𝐌𝐢𝐬.🌷.
Open in Telegram
مفيش حلول… بس في تفريغ طاقة"🧘🏻♀️ "في حضرة الطفولة… تعود الروح خفيفة."
Show moreThe country is not specifiedThe category is not specified
200
Subscribers
No data24 hours
-47 days
-530 days
Posts Archive
200
لما بتشد على حد من ولادك أو بتعاقبه لما بيعمل حاجة غلط ... هو مش دايما بيفهم انك بتحبه وخايف عليه ... احيانا بيحس انك بتحرمه من حاجة هو عاوزها ... او انك بتقهره ... او انك بتدافع عن رأيك او عن قيمة انت شايفها مهمة.
فلو علاقتك بيهم مختزلة بس في شوية أوامر وشوية نواهي وشوية زعيق ... هو بيترسخ جواه الشعور ده ... شعور انك مش بتحبه وأنك بترخم عليه وبتتحكم فيه.
في اولاد بتدخل في حالة اكتئاب لانه بيتوهّم أن مفيش حد بيحبه.
عشان توازن الموضوع ده ... طفلك محتاج يحس انك فعلا بتحبه ... وبشكل مباشر.
قول له (أنا بحبك) ... طبطب عليه... خده في حضنك ... قول كلمة حلوة في حقه قصاد الناس، العب معاه ... شاركه حاجة هو بيحبها.
حوّش جوه ابنك رصيد من الحب يخليه يصدق أنك بتحبه وخايف عليه لما بتشد عليه او بتعاقبه ده هيحميه من أمراض نفسية كتير وهيقلل من مقاومته ومن عناده وانت بتقوّمه.
