Amharic book store

አንድ ነገር ለመግዛት ገንዘብ ስታወጣ፣ የምታወጣው ብሩን ብቻ ሳይሆን ያንን ብር ለማግኘት የገበርከውን "ሰዓት" ጭምር ነው።ለምሳሌ በቀን 500 ብር የምታገኝ ከሆነና 2,500 ብር የሚያወጣ ጫማ ከገዛህ፣ ያ ጫማ ዋጋው 5 ቀናት የህይወትህ ጉልበት ነው ማለት ነው። ማንኛውንም ነገር ከመግዛትህ በፊት "ይህ ነገር ለዚህ ሰዓቴ ይገባዋል ወይ?" ብለህ ራስህን ጠይቅ 📕 ርዕስ፡- የገንዘብ ሳይኮሎጂ ✍ ደራሲ፡- ሞርጋን ሃውሰል https://t.me/Amharic_Books_storee

ገንዘብህን እንዴት መመደብ እንዳለብህ ግራ ከገባህ ይህን ቀላል ቀመር ተጠቀም፦ 50% ለሚያስፈልጉህ ነገሮች (ምግብ፣ ቤት ኪራይ፣ ትራንስፖርት)፣ 30% ለምትፈልጋቸው ግን ግዴታ ላልሆኑ ነገሮች (መዝናኛ፣ ልብስ፣ ምግቦች)፣ እና 20% ለቁጠባና ለእዳ ክፍያ አውለው። ይህ ህግ ገንዘብህ የት እንደሚሄድ እንድታውቅና የወደፊት ህይወትህን ዛሬ እንድትገነባ ይረዳሃል። 📕 ርዕስ፦የገንዘብ ፍሰት ኳድራንት ✍️ ደራሲ፦ሮበርት ኪዮሳኪ https://t.me/Amharic_Books_storee

በሕይወታችን ውስጥ ትልቅ ለውጥ ለማምጣት ስናስብ፣ ሁልጊዜም አንድ "ትልቅ እርምጃ" መውሰድ ያለብን ይመስለናል። ክብደት ለመቀነስ በሳምንት አምስት ቀን ጂም መሄድ፣ መጽሐፍ ለመጻፍ በቀን አሥር ገጽ ማንበብ፣ ወይም አዲስ ንግድ ለመጀመር በአንድ ጀምበር መነሳት እንዳለብን እናምናለን። ነገር ግን እውነተኛውና ዘላቂው ለውጥ የሚመጣው ከእነዚህ ግዙፍ ሙከራዎች ሳይሆን፣ በየቀኑ ከምናደርጋቸው እጅግ ጥቃቅንና ለዓይን ከማይታዩ "አቶሚክ" ከሆኑ ልማዶች ነው። ጄምስ ክሊር በአቶሚክ ሐቢትስ መጽሐፉ ሊነግረን የፈለገው ትልቁ እውነትም ይኸው ነው፤ በየቀኑ 1% ብቻ መሻሻል ብንችል፣ በዓመቱ መጨረሻ ላይ ከነበርንበት 37 እጥፍ የተሻልን ሰዎች እንሆናለን። ብዙዎቻችን የምንሳሳተው "ግብ" ላይ በማተኮራችን ነው። ግብ ማለት ልንደርስበት የምንመኘው ውጤት ሲሆን፣ "ስርዓት" (System) ግን ያንን ውጤት የሚያመጣልን የዕለት ተዕለት ሂደት ነው። አሸናፊዎችም ተሸናፊዎችም አንድ ዓይነት ግብ አላቸው፤ ሁለቱም አንደኛ መውጣት ይፈልጋሉ። ልዩነቱ ግን አሸናፊው ውጤቱ ላይ ሳይሆን ውጤቱን በሚያመጣው "ስርዓት" ላይ ማተኮሩ ነው። ስለዚህ ግባችሁን ለጊዜው ረስታችሁ በየቀኑ ስለምታደርጉት ትንሽ ነገር ተጨነቁ። እውነተኛ የልማድ ለውጥ የሚመጣው "ምን ማሳካት እፈልጋለሁ?" ከሚለው ሳይሆን "ምን መሆን እፈልጋለሁ?" ከሚለው ጥያቄ ነው። ይህ የማንነት ለውጥ ይባላል። ለምሳሌ ሲጋራ የሚያጨስን ሰው "ሲጋራ ትፈልጋለህ?" ብለው ሲጠይቁት "አይ እያቆምኩ ነው" ካለ፣ አሁንም ማንነቱ አጫሽ እንደሆነና ለመተው እየታገለ እንደሆነ ያሳያል። ነገር ግን "አይ እኔ አጫሽ አይደለሁም" ካለ፣ ማንነቱን ቀይሯል ማለት ነው። ልማዶችህ የማንነትህ ምስክሮች ናቸው። በየቀኑ የምታደርጋት እያንዳንዷ ትንሽ ተግባር "እኔ እንዲህ ዓይነት ሰው ነኝ" ብለህ ለራስህ የምትሰጠው ድምፅ ናት። በየቀኑ መጽሐፍ ስታነብ፣ አንባቢ ነኝ ብለህ ድምፅ እየሰጠህ ነው። በየቀኑ ስትሮጥ፣ ስፖርተኛ ነኝ ብለህ ድምፅ እየሰጠህ ነው። አዲስ ልማድን ለመጀመር ደግሞ አራት መሠረታዊ ሕግጋትን መከተል አለብን። በመጀመሪያ፣ ልማዱን "ግልጽ" ማድረግ አለብን። በደብዛዛው "ነገ ስፖርት እሰራለሁ" ከማለት ይልቅ፣ "ነገ ጠዋት ሁለት ሰዓት ላይ በመኝታ ቤቴ ውስጥ ለ10 ደቂቃ ስፖርት እሰራለሁ" ብሎ ቦታና ሰዓቱን መለየት ውጤታማ ያደርጋል። ሁለተኛ፣ ልማዱን "ማራኪ" ማድረግ ያስፈልጋል። የምንወደውን ነገር ከማንወደው ግን ከሚጠቅመን ልማድ ጋር ማያያዝ፤ ለምሳሌ "የምወደውን ፖድካስት የምሰማው ስፖርት እየሰራሁ ብቻ ነው" ብሎ ማሰብ ማራኪነቱን ይጨምረዋል። ሦስተኛውና ወሳኙ ሕግ ልማዱን "ቀላል" ማድረግ ነው። ብዙዎቻችን መጀመሪያውኑ ከባድ ነገር እንጀምርና ሰልችቶን እንተዋለን። ነገር ግን ማንኛውንም አዲስ ልማድ በ"ሁለት ደቂቃ ሕግ" መጀመር ይቻላል። ለምሳሌ መጽሐፍ ለማንበብ ካሰብክ፣ "በቀን አንድ ገጽ ብቻ አነባለሁ" ብለህ ጀምር። ዋናው ቁምነገር ስራውን መስራት ሳይሆን፣ ስራውን የመጀመር ልማድን ማዳበር ነው። አራተኛው ደግሞ ልማዱን "አርኪ" ማድረግ ነው። የሰው ልጅ አእምሮ ወዲያውኑ ደስታ የሚሰጡትን ነገሮች ይወዳል። ስለዚህ ትንሽ ስኬት ባገኘህ ቁጥር ራስህን የምትሸልምበት መንገድ መፈለግ አለብህ። እነዚህ ሁሉ ውጤቶች ወዲያው ካልታዩ ተስፋ አትቁረጡ።አንድ ጠጣር በረዶ፤ የሙቀት መጠኑ ከ25 ዲግሪ ወደ 31 ዲግሪ ቢጨምር ምንም ለውጥ አይታይም። ነገር ግን 32 ዲግሪ ሲሞላ በረዶው መቅለጥ ይጀምራል። ያ ለውጥ የመጣው በ32ኛው ዲግሪ ብቻ ሳይሆን፣ ከዚያ በፊት በነበሩት ጥቃቅን ጭማሪዎች ድምር ውጤት ነው። ልማድም እንዲህ ነው። የዛሬ ጥቃቅን ስራዎችህ ውጤት ነገ ተከማችተው ተራራ ያክላሉ። ስኬት የአንድ ቀን ክስተት ሳይሆን፣ የዕለት ተዕለት አኗኗር ውጤት ነው። ጥቃቅን ልማዶችህን ቀይር፣ ማንነትህ ይለወጣል፤ ማንነትህ ሲለወጥ ደግሞ ሕይወትህ ይለወጣል። 📕ርዕስ፦ የልማድ ኃይል ✍ደራሲ፦ጄምስ ክሌር https://t.me/Amharic_Books_storee

የሕይወት ትርጉም ማጣት Existential Vacuum ሀብታም ወይም ደሃ፣ ስኬታማ ሳይል ማንኛውንም ሰው ሊያጠቃ ይችላል። _መሰረታዊ ፍላጎቱን ያላሟላ ሰው The Struggle for Survival _ይህ ሰው ትርጉም የሚያጣው "በተስፋ መቁረጥ" ምክንያት ነው። በየቀኑ ለምግብ፣ ለቤት እና ለህልውና በሚደረግ ትግል ውስጥ ሲቆይ "የሰው ልጅ መኖር ትርጉሙ ይሄው ነው? መከራ ብቻ?" የሚል ጥያቄ ይፈጠርበታል። ህልሙን ማሳካት አለመቻሉ ዋጋ እንደሌለው እንዲሰማው ያደርገዋል። ነገ የተሻለ ይሆናል" የሚል ተስፋ ሲጠፋ፣ ህይወት እንደ ከባድ ሸክም ትታያለች። _ስኬታማ እና ሀብታም የሚባለው ሰው The Paradox of Success ይህ ሰው ትርጉም የሚያጣው "በመሰላቸት እና ግብ በማጣት" ምክንያት ነው። የፈለገውን ነገር ሁሉ ማግኘት ሲችል፣ "ከዚህ በኋላስ ምን ይቀራል?" የሚል ባዶነት ይመጣል። ቁሳዊ ነገሮች ደስታ የሚሰጡት ለተወሰነ ጊዜ ብቻ ነው። ሁሉም ነገር ሲሟላ፣ አእምሮ የሚጠይቀው ጥልቅ "መንፈሳዊ" ወይም "ፍልስፍናዊ" ትርጉም በገንዘብ ሊገዛ አይችልም። _ቪክቶር ፍራንክል እንደሚለው፣ ብዙ ሀብታሞች በ "Existential Boredom" የህልውና መሰላቸት ይሰቃያሉ። የሚታገሉለት አዲስ ነገር ሲያጡ ህይወት ጣዕሟን ታጣለች። ሄዶኒክ ትሬድሚል" The Hedonic Treadmill ስነ-ልቦናዊ ጽንሰ-ሀሳብ _ሰው አዲስ ስኬት ወይም ሀብት ሲያገኝ ደስ ይለዋል፤ ነገር ግን ብዙም ሳይቆይ አእምሮው ከዚያ ሁኔታ ጋር ይላመዳል። ከዚያም የበለጠ ደስታ ለማግኘት "ተጨማሪ" ይፈልጋል። ይህ ማለቂያ የሌለው ሩጫ ሰውን ያደክመዋል። ቪክቶር ፍራንክል Man’s Search for Meaning በሚለው መጽሐፉ እንዲህ ይላል_የሰው ልጅ ዋነኛ ተነሳሽነት ደስታን መፈለግ ሳይሆን ትርጉምን መፈለግ ነው"። ትርጉም የሚገኘው በሦስት መንገዶች ነውይለናል! _በስራ Achievement_ለራስ ብቻ ሳይሆን ለሌላው የሚተርፍ ስራ መስራት። _በትስስር Connection_ሰውን መውደድ እና መወደድ። _በመከራ Attitude towards Suffering_መቀየር። -በማንችለው መከራ ውስጥ የምናሳየው ጽናት። ሀብታሙም "ከራሱ በላይ ለሆነ ዓላማ" መኖር ሲያቆም፣ ደሃውም "የተሻለ ቀን ይመጣል" ብሎ ማመኑን ሲተው ህይወት ትርጉም ታጣለች። ትርጉም የሚመጣው ካለን ሀብት ሳይሆን፣ ለህይወት ከምንሰጠው ምላሽ ነው። አንድ ሰው በህይወቱ ያለው ትርጉም ሲጠፋበትና "ባዶነት" ሲሰማው፣ ያንን ባዶነት ለመሙላት ማንኛውንም -ጥሩም ይሁን መጥፎ አነቃቂ ነገር ይፈልጋል። ከመጠን በላይ ሀብትም ሆነ ከፍተኛ ድህነት፣ ለስነ-ምግባርና ለሰብአዊነት ትልቅ "ፈተናዎች" ናቸው። ሁለቱም በውስጣችን ተኝቶ ያለውን "የክፋት እሳት" አመዱን ቆስቁሰው እንዲቀጣጠል የሚያደርጉበት መንገድ አላቸው። ድህነት የሰውን ልጅ ወደ እንስሳዊ የመኖር ተጋድሎ Survival Instinct ያወርደዋል። አንድ ሰው ለራሱ ወይም ለልጆቹ የሚበላው ሲያጣ፣ "ስነ-ምግባር" እንደ ቅንጦት ይታየዋል። ድህነት በውስጥ ያለውን የክፋት እሳት በተስፋ መቁረጥ አማካኝነት ይቆሰቁሰዋል። ሰውዬው ህልውናውን ለማቆየት ሲል ብቻ ሌላውን ለመጉዳት ወይም ህግ ለመጣስ ይገደዳል። ሀብት ደግሞ የሰውን ልጅ ወደ "አምላክነት" ስሜት God Complex ከፍ ያደርገዋል። ብዙ ገንዘብ ሲኖር "ለኔ የማይቻል ነገር የለም" እና "ማንም ሊጠይቀኝ አይችልም" የሚል ስሜት ይፈጠራል። ሀብት ትዕቢትንና መናቅን ይወልዳል። ሌሎች ሰዎች እንደ ሰው ሳይሆን እንደ "መገልገያ ቁሳቁስ" ይታያሉ።_ሀብት በውስጥ ያለውን የክፋት እሳት Impunity አማካኝነት ይቆሰቁሰዋል _ሰውዬው አሰልቺ የሆነውን የሀብታም ህይወቱን ለማድመቅ ሲል ብቻ ሌሎችን የሚያሰቃዩ ወይም ስነ-ምግባር የሌላቸውን ድርጊቶች በድፍረት ይፈፅማል። ብዙ የጥንት ፈላስፋዎች እንደ አርስቶትል ያሉ "መካከለኛው መንገድ" The Middle Path ለስነ-ምግባር ተመራጭ ነው ይላሉ። ከመጠን በላይ እጥረት ለሌብነትና ለነውር ይገፋፋል፤ ከመጠን በላይ ትርፍ ደግሞ ለትዕቢትና ለግፍ ይዳርጋል። ሁለቱም ጫፎች ሀብትና ድህነት የሚያመሳስላቸው አንድ ነገር አለ_"የግል ምቾትና ፍላጎትን ከሰብአዊነት በላይ ማድረግ"። ድሃው በችግር ብዛት ሰብአዊነትን ይረሳል፤ ሀብታሙ በጥጋብ ብዛት ሰብአዊነትን ይንቃል። "ድህነት ሰውን ሌባ ሊያደርገው ይችላል፣ ሀብት ግን ሰውን አውሬ ሊያደርገው ይችላል።" ሰው በተፈጥሮው ትርጉም የሚሰጠው ነገር ይፈልጋል። ያ ካልተሳካለት ግን "መሰማትን" Sensation ይፈልጋል። ለሀብታሙ/ለስኬታማው_ሁሉም ነገር ስላለው ተራው ደስታ ሰልችቶታል። አሁን ትርጉም የሚያገኘው "በጥሳቱ" Transgression ውስጥ ነው። ህግን መጣስ፣ በሌሎች ላይ ስቃይ ማድረስ ወይም ከሰውነት ተራ የወጡ ድርጊቶችን መፈፀም "እኔ ልዩ ነኝ" ወይም "ከሁሉ በላይ ነኝ" የሚል የተዛባ የትርጉም ስሜት ይሰጠዋል። ይህ ጭካኔ ለሱ "መሰላቸትን መከላከያ" Boredom killer ነው። ለድሃው/ተስፋ ለቆረጠው_ህይወት ምንም ትርጉም ካልሰጠችውና ማህበረሰቡ እንደ ሰው ካልቆጠረው፣ እሱም ለባህልና ለስነ-ምግባር ያለው ክብር ይጠፋል። "ማህበረሰቡ ካልራራልኝ እኔ ለምን እራራለሁ?" በሚል ስሜት ጭካኔን እንደ "አጸፋ" Revenge ይወስደዋል። በጭካኔው ውስጥ "ኃይል" እንዳለው ይሰማዋል። በሁለቱም ሁኔታዎች ውጤቱ እርቃንነት እንስሳዊ ባህሪ ነው። ሰው ሰራሽ የሆኑት የርህራሄና የሞራል ህጎች ሲቀደዱ፣ በውስጥ ያለው አውሬነት ብቅ ይላል። ፈላስፋው ፍሬድሪክ ኒቼ "Nihilism" የእሴቶች አልባነት_ሲመጣ ሰው ወደ ምን ሊቀየር እንደሚችል አስቀድሞ አስፈሪ ማስጠንቀቂያ ሰጥቶ ነበር። የሰው ልጅ ምንም የሚያምነው ትልቅ ዓላማ ከሌለው፣ የራሱን ደስታ ለማርካት ሲል ብቻ ለሌሎች ስቃይ ግድ የማይሰጠው "የመጨረሻው ሰው" The Last Man ይሆናል። ባጭሩ_አንድ ሰው ሀብታምም ይሁን ድሃ፣ በውስጡ "ህሊና" Conscience የተባለውን ኮምፓስ ካጣ፣ በህይወቱ ያለው ትርጉም በቁሳዊ ነገር ወይም በስሜት ላይ ብቻ የተመሰረተ ከሆነ፣ ወደ እንስሳዊ ጭካኔ የመውረድ እድሉ እኩል ነው። ጭካኔው ለሁለቱም "ባዶነትን መሸፈኛ" ጭንብል ነው። ሀብትም ሆነ ድህነት "ክፉ" አይደሉም። ነገር ግን በውስጣችን ያለውን ድብቅ ማንነት አውጥተው የሚያሳዩ "መስታወቶች" ናቸው። ሀብትም ሆነ ድህነት የክፋት _አመዱን ሲቆሰቁሱት፣ እሳቱ እንዲፋፋም መፍቀድ ወይም ማጥፋት የሰውየው የውስጥ ጥንካሬና የህሊና ጉዳይ ነው። ይህ የሚያሳየን የሰው ልጅ ትልቁ ሀብት ገንዘቡ ሳይሆን፣ በየትኛውም ሁኔታ ውስጥ ቢሆን ሰብአዊነቱን ጠብቆ የሚያቆይበት "ውስጣዊ ስነ-ምግባሩ" መሆኑን ነው። https://t.me/Amharic_Books_storee

#የገንዘብ_ሳይኮሎጂ The Psychology of Money በሚል ርእስ በሞርገን ሀውስል የተጻፈውና አለም አቀፍ ሽያጭ የተቀዳጀው መጽሐፍ ከ ሀምሳ በላይ በሆኑ ቋንቋዎች  የተተረጎመው ይህ መጽሐፍ በብዙ ታላላቅ ሰዎችና በታላላቅ ሚዲያዎች እንዲህ ተሞካሽቷል፡- የገንዘብ ሳይኮሎጂ መጽሐፍ በሚያስደምሙ ሀሳቦችና በገሃዱ አለም ሊተገበሩ በሚችሉ አስተምህሮዎች የተሞላ ነው። ከገንዘብ ጋር የተሻለ መስተጋብር እንዲኖራቸው ለሚፈልጉ ሁሉ እጅግ መነበብ ያለበት ነው። ሁሉም ሰው ይህ መጽሐፍ ሊኖረው ይገባል! #ጄምስ_ክሊር (በሚሊዮን ኪፒ የተሸጠው #የአቶሚክ_ሀቢትስ መጽሐፍ ደራሲ) ለሃያ አንደኛው ክፍለዘመን የሚያስፈልግ ምርጥ የገንዘብ ሳይኮሎጂ መጽሐፍ #ብሉምበርግ ተደጋግሞ የሚነበብ፣ በቢዝነስ አለምም ውስጥ እግራቸውን ማስገባት ለሚፈልጉ ሁሉ የሚሆን #ዘ_ኮሌጅ_ኢንቨስተር በዓመታት መካከል የተገኘ ምርጥ እና ኦርጅናል ሀሳብን የያዘ ፋይናንስ መጽሐፍ #ዘ_ዎል_ስትሪት_ጆርናል እውነተኛና የማይረሱ ታሪኮችን በውስጡ ይዟል፤ ይህም መጽሐፉን ያለመሰልቸት እንዲነበብ አድርጎታል። #ፎርቹን ለሁሉም ስኬቶች እና ውድቀቶች ምክንያት ምን እንደሆነ በሚገባ የሚያሳይ መጽሐፍ #ፎር_ሚኒት_ቡክስ ሞርገን ሀውስል ብሩህ አእምሮ ካላቸው የፋይናንስ ጸሐፊያን መካከል አንዱ ነው። በሁሉም እድሜ ላይ ላሉ ሰዎች የሚሆን መጽሐፍ፤ ገንዘብን የማግኘት ሃሳብ ካለህ ከዚህ ጀምር! ሁላችንም በገንዘብ ላይ ብዙ የእብደት ነገሮችን እናደርጋለን፡፡ ምክንያቱም በአንጻራዊነት ለእዚህ ጨዋታ ሁላችንም አዲስ ነን፡፡እናም ለሌላው ቂልነት የመሰለ ለእኔ ትክክል ሊመስል ይችላል፡፡ነገር ግን የትኛውም ሰው ቂል አይደለም- ሁላችንም በሆነ ወቅት ትክክል በሚመስሉን ካሉን የግል ልምዶች ተነስተን ውሳኔዎችን እንወስናለን፡፡ የገንዘብ እውቀት ያለው ሰው አንድን ነገር ለመግዛት 1,000 ብር ሲያወጣ፣ የሚያየው የሚገዛውን እቃ ብቻ ሳይሆን ያ 1,000 ብር ኢንቨስት ተደርጎ ቢሆን ኖሮ ወደፊት ሊያመጣው የሚችለውን ትርፍ ጭምር ነው። ለምሳሌ ዛሬ ለማያስፈልግህ ጌጥ የምታወጣው ገንዘብ፣ ከ10 ዓመት በኋላ ሊኖርህ የሚችለውን ትልቅ ሀብት የመሰዋት ያህል ነው። ማንኛውንም ብር ስታወጣ "ይህ ብር ኢንቨስት ቢደረግ ኖሮ ምን ሊያመጣ ይችል ነበር?" ብለህ ጠይቅ። ክብር እጅግ በጣም ውድ ነው ነጻነት እና በራስ መመራት እጅግ በጣም ውድ ነው ቤተሰብ እና ጓደኞች እጅግ በጣም ውድ ናቸው። እንዲወዱህ በምትፈልጋቸው ሰዎች መወደድ እጅግ በጣም ውድ ነው። ደስታ እጅግ በጣም ውድ ነው እናም ያንተ ከፍተኛው ስኬት እነዚህ ነገሮችን ለመጠበቅ እነርሱን ሊጎዱ የሚችሉ ሪስኮችን ከመውሰድ መቆጠብ ያለብህን ጊዜ  ባወቅህ ጊዜ ነው። ልጄ ከተወለደ በኋላ በከፊል እንዲህ የሚል ደብዳቤ ጻፍኩለት፡- የተወሰኑ ሰዎች ትምህርትን ከሚያበረታቱ ቤተሰቦች ይወለዳሉ፡፡ ሌሎች ደግሞ ትምህርትን ከሚጠሉ እና ከማያበረታቱ ቤተሰቦች ይወለዳሉ፡፡ የተወሰኑት ኢኮኖሚ ካበበበት፣ ስራ ፈጠራ ከሚበረታታበት ሀገር ይወለዳሉ፡፡ ሌሎች ጦርነት እና አሰቃቂ ድህነት ካለበት ይወለዳሉ፡፡ስኬታማ እንድትሆን እፈልጋለሁ፤ ስኬት ላይ እንድትደርስ እፈልጋለሁ፡፡ ነገር ግን ሁሉም ስኬት በጠንካራ ስራ የሚመጣ፣ሁሉም ድህነት በስንፍና የሚመጣ እንዳልሆነ ተረዳ።ሰዎችን ስትመዝን ራስህንም ጭምር ስትመዝን ይህን አስብ። ለሆነ ሰው ሁሉም ነገር ጥሩ እንደሚሆን ንገረው፤ ባለመቀበል ትክሻውን ይነቀንቃል ወይም በጥርጣሬ ዓይኖቹን ያቁለጨልጫል፡፡ አደጋ ውስጥ እንደሆነ ብትነግረው ግን ሙሉ ትኩረቱን ይሰጥሃል፡፡ አንድ ብልህ ሰው በሚቀጥለው ዓመት ውስጥ አስር እጥፍ የሚያድግ አክሲዮን እንዳለው ቢነግረኝ ወዲያውኑ ትርጉም የለሽ ብዬ አሰናብተዋለሁ፡፡ በማይረቡ ነገሮች የተሞላ አንድ ሰው መጥቶ በሒሳብ ማጭበርበር ምክንያት የገዛሁት አክሲዮን ሊከስር እንደሆነ ቢነግረኝ ዕቅዴን ስርዤ የሚነግረኝን እያንዳንዱን ቃላት እሰማለሁ፡፡ አብዛኛው ሰው ሀብታም መሆን ሳይሆን ሀብታም መምሰል ነው የሚፈልገው። ለዚህ ነው የቅንጦት እቃዎችን በብድር እየገዙ፣ በድህነት ገደል ውስጥ የሚዘፈቁት። ሀብታም መሆን ነፃነት ነው፤ ሀብታም መምሰል ግን እስር ቤት ነው። አንድ ነገር ለመግዛት ገንዘብ ስታወጣ፣ የምታወጣው ብሩን ብቻ ሳይሆን ያንን ብር ለማግኘት የገበርከውን "ሰዓት" ጭምር ነው።ለምሳሌ በቀን 500 ብር የምታገኝ ከሆነና 2,500 ብር የሚያወጣ ጫማ ከገዛህ፣ ያ ጫማ ዋጋው 5 ቀናት የህይወትህ ጉልበት ነው ማለት ነው። ማንኛውንም ነገር ከመግዛትህ በፊት "ይህ ነገር ለዚህ ሰዓቴ ይገባዋል ወይ?" ብለህ ራስህን ጠይቅ https://t.me/Amharic_Books_storee

✍ፀሀፊ/ደራሲ ካህሊል ጂብራን የፍልስፍና መፅሀፍ ነው። የሊባኖሱ ባለቅኔ ✏️ • • • • • • • • ካህሊል_ጂብራን ____ የማይጠገበው ባለቅኔ፥ ፈላስፋና ሰዓሊ፥ በሊባኖስ ተራራማዋ መንደር ይህችን ዓለም ሲቀላል፥ ህይወት እቅፍ አበባ ይዛ አልተቀበለችውም፡፡ ገና በለጋ እድሜው አባቱ በማጭበርበር ወንጀል ለእስር ሲዳረግ እናቱ 'Kamila እርሱን፥ ከወንድም እና እህቶቹ ጋር ይዛ ወደ አሜሪካ ለመሰደድ ተገደደች፡፡ ካህሊል ጂብራን በጊዜው 'የአስራ ሁለት' አመት ታዳጊ ነበር፡፡ በልጅነት ዕድሜው በሊባኖስ መደበኛ ትምህርት የማግኘት ዕድል ባይኖረውም የመፅሐፍ ቅዱስ አስተምህሮት እና የአረብኛ ስነ ፅሁፍን ቀሳውስት ከነበሩት የእናቱ ቤተሰቦች ተምሯል፡፡ ፀሀፊው . . . በአረብኛ፥ እንዲሁም በእንግሊዝኛ ስነ ፅሁፍ ታላላቅ ስራዎችን አበርክቷል፡፡ ከ 'Shakespeare' እና 'Lao Tzu' በመቀጠልም የምንግዜም ምርጥ ባለቅኔ በመሆንም ሲታወስ ይኖራል፡፡ 'The prophet' ከተሰኘው ተወዳጅ ስራው በኀላ በከፍተኛ ደረጃ የመጠጥ ሱስ ውስጥ ገብቶ የነበረው ካህሊል፥ በመጨረሻም/'April 10, 1931 እ.አ/ በሳምባ ነቀርሳ እና በጉበት 'በአርባ ስምንት' አመቱ ህይወቱ አልፏል፤ ህያው ስራዎቹ ግን ዘመናትን ተሻግረው ዛሬም፥ ወደፊትም ይኖራሉ፡፡ በሊባኖስ 'Mar Sarkis' ገዳም በሚገኘው መቃብሩም ላይ እንዲህ የሚል ፅሁፍ ተቀርፆ ይገኛል "እኔም እንዳንተው ህያው ነኝ . . . ከአጠገብህም ታገኘኛለህ፤ ለአፍታ ዓይኖችህን ከድነህ አከባቢህን ቃኝ . . . ያኔ ከፊት ለፊትህ ታየኛለህ፡፡ https://t.me/Amharic_Books_storee

#ከገደብ_የለሽ_ሁን_መጽሐፍ_እነሆ_የአእምሮ_ማንዋል!!! #LIMITLESS የተሰኘውና እጅግ ከፍተኛ ሽያጭን ከከፍተኛ ዝና ጋር የተቀዳጀው መጽሐፍ # ስለ መጽሐፉ የተሰጡ አስተያየቶችን ማንበብ ብቻ የመጽሐፉን ምርጥነት በደንብ ይገልጻል። ይህን #ገደብ_የለሽ_ሁን መጽሐፍ ገዝታችሁ እንድታነቡት እየጋበዝን መጽሐፉን በማንበባእሁ እጅግ አትራፊ እንደምትሆኑ በመተማመን ነው። እነሆ ለመጽሐፉ ከተሰጡ አስተያየቶች በጥቂቱ. . . ታዋቂው የአእምሮ አሰልጣኝ ጂም ክዊክ ከፍተኛ አፈፃፀም ያላቸው ስኬታማ ሰዎች፣ እንዴት ያንን ውጤት እንዳመጡት ያሳየናል። "ጂኒየስ ለመሆን የሚያስችል ምንም አይነት ምትሃታዊ ክኒን የለም፤ ነገር ግን ጂም የአእምሮህን ሙሉ አቅም ለመክፈት የሚያስችል ካርታ ይሰጥሃል።" #ማርክ_ሃይማን (ኤም.ዲ)   የክሌቭላንድ ክሊኒክ የተግባር ሕክምና ማዕከል የስትራቴጂ እና ፈጠራ ኃላፊ "ትርጉም ያለው ለውጥ ለማምጣት ለሚፈልግ ለማንኛውም ሰው ይህ መጽሐፍ  የተገባ ነው።  ጂም አእምሮህን፣ ንቃትህን እና ሕይወትህን እንዴት እንደምትመራ ያሳይሃል።" #ሊዛ_ኒኮልስ ተናጋሪ እና የኒው ዮርክ ታይምስ ሽያጭ ያስመዘገበ መጽሐፍ  ደራሲ "የተሳለ አእምሮ እና የማስታወስ ችሎታ ምን ያህል አስፈላጊ እንደሆኑ ጠንቅቄ አውቃለሁ፤ በዚህ መጽሐፍ ውስጥም  ያሉ የጂም ክዊክ ዘዴዎች እና ቴክኒኮች ለአእምሮህ ምርጥ ጓደኛ ናቸው"  #ማሪያ_ሽሪቨር የኤሚ ተሸላሚ ጋዜጠኛ፣ የሴቶች የአልዛይመር እንቅስቃሴ መስራች እና የኒውዮርክ ታይምስ ከፍተኛ ሽያጭ ደራሲ "ትልቅ ህልም - በተለይ ዛሬ ላሉ ወጣቶች ወሳኝ ነው።  ይህ መጽሐፍም ትልቅ ህልም እንዲኖርህ ይረዳሃል።" #አኑሼህ_አንሳሪ የ XPRIZE ፋውንዴሽን ዋና ሥራ አስፈፃሚ "ጂም ክዊክ የአለማችን ምርጡ የአእምሮ አሰልጣኝ ነው። እናም ይህን መጽሐፍ ካነበብኩ በኋላ፣ በአንድ ሳምንት ውስጥ ብቻ የአእምሮዬ ፍጥነት በ170% ጨምሯል!"  #ቪሻን_ላክሃኒ የMindvalley መስራች "ከእውነተኛ ማንነትህ ጋር መገናኘት ምንኛ የሚደንቅ ነው።  የጂም ክዊክ መጽሐፍ ወደዚህ ማንነት ያመጣሃል፤  ማንኛውም ነገር የሚቻል መሆኑንም ያሳይሃል።" #ጁሊያን_ሁው የኤሚ አሸናፊ፣ ዳንሰኛ “የጂም የአእምሮ ስልቶች የተረጋገጡና ሀይለኛ ናቸው።  ገደብ የለሽ አዕምሮ  በሚፈልግ ማንኛውም ሰውም መነበብ ያለባቸው ናቸው።" #ዴቪድ_ቤላስኮ የዩኤስሲ አፈጻጸም ሳይንስ ተቋም መስራች #ገደብ_የለሽ_ መጽሐፍ። https://t.me/Amharic_Books_storee

ለዛሬ የተመረጠ መጽሐፍ 📕ርዕስ፦ሕልም አለኝ ✍️ደራሲ፦ማርቲን ሉተር ነሐሴ 28 ቀን 1963 ዓ.ም... ዋሽንግተን ዲሲ በሰው ማዕበል ተጥለቅልቃለች። ከሩብ ሚሊዮን በላይ ሕዝብ በሚያቃጥል ፀሐይ ሥር ቆሟል። አየሩ በውጥረት ተሞልቷል። ፖሊሶች በንቃት ይጠብቃሉ፣ የዓለም ጋዜጠኞች ካሜራቸውን አዘጋጅተዋል። ጥቁር ሰው ወደ መድረኩ ወጣ። በእጁ የተዘጋጀ ጽሑፍ ነበረው። ንግግሩን ጀመረ... ነገር ግን በመሃል ላይ አንዲት ሴት ከሕዝቡ መሃል ጮኸች፦ "ማርቲን! ስለ ሕልሙ ንገራቸው! ስለ ሕልሙ!" አለችው። በዚያች ቅጽበት ማርቲን ሉተር ኪንግ የያዘውን ወረቀት ወደ ጎን አኖረው።ከዛ አይኑን ወደ ሰማይ ቀና አድርጎ፣ ከልቡ ጥልቅ ክፍል የሚፈልቀውን ያንን ድንቅ ቃል አፈሰሰው፦ "I have a dream!" "ሕልም አለኝ" ዓለም የተደነቀበት የማርቲን ሉተር ኪንግ መጽሐፍ! ማጋራት መተሳሰብ ነው! https://t.me/Amharic_Books_storee

በየሳምንቱ መጨረሻ 1,000 ብር ለመዝናኛ የምናወጣ ከሆነ፣ እስኪ ለአንድ ወር ያንን ልማድ እንለውጠው። ያንን ገንዘብ በቀጥታ ወደ "ባንክ" አካውንታችን እናስገባው። ከአንድ ወር በኋላ 4,000 ብር ይኖረናል። ይህ ገንዘብ፣ ከአሁን በኋላ ለቅጽበታዊ ደስታ የሚጠፋ ሳይሆን፣ የወደፊቱን የገንዘብ ነፃነታችንን የሚገነባ የመጀመሪያው መሰረት ይሆናል። 🌟 የገንዘብ ማኔጅመንት https://t.me/Amharic_Books_storee

በ Psychology ታሪክ ውስጥ እንደ Carl Jung እና Sigmund Freud የጠበቀ ወዳጅነት የነበራቸው ሰዎች ጥቂት ናቸው። ፍሮይድ ዩንግን እንደ እንደ መንፈሳዊ ልጁ ይመለከተው ነበር። ነገር ግን ይህ ጥልቅ ወዳጅነት The Collective Unconscious በሚል አዲስ እይታ ምክንያት አበቃለት 😅 ​ ​ፍሮይድ የሰው ልጅ ባህሪ ሁሉ የሚመነጨው ከ Sexual Repression ነው ብሎ ያምን ነበር። ዩንግ ግን ይህንን አልተቀበለም። የሰው ልጅ አእምሮ ከዚያ በላይ ጥልቅ ነው በማለቱ በሁለቱ መካከል የነበረው የሰባት ዓመት ወዳጅነት በ 1913 እንዳይሆን ሆኖ ተቋረጠ። ያው ፍሮይድ ተማሪው አታውቅም ሲለው የተሰማው ስሜት ነው የተሰማው ። ​ ​ከፍሮይድ ጋር መለያየቱ ለዩንግ ቀላል አልነበረም። ለስድስት ዓመታት ያህል Confrontation with the Unconscious በሚለው የታሪክ ምዕራፍ ውስጥ አለፈ። በዚህ ወቅት ​የሚያስፈሩ ራዕዮችን ያይ ነበር ፣ ​እንግዳ ድምፆችን ይሰማ ነበር ። ​በአእምሮ ህመም የተጎዳ ሆነ። ​ ​ዩንግ በዚህ የጭንቀት ወቅት ያያቸውን እና የተሰሙትን ነገሮች በሙሉ በታዋቂው The Red Book ላይ አስፈረ። በዚህ የጨለማ ጉዞ ውስጥ ነበር ትልቁን እውነት ያገኘው፦ Archetypes! ​ዩንግ እንደተረዳው እኛ ከወላጆቻችን የአይን ቀለም ወይም ቁመት ብቻ አይደለም የምንወርሰው። ይልቁንም መላውን የሰው ልጅ የሚያገናኙ Psychological Patterns እንወርሳለን። እነዚህም፦ 📌 ​The Hero 📌​The Shadow 📌​The Wise Old Man ​እነዚህ ምልክቶች እና ታሪኮች በየትኛውም ባህል እና ዘመን ውስጥ በሰው ልጅ አእምሮ ውስጥ አሉ። ይህ ግኝት ስነ ልቦናን ለዘላለም ቀየረው። ዩንግ እንደሚለው እያንዳንዳችን በውስጣችን ደብቀን የምንይዘው ለሰው የማናሳየውና እንዲያውም የእኔ አይደለም ብለን የምንክደው ጨለማ ክፍል አለን። ይህ Shadow ይባላል። እኛ መልካም ቅዱስ እና ሰላማዊ መስለን ለመታየት ስንጥር ይህ ሻዶ ግን በውስጣችን ተደብቆ እድሉን ይጠብቃል። የካርል ዩንግ Shadow የተሰኘው እሳቤ በአጭሩ ሲገለጽ፦ የማንነታችን ጨለማ ክፍል ማለት ነው። ​ይህ ክፍል እኛነታችን ሆኖ ሳለ ነገር ግን ለህብረተሰቡ ወይም ለራሳችን ካለን መልካም ግምት ጋር ስለማይሄድ ደብቀን የምንይዘው ማንነታችን ነው። ሻዶዋችን ውስጥ የሚከተቱት ነገሮች ብዙውን ጊዜ በህብረተሰቡ ዘንድ መጥፎ ተብለው የሚታሰቡ እንደ ቁጣ ቅናት ስግብግብነት እና የፆታ ስሜቶች ናቸው። ነገር ግን ሁልጊዜ መጥፎ አይደሉም አንዳንድ ጊዜ ፍርሃት ያፈናቸው ጠንካራ ተሰጥኦዎቻችንም እዚያው ሊደበቁ ይችላሉ። የራሳችንን ሻዶ ካልተቀበልን ያንን ባህሪ በሌሎች ሰዎች ላይ እናያለን። ለምሳሌ እኛ በውስጣችን ያለውን የቅናት ስሜት ካልተጋፈጥን በዙሪያችን ያሉ ሰዎች ሁሉ ቀናተኞች እንደሆኑ አድርገን እናስባለን። ሁሉም ሰው ይቀናብኛል ፣ እኔ ቅዱስ ነኝ አይነት ሙድ የሚያራምዱና እራሳቸውን በተለየ መነጽር የሚያዩ ሰዎች የሚያስፈሩኝ ለዛ ነው። ሻዶህን አትፍራው ይልቁንም ተጋፈጠው ሻዶዋችንን ካልተጋፈጥነው እኛን መንዳት ይጀምራል። ሳናውቀው እንቆጣለን ሳናውቀው እንቀናለን፣ ሳናውቀው ጥላቻ ውስጥ እንወድቃለን። ዩንግ እንደሚለው፦ until you make the unconscious conscious, it will direct your life and you will call it fate. ውስጣዊው ድብቅ ማንነትህን ነቅተህ ካላወቅኸው፣ ህይወትህን እየመራው እጣ ፈንታዬ ነው ትላለህ። እንደማለት ብዙዎቻችን ከጭንቀታችን ከብቸኝነታችን እና ከውስጣዊ ትርምሳችን ለመሸሽ እንሞክራለን። ነገር ግን ዩንግ ያስተማረን Look into the abyss የሚለውን ነው። ዩንግ ከፍሮይድ ጋር ተጣልቶ ባያብድ ኖሮ ዛሬ ስለ Archetypes ወይም ስለ Collective Unconscious የምናውቀው ነገር አይኖርም ነበር። ​ታላቅ ለውጥ የሚመጣው ከታላቅ ስብራት በኋላ ነው። ዛሬ እየታገልክበት ያለው የውስጥ ጨለማ ምናልባትም ነገ ለምትሆነው አዲስ ማንነት እንደ ግብዓት የሚያገለግልህ ሊሆን ይችላል። ​Shadowህን አትክደው ይልቁንም ተቀበለው። ምክንያቱም ሙሉ ሰው መሆን ማለት perfect መሆን ሳይሆን የራስን ጨለማ እና ብርሃን አቀናጅቶ መያዝ ማለት ነው። ​"No tree, it is said, can grow to heaven unless its roots reach down to hell." — Carl Jung https://t.me/Amharic_Books_storee

"እና አንቺን ምን አይነት የስሜት ደስታ ትወጂያለሽ?" ሳቅ እያለች "ከምግባባው ሰው ጋር እንደዚህ ማውራት፤ከማምነው ሰው ጋር ማታ ባህርዳር መንሸርሸር" "ሌላስ?" "ውብ ሙዚቃ መስማት፤ጥሩ ትያትር ማያት፣ጥሩ መጽሐፍ ማንበብ፣እስክጠግብ ከበላው በኃላ ወይን እየጠጣው ማውራት...." "ሌላስ?" "ልንገርህ?" "ንገሪኝ" "አትደነግጥም?" "ሞክሪኝ" አመነታች።"ለሰው ተናግሬው አላውቅማ" እየሳቅኩ "እኔና አንቺ ከሰው በላይ ነን።ደራሲያን ነኝ፤ፈጣሪዎች ነን" አልኳት ሳቀች።ሳቋ ጉሮሮዋ ውስጥ ይሰማል፤በጣም ደስ ይላል።ሁለመናው ደስ ይላል። "እንግዲያውስ ልንገርህ" "ንገሪኝ" "j aime faire i Amour"(ከወንድ ጋር መተኛት እወዳለሁ) አየዋት።እስካሁን የተመስገን "ሚስት" በመሆኗ ስለሷ እንዲቀለፅልኝ ያልፈቀድኩለት ስሜት አሁን የአዕምሮዬን በር በርግዶ ገባ።ሲልቪን በጣም ተመኘኋት። "ኦ! ላ-ላ እንደሱ አትየኝ!" አለችኝ።አፍራለች፣ጉንጮቿ ደም መልበስ ጀምረዋል፤አይኖቿ ይርገበገባሉ።የባሰውን አማረችኝ። "ምናለበት ባይሽ" አልኳት "Tu me fais rougir"("ፊቴ እንዲቀላ ታደርገኛለህ") ""በጣም ታምሪያለሽ ፊትሽ ሲቀላ" አልኩና ጉንጮቿን በሁለት እጄ ይዤ አፏ ላይ ሳምኳት።አፏ ይሞቃል............. አንብቡት! 📓ርዕስ፦ ትኩሳት ✍️ደራሲ፦ ስብሃት ገ/እግዚአብሔር https://t.me/Amharic_Books_storee

📚 ከሼክስፒር ስራዎች 📚 📝ትርጉም:-ወንድሙ ነጋሽ ደስታ 📜ይዘት:- 📖የገፅ ብዛት:- 177 📅 ዓ.ም :- 1979 ⬇️size :- 11.6 MB 🖨አታሚ :- ኩራዝ አሳታሚ ድርጅት 💰የተቀመጠ ዋጋ :- 3.50 ብር 🪝Type :- #pdf 📌ማጋራት አይዘንጋ! https://t.me/Amharic_Books_storee

"ስምሽ ለምን ገነት ተባለ?" "እንዴ አንተስ ለምን መዝገቡ ተባለ?" "ቀላል ነው። እኔ የተወለድኩ ዕለት ቤታችን ግቢ የዕድር ስብሰባ ነበር። አባቴ የዕድር ፀሐፊ ነበር። እናቴ ምጥ ላይ ነበረች። አንድ ሰው 'የዕድሩ መዝገብ የታለ? መዝገቡን አምጡ እንጂ ' ብሎ ተናገረ። ሰውዬው እየተናገረ እያለ ተወለድኩ" ሣቀች (315) ፧ "ሲወለድ የተረገመ ነው" ሲሉኝ እሰማ ነበር። ታዲያ አንድ ጊዜ ጭል ያለ ሜዳ ላይ የራሴን ስም ከፍ አድርጌ ጠራሁ። "መዝገቡ! መዝገቡ! "መ!…ዝ!…ገ!…ቡ!" የሚገርም ስም ነው። 👉 መዝ…መዘዝ ሊሆን ይችላል። መዘዘኛ ለሚሉት። 👉 ገ…ገጣባ። 👉 ቡ…ቡቃያ። ሲጠቃለል: "መዘዘኛ የሆነ ገና ከአሁኑ የተገጠበ ቡቃያ።" ካልጠፋ ስም ይሄን ይሰጡኛል? ሌላ ሌላ ጠፋ እንዴ!? (9) • ግራጫ ቃጭሎች #በአዳም_ረታ https://t.me/Amharic_Books_storee

📚 ጂንየስ መሆን እንዴት ይቻላል 📚 📝ደራሲ:- 📜ይዘት:- ታሪክ 📖የገፅ ብዛት:- 200 📅 ዓ.ም :- 2010 🖨ዕትም :- 📌ማጋራት አይዘንጋ! https://t.me/Ethiobookstor

ቢል ጌትስ እና ማርክ ዙከርበርግ ዩኒቨርስቲ አቋርጠው ስለተሳካላቸው ብቻ፣ ትምህርት ዋጋ የለውም ማለት አይደለም። እነሱ ያቋረጡት ትምህርቱ ስለከበዳቸው ሳይሆን፣ ከትምህርቱ የሚበልጥ ሀሳብ እና የቢዝነስ እድል እጃቸው ላይ ስለነበር ነው።ስለዚህ ማንኛውም ሰው ትምህርቱን ከማቋረጡ በፊት አሳመኝ የሆነ ሕይወቱን የሚለውጥበት ተግባራዊ እቅድ ያስፈልገዋል። 📘ርዕስ፦7ቱ የስኬታማ ሰዎች ልማዶች ✍️ደራሲ፦ስቴቨን ኮቪይ 📚:https://t.me/Amharic_Books_storee

ሁልጊዜም የውስጡ የውጪውን ይወስናል! ወዳጆች ሕይወት ከውስጥ ነው የሚጀምረው፡፡ እኔ እናንተ፣ ሁላችንም የወጣነው ከእናታቸን ማሕፀን ውስጥ ነው፡፡ እኛም የሕይወታችንን ብሩህነትና ድቅድቅነትም የምንወስነው ከውስጣችን ከሚወጣ አቅም ነው፡፡ ብዙዎቻችን ውስጣችንን ከመስራት ይልቅ ውጪአችንን ስንሠራ ነው የምንታየው፡፡ ለደጃችን የምንጠነቀቀውን ያህል ለውስጣችን አንጨነቅም፡፡ የሠው ልጅ የቤቱን፣ የአጥር ግቢውንና የአካባቢውን አጥርና ጎዳና ያሻሽላል፤ ንፅህናውንም ለመጠበቅ ደፋ ቀና ይላል፡፡ ብዙዎቻችን ለአለባበሳችንና ለአዋዋላችን፤ እንዲሁም በኪሳችን ስለሚኖረው ነዋይ እንጨነቃለን፡፡ ነገር ግን የውስጣችንን የማንነት አጥርና የምንነታችንን ግንብ ለመስራትና የሕሊናችንን ንጽህና ለመጠበቅ ግን ስንጥርና ስንደፍር አንታይም፡፡ የሰው ልጅ ውስጣዊ ቁመናውን ለማሳመርና በኪሱ ካለው ይልቅ በልቦናውና በሕሊናው ስለሚኖረው መልካምነትና ጥበብ ሲፍጨረጨር አይታይም፡፡ በእውነት ብዙዎቻችን በታይታ ሕይወት ጠፍተናል! ወዳጆች የዶሮዎችን ሕይወት ተመልከቱማ፡፡ ‹‹አንድ እንቁላል በውጪ ሃይል ከተሠበረ ሕይወቱ ያከትማል፡፡ ነገር ግን ዕንቁላሉ በውስጣዊ ሃይል ከተሠበረ አዲስ የጫጩት ሕይወት ይጀምራል፡፡ ሁልጊዜም ቢሆን ትላልቅ ስኬቶች የሚጀምሩት ከውስጥ እንጂ ከውጪ አይደለምና፡፡›› ውስጣችንን አይተን፤ ራሳችንን አውቀን፤ ራሳችንን አግኝተን፤ የራሳችንን ሕይወት በራሳችን ሃሳብ እንሠራ ዘንድ እንትጋ የዛሬው መልዕክቴ ነው፡፡ የውስጡ የውጪውን ይወስናል! Inward always matters outward! እሸቱ ብሩ ይትባረክ (እ.ብ.ይ.) (melkam_enaseb) 📚 https://t.me/Amharic_Books_store