SEN va MEN

27 613

#ғалати_дунё 71-қисм Лайло ёноқлари қизариб кетаётганини ҳис қилди. - Сен Саботажни назарда тутяпсанми... Синан? Уни тинч қўй. У менинг дўстим. Менинг ягона дўстим. У меҳрибон бола. Амаким эса ёлғон гапиряпти! - Бас қил. Катталарни ҳурмат қилишинг керак. - Нега менга - ўз қизингга ишонмаяпсан? - Унинг кучи тугади. Отаси йўталиб қўйди. - Келинг, ўзимизни босайлик. Бу вазиятни ақлли йўл билан ҳал қилишимиз керак. Оилавий кенгаш ўтказдик. Амакиваччанг Толға яхши бола. У сенга уйланишга рози бўлди. Унаштирув маросими бўлади... - Нима? Толға - ўша ёзда шу хонада тунаган бола. У бешикда ухлаб ётганида, отаси кечалари унинг қорнига доиралар чизарди. Энди бу болани оила оқсоқоллари унга куёв қилиб танлашди. - Биламиз, у сендан ёш, - деди онам. - Лекин бунинг ҳеч қандай қўрқинчли жойи йўқ. Ҳаммага бир-бирингизга аталганингизни билдириш учун унаштирув эълон қиламиз. - Ҳа, шундай қилиб, барча ғийбатчиларнинг оғзини ёпамиз, - давом этди отаси. - Кейин эса диний никоҳингиз бўлади. Бир неча йилдан сўнг расмий никоҳдан ўтишинг мумкин. Аллоҳ наздида диний никоҳ ҳам етарли. - Сен қандай қилиб Аллоҳнинг кўзи билан қарай оласан? - сўради Лайло кўнглидагидан кўра хотиржамроқ. - Мен доим бунга қизиқардим. Отаси унинг елкасига қўлини қўйди: - Хавотирланаётганингни биламан. Лекин энди хавотирга ўрин йўқ. - Агар мен Толғага турмушга чиқишдан бош тортсам-чи? - Сен бундай қилмайсан, - деди отаси, юзи жиддийлашиб. - Сен-чи? - Лайло кўзларини катта очиб, холасига ўгирилди. - Менга ишонасанми? Чунки ўшанда мен сенга ишонгандим, эсингдами? Ўша лаҳзада Лайло холаси бош ирғайди деб ўйлади - озгина қимирласа ҳам бўларди, - лекин Бинназ бундай қилмади. - Ҳаммамиз сени яхши кўрамиз, Лайложон, - деди у ўрнига. - Ҳаётимиз изга тушишини истаймиз. Отанг ҳаммасини жойига қўяди. - Ҳаммасини жойига қўядими? - Холангга қўполлик қилма! - деб уни жеркиб берди отаси. - Яна қанақа хола? Мен уни онам деб ўйлардим. Шундайми ё йўқми? Бу уйда ҳамма ёлғон гапиради, икки юзламачилик қилади. Бизнинг ҳаётимиз ҳеч қачон нормал бўлмаган. Биз нормал оила эмасмиз. Нега доим роль ўйнайсизлар? Давоми бор @sen_mendir

27 613

"У ЕРДА НИМА БОРЛИГИНИ БИЛСАНГИЗ, СИЗ ҲАМ ЭШИКНИ ОЧМАС ЭДИНГИЗ...😨" Келин бўлиб тушганимдан бери бир сир мени тинч қўймасди... Қайнонам ҳар куни бир вақтда ҳеч ким кирмайдиган хонага кириб, узоқ вақт ўша ерда қоларди. Бу хонага кириш эса қатъиян тақиқланган. Эрим: — У хонага қизиқма, — деб қўяр, холос. Аммо менинг қизиқишим кун сайин ортиб борарди. Ниҳоят, бир куни тақдир менга имконият берди... Қайнонам тўйга шошиб кетаркан, ўша хона калитини унутиб қолдирди. Титраган қўлларим билан қулфни очдим... Эшик секин очилди... Ичкарида кўрган манзарам эса мени қўрқитиб юборди... ЧУНКИ У ЕРДА...😱

27 613

Онам дуосидан бу кунга етдим Осмонлар кўксимда қилади таъзим, Қўл чўзсам, самода юлдузни тутдим. Нима ҳам қилардим менинг бир ўзим, Онам дуосидан бу кунга етдим. Ҳар ўнгу сўлимда гуллар сочилган, Қай томонга борсам, йўллар очилган, Иқболимни тилаб қўллар очилган, Онам дуосидан бу кунга етдим. Бир йигит умрининг жафолари кўп, Адашган йўллари, хатолари кўп, Менинг-чи, эртамдан кўнглим ҳамон тўқ, Онам дуосидан бу кунга етдим. Онамнинг дуоси ҳимоя қалқон, Онам бор – тоғларни этарман талқон, Муҳаббатим олов, жасорат – вулқон, Онам дуосидан бу кунга етдим. Вафо Мўмин, оддий, ғариб шоирсан, Дунё синовидан нега нолирсан?! Айт-чи, сенинг ўзинг нега қодирсан?! Онанг дуосидан бу кунга етдинг, Отанг дуосидан бу кунга етдинг. ©️ Вафо Мўмин @sen_mendir

27 613

Repost from SEN va MEN

#қуёшим 142-қисм Муаллиф: Наргиза Усанбоева Қўшниникига ўтиб кетишди, шекилли. Гулифор бир зум гилам устига тушган алвон ранг қонга қараб турди-да, кейин юзини сал буриб, тоза жойга бошини қўйиб, кўзларини юмди. Уйқуси келяптими, хушидан кетяптими ё ажал ўз домига тортяптими, ҳеч нарсага тушунмади. Қанча ётди, қанча вақт ўтди, нима бўлди бу ҳам ноаён. * * * Қишлоқ кўчаси. Қўлида пакетини кўтарганча Меҳрона Умарнинг уйи томон келяпти. Хомуш. - Нима қилаётганимни ўзим ҳам билмай қолдим. Тўғри қиляпманми, нотўғрими? Уффф, - дейди ўзига ўзи. – Тавба, автобусда кетаётганимда ҳам кўнглим ғаш эди, тушдим, ҳалиям ғаш. Нима истайсан, эй кўнгил! Қачон сенинг истагинг бажо бўлганки, бунчалар безовта бўласан? Ҳеч қачон сенинг хоҳишингга қаралмади. Шундай экан тинчлан. Менга ҳам ором бер, хотиржамлик бер. Уфф! Ўз уйимга борсам тинчланасанми? Ё... Гулифор опамнинг ёнига борсамми? Тилинг бўлса экан, айтсанг? Меҳрона қалбидаги зулматни ўзи ҳам тушунмасди. Аммо яхши билардики, ота уйига борса ҳеч ким ундан рози бўлмайди. У ичида яна ўзига-ўзи гапиради: - Эҳ бечора кўнглим! Сен ҳеч ким эшитмагани каби, ўзим ҳам тушунмайман. Нима тусаяпсан? Умар ака билан кетмоқликними? Унда ҳам тинчинг йўқ эди-ку. Кейин... Умар ака бизга бир оғиз “Қаёққа? Ўтир, кетасан мен билан”, демади-ку. Сени истамаганга эргашгандан не наф, кўнглим? Суймаганга суйкалиб не фойда? Қайга борамиз, айт, эй дил! Бугун сенга бўйсунаман! У уйда ўрнинг йўқ десанг, онамнинг ёнига ҳам боравераман! Меҳрона йўлнинг ўртасида туриб қолди. Қай томонга юрсин? Қаерда яшасин? Нега қизларнинг ҳаёти бунақа экан-а? Ихтиёри ўзида эмас! Йўқ, ҳамма қизлар бунақа эмас-ку! Меҳронанинг кўнгли жуда бўшлиги сабаб шунақадир? - Кўнглим, қай томонга чопасан? Чоп, сенга эргашаман! – деди кўксига қўлини қўйиб Меҳрона. Давоми бор Ёндирмачоқ – бу қувонч! @sen_mendir

27 613

"ҚУЁШИМ" асарини ёпиқ каналда бир нафасда ўқинг! Асар ёпиқ каналга тўлиқ жойланган! Бонус сифатида яна битта асар тўлиқ жойланган, иккита асарни тўлиқ мазза қилиб ўқинг! Танлов ихтиёрий. Уланмоқчи бўлганлар шу админга ёзинг.👇👇 @adm_usanboyeva Асар ушбу катта каналга ҳам ҳар куни ўз вақтида жойлаб борилади.

27 613

#қуёшим 141-қисм Муаллиф: Наргиза Усанбоева Умар ҳамон ўша ҳолатда ҳайкалдек қотиб, ўтириб кетяпти. Меҳрона пича унга тикилиб туради. Кейин оғир ютинади ва секин гапиради: - Мен сиз билан кетмайман... Умар индамайди. Эшитмайди, гўё. Меҳрона дик этиб ўрнидан туради. Умар оёқларини ўриндиқдан ён томонга чиқариб Меҳронага йўл беради. Қиз қўлига пакетини тутганча, шошиб, одамларни туртиб, суриб ҳайдовчининг олдига боради. - Шу ерда тўхтатинг, - дейди ҳовлиқиб. Ҳайдовчи ҳайрон бўлади. Тажжубланиб қарайди. - Тўхтатинг дедим. - Хўп, хўп... Автобус тўхтайди. Меҳрона тушиб қолади. Автобус яна йўлида давом этади. Меҳрона ҳали у қадар узоқлашиб кетмаган қишлоққа қараб жилмаяди. * * * Умарнинг уйи. Гулифор икки тирсагини аравачанинг ўриндиғида тираб амаллаб гавдасини кўтаради. Энди тепадаги қўлларини суяб ўтирадиган тутқичдан ушлаб, ўзини аравачага ташласа, марра уники... Гулифор шундай қилмоқчи бўлади. Аравачанинг қўллар турадиган суянчиғидан ушлаб, ўзини ўриндиққа ташлайди. Лекин ҳеч нарсага тиралиб турмагани учун аравача орқага қараб, юриб кетади ва Гулифор юзтубан ерга тарсиллаб тушади. Хўрлик, оғриқ, чорасизлик, ҳолсизлик ўз кучини кўрсатади. У хўнграб йиғлай бошлайди. Юзи билан тушгани учун бурнидан шариллаб қон оқа бошлайди. Гулифор ерга бошини қўйганча ўксиб-ўксиб йиғлайди. Бурнидан оқаётган қонни нимага артишни билмайди. Атрофга қарайди атай қилгандек ҳамма нарса ундан узоқда. Ҳатто қизи ва ўғлининг овози ҳам эшитилмай қолди. Давоми бор Ёндирмачоқ эзиб ўтишни унутманг! @sen_mendir

27 613

#қуёшим 142-қисм Муаллиф: Наргиза Усанбоева Қўшниникига ўтиб кетишди, шекилли. Гулифор бир зум гилам устига тушган алвон ранг қонга қараб турди-да, кейин юзини сал буриб, тоза жойга бошини қўйиб, кўзларини юмди. Уйқуси келяптими, хушидан кетяптими ё ажал ўз домига тортяптими, ҳеч нарсага тушунмади. Қанча ётди, қанча вақт ўтди, нима бўлди бу ҳам ноаён. * * * Қишлоқ кўчаси. Қўлида пакетини кўтарганча Меҳрона Умарнинг уйи томон келяпти. Хомуш. - Нима қилаётганимни ўзим ҳам билмай қолдим. Тўғри қиляпманми, нотўғрими? Уффф, - дейди ўзига ўзи. – Тавба, автобусда кетаётганимда ҳам кўнглим ғаш эди, тушдим, ҳалиям ғаш. Нима истайсан, эй кўнгил! Қачон сенинг истагинг бажо бўлганки, бунчалар безовта бўласан? Ҳеч қачон сенинг хоҳишингга қаралмади. Шундай экан тинчлан. Менга ҳам ором бер, хотиржамлик бер. Уфф! Ўз уйимга борсам тинчланасанми? Ё... Гулифор опамнинг ёнига борсамми? Тилинг бўлса экан, айтсанг? Меҳрона қалбидаги зулматни ўзи ҳам тушунмасди. Аммо яхши билардики, ота уйига борса ҳеч ким ундан рози бўлмайди. У ичида яна ўзига-ўзи гапиради: - Эҳ бечора кўнглим! Сен ҳеч ким эшитмагани каби, ўзим ҳам тушунмайман. Нима тусаяпсан? Умар ака билан кетмоқликними? Унда ҳам тинчинг йўқ эди-ку. Кейин... Умар ака бизга бир оғиз “Қаёққа? Ўтир, кетасан мен билан”, демади-ку. Сени истамаганга эргашгандан не наф, кўнглим? Суймаганга суйкалиб не фойда? Қайга борамиз, айт, эй дил! Бугун сенга бўйсунаман! У уйда ўрнинг йўқ десанг, онамнинг ёнига ҳам боравераман! Меҳрона йўлнинг ўртасида туриб қолди. Қай томонга юрсин? Қаерда яшасин? Нега қизларнинг ҳаёти бунақа экан-а? Ихтиёри ўзида эмас! Йўқ, ҳамма қизлар бунақа эмас-ку! Меҳронанинг кўнгли жуда бўшлиги сабаб шунақадир? - Кўнглим, қай томонга чопасан? Чоп, сенга эргашаман! – деди кўксига қўлини қўйиб Меҳрона. Давоми бор Ёндирмачоқ – бу қувонч! @sen_mendir

27 613

Repost from N/a

Mos auditoriyaga tezroq yetib boring Magfi Ads bilan O‘zbekistondagi Telegram jamoalarida reklama joylashtiring. Premium kanallarni toping, kampaniyangizni bir necha daqiqada boshlang. 🔗 Reklama berishni boshlang → #reklama · Magfi Ads

27 613

Яна бир фараҳли тонгда эсон-омон уйғотган Аллоҳимга ҳамду санолар бўлсин! Бошланаётган кунинги хайрли бўлсин, қадрдоним! •••┄┄┄❅┄┄┄••• Ибрат излаганга — ибратдир дунё

27 613

#ғалати_дунё 70-қисм Унинг юзида умидсизлик пайдо бўлди, кейин яна қатъиятлик билан алмашинди - янада аниқроқ. - Шифокорга? Бутун шаҳар билиши учунми? Асло! Наҳотки тушунмасанг? Бегона одамлар билан бу ҳақда гаплашиб бўлмайди. Буни менга қўйиб бер. - Кейин худди аввалдан тайёрлаб қўйилган жавобни ўқиётгандек, жуда тез қўшиб қўйди: - Бу оилавий муаммо ва биз унинг ечимини оила ичида топамиз. Орадан икки кун ўтгач, улар яна ошхона столи ёнида ўтиришди, бу сафар улар билан онаси ва холаси ҳам бор эди. Улар рўмолчаларини ушлаб ўтиришар, кўзлари йиғидан қизариб, шишиб кетганди. Ўша куни эрталаб иккала аёл Лайлодан ҳайз ҳақида сўрашди. Қиз сўнгги икки ой давомида бундай бўлмагани, аммо кеча эрталаб бошланганини, лекин бу сафар ғалати туюлганини айтди. Ҳаддан ташқари кучли ва оғриқли, ҳар бир ҳаракатида худди ичидан игна санчилаётгандек, ҳатто нафас ололмаётганди. Онаси буни эшитиб, ич-ичидан хурсанд бўлгандек туюлди, дарҳол мавзуни ўзгартирди. Холаси эса Лайлога тикилиб, жуда ғамгин қаради ва бу ўзиникига ўхшаш бола тушиш эканлигини тушунди. - Бу ўтиб кетади, - секин шивирлади у. - Бу тезда тугайди. Шундай қилиб, Лайло билан узоқ йиллардан бери биринчи марта аёл танасининг сирлари ҳақида гаплашишди. Кейин, иложи борича қисқароқ гапиришга ҳаракат қилиб, онаси энди ҳомиладорликдан қўрқмаслигини ва бу жуда яхши эканлигини, ёмонликнинг ҳам яхши томони борлигини, ҳамма буни унутиб, бошқа тилга олмаслигини, фақат дуо қилганда, бу воқеага сўнгги дақиқада раҳмдиллик билан аралашгани учун Аллоҳга шукроналар айтишларини таъкидлади. - Мен акам билан гаплашдим, - деди отасиси эртаси куни. - У сенинг ҳали ёшлигингни... адашиб қолганингни тушунади. - Мен адашганим йўқ. - Лайло дастурхонни кўздан кечирар, мураккаб кашталарни бармоғи билан аста юргизарди. - У менга сен мактабда кўрган бола ҳақида гапириб берди, - деди отаси. - Биз мутлақо бехабар эдик, лекин бу ҳақда ҳамма гапирган экан. Тавба, дорихоначининг ўғли! Мен у разил ва совуқ аёлни ҳеч қачон ёқтирмаганман. Мен билишим керак эди. Она қандай бўлса, ўғли ҳам шундай бўлади. Давоми бор @sen_mendir

27 613

Бир куни арслон ёнига қўйни чақириб: - Яқинроқ кел-чи, оғзимдан ёмон ҳид келмаяптимикин? - дебди. Қўй фаросатсизлик қилибди. - Ҳа, арслоним, оғзингиз сасияпти. Нима егандингиз? - дебди. Арслоннинг жаҳли чиқиб, қўйни парчалаб ташлабди. Ҳовуридан тушгандан кейин, ёнига айиқни чақириб, унга хам айни саволни берибди. - Сиздан ёмон ҳид келармиди, арслоним! - дебди айиқ ялтоқлик билан. - Арслоннинг ҳиди келяпти сиздан! Арслонга унинг бу хушомади ёқмабди, "Айиққа ярашмайдиган гап қилдинг, лаънати!" - дея, роса таъзирини берибди. Навбат тулкига келибди. Олдингиларнинг оқибатини бир четда кузатиб турган тулки арслоннинг олдига хастага ўхшаб, ёлғондакам йўталиб келибди. Арслон унга хам ўша саволни берибди. - Мени маъзур тутинг, арслон жаноблари! - дебди тулки мўлтираб. - Неча кунки мазам йўқ, шамоллаб қолибман. Бурним хам битиб қолган, ҳид билмаяпман... Арслон унинг бошини силаб, соғлик тилаб, қўйворибди. Воқеаларни кузатиб турган бўри тулкининг ёнига келиб: - Ёмон айёрсан-да, - дебди таъна билан. - Балки айёрдирман, - дебди тулки. - аммо аҳмоқ эмасман. Фақат аҳмоқларгина оғзи сасиб, қутуриб турган ваҳшийга ҳақиқатни айтсам ёки ялтоқлик қилсам, омонда бўламан, деб ўйлайди. P.S.: Хуллас, қўйга ўхшаб, ҳар гапни гапираверманг! @sen_mendir

27 613

"ҚУЁШИМ" асарини ёпиқ каналда бир нафасда ўқинг! Асар ёпиқ каналга тўлиқ жойланган! Бонус сифатида яна битта асар тўлиқ жойланган, иккита асарни тўлиқ мазза қилиб ўқинг! Танлов ихтиёрий. Уланмоқчи бўлганлар шу админга ёзинг.👇👇 @adm_usanboyeva Асар ушбу катта каналга ҳам ҳар куни ўз вақтида жойлаб борилади.

27 613

#қуёшим 140-қисм БОНУУУУУУС! Муаллиф: Наргиза Усанбоева Умарнинг тим қора узун, қалин қошлари кўзларини ҳимоя қилишга чоғлангандек чимирилиб турибди. Нигоҳи ташқарида. Хаёли ҳам ким билсин, қаёқларда? * * * Умарнинг уйи. Гулифор аравачаги қараб ҳаракатланмоқчи бўлади. Аммо олдинга сурилишнинг умуман иложини қила олмайди. Бирдан калласи ишлаб кетади. Ахир ерга юзтубан ётиб, бутун гавдасини судраб аравачага етиб қолса бўлади. У шу ўйда ерга ётади ва юзтубан бўлиб ағдарилмоқчи бўлади. Афсус, оёқлари шу ҳолда буйруқни бажармай тураверади. - Эй Худо! Ҳатто ўзим истагандек ёта олмайман ҳам! – бақиради у. Кўзларига қуйилаётган ёшни артиб, яна туриб ўтиради ва оёқларини қўли билан ёнбош қилишга уринади ва ўзи яна ётиб, юзтубан бўлишга уринади. Амаллаб ўзи истагандек ётиб олади ва худди уруш ҳақидаги киноларда жангчилар ерда фақат қўллари билан ҳаракат қилгани каби аравачага қараб сурила бошлайди. Уч кундан буён яхши овқатланмагани, ҳолсизлиги сабаб дарров чарчаб қолади. Нақ ярим соатча уриниб зўрға аравачанинг ёнига етади. Қора терга ботиб кетади. Пешанасидан оқаётган тер томчилари кўзларига тушиб, ачиштиради. Аммо Гулифор ортига чекинмайди. Қўли етар масофада бўлганида аравачани ўзига қараб тортади. - Энди бунга қандай ўтирасан? – ўкириб юборади Гулифор. Аравачага зўр алам билан тикилиб ўйлай бошлайди. * * * Кўча. Автобус ҳамон бир маромда кетяпти. Меҳрона ўйлай-ўйлай бир қарорга келади. Оҳиста Умарга қарайди. Давоми бор Ёндирмачоқ бу – хурсандчилик, босинг! @usanboyeva

27 613

Замон тез, фурсат оз, Ҳар лаҳза зиқдир, Ҳар лаҳза зиқлиги билан қизиқдир. Ҳаёт йўли надир? Қабр тошида Икки сана аро қисқа чизиқдир. © Эркин Воҳидов @sen_mendir

27 613

#ғалати_дунё 69-қисм Лайло елкасини қисди. Уни бепарволикнинг янги тури қамраб олди - илгари унга номаълум бўлган карахтлик, унга энди ҳеч нарса катта аҳамиятга эга эмасдек, балки илгари ҳам аҳамиятга эга бўлмагандек туюлди. - Эҳтимол, мен ҳам шундайдирман. Аслида, у ҳомиладорликнинг дастлаб қандай намоён бўлишини мутлақо билмасди. Дугоналар ёки опалар йўқлигининг салбий томонларидан бири эди бу. Сўрайдиган ҳеч ким йўқ эди. У Дорихоначи хонимдан маслаҳат сўрамоқчи бўлди ва ҳатто бир неча марта бу масалани кўтаришга уриниб кўрди, аммо қулай фурсат келганда журъати етмади. Холасининг юзи оқариб кетди. Бироқ у барибир бу сўзларга катта аҳамият бермасликка қарор қилди. - Азизам, сени ишонтириб айтаманки, бундай бўлиши учун эркак кишининг танасини билиш керак. Дарахтга қўл теккизиш билан ҳомиладор бўлиб қолмайсан. Лайло бепарво бош ирғади. У ўзига бир стакан сув қуйди ва ичишдан олдин оғзини чайди. Стаканни бир четга қўйиб, паст, ҳиссиз овоз билан деди: - Лекин мен... мен эркак танасини жуда яхши биламан. Холасининг қошлари кўтарилди. - Нималар деяпсан? - Демак, амакимни эркак деб ҳисоблаш мумкин экан-да? - сўради Лайло худди стаканга мурожаат қилаётгандек. Холаси қотиб қолди. Мис қозончада сут аста-секин кўтарила бошлади. Лайло плита олдига бориб, ўтни ўчирди. Эртаси куни отасиси у билан гаплашмоқчи эканини айтди. Улар ошхонада, у қизга арабча дуоларни ўргатган ва қабрда зиёратга келадиган қора ва кўк фаришталар ҳақида гапирган ўша стол ёнида ўтиришди. - Холанг менга жуда нохуш бир гапни айтиб берди... - Отаси тўхтаб қолди. Лайло титраётган қўлларини стол остига яшириб, жим ўтирарди. - Сен тупроқ единг. Бошқа ҳеч қачон бундай қилма. Сенда чувалчанглар пайдо бўлади, тушундингми? - отасисининг ияги бироз қийшайиб, тишлари худди кўринмас бир нарсани ғажиб ташламоқчи бўлгандек қисилди. - Ҳеч нарсани ўйлаб топиб бўлмайди. - Мен ҳеч нарса ўйлаб топаётганим йўқ. Деразадан тушаётган кулранг ёруғликда отасиси одатдагидан қарироқ ва қандайдир кичикроқ кўринарди. У қизига маъюс тикилиб турарди. - Баъзан ақл бизни чалғитади. - Ишонмасангиз, мени шифокорга олиб боринг. Давоми бор @sen_mendir

27 613

"ҚУЁШИМ" асарини ёпиқ каналда бир нафасда ўқинг! Асар ёпиқ каналга тўлиқ жойланган! Бонус сифатида яна битта асар тўлиқ жойланган, иккита асарни тўлиқ мазза қилиб ўқинг! Танлов ихтиёрий. Уланмоқчи бўлганлар шу админга ёзинг.👇👇 @adm_usanboyeva Асар ушбу катта каналга ҳам ҳар куни ўз вақтида жойлаб борилади.

27 613

#қуёшим 139-қисм Муаллиф: Наргиза Усанбоева - Олдимда одам бор эди, Ҳамид. Ўзим телефон қивораман, хўп, - дейди Фотима опа шошиб. - Хўп, хўп... – гарчи Фотима опанинг гапи ёқмаса ҳам мажбурликдан дейди қассоб. Фотима опа алоқани узади. Ҳамид ичи қизиганидан уҳ тортади. * * * Кўча. Автобус бир маромда кетяпти. Ҳали у ерда, ҳали бу ерда тўхтаб эндигина қишлоқдан чиқди. Меҳрона деразадан кўз узмай, тушкун кузатиб кетяпти. Негадир дили ғаш. Миясида ҳар хил фикр айланади. - Мен ўзи нега Умар акага эргашиб кетяпман? – дейди ўзига ўзи. - Ахир Умар ака ва Гулифор опа бир-бирини жуда қаттиқ яхши кўради-ку. Гулифор опа ажрашган бўлса, Умар акани ёмон кўрганидан ажрашмади. Шунчаки жаҳл қилиб ажрашди. Мана энди аламига ўзи ҳам чидай олмай ўтирибди. Умар ака мени шаҳарга олиб кетгани билан қайрилиб ҳам қарамаса, ўй-хаёли Гулифор опада, болаларида бўлса нима фойдаси бор? Буни бахт деб, турмуш деб, оила деб бўладими? Кеча ўзимга қарадим, бўяндим, сочимни тарадим, Умар ака ҳатто сезмади ҳам. Умар аканинг ҳам ажрашишганидан буён қовоғи очилмаяпти. Тунда ҳатто Гулифор опанинг ёнига кириб ҳам чиқди. Улар... азобда... Мен-чи? Мен бу одамлар орасида нима қиляпман? Аслида кетиша керак бўлган одам мен эмасми? Меҳрона хўрсиниб қўяди-да, секин Умарга қарайди. Давоми бор Ёндирмачоқ бу – менинг илҳомим! @sen_mendir

27 613

Repost from N/a

Bugun Nima Pishirsam Deb O‘ylashga Yakun! 🥘✨ Har kuni bir xil taomlardan zerikdingizmi? 🍽️ Uydagi masalliqlardan tayyorlanadigan tez va barmoqlarni tishlatadigan mazali retseptlar shu kanalda! Oshxonada mo‘jizalar yaratish va ishtahani ochuvchi videolarni o‘tkazib yubormaslik uchun hoziroq obuna bo‘ling! 👩‍🍳🔥 🔗 Bosing Va Obuna Bo‘ling! #reklama · Oshxona Sirlari

27 613

#қуёшим 138-қисм Муаллиф: Наргиза Усанбоева Гулифорнинг кўзлари бежо боқяпти. Ўзига ўзи девонавор гапиради: - Улар шаҳарга кетди. Шаҳаралик бўлади. Боласи ҳам шаҳарда туғилади. Ўша боласига меҳр беради, Умар. Кейин бизни унутади. Унутилиш... Одамларнинг эсига тушсам, менга фақат ачиниш билан қарашади, тилга олишади. Ёлғиз қолиб кетган ногирон Гулифор! Нақадар даҳшат! Ўлсам ҳаммага яхши! Умар барибир болаларини ташлаб қўймайди. Умар ташлаб қўйса ҳам, қайнонам ташлаб қўймайди. Ўлсам, қутуламан ҳаммасидан... Гулифор атрофга жонсарак қарайди. Нафас олиши тезлашади. - Ўзимни нима қилиб ўлдирсам бўлади? Ўзимни осолмайман, ўрнимдан тура олмайман. Ўзимни буғсаммикан? Нафасим қайтса, жон ширинлик қилиб бўшатиб юборишим мумкин... Пичоқ... пичоқ бормикан? Гулифор дераза токчасига, шкафга, уйдаги ҳамма жиҳознинг устига қараб чиқади. Пичоқ йўқ. - Нисога пичоқ олиб келиб бер, десаммикан? Нима қиласиз, деса нима дейман? Йўқ, кейин қизим бир умр “Пичоқни мен келтириб бергандим”, деб виждон азобида ўтади. Нима қилсам, экан? Дори ичишим керак... Кўўўп дори... Лекин дорилар музлатгичда, музлатгич ошхонада. Уффф! Ҳатто ўзимни ўлдиришга ҳам қодир эмасман! Шунчалар ожизман. Яхшиси, ошхонага бораман. Гулифор ўзидан сал нарида турган аравачасига Азроилга тикилгандек тикилади. * * * Гўшт дўкони. Ҳамид қассоб гўшт атрофида визиллаб учаётга ари ва пишшаларни қўриб ўтирибди. Зерикиб кетиб, Фотима опага қўнғироқ қилади. - Ало, ассалому алайкум, - ялтоқланиб дейди Ҳамид. – Опажон яхшимисиз? - Ва алайкум ассалом. Ҳамид, яхшимисан? - Яхши опа? Нима янгиликлар? Давоми бор Ёндирмачоқ бу - кайфият! @sen_mendir

27 613

#қуёшим 139-қисм Муаллиф: Наргиза Усанбоева - Олдимда одам бор эди, Ҳамид. Ўзим телефон қивораман, хўп, - дейди Фотима опа шошиб. - Хўп, хўп... – гарчи Фотима опанинг гапи ёқмаса ҳам мажбурликдан дейди қассоб. Фотима опа алоқани узади. Ҳамид ичи қизиганидан уҳ тортади. * * * Кўча. Автобус бир маромда кетяпти. Ҳали у ерда, ҳали бу ерда тўхтаб эндигина қишлоқдан чиқди. Меҳрона деразадан кўз узмай, тушкун кузатиб кетяпти. Негадир дили ғаш. Миясида ҳар хил фикр айланади. - Мен ўзи нега Умар акага эргашиб кетяпман? – дейди ўзига ўзи. - Ахир Умар ака ва Гулифор опа бир-бирини жуда қаттиқ яхши кўради-ку. Гулифор опа ажрашган бўлса, Умар акани ёмон кўрганидан ажрашмади. Шунчаки жаҳл қилиб ажрашди. Мана энди аламига ўзи ҳам чидай олмай ўтирибди. Умар ака мени шаҳарга олиб кетгани билан қайрилиб ҳам қарамаса, ўй-хаёли Гулифор опада, болаларида бўлса нима фойдаси бор? Буни бахт деб, турмуш деб, оила деб бўладими? Кеча ўзимга қарадим, бўяндим, сочимни тарадим, Умар ака ҳатто сезмади ҳам. Умар аканинг ҳам ажрашишганидан буён қовоғи очилмаяпти. Тунда ҳатто Гулифор опанинг ёнига кириб ҳам чиқди. Улар... азобда... Мен-чи? Мен бу одамлар орасида нима қиляпман? Аслида кетиша керак бўлган одам мен эмасми? Меҳрона хўрсиниб қўяди-да, секин Умарга қарайди. Давоми бор Ёндирмачоқ бу – менинг илҳомим! @sen_mendir

📈 Analytical overview of Telegram channel SEN va MEN

📊 Audience metrics and dynamics

📝 Description and content policy