USMLE Qbanks🎓

📘 امتى أعمل NBME؟ ابدأ بـ UWorld أولًا، لما تحس إنك بتفهم الأسئلة وتجاوب صح بنسبة كويسة، اعمل NBME Form وشوف مستواك وشوف نقاط ضعفك فين. الهدف: توصل لأكثر من ~70% في NBME Forms باستمرار يعني في 3 أو أكتر.

الاسكورات 25:57 26:60 28:66 29;69.5 27:72 30:76.5 31:75 Old free 2021:76.5 32:64.5 21:82 33:73 New free:74

بدأت باني اشتركت مع دكتور تاح كنت بذاكر المحاضرات واحل يورلد واخد نوتس لحد مخلصت ال first round وكنت خلصت حوالي 60% م اليورلد وبدأت السكند بعدها لحد مخلصت 80% من اليورلد وسبت 2 سيستم مكنتش خدتهم سكند وخدت اول nbme وكان 25 وجبت فيه 57% انصدمت بصراحة 🤣 كنت فاكر اني هدخل اجيب 80 مثلا 🤣 المهم خلصت السيستمز كلها ودخلت علي 26 جبت 60% حسيت وقتها أن الاسكور مش بيعلي واني ماشي غلط وكانت اكبر غلطة بتحصل معايا هي اني مش مداوم بنقطع كتير بسبب ظروف كتير كانت منها خارجة عن إرادتي وكسل وتراخي مني المهم كلمت اصحابي صمويل وعبدالرحمن ونصحوني اني احل الاسيسمتنز القديمة بس حليتها كمذاكرة وعيدت اليورلد كله تاني وبرضو ارجع واقول انقطاعي المتكرر كان بيأثر عليا جامد دخلت ف شهر أغسطس 2025 Nbme 28: 66% أحبطت جدا جدا لاني شايف أن بعد كل ده انا لسه مكاني و من وقتها وانا بدأت التزم وأقفل ع نفسي بس كانت أكبر مشكلة هي احساس الإحباط اللي بحسه كل مفتكر قد ايه طولت ف الطريق بس كانت دائما بتعدي بوجود المنتورس زي صمويل وعبدالرحمن ودكاترة كتير تاني كلها كانت بتساعدني بدون مقابل جمعت عزمي وحليت ال incorrects تاني كلها ودخلت فى شهر أكتوبر 2025 Nbme 27 جبت 72 اتبسطت جدا وقتها وحسيت اني خلاص جاهز وحسيت فعلا الاستفادة من الحل وكنت هحجز الامتحان خلاص وحجزت اليجابيلتي بس للاسف وقتها ابن اخويا اتحجز ف الحضانة ومحدش غيري كان معاه وده عطلني مرة كمان وبعد محالته اتحسنت دخلت NBME 29 جبت 69.5% اتضايقت جدا أن نزلت ومرفعتش بس عشان كنت بحله وانا متوتر جدا وانا للأسف anxious جدا المهم غيرت طريقة مراجعتي المرة دي ودي نصيحة لاي حد اسكوراته مش بتعلي افضل حل هو معالجة ال weak areas من خلال الحل وقراية ال defects من ال fa اخدت ٣ اسابيع ( ع الرغم اني كنت بنزل شغل يوميا ) فضلت اراجع ف ال weak areas بتاعتي من 26,27,28,29 ودخلت ف نص ديسمبر Nbme 30 والحمدلله جبت فيه 76.5% طبعا كان يوم عيد بالنسبة لي 😂 راجعته كويس ودخلت Nbme 31 جبت فيه 75% وهنا دخلت حجزت اليوم حجزت يوم 3 فبراير وبدأت اعيد اليورلد تاني واركز ع ال Weak areas بتاعتي ودخلت حليت ال Old free 2021: 76.5% حسيت وقتها اني جاهز وبدأت احس اني ممكن احقق حلمي وانجح لحد يوم 18 يناير وحقيقي للأسف كان اسوأ يوم ف التحضير دخلت Nbme 32 وكانت الصدمة جبت فيه 64.5 % حسيت وقتها ان الدنيا سودة وان النجاح مش للي زيي وانا فاكر يومها احساسي كان عامل ازاي ولكن للاسف كنت اخدته بره البيت ف مكان النت فيه كان سئ جدا وانا كان مودي مش حلو لأن نفس ابن اخويا ده كان دخل المستشفي ب pneumonia ف نفس اليوم ( مش عارف هو مستقصدني ولا ايه ) وبرغم كل اللي حاول معايا اني ادخل الا اني حسيت اني لسه محتاج وقت كمان اجلت الامتحان من يوم 3 فبراير ليوم 24 فبراير وف الوقت ده راجعته كويس وراجعت أفكاره وراجعت ال weak areas بتاعتي عن طريق فيديوهات مهلمان / فيديوهات dirty / حل راندوم يورلد و دخلت nbme 21 يوم 10 فبراير جبت فيه 82% بس طبعا من اعتاد القلق قولت اكيد عشان ده قديم وسهل 🤣🤣🤣 دخلت Nbme 33 يوم 15 فبراير وجبت فيه 73% بس كنت بحله وانا متوتر جدا جدا عشان شايف أنه اخر فرصة اني اعرف مستوايا راجعته كويس وراجعت أفكاره ودخلت يوم 18 New Free 120 : 74% راجعت أفكاره ف نفس اليوم عشان كان عندي ورق تاني يوم ف الجامعة لازم اخلصه اخر اسبوع قبل الامتحان مكنتش قادر أتمالك اعصابي خالص لاني anxious اصلا وكنت بحاول اهدي نفسي واظبط نومي واظبط اللي بنساه دائما سافرت القاهرة يوم ٢٣ فبراير وانا محبط جدا وحاسس أن النجاح مش للي زيي وصلت القاهرة الساعة ٥ العصر نزلت اتمشيت مع اختي لحد مكان السنتر وعرفت مكانه وخرجت شوية الف ف شوارع الدقي عشان اروح اقدر انام روحت الفندق اخدت شاور ونمت ٥ ساعات بالعافية صحيت ٥ الصبح وحاولت اني انام تاني مقدرتش فطرت زبادي يوناني ونزلت ع الامتحان وانا مش عارف انا رايح اعمل ايه 🥶 و ع الرغم من القلق الكبير الا اني دخلت الامتحان كنت هادي جدا جدا ومش بهتم ولا اتهز من اي سؤال مهما كان صعب الوقت مقفلش عليا غير ف بلوك واحد كل بلوك كنت بحله كنت برميه ورا ضهري مشيت الامتحان بلوكين / بلوكين / بلوك / بلوك/بلوك طلعت وانا مش مصدق اني ممكن انجح حزين جدا ع مجهود السنتين اللي ضاع لدرجة اني كلمت اصحابي اسال ع كورسات الألماني ومش عارف اوصل من امديست للمترو البحوث من كتر مانا تايه الطريق عدي بفضل ناس كتير وقفت جنبي بدون مقابل وكانت بتدخل تسأل عليا وتساعدني واولهم طبعا صديقي صمويل وغيره كتير هنا ف الجروب Samuel Alesha Zaki معتز ماجد MO Dabi Abdelrahman Youssef Ahmed E. Shaker Enas Mohammed Mohammed Ali كل واحد من الدكاترة اللي فوق  تعب معايا بدون مقابل واداني من وقته ونصايحه

البوست هيكون طويل شوية بس وده عشان الناس اللي محبطة زي مانا كنت محبط تتشجع لو انت شاطر وده اكيد عدي😀 زميلكم شنودة طب المنيا امتياز السنة التانية بدأت ف شهر فبراير 2024 وكانت اكبر غلطة عملتها هي اني محافظتش ع ال consistently واني كنت بنقطع رغم أن الامتياز مكانش ضاغطني ولا حاجة التجربة كاملة https://t.me/coursologyy_discount/3729

🎯 UWorld Anki flash cards دا فيه ٣٧٠٠ كارت

إعلان لزمايلنا الدكاترة اللي بيذاكروا معانا لل USMLE 🩺 حابين نبلغكم إنه تم عمل جروب تليجرام مخصص لأسئلة الـ USMLE، والهدف منه مساعدتكم في تثبيت المذاكرة أول بأول. الجروب متقسم لأجزاء (Topics) زي (Anatomy, Physiology, Pathology, إلخ) عشان تقدر تدخل تحل على الجزء اللي خلصته فوراً. الأسئلة: متاح عدد كافي من الأسئلة في كل قسم عشان تختبر مذاكرتك وتشوف محتاج تركز على إيه تاني. رابط الانضمام للجروب: [https://t.me/USMLE_GIT_MCQs