مدري دفعك الغلا مدري دفعك الفضول
مهما تكون الدوافع وقف و نبّني
انا اصعب انسان لا ميزت فرق العقول
وانا اسهل انسان لا من الهوى هبّني
ما اشقيت نفسي ورا هرج العرب وش تقول
خذني من عيونهم لـ عيونك وخبّني
أعيش في فوضوية مالها كنترول
أنا نظامي كذا بتحبني ؟ حبّني !
وجهٍ رغم سود الصواديف نيّر
كنه يقول لطاري الجرح لاباس
وين أنت يالي حالفٍ ماتغيّر
الجرح عاري لو تغطيه بلباس
حبل الوصل لا ماهقيته قصير
غصني فقد في ليلة الوجد نسناس
إن هبت الذكرى مع الوقت سيّر
وانس الوجع والفقد والحزن والياس
اقلط على اعوج الضلوع وتخيّر
منزال ما داجه مسافر وعساس .