گڕوگاڵی پاش ئێوارە

#شێعر

در این سرای بی کسی کسی به در نمی زند به دشت پر ملال ما پرنده پر نمی زند

وتم: (لەبیر کردن کاتـی ئەوێ) هەڵە بوو! لەبیر کردن کاتی نەئەویست لەبیر کردن دڵی ئەویست ئەویش لای تۆ جێماوە…

«یێڵماز گونەی» و: ئالان ڕەحمانی

ماوەیەک لەوەو پێش ئەم کارە زەبت و تۆمار کراوە و ویستم ئەوە بوو کە پاش هاتنەوەی گشتیی نێت داینێم؛ بەڵام بڕیارم دا هەرکات ئاپلۆد کرا داینێم. بریتییە لە سێ شێعر کە پێشتر بڵاو ببوونەوە و ئەو شێعرەکانیش هەر بڕیار نەبووە بڵاو ببنەوە بەڵام وتم با ئەمانەش تۆمار ببن و بمێنن بە یادگاری… کەواتە، بەم زووانە!

هەر بەهارە، بەردەوام بەهارە. بەڵام لە دڵم هەر خەزانە. ناتوانم بەسەر خەمۆکی و پەشێویی ڕۆحم زاڵ بم، ناتوانم بارودۆخی دەروونم بگرمە دەس و خۆم بەڕێوە بەرم، لەتر ئەدەم و ڕۆحم وەکوو ئاو لە دەفرێکی شکاو و شڕ ئەڕژێت و پڕژ و بڵاو ئەبێتەوە. ناتوانم خۆم لە ژێر بۆمبارانی ڕووداوەکانی ڕۆژ بکێشمە دواوە، هەناسەیەک بکێشم و خەریکی هەرمانەکانی خۆم بم.

«ڕۆژەکان لە ڕێ» -شاڕۆخ مەسکووب-

تا لەتیف هەڵمەت هەواڵپرسم بکا ژیان هێشتا جوانیی ماوە…

جیاوازیی نێوان من و ئێوە لەوەدایە کە ئێوە ئاشق ئەبن، خۆشەویستەکەتان ئەڕوا، ماڵتان ئەڕووخێ و ئیتر لە خراپترین بارودۆخا ژیانتان نابێتەوە وەکوو خۆی بەڵام منیش ئاشق ئەبم، خۆشەویستەکەشم هەر ئەڕوا، بەم جیاوازییە کە کاریگەریی ڕۆشتنەکەی بەس من ناگرێتەوە و، هەموو دنیا دەرگیری خۆی ئەکا!! ڕۆیی، ئەوەتا چاوتان لێیە دنیا بە قوڕ گیراوە😂 دڵنیام جارێتر ئاشق بم و بڕوا ئیتر دنیا ئاخر و قیامەت و شتە دێ

ماچۆ بزە بەلە جە من بڕیا سەرەش نیا هەزارەیوە!

ئیمڕۆ هەواڵەکان لە پەتای کرۆنا کوشندەترن من بە دەس هەواڵنێرییەکانەوە ناڕەزایەتیم هەیە! گەرچی وەکوو پەتا هەناسەی سییەکانت ناگرن، بەڵام بێ شک هەناسەکانی ڕەوانت ئەگرن لە هیچ شوێنێکا ئەمانمان نییە بە دەستیانەوە، تەنانەت گەر تلەوزێنیش نەگری و هەوڵێ بۆ بیستنی هەواڵەکان نەدەی، ئاخریش لە چایخانە یەکێ دێ یەخەت پێ ئەگرێ ئێژێ: “ئەرێ تۆیش بیستووتە و…” ئیتر زرم و کوت و تەق و ڕەق موولەتت نادا خۆ بڵێی ناااااااا نامەوێ بیشیزانم. من بەدەس هاووڵاتییەکانمەوە ناڕەزایەتیم هەیە! کە تاک تاک بوونەتە تاکێک بە ناوی کۆمەڵگا و هەنگاوەکانم ئەچنن چۆن ڕەوتیشم بە مەیلیان نەبێ نوێڵێک ئەشنێنە بوونمەوە. من بەدەس خۆشمەوە ناڕەزایەتیم هەیە!! کە ئاوا دانیشتووم و هیچم لەدەس نایە و ئەشزانم کە ناتوانم و ناکرێ و نابێ هیچم لە دەس بێ کاکە من بە دەس هەموو شتێکەوە ناڕەزایەتیم هەیە!!!

با بمێنێ، بە هاوکاریی ئارایەی یاریدەر پاش هەزار هەناسەی بێ سەروا- ١/٢/١٤٠٥

دڵم لە سینگمدا دەربەدەرە و منیش لە وڵاتەکەمدا و وڵاتەکەشم لە زەویدا

لەتیف هەڵمەت

شاعیرێک خۆشی دەویستی… پتر لە چل ڕۆژە مامۆستا ڕەفیق سابیر کۆچی دوایی کردووە هەواڵێکی ناخۆش بوو بیستنی ئەویش لەم بارودۆخەدا بۆ منێ کە لەگەڵیدا چووم بۆ لای وەلی دێوانە و منداڵە لاسارەکەم جێنەهێشت و لەگەڵ (بێ تۆیی مردنە)کەیدا هەموو جارێ ئەمردم… هیوادارم لە بەهەشتی شاعیراندا شاد بی…❤️‍🩹

لە جێگایەکیشدا داستایێفسکی ئێژێت: گەر ئاکامی شەڕ، خۆشیی هەموو دونیا بێت، دیسان ناژی بە ڕژانی دڵۆپێک فرمێسک لە چاوی منداڵێکی بێ تاوان…

بە پیر ئەو ماهەوە چووم و بەسەر چووم پەری بوو ئەو نەبوو شەو بوو بەسەر چووم