study with Dihia

لا يوجد اي تغيير في برنامج المواد

التوزيع السنوي لمادة الفيزياء شعبة العلوم 2026/2027 مكان حتى تغيير

عمبالكم ديهيا انسحبت من البكالوريا؟ لا باذن الله هذا العام راح نجوز الباك معاكم و لو حذفو القرار راح نكون في تحدي مع تلاميذي على الامتياز رغم اني والله نتمنى تلاميذي يجيبو خير مني والله و ربي شاهد لانو أنا قريت و كملت و الباك حتى لو ديت 20 ماندير بيه والو لكن تلميذ هذا وين بدأ إذا دا امتياز معنتها ربح بزااااف حاجات في حياتو تخصص لي يحبو و فالولاية لي حبها و حتى تخصص يضمن ليه وظيفة محترمة ان شاء الله و لما لا اكثر من هذا التحدي راح نديروه في مجموعتنا كيما تفاهمنا و كيما بدينا نحطلكم المهام اليومية حاليا راني نحط حاجات خفااااف كي يبدا العام صح نحطلكم البرنامج تاع الصح سبتمبر حتى نهاية اكتوبر 4 ساعات دراسة في اليوم ثم 5 ثم 6 و نكملو العام حتى شهر الأخير كي تقعدو فالدار ارفعها ل 8 ساعات و بيناتهم أوقات راحة اكيد الاثنين اول يوم في الثانوية الاثنين يبدا الجد

مزال اسبوع و يخلاص اول شهر في الدروس اونلين وش درنا فيه كامل؟ الرياضيات 💛المعادلات من الدرجة الأولى و الثانية و الثالثة 💛حساب النهايات و ازالة حالات عدم التعيين 💛 إرسال سلسلة 100نهاية مع الحل و حل 20نهاية في حصة مباشرة 💛 المستقيمات المقاربة 💛شفعية دالة 💛محور و مركز التناظر 💛قابلية الاشتقاق 💛حل سلسلة تمارين قابلية الاشتقاق 💛جميع حالات المماسات 💛شرح رسم المنحنى 💛حل سلسلة تمارين مكتسبات 💛مزال حصتين نكملو فيهم السلسلة+شرح المناقشة البيانية و استنتاج منحنى من منحنى آخر الشهر الثاني راح يكون 80% تطبيق

غدا باذن الله راح تكون اول حصة في وحدة المتابعة الزمنية

ملخص الوحدة الأولى تركيب البروتين

وعدتكم تكون معاكم استاذة فلسفة و هذا اول منشور لها للشعب العلمية 👆🏻

سلام عليكم تلاميذ سنة ثالثة ثانوي كل التخصصات العلمية ما عدا الآداب والفلسفة واللغات اللي راح نخصصلكم منشور لوحدكم هذا منشور تثقيفي عن مادة الفلسفة اللي راح ندو عليها نظرة عامة بعيدا عن الدخول في تفاصيل الدروس ومنهجيتها وغيرها ...احترام التخصص يعني احترام العقول ... لكل من يريد أن يتميز ويتحصل على معدل امتياز في شهادة البكالوريا لا بد أن لا يفرط في أي مادة سواء علمية أو أدبية لأنو أي نقص في مادة معينة راح يستهلك من رصيد النقاط ككل كما هو معروف وبالتالي المعدل يتراجع .... بداية الآن بحكم أنني أستاذة فلسفة وسأتحصل على شهادة الدكتوراه قريبا أريد أن أخبركم بسر وهو أن العقل العلمي له القدرة على فهم مادة الفلسفة أكثر من أي عقل آخر ...لماذا لان عقل التلميذ العلمي مصقول بالفهم معادلات رياضية معادلات فيزيائية منحينيات بيانية فعقله يعتمد على الفهم وقد تجد عقله عبارة عن غرف للتخزين بطريقة منظمة وهذا ما يكفل له فهم الموادالعلمية ومن ثم حل أي تمرين بعيدا عن الحفظ ...عكس بعض العقول التي اعتادت على أن تحفظ الدروس الطويلة والمقالات المعقددة دون فهم ...وأقول لكم هذا من عمق التجربة أنا كنت طالبة علوم تجريبية تحصلت على البكالوريا فاخترت في الجامعة مادة فلسفة لاني أحببتها وتميزت فيها طيلة خمس سنة كنت الأولى على الدفعة رغم أنني درست مادة فلسفة فقط في عامي الاخير في الثانوية في حين معي من درس الفلسفة في الثانية ثانوي ودرسها بعمق في البكالوريا بحكم معاملها 6 إلا أنهم كانو يعجزون عن التفوق فيها ليس كلهم حتى لا نظلمهم بل أغلبهم السؤال لماذا ؟لأنهم لا يفهمون بل يحفظون مقالات كما هي ما ان جاء في الاختبار سؤال مغاير فقط نوعا ما لا يسطيعون انتقاء معلومات التي حفظوها بل يحطو مقالة التي حفظوها كما هي والمصحح هنا يفهم بأن الطالب لم يفهم بل حافظ ....كما أن العبرة في الفلسفة ليست بالكم بل بالكيف لانو قادر تلقى تلميذ فاهم كتب مقالة فيها ورقتين وأخذ علامة جيدة وتلميذ آخر كتب 6أوراق وأخذ علامة تحت العشرة فالاول كان فاهم وحاط امور غير متناقضة بينما الثاني حافظ وبكلمة واحدة غلط راح يخرج عن الموضوع العبرة كيف درسها وكيف أجاب وهل هو فاهم ولا حافظ... الحفظ في الفلسفة يكون في أسماء الفلاسفة ومقولات علمية التي تدعم المقال... الآن نعود للفلسفة لماذا الكثير لا يفهمها لماذا الكثير يخاف منها ؟ البعض يراها مثل غول يتربص به يريده ان يتعثر في الباكالووريا والدليل على ذلك انو ناس بزاف فرحت لما نحاوها .....حبيت نقول ان هذه المادة لو كانت مدرجة في مرحلة متوسط والثانوي لكنا نعرفوها مثلها مثل مادة لغة عربية او الاجتماعيات لكن ندسها سنتين للادبين وسنة للعلميين غير كافية باش تأهلك تكتب مقال فلسفي بمفرك لذلك التكوين ودروس الدعم فيها راح تعرفك على أسرار دراسة الفلسفة والتميز فيها ....هذا لا ينفي انو كاين تلاميذ دهاة في الفلسفة وقد يعجزون الاستاذ المصحح ويرغمونه على أخذ العلامة الكاملة .... أيضا طريقة تدرسيها الفلسفة ظلمت من طرف بعض الأساتذة الذين سوقو انها مادة للحفظ فيقومون باملاء دروس ويضعون لهم مقالات للحفظ تعالت الفلسفة عن هذه الطريقة اللي خلات اغلب الطلبة ميحبوش يقراوها .... الفلسفة مادة تتفهم وموضيعها رانا عايشينهم في حياتنا اليومية لمّا الاستاذ يقرب الفلسفة من واقع التلميذ ويعلمو كيف يفهمها يولي يحتاجها في حياتو ....بين قوسين الفلسفة تعلمك كيفاش تعيش تعلمك كيف تتواصل مع الناس تعلمك كيف تقول لا تعلمك متقولش نعم حتى تفهم وتسقسي وتقتنع ...تعلمك كيف تنقد ودافع على حقك وهذا قوس مفتوح فقط لان في البكالوريا راح نعلمك كيف تكتب مقالات بفهم وتتحصل على علامة جيدا الثقافة تتأجل لوقت اخر .... أيضا الفلسفة ليست تكديس للمقالات خاصة تلك التي تنشر في مواقع تواصل نعطيكم مثال أصمط تقديم تشوفو عن الطالب هو ان اللانسان كائن عاقل الي يبدأ بها كل مقالاتو...هنا ديجا مديت للمصحح فكرة بأن مقالتك مستهلكة لذلك لابد من مقالات ابداعية غير منشورة على نت تكتبها وحدك بفهمك وبمساعدة أستاذ متخصص يصححلك أخطاءك.... بحكم أني طالبة دكتوراة فقد اعددنا بحوث متخصصة واستخدمنا العديد من الكتب وشاركنا في ملتقيات واستخدمنا العديد من كتب الفلاسفة وبالتالي المقالات التي نكتبها يكون فيها ثراء وابداع يعني انا رغم اني درست تلاميذ دروس دعم فردية وجماعية قبل الحصول على الدكتوراة وبعدها يوجد فرق في جودة المقالات وأيضا العلامات بعد التوسع والاطلاع كانت أفضل..... لكل من يريد الانضمام لأفواجي لدراسة مادة الفلسفة أكفل لك ما يلي: https://t.me/+3w7ZP-Uoy5o4YmE0

اول سلسلة نبداو بيها الفيزياء هذا العام هي سلسلة علاقات الوحدة الأولى لي راح نحلو فيها 20 تمرين باذن الله 🫶🏻

سلام أطفالي شعبة اداب جامي لا كنت معاكم في السنوات الماضية رغم انكم كنتم دائما حبيتي نكون سند ليكم كيما راني مع العلميين مال حبيت نقوللكم اني راح نكون معاكم هذا العام 🙄 و اكيد بما انو المواد تاعكم من غير الرياضيات ماشي اختصاصي جبتلكم اساتذة الاختصاص و خا صة فلسفة جبت استاذة ما شاء الله راهي طالبة دكتورة في الفلسفة هذا العام تتخرج باذن الله راح تكون معاكم مي مراحش توجد مقالات و تمدلكم تحفظوا لالاااا هي ضد الحفظ و تشوف المادة إبداعية تعلمكم تكتبو المقالات و تصحح لكل واحد مقالتو الخاصة العلميين راح تكون معاكم تان

لوكان نحكيلكم على المشروع لي حبيت نديرو المشروع اني نفتح مكتبة كبيييرة واسعة خاصة فقط بطلاب البكالوريا كل طابق يكون خاص بشعبة معينة و في كل طابق العدييييييد من الكتب الخاصة بالشعبة و نوفر أساتذة لي نخلصهم يعني شهريا المهمة تاعهم يدورو على الطاولات إذا احتاج واحد شيء معين ندير برنامج دراسي في مدخل المكتبة لكل شعبة و يكون اشتراك شهري معقول مقابل الخدمات و المكتبة تفتح حتى 23:00 وش رايكم🙂

وش راح نشرح اليوم اخطر حاجة فالفيزياء العلاقات 👻

ليوم باذن الله راح تنطلق الوحدة الأولى في الفيزياء :المتابعة الزمنية يادرا أطفالي واجدين؟

علابالكم بزاااف تلاميذ سجلو عندي هذا العام معيدين كانو يقولو خدمت و ماديتش لكن والله كي صححتلهم شفت ان مستواهم ضعييييف بزاف مستحيل إنهم يكونو خدمو مليح عام لي فات المشكل انو التلميذ ولا يقرأ وحدو و لا الأستاذ مايصححلوش اخطاء تاعو لذلك يبقا يحس انو حل بزاف معنتها بسيف يتحسن و هو لا إذا ماعرفش خطاك راح تبقا دور في نفس الدوامة لعوام لي فاتو كنت نصحح لي تلاميذ لي يبعتولي فقط هذا العام رجعو شرط أساسي لي حاب يقرأ عندي يحل و يبعتلي نصححو اما في نهاية الشهر ندخل للريائل إذا لقيتك مابعتلي والو الشهر هذا ماتكملش معايا الشهر الجاي

ملخص المتابعة الزمنية

نمدلك عقلية كأخت و ليس كأستاذة كامل نجوزو على فترات تحس روحك ستيلو ماتقدرش تمسو راني استاذة و نقري والله ساعات اسبوع مانمس والو نوض عشيا للحصة نعاود نرقد أنا لا ادعي المثالية لانو مكانش فالدنيا انسان مثالي لكن كي تنفحلي مثلا نخدم و نتعب و نبرمج يا لوكان على 1 تاع صبح نوض مدام عندي هذيك الطاقة و الإرادة نستغل هذيك الطاقة لساعات طويييييييلة مانقولش خلي لغدوة و ندير ولا غدوة نبدا و ندير هكا و هكا بعدها كي نلقا روحي بديت و تقدمت يزيد يشدني حماس اكبر و نزيد نخدم كثر و كثر و نوض من هذيك الغيبوبة نصيحتي هي فاللحظة لي يجيك النشاط نوض ماتخليش وقت لمخك يخمم فيها يبق قبل ما نخمم هذا هو سر لي يخليك تنجح

هكذا ينطلق التحدي بمهام بسيطة و بخطوات واضحة نحو الامتياز

غدا باذن الله راح ينطلق تحدينا للمعدل 18 باذن الله و راح ينطلق بالوحدة الأولى فيزياء باذن الله

السلام عليكم اولاً ارحب بجميع أبطال بكالوريا 2027 في الصفحة و عندي في الفوج بإذن الله للتسجيل مع الأستاذة ديهيا في المواد العلمية علوم فيزياء رياضيات لشعبة العلوم و الرياضي و التقني التوقيت علوم السبت و الثلاثاء على 18:00 فيزياء الأحد ر الأربعاء على 18:00 الرياضيات الاثنين و الخميس على 18:00 هذا توقيت الحصص و راح تكون ايضاً مسجلة في حال تعذر الحضور مراح يفوتك والو ر راح تبقى مسجلة إلى غاية البكالوريا تحذف بعد البكالوريا بالإضافة إلى إمكانية مراسلة الأستاذة في اي وقت من اليوم راح تكون حاضرة طيلة السنة بإذن الله الأستاذة تتكفل بالدروس تمارين ملخصات شرح و التصحيح للتلاميذ السعر كل مادة 2000 da للشهر (ميتينالف ) عدد الحصص 8 مدة ساعتين يوجد اشتراك عام 11000da للمادة البرنامج كامل بدون المراجعة النهائية مع المراجعة النهائية 17000 لي حاب يسجل 3 مواد علوم فيزياء و رياضيات و يدخل فوج التحدي 5000 عوض 6000 التسجيل يكون بالدفع عبر ال ccp الخاص ‏Nom + prénom Berkouk dihia ‏ Ccp Num 0040395600 clé 65 ‏ Wilaya :Alger او عبر بريدي موب 00799999004039560065 بعد الدفع قم بإرسال الوصل للتيليغرام https://t.me/dawradihia حاليا قرينا 4 حصص و راهم مسجلين