بين رفوف مريم.

وبشوف الجوانتس اكتمال للستر مع النقاب وبيحفظ اديكي من الشمس😅 ازاي تستمري؟ بشوف ان الاستمرار في أي طاعة هو اولا دعاء ربنا بالثبات دوما وكمان انك تغذي ايمانك وقلبك اما بسماع دروس او ذكر او تلاوة القرآن. واكيد اللي لابسين النقاب ممكن يعطونا نصايح اكتر🤍

بصي اول حاجة خلينا نطبق ال٣ معايير الأساسية لا يصف (يعني مينفعش يكون حاجة فيها حزام تفصل الخصر أو تحدد وسطك وعودك ولا يكون الكم ماسك فيفصل ايديكي ولا يكون بيلزق على الجسم فيفصل رجليك لما تمشي وغالبا بنضطر نلبس جيبة تحت اللبس علشان اللبس كله بيلزق😂 وطبعا ودي بجد حاجة مهمة لازم البنات تهتم بيها حتى لو لابسة طرحة لسة وهي منطقة الصدر لان في لبس بيفصل المنطقة دي بشكل صعب) فالمطلوب لبس فضفاض ميفصلش جسدك ولا عودك. تاني حاجة لا يشف طبعا القماشات بتاعت اللبس تكون قماشات لا تشف ما تحتها ولو القماشة شفافة نلبس شئ تحته وانا بفضل ان من البداية متشتريش حاجة القماشة شيفون او شفافة علشان متكونيش مضطرة تلبسي طبقات كتير تحتها خصوصا في الحر. في بنات بشوفها بتلبس طرح شفافة لشعرها اصلا 🥲 فبلاش بجد لكن طبعا انتي النقاب هيحفظك من ده. رقم ٣ لا يكون زينة في نفسه لو مشيتي في الشارع مش كل الناس تلتفت وتبص عليكي لانك مختلفة وملفتة في منتقبات بيعملوا كدة سواء بميكب أو كعب أو لبس وهكذا فانتي قيمي أنا لو نزلت كدة هكون ملفتة في الشارع؟ بصي انا بحب الجوانتي بحسه شيك بجد ونفسي ألبس النقاب علشان الاناقة بتاعتي تكتمل مع الجوانتي😅

ابعتيلي اليوزر بتاعك وانا هبعتهولها وهي مش هتتأخر🫂

https://youtu.be/UjNFpGcw6Nw?si=8rGmTp59zzp7ttue https://youtu.be/1XpFCr3yFSY?si=tVrveRO5kDo4l9R- اسمعوا دول ضروري اتكلموا عن النقطة دي

لو معقول وطبيعي يبقى متهتميش بكلام حد وطمني قلبك وردي وقولي ان شاء الله ربنا هيرزقني الشخص المناسب. اصل بردو ده زواج مينفعش نختار اي اختيار وخلاص لازم نكون في الوسط مش مهملين في الاختيار ولا معقدين الدنيا بردو

بصي من أهم الحاجات في تقييم الخاطب انه يكون مقبول شكلا بالنسبة لك. أصل ده شخص هتعيشي معاه طول عمرك وهيكون بينكم تقارب جسدي وبتتفاعلي معاه في يومك مش ساعة ولا ساعتين انتي عايشة معاه! فلو مش متقبلة شكله هتعملي ده ازاي؟ ومعنى انك مش متقبلة شكله مش معناه انه وحش لا طبعا هو عادي كل شخص له تفضيلات وله معايير وله ذوق ده ميدلش انك بتنتقصي منه أبدا علشان تكوني عملتي حاجة غلط تندمي عليها أو تحسي بتأنيب ضمير وذنب. بصي خوف ان ممكن ميجيش الشخص اللي انتي عاوزاه بالظبط لو سألتي أي واحدة هتقولك انها حست بده ده طبيعي جدا جدا وعلى فكرة ده مش في امر الزواج بس كلنا بنخاف غصب عننا من المستقبل هدخل كلية انا حباها؟ هلاقي شغل كويس ودخل بالنسبة للرجال مثلا وهكذا وبما ان الزواج غالبا المرحلة اللي بنبدأ نفكر فيها فخوفنا بيتركز على ده هل هلاقي شخص زي اللي بتمناه؟ التصرف الاول والأهم هنا هو التوكل والدعاء انك تتوكلي وتدعي ربنا يرزقك الشخص اللي بتتمنيه وتدعي بالتفاصيل كمان كل اللي بتتمنيه وتظني الخير في رب العالمين. الحاجة التانية انك تراجعي معاييرك هل انتي معاييرك للزوج معقول وطبيعي ولا مثالي ومبالغ فيه؟

سبحان الله انا اتفاجئت ازاي كلنا متشابهين في المواقف والمشاعر بالشكل ده سبحان الله. وعلى فكرة انا متأكدة ان معظمكم ممكن يكون عارف معظم الكلام اللي بقوله السائلة نفسها ممكن تكون عارفاه ولكن أوقات الضعف والحيرة الانسان بيحتاج إنسان شبهه يطمنه ويثبته ويستأنس بيه وأنا بحب المشاعر دي جدا بجد. وعامة حوشوا شوية الكلام والدعم للي قولتلهم دول علشان وقت زعلي وضعفي هاجي آخدهم منكم😂🫂

عليكم السلام مبارك النقاب والخطبة🥰 قصدك ايه النقاب مع خطيبك يعني لما يزورك ولا ايه وضحيلي

فحتى لو شافك ومحصلش نصيب بعدها هنتعافى وهنتخطى لان انا متأكدة انك جميلة لان كل بنت لها جمالها الخاص وكون شخص مقتنعش بيكي ده ببساطة لان ذوقه مختلف زي ما مثلا انتي بتحبي اللون الازرق وانا بحب الاحمر هل ده معناه ان واحد من اللونين وحش! لا ببساطة دي ازواق ورغبات عادي. الأمر مش هيكون سهل لان حصل في البداية تعلق ولكن كل شئ ممكن تداركه ودوما في فرصة نبدأ من جديد ونفتح صفحة جديدة. فبجد حاولي تسرعي الموضوع وتقعدي الرؤية وتنهي الأمر ده اما بالخطبة أو التخطي.

علشان كدة بجد مبحبش حد يتقدم لبنت وهو مش متيقن وجاهز لان غصب عن اي بنت بيحصل تعلق بالموضوع طبيعي. فطبيعي انه كان ياخد من وقتك ومن نفسيتك وممكن علشان بردو سنك وقتها اكيد صغير وطبيعي بنتعلم بالتجارب. فاتعلمي بقا لبعد كدة ان شاء الله انك تحاولي متتعلقيش بأمور مش جدية في اي حاجة مش في الزواج بس أي حاجة انتي مش واقفة على أرض صلبة فيها متعلقيش قلبك الجميل بيها ولا تسهلكي روحك. بصراحة مش هلومك على الأمر ده على قد ما هلومه هو ولكن نستغفر ونتوب ومنتذكرش الأمر بصي مبقاش ينفع تستني في رأي الأمر مبقاش تعلق بس ده بقا عاملك خوف وهاجس فلازم تقطعي الشك باليقين. مش انتي كنتي قولتلهم انك مش مستعدة؟ حاولي تتكلمي معاهم تاني مع والدتك او اخواتك لو مش هينفع تكلمي والدك مباشر ات مفيش مشكلة تتم الخطبة للشخص ده ومينفعش الأمر يفضل متعلق بالطريقة دي وحاولي تجيبيها بطريقة كويسة. بالنسبة لنقطة قلقانة من الرؤية طيب ما حتى لو مطلعتيش زي تخيله ايه يعني؟ ليه يا حبيبي في قلبك اجلال للشخص ده وحب أكبر من اجلالك وحبك لنفسك طبعا مينفعش. انتي الأهم عند نفسك وانتي أكتر شخص انتي بتحبيه خليكي مقتنعة بده مينفعش تحسي بالدونية دي قصاده

عليكم السلام ورحمة الله وبركاته طولي براحتك يا حبيبي اعتبريني اختك🫂 طيب قوليلي مكنتيش مستعدة ليه؟

شاركونا لو تعرضتوا لمواقف زي دي وشاركونا لبستوا النقاب واقنعته أهلكم ازاي

عليكم السلام ورحمة الله وبركاته. ربنا يبارك لكم ويتم زواجكم على خير ويجعلكم دوما في طاعة وتعينه بعض على الطاعة دوما🤍. عادي يا حبيبي انا بردو زوجي حاول يقنع أهلي كتير ولكن والدي بيقوله بعد الزواج ان شاء الله فانت طالما خلاص مخطوبة ان شاء الله لما تتزوجي على خير إلبسيه طالما حاولنا مع الأهل ومقتنعوش . هو بصراحة انا دايما كنت بحاول مع أهلي بالنقاش وأول ما أحس ان النقاش هيحتد بوقف كلام لاني مش عاوزة ازعلهم بردو في بنات بتفضل تصر وتحتد مع أهلها وهكذا ولكن انا مقدرتش أعمل ده. فمتحمليش نفسك فوق طاقتك. انا بشوف ان النقاب فريضة ومقتنعة بيه تماما وحقيقي إلى الآن بزعل اني بنزل بوشي وهكذا ولكن بقعد ادعي ربنا في كل موضع انه ييسر لي الأسباب وان شاء الله مع الزواج ميكنش فيه مانع. واتمنى انتي كمان متحمليش نفسك فوق طاقتك وطبعا خطيبك يتفهم ده ان مفيش حاجة نعملها ممكن كل فترة تحاولوا مع الوالد لعل الله سبحانه وتعالى ييسر لك. وطبعا تتكلمي مع خطيبك انه طبعا أفضل وأستر لكن احنا بناخد بالأسباب وندعو وطبعا انتي بتلتزمي بلبس واسع وخمارك والجوانتي وميكنش لبسك فيه زينة. وربنا يأجرنا على المحاولات وييسر لنا النقاب والستر

الحاجة التانية طالما ملخصاتك واحتياجاتك مش مؤثرة عليهم وهما مقتدرين خلاص اطلبي ومترديش على كلامهم وحاولي تتناسيه وتتجاهليه. بس كدة

يا حبيبة قلبي حقك عليا أنا🫂 بصي يا لولو أول حاجة فترة السن بتاعتك دي بيتشكل فيها جزء كبير من تفكيرك ووعيك عن الامور فانا مش عاوزة يكون عندك اي نظرة سلبية اتجاه اي حاجة من أمور الحياة علشان ده يسهل عليكي أمورك بعد كدة. في تصرفين في الامر ده التصرف الأول هنتخانق ونشد قصاد بعض ونحس ان قد ايه بالظلم وهما بيعملوا وهما مش مقدرين وهما مش بيقدموا لي وهما وهما... وده مش هيفيدنا غير بمشاعر سلبية وبس. أما التصرف التاني اللي هنحاول نعمله اننا هنتكلم عن مشكلتنا بوضوح سواء مع والدك أو والدك تشوفي مين الاقرب بس طبعا بمودة وحب وتقوليلهم لما بطلب حاجة مش قصدي أتقل عليكم انا عارفة قد ايه المصاريف صعبة ولكن دي ضروريات وربنا يجازيكم عننا خير بس انا بزعل من الكلام ده وكدة. ممكن جدا ميكنش قصدهم او مش واخدين بالهم او ببساطة هيعرفوا ازاي انك بتضايقي من حاجة طالما مقولتيش انها بتضايقك. فنتكلم بوضوح ومودة وهدوء. طيب لو اتكلمت معاهم ورد فعلهم مكنش كويس؟ هتعملي حاجتين الأولى انك تتقبلي ان هي دي شخصيتهم وطالما مفيش في ايديك حاجة تغيريها متحمليش نفسك فوق طاقتك وتقبلي وادعي ربنا يهديهم ليكي.

في روايتين قرأتهم الأسبوع ده بعد انقطاع عن الروايات الحلوة لان مكنتش بلاقي حاجة مستواها كويس. بس حقيقي واحدة فانتازيا وواحدة متقنة في حبكة الشخصيات بشكل رهييييب. ان شاء الله ارشهم ليكوا قريب. انتوا بتقرأوا ايه الفترة دي ترشحوه ليا👀

بصي في كذا حد بعتلي عادي فمش عارفة المشكلة فين 🥲

لا أنا مختمرة. لو أهلي كانوا وافقوا على النقاب كان زماني انتقبت من ٣ سنين كدة لكن لعله خير. ان شاء الله بعد الزواج ألبسه🤍

ابدأي من الأول حتى في أبسط الاشياء اقعدي مع نفسك وقولي انا بحب كذا وبكره كذا وبضايق من كذا في كل حاجة في الاكل واللبس والخروجات والتعامل وكل حاجة. وابني هويتك وتفضيلاتك. وتسهيلا عليكي أكتر ممكن لما تتعرضي لقرار في حياتك خلي مرجعيتك من الوحي ومن الكتاب والسنة ده هيسهل عليكي ويعطيكي ثقة وكمان يبني هوية البنت المسلمة

وعليكم السلام ورحمة الله وبركاته. والله ممتنة للكلام العسول ده وريأكشن وشي كدة🥺 ازاي أفهم نفسي ومشاعري واحتياجاتي. باننا نصاحب نفسنا ونعطيها فرصة نسمعها التدوين نهاية كل يوم عن الاحداث والمشاعر اللي مريتي بيها هيساعدك جدا تكتشفي حاجات عن نفسك وعن علاقاتك ونظرتك للناس ولنفسك. وارشحلك كمان تسمعي السلسلة دي لدكتور عبد الرحمن ذاكر https://youtube.com/playlist?list=PL8DV82mOu-UyvnMpsYH9GGU4gw9D61_Ak&si=b6eCWciRCKaFD_Vi https://youtube.com/playlist?list=PLvGpI5t1gJ8QJzbA7fP4Iq6XtumVZ2sY6&si=o74QYm9Yg7-PPmxH وبالتجربة وانك كل ما تتعرضي لموقف تفكري مع نفسك وتحللي الموقف وتفهمي ردة فعلك وكان سببها ايه وهكذا هيساعدك جدا. وطبعا لا غنى عن وجود شخص يساعدك صديق او حد من اهلك تتكلمي معاه وتشرحي مشاعرك. لا لازم تتمرني على فكرة انك تكوني عارفة انتي عاوزة ايه. بصي غالبا ده بيكون اننا بنتعود من صغرنا نمشي مع مجموعة يعني غالبا بتمشي تبع رأي أهلك أو تفضيلاتهم أو صحابك أو هكذا. ونادرا لما بيكون عند حد فينا رأي أو يخالف رأي المجموعة وهكذا وده طبيعي نوعا ما لحد سن معين. لكن بعد كدة لازم تعرفي انتي عاوزة ايه