.com/playlist?list=PLAeuUfwnAxm76bLpj7uZvDTsUTg7WMYB4&si=RKZWM1iJlFIGn-mp https://youtube.com/playlist?list=PLVkXY0WTlcZ1KkPaZj9OKbYPomvnbCU00&si=DOZBzDxfs5Tryg9o دي دورات كتابة المحتوى اللي بدأت بيها لعلها تنفع حد منكم. 🫂

بتبسط لما حد يقولي يا مريوم🥰 الله يرزقك الزوج الصالح عاجلا غير آجل يارب يا حبيبة قلبي. لو مش في حاجة مادية للعمل طبعا متشتغليش أفضل. بالنسبة للملل: الحمد لله بتحفظي قرآن لو متقنة ممكن تبدأي تحفظي حد أو اتنين من أهلك أو صحابك. حطي لنفسك وقت في نهاية اليوم خاص بيكي اتفرجي مرة على كرتون أو لوني الحاجات دي بتهدي النفسية وبتحسسك انك مستمتعة بحياتك. ممكن تقرأي تبدأي بحاجات خفيفة وهرشحلكم كتب وروايات حلوة. اتعلمي الرقص مثلا🫣 اسمعي بودكاست ولخصيه وانشري الفوايد اتعلمي الطبخ واطبخي أكلة لو مرة في الاسبوع خدي دورة تجويد اتعلمي كروشيه او تطريز العبي رياضة في البيت او انزلي جيم حددي مهارة واتعلميها واشتغلي بيها. وهكذا جمعي أفكار واكتبيها وقسميها على مدار الاسبوع وكل يوم اعملي نشاط مختلف واملي حياتك.

جلال الدين الروميّ قال عبارة عميقة: «لا يزال المرء أُمّيًّا، حتى يقرأ ذاتهُ» ومعناها عميق؛ فالأُمّية ليست جهل القراءة والكتابة فقط، بل جهل الإنسان بنفسه، فالإنسان يمكنه أن يعرف الكثير والكثير ولكنه عاجز عن فهم دواخلهِ؛ لأن أول أبواب المعرفة أن تفهم ذاتك!

من واقع الاستشارات إلى كل إنسان حزين… وإلى كل إنسانة أتعبتها مشكلات الزواج، وأصبح الماضي يسكن قلبها أكثر مما يسكن بيتها… أعرف أن بعض الجراح لا تُرى، وأن هناك مواقف انتهت منذ سنوات، لكنها ما زالت تعيش في القلب وكأنها حدثت بالأمس. كلمة قيلت… موقف مؤلم… خذلان… إهمال… خطأ لم يُنسَ… وكلما حاول أحد الزوجين أن يقترب، خرج الماضي من جديد ليقول: «وكيف أنسى ما فعلته بي؟!» لكن القرآن يعلّمنا أن الحياة لا تُبنى على استدعاء الألم كل يوم. قال الله تعالى: وَلَا تَنسَوُا الْفَضْلَ بَيْنَكُمْ﴾ تأملوا جمال الآية… حتى عندما يحدث الخلاف، وحتى عندما تنكسر بعض الأشياء بين الزوجين، لا ينبغي أن نمحو كل تاريخ الخير بسبب لحظة ألم. ويقول سبحانه: ﴿وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبُّ الْمُحْسِنِينَ﴾ العفو ليس معناه أن ما حدث كان صحيحًا، ولا يعني أن الإنسان فقد حقه في وضع الحدود أو طلب الإصلاح. العفو أحيانًا يعني: لن أسمح لما حدث بالأمس أن يدمّر ما بقي من حياتي اليوم. وقال النبي ﷺ: «لا يَفْرَكْ مؤمنٌ مؤمنةً، إن كره منها خُلُقًا رضي منها آخر» متفق عليه. وهذا من أعظم مفاتيح الحياة الزوجية… لا تجعل عيبًا واحدًا يمحو عشرة أشياء جميلة. ولا تجعل مشكلة واحدة تفسّر لك خمسة عشر عامًا من الحياة كلها على أنها كانت سيئة. ولا تجعل أخطاء شريكك القديمة تصبح عدسة ترى من خلالها كل شيء يفعله اليوم. وقد صدق الشاعر حين قال: وعينُ الرضا عن كل عيبٍ كليلةٌ ولكن عينَ السخطِ تُبدي المساويا فالإنسان حين يتألم يرى عيوب الآخر أكبر من حجمها، ويستحضر أخطاءه القديمة عند كل خلاف. ولهذا أقول لك من القلب: ليس مطلوبًا منك أن تنسى الماضي… ولكن لا تسمح للماضي أن يعيش فيك إلى الأبد. تعلم منه، وخذ منه العبرة، وطالب بحقك إن كان لك حق، وضع حدودك إن احتجت إليها، لكن لا تجعل قلبك سجنًا للأحداث القديمة. إن كان بينكما مجال للإصلاح، فابدآ من اليوم… لا من أول مشكلة حدثت منذ عشر سنوات. ولا من أول كلمة جارحة قيلت منذ خمس سنوات. ابدآ من السؤال: ماذا نستطيع أن نفعل اليوم لنكون أفضل من الأمس؟ فالله سبحانه يقول: ﴿إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنْفُسِهِمْ﴾ [الرعد: 11] وربما تكون أجمل أيام زواجك لم تأتِ بعد… فلا تحكم على الغد بعين الأمس. ولا تعاقب إنسان اليوم على كل أخطاء إنسان الأمس، إذا كان قد تاب وأصلح وتغيّر. وتذكر: أنت لست ما حدث لك. وأنت لست أسوأ أيام زواجك. وشريكك ليس أخطاءه كلها، كما أنك لست أخطاءك كلها. وإن كان الفراق هو الحل بعد استنفاد وسائل الإصلاح، فحتى الفراق له أخلاقه: ﴿فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ﴾ لا تجعلوا نهاية العلاقة بداية حرب، ولا تجعلوا الألم مبررًا للظلم. يا من أتعبك الماضي… ضع يدك على قلبك وقل: يا رب، أنا لا أستطيع أن أغيّر ما حدث، لكنني أستطيع أن أختار كيف أعيش ما بقي. اللهم اشفِ كل قلب أتعبه الماضي، وأطفئ نار الغضب في الصدور، وأصلح بين الأزواج، وألّف بين القلوب، ومن كان في إصلاحه خير فاجمع بينه وبين زوجه على خير، ومن كان الفراق أصلح لهما فارزقهما الفراق بإحسان، واجعل ما بقي من أعمارنا أجمل مما مضى. فالحياة أقصر من أن نقضي نصفها في صناعة الجرح، والنصف الآخر في تذكّر كيف جُرحنا. #التعافي_من_الماضي #لا_تسكن_في_الماضي #وعي_أسري #د_عبدالرحمن_منصور

مشاعر التوتر والخوف والتردد قبل العقد دي طبيعية 😂 عارفة ساوند أهرب على فييييين😂 بيكون ده الاحساس بجد. بصي انتي ايه تعريفك للحب؟ مش انتي متقبلاه شكلا وروحا؟ وبتحبي تكلميه وتقعدي معاه؟ ولما يغيب بتشتاقي لوجوده؟ وهكذا من الامور دي احنا عندنا مودة ورحمة انك تحبي تتكلمي معاه وتتونسي بيه وكمان تطمني بوجوده وتكوني عاوزة تدعميه وبتدعميه بكلامك وهكذا. انتي بقا ايه تعريفك للحب؟ يا حبيبة قلبي مش انتي مبسوطة معاه؟ وبتقولي انه كويس وعنده خلق؟ المفروض كنتي تستني الأحسن ازاي؟ لازم توقفيهم يا حبيبي هو هيكون زوجك مينفعش أبدا تقبلي الكلام دهوعلى زوجك ولا تخلي وسوسة الشيطان دي تدخل لك منهم. اتكلمي معاهم بهدوء ان ده مينفعش وانك مرتاحة له. هوني عليكي يا حبيبة قلبي. 🫂 طول ماهما بيزنوا عليكي هتفضلي خايفة اتكلمي معاهم بهدوء. وادعي ربنا وتضرعي له يهديكي ويطمن قلبك ويبعد عنك وسوسة الشيطان. بصي غالبا الجفاء ده بسبب البعد والضوابط معروفة😂 او بسبب حاجة تانية مهمة جدا وجميلة جدا نوعا ما اننا مش بنتعامل مع رجال وهكذا فتبدأي في الأول تقولي ايه ده مين ده؟ ازاي هيكون زوجي؟ ازاي هسمح له بحاجات معملتهاش ومحستهاش قبل كدة؟ فده طبيعي وهتتعودي لما تعقدي وهتزول كل الحواجز. بصي انتي انثى بفطرتك يا حبيبي ولكن كنا بنحبسها طبعا علشان الضوابط وهكذا فلما تعقدي وتتزوجي هتاخدي راحتك هتتزيني والكلمات البسيطة الرقيقة منك هتكون منتهى الجمال والرومانسية. تحضير هدومه بحب بعد الزواج دي رومانسية تخطف قلبه أكلة حلوة وهكذا. بصي مسمعتش حاجة الحقيقة أثق اني ارشحها لك في الامر ده ولكن كوني على طبيعتك🫂🤍

مبارك مبارك يا سكر🥰 الله يسعدك يا عروسة ويبارك لك في زواجك وبيتك ويجعله زواج مبارك يارب. اسم صالونات مصونات ده جميل بجد😂 أكيد عيلتك اللي بيقولوا كدة نساء😂 الله يهدي النساااء بجد. هل هما مقسمين للأرزاق؟ هي يقدروا يطرحوا في الرزق البركة؟ هل يعرفوا الغيب؟ بصي أنا كمريم وده شئ اتعلمته من والدي حكمي على الحالة المادية للزوج مش هو بيقبض كام لا بهل هو شخص مجتهد وبيسعى ولا لا؟ طالما شاب بيجتهد وبيسعى وبيشتغل وانتي لامسة ده وشايفاه وشايفة تعبه في شغله علشانك يبقى متسمعيش كلام وحد واللي يتكلم معاكي في الأمر ده حطي له حدود وقوليله لوسمحتوا دي حياتي مسمحش حد يتكلم فيها. حكمك الوحيد يا حبيبة قلبي على الشاب اللي معاكي انه ميكنش شخص مستهتر ولا كسول ولا بيضيع وقته ولو عيشتي معاه هيقعد في البيت ويكسل عن الشغل . لكن لو هو رجل متحمل المسؤولية وبيسعى وبيشتغل وبيجتهد فان شاء الله ربنا يكرمكم ويرزقكم البركة يا حبيبة قلبي. ادعي ربنا يوسع عليكم في رزقكم وداركم وبيتك ويرزقكم البركة. وبلاش تنقلي له الكلام ده متجرحيش رجولته. لا شجعيه على الشغل وخففي عنه تعبه بكلامك وحنانك وتقديرك لمجهوده ده هيحفزه يشتغل ليل نهار علشانكم

أما لو حابة تجربي مجال عمل.. متخليهوش هدف خليه شئ مؤقت ومتتعلقيش بيه لان تعلق بالشغل هيخليكي تتنازلي عن أمور كتييييييير جدا مهما تصنعتي القوة وقولتي لا مش هتنازل أو مش هقع في الخطأ ده أو المخالفات دي. صدقيني احنا أضعف من كدة بكتييييير. وبعيدا عن رأي مريم. الله سبحانه وتعالى قال: وقرن في بيوتكن. فطالما مفيش حاجة مادية للعمل بيتك أولى بيكي حتى لو عزباء على فكرة. واعطي الاهتمام لنفسك ولأهلك ولدينك

بسم الله... سؤال شائك😅 بصي من واقع الحياة اللي شوفتها العمل مش مناسب للمرأة أبدا. شوفت نساء تعبانين وبييجوا على نفسهم شوفت نساء مستهلكة شوفت بنات مفيهاش أي معنى من معاني الأنوثة بسبب العمل شوفت بنات مش قادرة تاخد فرصة انها تعيش انثى معززة تستمتع بأنوثتها ودلالها وتكون محفوظة لها كرامتها بدون ما حد يهينها بسبب الشغل. النساء والبنات دول بيشتغلوا لأسباب وأكيد لحاجة معينة وأنا جوا نفسي دايما بدعي من قلبي ان ربنا يحفظ نساء المسلمين ويبعدهم عن العجز والفقر والحاجة للعمل علشان المال ويرزقهم كل احتياجاتهم وهما في بيوتهم معززات مكرمات. فكرة الكارير وتحقيق الذات وهكذا مقابلتش بنت بتشتغل علشان الفكرة دي ومبسوطة بالعكس بشوفهم عايشين حياة فردية وشايلة مسؤوليات فوق طاقتها ومهملة جزء كبير من روحها الانثوية مش شكلا لا روحا فبجد لو انتي مش في حاجة مادية للشغل متشتغليش . طيب هل انا كدة مع ان البنت تقعد على السرير طول اليوم ماسكة موبايلها بتسكرول بس؟ سيدنا عمر بن الخطاب كان له مقولة: اني لا أحب المرء يعيش سبهللا لا في أمر الدنيا ولا أمر الآخرة. فالشغل مش هو اللي هيشغل يومك ويحقق ذاتك في أنشطة كتير تعمليها

فكرة بقا القبول أنا متأكدة ان في ناس حواليكي بتحبك بس انتي علشان الفكرة دي مسيطرة عليكي انتي مش شايفة ده. انا فضلت ٣ سنين ثانوي متأثرة بالفكرة دي وكان عندي شلة صحابي بتحبني جدا ولكن انا كنت ببعد عنهم لاني شايفة اني سيئة لكن لما تعافيت من ده وعرفت ان هما فعلا مستعدين يتقبلوني قربت وجربت واتبسطت🤍 فجربي ومتحطيش حواجز وهمية موجودة في دماغك انتي بس وعيشي وتعاملي ببساطة . حتى لو عندك طباع مختلفة وحدود معينة وقيم مخصوص ليكي. ايه المشكلة؟ بردو كلنا كدة. وهتتحبي وهتلاقي صحاب يحترموا ده زي ما انتي بتحترمي شخصيتهم لان العلاقات متبادلة. فوجود سمات خاصة بيكي ده اللي بيمزك أصلا مش حاجة وحشة. ولو حابة ابعتيلي اليوزر بتاعك ويلا نبقى صحاب غرباء زي بعض🫂

ده سؤال محتاج حضن الأول قبل الاجابة العقلانية🫂🫂🫂 حقيقي يا ولاد كلنا بنمر بالمشاعر دي 🥺 كل كلامكم بيلمسني وبيفكرني بأوقات كتير. بصي انا مريت بوقت صادقت حد وكانت بتقلل من كل حاجة انا بعملها لدرجة ان ثقتي في نفسي ادمرت وكنت ببعد كل الناس عني لاني شايفة اني مش كويسة و كدة وحقيقي نفسيتي كانت مدمرة في الوقت ده. تخطيت ده ازاي؟ أول حاجة بعدت عن أي حد وأي حاجة بتقلل مني ومش بتحترمني ومبصدقش أي كلام بيذم فيا وخلاص ومش بصدق كلام سلبي من حد غير لما أفكر فيه بهدوء . تاني حاجة اتكلمت، لما بحس ان موقف او كلمة وخصوصا اني حد حساس جدا النظرة بتئذيني لما بحس ان حاجة ضايقتني وهتخليني أحس باحساس سئ اتجاه نفسي بتكلم مع حد قريب مني حد من أهلي أو صديقتي أو زوجي وبقولهم حصل كذا كذا هل انا فعلا كدة؟ حد بتثقي فيه يحتويكي ولو انتي فعلا غلطتي يقولك غلطتي في كذا بدون ما يقلل منك. تالت وحاجة ودي الأهم هو انتي ملاك؟ الناس اللي حواليكي ملايكة؟ مفيش حد كامل اللي بيقلل من شخصيتك عنده عيوب واللي شايفاه أحسن منك عنده عيوب بس مش بيظهرها أو ببساطة انتي متعرفيهاش بس خليكي متأكدة من ده مفيش حد كامل وانتي مش أقل ما حد يا حبيبي🫂

واياك يا رب🥺🤍

وطبعا متقبليش علاقة صداقة بتستهلكك ومش بتقدم لك حاجة في المقابل أو بتحبطك أو بتعطلك عن أهدافك. وطبعا الصحبة اللي بتشجعك على ذنوب دي مش صحبة طبعا ولازم تبعدي عنها. لو عندك علاقة معينة عاوزة تقولي عليها ونتكلم فيها أو موقف معين قوليلي.

حاسة بيكي جدا جدا يعني. انتي عارفة ممكن أصورلك ورق دعواتي في عرفة وأنا كل سنة كنت بدعي ربنا يرزقني بصديقة أعيش معاها معاني الصداقة اللي بنسمع عنها دي😅. وعاوزة أقولك ربنا سبحانه وتعالى استجاب دعائي بعد سنوات ولكن مرزقنيش الصديقة اللي كنت بدعي بيها لكن عوضني بزوجي اللي بقا صديقي وأشبع عندي الجانب ده ربنا يبارك فيه يارب. فالشاهد من كلامي جزء الصداقة بيحتاج اشباع والعلاقات مهمة جدا وانا الحمد لله عندي أصدقاء كتير غاليين على قلبي جدا وبحبهم وبكلمهم وبنزل معاهم لكن علاقتنا مهما كانت فيها حدود يعني ننزل سوا خروجة حلوة لو مخنوقة في شئ ممكن احكيه ميكنش سر من اسرارك (اسرارك مع أهلك فقط فقط) نتكلم وندردش وهكذا لو احتاجت حاجة في مقدرتي او لو احتجت منها حاجة وكدة وبكدة نشبع الجزء ده من الصداقة ودي العلاقة الصحية اللي بشوفها لكن فكرة الصداقة اللي فيها تعلق مرضي ومتكلميش حد غيري ومتتعامليش مع حد غيري وهكذا دي غلط ليكي أصلا. ركزي مع نفسك وعلى حياتك ومتخليش كل أنشطتك مرتبطة بالناس خلي فيه أنشطة تعمليها لوحدك وفي نفس الوقت حافظي على علاقات صداقة صحية فيها احترام متبادل (مش بقبل حد يهزر معايا بايديه أو ألفاظ مثلا)

https://youtube.com/@abdelrhmanmnsour?si=Rullxo5XvgOVR3Zx سمعت دورة أنا وزوجي لدكتور عبد الرحمن منصور كانت جميلة جدا وفادتنا كتير. واسلوبه بسيط وسهل بدون تعقيد ونصايحه سهلة التطبيق فأنصحكم بسماع دوراته.