✍የራያ እና አካባቢው የሰለፍዮች ቻናል

የዘመናችን ከባድ ፈተና

አደራ ይነበብልን‼️‼️ 👉ለመላዉ የሱና ወንድምና እህቶች የተላለፈ አስቸኳይ መልእክት‼️‼️ በደቡብ ወሎ ዞን በአምባሰል ወረዳ በ 05 ቀበሌ  ጨፌ ላይ የሚገኙ የሱና ወንድሞቻችን ለብዙ አመታት በመስጂድ እጦት እየተሰቃዩ ይገኛሉ‼️ ከዚህ ቀደም አንድ ትልቅ አዛዉንት አባት ሞተዉ ዉሀቢያ ስለሆነ አንቀብርም የቀበረም ከእድር ወይም ከቅሬ ይባረራል በመባሉ ሬሳዉ ተጋድሞ የሚቀብረዉ ሲያጣ የወንድሞቻችን ልብ ክፉኛ ተሰብሮ የነበረ ቢሆንም ከሀይቅ፣ ከዉጫሌና ከአጎራባች አካባቢዎች  ወንድሞች መጥተዉ በርካታ ጀመአ በተገኘበት ሊቀበር ችሏል። ጨፌ ላይ ከዚህም የከፋ ብዙ ብዙ ግፍ እንዳለ የአይን ምስክሮች ነን‼️ በዚህም መሰረት የጨፌ ወንድሞቻችን ከ3 አመታት በላይ ቤት ተከራይተዉ እየሰገዱም እየቀሩም ይገኛሉ‼️ አሁን ላይ ግን የቤት ኪራይ መክፈሉም እያዳገታቸዉ ስለሆነና ቋሚ የራሳቸዉ የሆነ መስጂድ መገንባት የግድ ስለሆነባቸዉ ከቦታ ግዢ ጀምሮ: ለመስጂዱ ግንባታ የሚዉል ገንዘብ ለማሰባሰብ ሙስሊም ወንድምና እህቶቻችን አግዙን አሏህ ያግዛችሗል በማለት ወደ ሚዲያ ብቅ ብለዋል‼️ ለጊዜዉ ግንባታዉ የማይቻል ወይም ጊዜ የሚፈጅ ከሆነ ቢያንስ ቦታዉን ብቻ ግዙልንና የራሳችን የሆነ ቦታ ካገኘን በሸራም ጋርደን ቢሆን እንሰግዳለን በማለት ተማፅነዋል‼️ 📌በመሆኑም የወንድሞቻችን ስቃይና ችግር የእኛም ችግር ነዉና ከ10 ብር ጀምሮ በገንዘብም፤ በሀሳብም፤ ፅሁፉን ሼር በማድረግም፤ አህለል ኸይሮችን በማስተባበርም እንተባባራቸዉ ዘንድ ጥሪ እናደርጋለን‼️‼️ ⚡️ኢንሻአሏህ እኛ እያለን ወንድሞቻችን ኪራይ ቤት ዉስጥ ረመዷንን አያሳልፉም‼️ 👉የቻናል ባለቤቶች በየቻናላችሁ ሼር በማድረግ ትብብር አድርጉላቸዉ‼️‼️ ♨️ለዚሁ አላማ ብቻ የሚዉል ✍በሸይኽ ሙሀመድ ነጂብ ጀማል ✍በወንድም ሙርሰል/አንሷር ሰይድ ሀሰን ✍በወንድም አወል ተሾመ ኢብራሂም ፈራሚነት በጨፌ አቅሷ መስጂድ ስም የተከፈቱ የባንክ አካዉንቶች 1 ♦️ሂጅራ ባንክ  👉1009061860001 2 ♦️ንግድ ባንክ  👉1000741733866 3 ♦️ዘምዘም ባንክ 👉0075749220101 📌ለዚሁ አላማ ብቻ የተከፈተ የቴሌግራም ግሩፕ t.me/Yechefemesjidginbata

በነገራችን ላይ…ዛሬ ላይ የሰዎችን ማንነትና ሥነምግባር መስጂድ አካባቢ አትፈልጉ። እዉጭ በልብስና በአካላቸው ላይ በሚያንፀባርቁት ሁኔታቸው ላይም አትፈልጉ። ሶላትና ፆማቸው ዉስጥም አትፈልጉ። ባይሆን በንግድ ቦታዎች አካባቢ እምነት ያላቸው ስለመሆኑ፣ አደራ ሲሰጧቸው ታማኝ ስለመሆናቸው፣ በብድርና ዕዳ በጊዜ የሚመልሱ መሆናቸዉን፣ በዝምድና የሚቀጥሉ መሆናቸዉን፣ ዉርስ በሚከፋፈልበት ጊዜ ፍትሃዊ መሆናቸዉን ..በነኚህ ቦታዎች ላይ ይመልከቱ። በርግጥም እዚህ አካባቢ ተፈትነው ካለፉ -ኢንሻ አላህ-ኢማን ያላቸው ጥሩ ሰዎች ናቸው።

    ሰው ከንቱ;………… ሲታይ ከማያምር  ፈሳሽ ይፈጠራል   በሆዱ ሰገራ  ተሸክሞ ይዞራል ነገም ይሞትና  ጀናዛው ይገማል እንዴት በዚህ መሃል……… ውበት አለኝ ብሎ  በመልኩ ይኮራል?? منقول

«ቀባሪህ ይበዛል» ----------------------- ምድር ላይ ሁሌ መልካም ብትሆንም፡ ሞት ካልመጣ በቀር አትመሰገንም፡ ህመም ስቃይህን የማያዳምጡ፡ ችግር ሰቆቃህን ለማየት ያልመጡ፡ ግፍ የፈፀሙብህ የዛን ቀን አያፍሩም፡ ከሩቅ ይመጣሉ ለቀብርህ አይቀሩም፡ ለሞት ያብቃህ እንጂ አፈር ያቀምሱሀል፡ ስለማትመለስ ሁሉም ይሸኙሀል፡ ------------------------------ እድገትህን አይተው ደስ የማይሰኙ፡ በደስታህ ጊዜ ወደው ያልተገኙ፡ አገኘህ ስትባል ሁሌ እሚመቀኙ፡ አንተ ስትደሰት ብሶት የሚቀኙ፡ ሰወች ሲሸከሙህ ስትባል ሬሳ፡ ሁሉም ሰው ይመጣል ዝናህን ሊያነሳ፡ ------------------------------ ተቀብረህ ከቀረህ እድገትህ ካቆመ፡ ጠላት ወዳጂህ ነው ኑሮህ ካከተመ፡ ቀኑን አመቻችቶ ነድፎ ፕሮፖዞል፡ ሞተ ሲባል ጊዜ ቀባሪህ ይበዛል ።

እውን ጀምዒያ ቢድዐ ነችን? ~ ጀምዒያን የሚያወግዙ፣ አልፈውም ይፈቀዳል የሚሉ አካላትን በቢድዐ የሚፈርጁ ወገኖች የተቃውሟቸው አንዱ መነሻ "ጀምዒያ ቢድዐ ነው" የሚል ነው። ለዚህም ማጠናከሪያ ይሆናቸው ዘንድ “ጀምዒያን ሰለፎች ያውቋታል ወይ?” የሚል ተቃውሞ አዘል ጥያቄ በተደጋጋሚ ሲያነሱ ይስተዋላሉ። ለዚህ ተቃውሞ የሚነሳው ምላሽ እንደሚከተለው ነው፦ 1ኛ፦ ዒባዳና መዳረሻ የተለያዩ ናቸው! ጀምዒያኮ ዒባዳ አይደለም። ዒባዳ ካልሆነ በምን ሂሳብ ነው ከቢድዐ ጋር የሚገናኘው? የነዚህ ወንድሞች የተቃውሞ መነሻ መዳረሻንና ዒባዳን ከማቀላቀል የመጣ ነው። ሸሪዐዊ ግቦችን ለማሳካት የሚውሉ መዳረሻዎችን በአምልኮት መልክ ከሚፈፀሙ ቢድዐዎች ለይቶ ማየት ያስፈልጋል። ሺሃቡዲን አልቀራፊይ እንዲህ ይላሉ፡- “እወቅ! መዳረሻዎች ሊዝዘጉ ግዴታ የሚሆንበት ቦታ እንዳለ ሁሉ ሊከፈቱ ግዴታ የሚሆንበትም አለ። የሚጠላበት፣ የሚወደድበትና የሚፈቀድበትም እንዲሁ። … ወደ ሐራም የሚያደርስ መዳረሻ ሐራም እንደሆነው ሁሉ ወደ ዋጂብ የሚያደርሰው ደግሞ ዋጂብ ነው። … የአሕካም መደቦች ለሁለት ይከፈላሉ። (አንዱ) ግቦች ናቸው። እነሱም በራሳቸው ጥቅሞችንና ጉዳቶችን ያካተቱ ናቸው። (ሌላኛው) መዳረሻዎች ናቸው። እነሱ ወደ ግቦች የሚያደርሱ ናቸው። ብይናቸውም (ጫፍ ላይ) የሚያደርሱት ነገር የክልከላ ወይም የፍቁድነት ብይን ነው፣ ምንም እንኳን ደረጃቸው ከግቦች ብይን ዝቅ ያለ ቢሆንም። ወደ ላቁ ግቦች የሚያደርሱ መዳረሻዎች የላቁ መዳረሻዎች ናቸው። ወደ መጥፎ ግቦች የሚያደርሱ መዳረሻዎች መጥፎ መዳረሻዎች ናቸው። ወደ መካከለኛ ግቦች የሚያደርሱ ደግሞ መካከለኛ ናቸው።” [ሸርሑ ተንቂሒል ፉሱል፡ 449] 2ኛ፦ ጃሚዐስ (ዩኒቨሲቲስ) ቢድዐ ነው ወይ? ወሳኢልም (መዳረሻ)ም ቢሆን በሰለፎች ዘመን ያልነበረ ሁሉ ቢድዐ ነው የምትሉ ከሆነ በዚህ ስሌታችሁ መሰረት ጥንት ያልነበሩ ኢስላማዊ ተቋማትም ቢድዐ ናቸው ልትሉ ይይዛችኋል። ምክንያቱም ኢስላማዊ ሸሪዐ ተመሳሳይ መነሻ ላላቸው ነገሮች የተለያዩ ብይኖችን አይሰጥም። ጃሚዓት ኢስላሚያ (ዩኒቨርሲቲዎች)፣ መዓሂድ እና መራኪዝ በሰለፎች ዘመን አልነበሩም። እነዚህ ተቋማት ቢድዐ ያልሆኑት ወሳኢል እንጂ በራሳቸው እንደ ዒባዳ ስለማይቆጠሩ ነው።  “ጀምዒያ በሰለፎች ዘመን አልነበረችም” የሚለውን ሙግታችሁን እዚህ ላይ አምጡትና የሚያዋጣችሁ ከሆኑ እዩት። እነዚህን ማስተማሪያ ተቋማታ “በሰለፎች ዘመን ስላልነበሩ ቢድዐ ናቸው” የሚል አንድም አታገኙም። ስለዚህ ከስሜት ውጡና ረጋ ብላችሁ መከራከሪያ ነጥባችሁን በኢንሷፍ ፈትሹት። 3ኛ፦ የዑለማኦች ተግባራዊ ምላሽ በጣት ከሚቆጠሩ ውጭ ሁሉም ታላላቅና ታዋቂ የሱና ዑለማኦች ጀምዒያ መመስረትን ፈቅደዋል። አስታውሱ፤ ባለፈው ጀምዒያ የመሰረቱ፣ የጀምዒያ አባል የሆኑ፣ የጀምዒያ አመራር የሆኑ የህንድ፣ የፓኪስታን፣ የአልጀሪያ፣ የግብፅ፣ የሰዑዲያ ታላላቅ ዑለማኦችን ዘርዝሬያለሁ። ከነዚህ ውስጥ ከፊሎቹ ዛሬም በህይወት አሉ። ጀምዒያ ቢድዐ ቢሆን ኖሮ እነኚህ ሁሉ ዓሊሞች በዚህ ተግባር ውስጥ አይገቡም ነበር። 4ኛ፦ የዑለማእ ቀጥተኛ የቃል ምላሽ! ተግባራዊ አካሄዳቸው በቂ ምላሽ ቢሆንም ከዚህም አልፎ ጀምዒያ ቢድዐ እንዳልሆነ በግልፅ የተናገሩ ዓሊሞችን አጣቅሳለሁ:- 4.1. አልባኒይ፡- “መተባበር ከሸሪዐ አንፃር የሚፈለግ ነው። መዳረሻዎቹ ደግሞ ከዘመን ዘመን፣ ከቦታ ቦታ፣ ከሀገር ሀገር ሊለያዩ ይችላሉ። ስለዚህም በዚህ መሰረት የሚቋቋምን ጀምዒያ በቡድንተኝነት (ሒዝቢያ) እና በቢድዐ መወንጀል ይሄ ይጓዙበት ዘንድ ቦታ የሚሰጠው አቋም አይደለም።”   [ሲልሲለቱል ሁዳ ወኑር፡ ካሴት ቁ. 590] 4.2. ኢብኑ ዑሠይሚን፡- ጀምዒያ “ቢድዐ ነው” “አይ አይደለም” በሚሉ ወጣቶች መካከል በተነሳው ልዩነት ሳቢያ የከረረ መሰዳደብ ውስጥ እንደተደረሰ ለቀረበላቸው ጥያቄ “ለሸሪዐዊ ግብ መዳረሻ የሆነ በራሱ በመዳረሻው አምልኮት ካልታሰበበት በስተቀር ችግር የለበትም” ሲሉ መልሰዋል። [መጅሙዑ ፈታዋ፡ 18/465-466] 3. ሷሊሕ አሉሐይዳን፡- “እያንዳንዱ ሰው ምንም አይነት የቢድዐነት ቦታው በሌለበት ነገሮችን ‘ቢድዐ ናቸው’ እያለ ከመሞገት ሊታቀብ ይገባል” ብለዋል። [ሸርሑ ኪታቢ ተውሒድ፡ 15ኛ መጅሊስ] ወጣ ያለ አቋም ካንፀባረቁ በጣም ጥቂቶች ውጭ ይሄ የሁሉም ዑለማእ አቋም ነው። እንዲያውም ኋላ ላይ አቋማቸውን ከመቀየራቸው በፊት ሸይኽ ረቢዕ በጀምዒያ መስራትን የሚቃወም ከዑለማእ አንድም እንደማያወቁ እንዲህ ሲሉ ገልፀው ነበር፦ “እኔ እስከዚህ ቀኔ ድረስ [በቁርኣንና በሱና ላይ የተመሰረተ የሆነን ጥንትም ዛሬም ሙስሊሞች ባሉበት ላይ ከሆነ] #ከሰለፍዮች አንድ እንኳን ሸሪዐዊ የሆነን ማህበራዊ ስራን የሚቃወም አላውቅም። … ለነሱ በህንድ፣ በፓኪስታን፣ በባንግላዴሽና በሌሎችም ሃገራት ማህበራት አሏቸው። … አንሷሩ ሱና በግብፅና በሱዳን በህብረት የሚሰሩ ትምህርት ቤቶች፣ መስጂዶችና ሌሎችም ስራዎች አሏቸው። … የተፈቀደ የሆነን ማህበራዊ ስራን የሚዋጋ፣ የሚከለክልና ባለቤቶቹን በቢድዐ የሚገልፅ አንድም ዐሊም ወይም ሰለፊ የሆነ የዒልም ተማሪ አልሰማንም።” [ጀማዐቱን ዋሒዳህ፡ 60] ስለዚህ በዚህ ደረጃ በዑለማእ የሚደገፍን ጉዳይ በቢድዐ መፈረጅ ልክ አይሆንም። በተለይ ደግሞ ይህንን ሰበብ አድርጎ ሰዎችን ተብዲዕ ማድረግ ማንንም ሳይሆን ራስን ነው የሚጎዳው። እና ወንድሞቻችን ሆይ! ለራሳችሁ ኣኺራ ስትሉ ድፍረታችሁን ቀነስ ብታደርጉ መልካም ነው። ያላግባብ ሰዎችን በቢድዐ መፈረጅ ቀላል ነገር እንዳይመስላችሁ። ኢማሙ አሕመድ ረሒመሁላህ “ሰዎችን ከሱና ማስወጣት ከባድ ነገር ነው” ይላሉ። [አስ-ሱናህ፣ አልኸላል፡ 1/373] 5ኛ፦ በአስገዳጅ ምክንያት የሚፈፀሙ ሰበቦች በቢድዐ አይገለፁም። አንድ ሰው፡ “እነ ኢማሙ አሕመድ በዚያ ፈተና ዘመን እንኳን ማህበርን አልተጠቀሙትም” እያለ ሲሟገት ሰምቻለሁ። “ጀምዒያን ለአስገዳጅ ሰበብ እንኳን መጠቀም አይቻልም” ነው አባባሉ። ይሄ አቋም ጀምዒያን ከሚቃወሙ ዑለማእ ራሱ አንድም የሚጋራው የለም። ምክንያቱም አስገዳጅ ችግር ካጋጠመና ምርጫ ከጠፋ የማይፈቅድ አንድም ዐሊም የለምና። እነዚህን ቀዋዒዶች አስተውሉ፦ •  “ችግሮች ያልተፈቀዱ ነገሮችን ያስፈቅዳሉ።” الضرورات تبيح المحظورات •  “ግዴታ ነገር ያለሱ የማይሳካበት ነገር እሱ እራሱ ግዴታ ነው።” ما لا يتم الواجب إلا به فهو واجب •  “ሁለት ጎጂ ነገሮች ባንድ ላይ ከመጡ ጉዳቱ የቀለለውን መፈፀም ይገባል።”  إرتكاب اخف المفسدتين عند التزاحم ደግሞ የማህበር አላማ በመንግስት እውቅና ስር ሆኖ አላማን ማሳካት ነው። ይህን አሰራር የዘመናችን መንግስታት እንዲቀበሉ ጫና ያሳደረባቸው እራሱን የቻለ ምክንያት አለ። እንዲህ አይነቱ አካሄድ በቀደሙት ዘመናት የተለመደ ቀርቶ የሚሞከርም አልነበረም። እነ ኢማሙ አሕመድ “ቁርኣን ፍጡር ነው” የሚለውን ጥመት እንዲቀበሉ ሲያስገድዷቸው የነበሩት መሪዎች አልነበሩምን እንዴ?! ታዲያ “ካልተቀበላችሁ” እያሉ የሚያሰቃዩበትን ጥፋት እንዲቃወሙ ነው እንዴ ፈቃድ የሚሰጧቸው?! ሙግታችንን ምክንያታዊም ህሊናዊም ብናደርገው መልካም ነው።

~ ወረደ አሉ ጥምቀት! የመውሊዱ ንጉስ የዲቢው አርበኛ፤ የቃጥባሪው ኮተት የአብሬት ዘበኛ፤ የኑርሁሴን ባሪያ የዓብዱ ሞገደኛ፤ የዳናው አገልጋይ የጫሌው ወሬኛ፤ መቃብር አምላኪው የዶሪሑ እስረኛ፤ የቢድዓው አንጋሽ የሽርኩ ምርኮኛ፤ የተውሒድ የሱና የኢስላም ፀበኛ፤ የካፊሮች ኻዲም የሙስሊም ምቀኛ፤ ኢስላምን ተቃርኖ ካፊር ለማስደሰት፤ ምንም ቢያሸረግድ እነሱ ላይወዱት፤ ምንም ቢሽለጠለጥ ላያመሰግኑት፤ እስካልገባ ድረስ ወደ እነርሱ እምነት፤ "ወለን ተርዷ" ብሏል ግባና ተመልከት፤ ያ መውሊድ አክባሪ የሆነው የቁም ሙት፤ ያ የአሕባሽ ሙሪድ ተንቀሳቃሽ ሀውልት፤ ፎጣውን አጣፍቶ ወረደ አሉ ጥምቀት፤ Abu_lmran_Alaseriy