MISSION GPSC 2027

⚠️ ધો. 12 સાયન્સ (B ગ્રુપ) ના વિદ્યાર્થીઓ ખાસ ધ્યાન રાખો: NCISM ની મોટી કાર્યવાહી, ગુજરાતની 7 આયુર્વેદ કોલેજોની માન્યતા રદ્દ, BAMS ની 620 બેઠકો પર ગ્રહણ! રાજ્યમાં આરોગ્ય શિક્ષણ ક્ષેત્રે મોટો ધડાકો થયો છે. નેશનલ કમિશન ફોર ઇન્ડિયન સિસ્ટમ ઓફ મેડિસિન (NCISM) દ્વારા શૈક્ષણિક વર્ષ 2026-27 માટે નિયમોનું પાલન ન કરતી અને પૂરતી સુવિધાઓનો અભાવ ધરાવતી ગુજરાતની 7 ખાનગી આયુર્વેદિક કોલેજોની માન્યતા રદ્દ (Denial of Permission) કરી દેવામાં આવી છે. આ નિર્ણયથી હવે પછી આ તમામ કોલેજોમાં BAMS (આયુર્વેદાચાર્ય) કોર્સમાં નવા એડમિશન સંપૂર્ણ બંધ થઈ જશે. 📌 માન્યતા રદ્દ થયેલ કોલેજો અને બેઠકોની યાદી: જૂનાગઢ: નોબલ આયુર્વેદ કોલેજ એન્ડ રિસર્ચ ઇન્સ્ટિટ્યૂટ (100 બેઠકો) વડોદરા: સુમનદીપ આયુર્વેદ મેડિકલ કોલેજ-હોસ્પિટલ (100 બેઠકો) મહેસાણા: સરદાર આયુર્વેદ કોલેજ એન્ડ હોસ્પિટલ (100 બેઠકો) ખેડા: ડાલિયા આયુર્વેદ કોલેજ એન્ડ હોસ્પિટલ (100 બેઠકો) લીંબડી: લીંબડી આયુર્વેદિક મેડિકલ કોલેજ (100 બેઠકો) ગોધરા: જય જલારામ આયુર્વેદિક કોલેજ (60 બેઠકો) અમરેલી: શ્રીધર અતુલકુમાર જાની આયુ. મેડી. કોલેજ (60 બેઠકો) 🔍 કાર્યવાહીનું મુખ્ય કારણ: NCISM ના કડક નિરીક્ષણમાં સામે આવ્યું કે લાખો રૂપિયાની ફી વસૂલતી આ કોલેજો પાસે ક્વોલિફાઇડ પ્રોફેસરો, પૂરતા દર્દીઓ ધરાવતી હોસ્પિટલો તેમજ જરૂરી સાધન-સુવિધાઓનો ભારે અભાવ હતો. રાજ્યમાં એકસાથે 620 બેઠકો ઘટી જતાં નીટ (NEET) પાસ કરીને આયુર્વેદમાં કારકિર્દી બનાવવા માંગતા વિદ્યાર્થીઓ અને વાલીઓમાં ભારે ચિંતા પ્રસરી છે. ચોઇસ ફિલિંગ કરતી વખતે વિદ્યાર્થીઓએ આ કોલેજો અંગે ખાસ સાવચેતી રાખવી જરૂરી છે.