ፍኖተ-አማራ ሚዲያ (Finote Amhara Media)
前往频道在 Telegram
የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)
显示更多4 387
订阅者
-1324 小时
-657 天
+1430 天
帖子存档
አፋብን በላይ ዘለቀ 3ኛ ዕዝ
ሜጀር ጀነራል ውባንተ አባተ ፩ኛ ኮር
[መስከረም 13/2019ዓ.ም]
በ''የኢትዮጵያ ሕዝባዊ ሀይሎች ትብብር ለሕልውና(ትብብር ለሕልውና) በ፩ኛ ኮር የተሰጠ የደስታ መግለጫ
በበላይ ዘለቀ 3ኛ ዕዝ ሥር የሚገኘው ሜጀር ጀነራል ውባንተ አባተ ፩ኛ ኮር በተፈጠረው የትብብር ለሕልውና የትግል አንድነት መግለጫ ከመሰረቱ ሲፈልገውና ሲመኘው የነበረ ነው። በትብብር ለሕልውና መግለጫ ሙሉ የሜጀር ጀነራል ውባንተ አባተ ፩ኛ ኮር ሥራ አሥፈጻሚ፣ የ04ቱም ክፍለ ጦር ሙሉ ሥራ አስፈጻሚዎች፣ የ04ቱም ክፍለ ጦር የብርጌድ ሥራ አስፈጻሚዎች፣ የበላይ ዘለቀ 3ኛ ዕዝ የቀጠናው ሥራ አስፈጻሚዎችና የአፋብን የድርጅት አባላት በተገኙበት የተሰማውን የአንድነት መግለጫ በደሥታ ተቀብሎታል።
በኢትዮጵያ ምድር አምሓራንና ሌሎች ዜጎችንም ጨምሮ ከምድረ ገጽ ለማጥፋት ከተለያዩ አገራት ጋር የተተኳሽና የመሳሪያ እንዲሁም የገንዘብ ድጋፍ ተደርጎለት እየጨፈጨፈን ያለውን ፋሽሥታዊ የአቢይ አሕመድ አገዛዝ ለመደምሰስና ሥር ነቀል የሆነ አዲስ የመንግሥት ሥርዓት ማዋለድ ግዴታ በመሆኑ አገዛዙን እስከወድያኛው ለመሸኘት ፍላጎት ካላቸው ሌሎች ኢትዮጵያዊያን ወገኖች ጋር አንድ ሆኖ መታገል የውዴታ ግዴታ ነው። በመሆኑም 07 ሕዝባዊ ኃይሎች በአንድነት ትብብር ለሕልውና የሚል የጋራ ትብብር መስርተዋል። በዚህ የጋራ ትብብርም ሜጀር ጀነራል ውባንተ አባተ ፩ኛ ኮር በእጅጉ ደስተኛ መሆኑን ለመላው ኢትዮጵያዊያንና ለመላው የነጻነት ታጋይ ሰራዊት በሙሉ እየገለጸ በየተራ ከመሞትና ከመገደል በአንድነት ቆሞ ጠላትን መደምሰስ አስፈላጊ በመሆኑ ትብብር ለሕልውናን በፍጹም ደስታ ተቀብለነዋል።
ሥለሆነም ከትብብር ለሕልውና በተጨማሪ ድርጅታችን አፋብን በሚያስፈልገውና በሚጠይቀው ወታደራዊ ግዳጅ ሁሉ ለመገኘትና ለመፈጸም የሜጀር ጀነራል ውባንተ አባተ ፩ኛ ኮር ሙሉ ሰራዊት ዝግጁ መሆኑን ማሳወቅ እንፈልጋለን።
ዝንተዓለም አምሓራ Forever AMHARA👊✊
ኅልውናችን በተባበረ ክንዳችን✊👊
ሜጀር ጀነራል ውባንተ አባተ ፩ኛ ኮር
ቋሚ ምስል፦ የሜጀር ጀነራል ውባንተ አባተ ፩ኛ ኮር ሙሉ ሥራ አስፈጻሚ፣ የ04ቱ ክፍለ ጦሮች ሙሉ ሥራ አሥፈጻሚ፣ የኹሉም ብርጌዶች ሙሉ ሥራ አስፈጻሚ፣ የበላይ ዘለቀ 03ኛ ዕዝ ሥራ አስፈጻሚዎችና የአፋብን አባላት
23 9月, 02:17
አስተማማኝ ደጀን የሆነ የአርበኞች ጦር ብርጌድ በመርሐቤቴ አውራጃ ተመሰረተ
መስከረም 13/2019 ዓ.ም
በሸዋ ጠቅላይ ግዛት መርሐቤቴ አውራጃ ታች ቤት ወረዳ የአባት አርበኞች ጦር በናደው ክ/ጦር አናብስቶች አደራጅነትና ድጋፍ የአባት አርበኞች ጦር የጀግኖች ታሪክን በማስታወስ ''ሸንቁጥ ብርጌድ'' በሚል ስያሜ ተመሰረተ።
በጣሊያን ወረራ ወቅት (1928 - 1933 ዓ.ም)በመርሐቤቴ አውራጃ የታወቁት የሸንቁጥ ልጆች -ደጃዝማች ተሾመ ሸንቁጥ፣ አበበ ሸንቁጥ፣ ኃይሌ ሸንቁጥ፣ ይነሱ ሸንቁጥ እና ጥላሁን ሸንቁጥ-በጽናት የተዋጉ ጀግኖች ነበሩ። ከጦር ጠበብቱ ከራስ አበበ አረጋይ ጋር በመመካከርና ወታደራዊ ስልቶችን በመንደፍ የጣሊያንን ጦር በማርበድበድ ለሀገር ነፃነት ትልቅ አስተዋጽኦ አበርክተዋል፤ ታሪክ የማይዘነጋው የጀግንነት ገድልም ፈፅመዋል። ከዚህ በመነሳት በቀደምት ስመ ጥር አርበኞች ታሪክ ተደራጅተው የነበሩ በወንድማማቾቹ ስም ተሰይመው የነበሩ ሻለቆች- ኃይሌ ሸንቁጥ ሻለቃ ፣ይነሱ ሸንቁጥ ሻለቃ፣ ጥላሁን ሸንቁጥ ሻለቃ በአንድ ላይ በማደራጀት በባለ ታሪኩ አባታቸው ስም ''ሸንቁጥ ብርጌድን'' መስርተዋል።ይህም ታሪክን ያስታወሰ ግዙፍ የአባት አርበኞች ጦር ሆኖ ተመስርቷል ።
በዕዝ ፣በኮርና ክ/ጦር አመራሮች የአባት አርበኞችን ስልጠና በመስጠትና በወቅታዊ ጉዳይ ዙሪያ ውይይት በማድረግ በሰራዊቱ ምርጫ በታሪካዊው ሸንቁጥ ስም ''ሸንቁጥ ብርጌድ'' ሲመሰረት ለሰራዊቱ የተሰማቸው ደስታ እጅግ ከፍተኛ ነው።
ፖለቲካዊ ስልጠና የሰጡ መሪዎችም ሀሳባቸውን ሲገልጡ የድርጅታችን አፋብንን ራዕይ ፣ተልዕኮ ፣ዓላማና ግብን ያገናዘበ ስልጠና መውሰዳችሁ ለቀጣይ ጉዟችን መሰረት ነው ብለዋል። ይህ ፖለቲካዊ ስልጠናም መሰጠቱ የህዝቡንና የሰራዊቱን ግንዛቤ ከፍ ያደረገ ህዝባችንም ከድርጅታችን ጎን ሙሉ ለሙሉ ያሰለፈ ሲሆን፤ የአገዛዙን ብልፅግና ፀረ -አማራነት በውል ያስገነዘበ ነው ። ለቀጣይ ግዳጅ ታሪክን በማስታወስ አድስ ታሪክ ሰሪ መሆንም ስለሚጠበቅ ዝግጅት አድርጋችሁ የአባቶቻችንን ታሪክ መድገም አለባችሁ ሲሉ አቅጣጫ ሰጥተዋል ።
በዚህም የአባት አርበኞች ጦር የተደሰቱ ሲሆን፤እኛ የአርበኞች ልጆች ህዝብና ሀገርን ጠላት በወረረ ጊዜ በየዘመናቱ ነፍሱን የማይሰስት አባቶችም ነበሩን ዛሬም እናንተ ልጆቻችን በመኖራችሁ በቁርጠኝነት እንታገላለን ። ስለዚህም ዛሬም እኛ
የሸንቁጥ ልጆች ለጠላት የማይገመት አቅም ገንብተናል። ቀጣይም ድርጅታችን አፋብን የአማራ ፋኖና ህዝብን በአንድነት ማታገል በመቻሉ እጅግ ደስተኞች ስለሆንን የብልፅግና አገዛዝን ለማስወገድ በሚደረገው ትግል ላይ በተሰራልን አደረጃጀት ከጀግናው ፋኖ ልጆቻችን ጎን በመሆን ማንኛውንም ግዳጅ ለመፈፀም ዝግጁ ነን ሲሉ ገልፀዋል።
በመጨረሻም የአማራን ህዝብ ህልውና ለማስከበር በሚደረግ ትግል ውስጥ የአባት አርበኞች ጦር የሚኖረውን ሚና በመግለጥ፤ ይህ ትግል ፍትህን ፍለጋ መሆኑም ተሰምሮበታል።
የአባት አርበኞች ጦር ልምድ ጠገብ ወታደሮች ያሉበት ቢሆንም በጦሩ ውሳኔ ብቁ መሪዎችን በየደረጃው መርጦ አፅድቆ ስምሪት ሰጥቷል።
" ክብር ለትግሉ ሰማዕታት!
" ሕልውናችን በተባበረ ክንዳችን!
አፋብን ሸዋ ጠቅላይ ግዛት አሳምነው (5ኛ) ዕዝ ህዝብ ግንኙነት መምሪያ
23 9月, 02:06
ሰበር ዜና! በአፋር ቶንሳ አካባቢ የአገዛዙ ድሮን በትብብር ለሕልውና ኃይሎች ተመትቶ መውደቁ ተገለጸ!
በቅርቡ በተመሠረተው «የኢትዮጵያ ሕዝባዊ ኃይሎች ትብብር ለሕልውና» የተባበሩት ኃይሎች በአፋር ክልል ቶንሳ በተባለ ስፍራ ጥቃት ለማድረስ የተሰማራ የመንግሥት ድሮን ተመትቶ መውደቁ ታውቋል።
የወጡ የመረጃ ምንጮች እንደሚያመላክቱት፣ ድሮኑ በአካባቢው በሚንቀሳቀሱ የተባበሩት ኃይሎችና በሕዝቡ ላይ የስለላና የጥቃት ተልዕኮ ለማስፈጸም በወታደራዊ ቀጠናው ሰማይ ላይ ሲያንዣብብ በነበረበት ወቅት በተሰነዘረበት ተመጣጣኝ ተኩስ ተመትቶ መሬት ላይ እንዲከሰከስ ተደርጓል።
ይህ ክስተት በቅርቡ የተመሠረተው «ትብብር ለሕልውና» በየግንባሩ የተቀናጀ ወታደራዊ ምላሽ መስጠት መጀመሩን የሚያሳይ ሲሆን፣ በአካባቢው በሚገኙ የአገዛዙ ወታደራዊ አዛዦች ዘንድም ከፍተኛ ድንጋጤን መፍጠሩ ተጠቁሟል።
ኢትዮ 251 ሚዲያ
22 9月, 15:55
የታሪክ ድርሳናት የሚሳሱለት፣ ሆዳም አማራዎችና የጠላት ኃይሎች ስሙን ሲሰሙ የሚደነግጡበት፣ የደጋ ዳሞት ተራሮች በኩራት ቀና ብለው የሚቃኙት የአማራ ሕዝብ የቁርጥ ቀን ጋሻና የማይበገረው የዘመናችን ቁንጮ አምበል፣ ጀኔራል ዝናቡ ልንገረው ደለለ ነው!
ይህ በውቤቷ፣ በጽኑዋና በታሪካዊቷ ደጋ ዳሞት ምድር የበቀለ የወኔ ንስር፣ በአማራ ሕዝብ ላይ የተደቀነውን የዘር ማጥፋትና የህልውና አደጋ በግንባር ቀደምትነት ለመመከት በቆራጥነት የተነሳ፣ የሕዝቡን እንባና መከራ ወደ ድል ወኔ የለወጠ እውነተኛ የሕዝብ ልጅ ነው።
ገና ከልጅነቱ ጀምሮ የአባቶቹን ታሪካዊ የጀግንነት ገድል እያደመጠና የደጋውን የሚያጠነክር አየር ተንፍሶ ያደገው ዝናቡ፣ ለፍትሕ፣ ለሕዝቡ ክብርና ለነፃነቱ ሲል የሞት ጥላ ያረፈበትን የማንኛውም የውጊያ መንገድ በሙሉ ወኔ ለመጓዝ ወደ ኋላ የማይደራደር ሕያው የእሳት ጉማጅ ነው!
አብይ አህመድ ይህንን የታሪክና የሕዝብ መከታ ለመያዝ፣ እንቅስቃሴውንም ሙሉ በሙሉ ለማፍረስ ሲል በአፍሪካ ምድር ተደርጎና ታይቶ የማያውቅ፣ የዓለም ኃያላን አገሮች ለታላላቅ አህጉራዊ የጦር ሜዳዎች ብቻ የተጠቀሙበትን እጅግ ዘመናዊ መድፍ፣ አጥፊ ታንክ፣ ድሮኖችና በብረት የከበደ መካናይዝድ ጦር በየአቅጣጫው አዝምቶ ያልያዘው
በሀገሪቱን ላይ በአራት ማዕዘን ያሉ ኃያላን የዕዞ ጦር አስተባብሮ፣ ደጋ ዳሞትንና አካባቢዋን በእሳትና በብረት አጥር ከቦ ሊያነበርክከውና ሊይዘው ሌሊትና ቀን ቢጥርም፣ የዳሞቱ አንበሳ ግን ፈፅሞ አልተበገረም!
የእሳቱ ጉማጅ ጀኔራል ዝናቡ ልንገረው ደለለ ከዳሞት ተራራ አናት ላይ እንደ ተቆጣና ክንፉን እንደ ተዘረጋ ንስር ተወርውሮ ማዕበሉ ላይ በመውርድ የጠላትን ኃይል የመምታት ተሰጥው ያስደንቃል እንዲያውም አባቶች "ዝናቡ ማለት አንተነህን እንኳንም አየውህ በማለት በውብ አንደበታቸው ሲያዘሙለት እጅጉን ይደንቀኛል"!
በዙሪያው በተራቀቀ ከባድ መሳሪያ የተገነባውን የታንክና የመድፍ ምሽግ፣ የጠላትን ሰራዊትና የመካናይዝድ ጦር አጥር በሙሉ በኃያል ወኔ፣ በመብረቃዊ የታክቲክ ስልትና በቁጣ ሰብሮት፣ የጠላትን ግድግዳ ገርስሶና ማርኮ ሲመጣ በድል አድራጊነት ይታወቃል ከአንጀኔ መድሓኔአለም ጀርባ ሰነቦ ተክለሃይማኖት ገዳም ቅቤ ገደል በተባለ ቦታ ከጠላት ኃይል ጋር ትንቅንቅ በመግባት ያደርገው የዛሬ ሶስት አመት ገዳማ ውጊያ አጅጉን የመደነቅ ብቻ ሳይሆን የአብይ አህመድ አረመኔያዊ ሰራዊት ያሰደነቀ ነበር!
ሻለቃ ዝናቡ ልንገረው ከደንበጫ እስከ አንጀኔ፣ ከደጋ ዳሞት እስከ አድማስ ባሻገር ያሉ ግዙፍ የአማራ ተራሮችና ጥልቅ ሸለቆዎችም የጀግናውን ስም በግርማ ሞገስ እያስተጋቡ በኩራት የሚመሩለት ብቻ ሳይሆን መላው ኢትዮጵያዊ ለማየት የሚሳሱልት መሪ ታጋይ አታጋይ የዘመናችን አርበኛ ጨምር እንጅ!
ይህ ለሻለቃ ዝናቡ ልገርው ደለለ ገና የትግሉ ማለዳና የታሪኩ መግቢያ ነው! ወደፊት በሚመጣው ማናቸውም ዓይነት የጦር ሜዳ ግብግብ፣ የጠላት ሴራና የብረት ጋሻ ምንም ያህል ቢደራረብ፣ በጽኑ ሕዝባዊ መሠረቱና በብረት በጠነከረው ወኔው የታሪክና የድል አክሊል ባለቤት የሚሆነው እሱው ነው።
በምድር ላይ የተደቀነውን የእሳትና የብረት አጥር ሰብሮ እንደወጣው ሁሉ፣ ወደፊት የሚመጡትን ፈተናዎችና የጠላት ወረራዎች በሙሉ እያደቀቀ፣ የአማራን ሕዝብ የነፃነትና የክብር ችቦ ከፍ አድርጎ የሚያበራ የደጋ ዳሞት ብርቅዬ ልጅ፣ የአማራ ሕዝብ የቁርጥ ቀን ጀግና፣ የዘመናችን የማይበገር ጀኔራል ዝናቡ ልንገረው ደለለ ነው! ተፃፍ #Dave #Amhara
22 9月, 12:49
ሰበር ዜና!
በዋግኽምራ ዞን የሚገኘው ድሀና ወረዳ ሙሉ በሙሉ በምኒልክ 1ኛ ዕዝ 13ኛ ኮር በቁጥጥር ስር ዉሏል።
ድሃና፣ ፣አዚላ ፣ጪላ ፣ቀዉዝባ እና በወረዳው ሰፍሮ የነበረው የአገዛዙ ሰራዊት የፋኖን አቅም መቋቋም እንደማይችል፣ ፍፁም የሃይል የበላይነት ያለው መሆኑን ያሳወቀው በአካባቢው ሰፍሮ የነበረው የአገዛዙ ዙፋን አስጠባቂ ሃይል እጅ ከምትሰጥ በፍጥነት ውጣ የሚል ትዕዛዝ ከተቀበለ በኋላ ቦታውን ለቆ የወጣ ሲሆን፣ ይህንን ተከተሎ አካባቢው ሙሉ በሙሉ በምኒልክ 1ኛ ዕዝ 13ኛ ኮር በቁጥጥር ስር ውሏል።
የወረዳውን መያዝ ተከተሎ በአካባቢው የሚገኙ የ13ኛ ኮር የፋኖ አሃዶች በወረዳው ከተማና ቀበሌዎች በመግባት ሰላምና ፀጥታ የማስከበር ስራ መጀመራቸው የታወቀ ሲሆን፣ የአካባቢው ነዋሪዎችም ሁኔታውን በጥንቃቄ እየተከታተሉ ለፋኖ እያደረሱ ይገኛሉ።
የወረዳው ሙሉ በሙሉ በምኒልክ 1ኛ ዕዝ 13ኛ ኮር አኃዶች በቁጥጥር ስር የዋለ ሲሆን በዋግኽምራ ዞንና በዙሪያው በሚደረጉ ወታደራዊ እንቅስቃሴዎች ላይ ተጨማሪ ስትራቴጂካዊ የበላይነት የሚያጎናጽፍ ነዉ።
መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል።
ህልውናችን በተባበረ ክንዳችን!
አፋብን ምኒልክ 1ኛ ዕዝ ህዝብ ግንኙነት መምሪያ!
መስከረም፦ 12/ 2019ዓ/ም
22 9月, 12:03
ታሪክ በደላላ ድርድር አያልቅም፤ ሕልውናም በከበባ አትቀበርም!»
ከሺህ ዓመታት በፊት በደም፣ በአጥንትና በወርቅ በተጻፈው የታሪካችን ድርሳናት ውስጥ አንድ ያልተሸረፈ እውነት አለ፦ የአባቶቻችን ሀገርና ማንነት፣ ነጻነትና ክብር በመከራ እሳት ውስጥ ተፈትነው እንጂ በሽንፈት ተንበርክከው አያውቁም!
ዛሬም በደጋው ተራሮች ላይ የቀደሙት አባቶች ተጋድሎና የጽናት ወኔ እንደገና ነፍስ ዘርቷል። የአማራ ሕዝብና የምድር ልጅ የሆነው እሺ ባይ አልባው ፋኖ በትከሻው ላይ የአባቶችን አደራ፣ የሕልውናንና የታሪካዊ የማንነትን ከባድ መስቀል ተሸክሞ በነበልባል እሳት ውስጥ እያለፈ ይገኛል!
የቀደሙ አባቶቻችን በየዘመኑ የከፈሉት መስዋዕትነት የደም ታሪክ ነው! በውጭ ወራሪዎችና በውስጥ ሴረኞች የተሸረበውን ከበባ ሰብረው፣ የመከራውን ጽዋ እስከ መጨረሻው ጠጥተዋል። የእያንዳንዱ ተራራና ሸለቆ ድንጋይ የአባቶቻችንን አጥንትና ደም አቅፎ የቆመ ሕያው ምስክር ነው! የጨለማው ሌሊት ረዝሞ፣ ተስፋው ሁሉ የተቆረጠና የእውነት ብርሃን የተቀበረ የሚመስልበት ወቅት ነበረ ነገር ግን የአባቶቻችን የሞራል ወይፈንነት በምንም አልተበረከከም!
በአሁኑ ወቅት በአቢይ አህመድ አስተዳደር የሚመራው የመንግሥት የጦር ማሽን በአማራ ሕዝብ ላይ እያወረደ ያለው መከራ ይኸው ነው፦
የድሮንና የታንክ እሳት በከተሞች በገበያዎችና በመኖሪያ ቤቶች ላይ የሚወርደው የድሮን ጥይት ንጹሐን እናቶችንና ሕፃናትን እንደ ቅጠል ቢያረግፍም፣ የሕዝቡን የነጻነት እሳት ማጥፋት አልቻለም!
የእገዳና የከበባ ሰንሰለት፦ የትራንስፖርት፣ የቴሌኮም፣ የባንክና የመሠረታዊ አገልግሎት እገዳ ሕዝቡን ተንበርካኪ ለማድረግ የተጣለ የረሃብና የጨለማ ወጥመድ ነው! የጅምላ እስራትና የእስር ቤት መከራ፦ በሺዎች የሚጠጠሩ ተወላጆችን ወደ ካምፕ ማጎርና ተቋማትን ማደምሰስ የትግሉን ወኔ ለመስበር የተደረገ ከንቱ ሙከራ ነው!
ይህ ሁሉ ግፍና ከበባ የሕዝቡን ህልውና ለመቅበር የተወረወረ የመቃብር ድንጋይ ቢሆንም፣ ከደም አባቶቻችን የተማርነው የማይናወጥ ዘላለማዊ እውነታ አለ የመከራው ሌሊት የቱንም ያህል ቢረዝም፣ የከበባው ድንጋይ የቱንም ያህል ቢከብድ፣ የነጻነቱ ማለዳ በብረት ክንድ መውጣቱ የማይቀር ነው!
ፋኖና ሕዝቡ ይህንን ሁሉ መከራና የከበባ እሳት ሰብረው የሕልውናቸውንና የታሪካቸውን ትንሣኤ በድል የሚያበስሩት በእነዚህ በወርቅ በተቀረጹ የማይናወጡ መሠረቶች ላይ ሲቆሙ ብቻ ነው የዓላማ ንጽሕናና የማይበገር ወኔ፦ ትግሉ የሕልውና፣ የፍትሕ፣ የሰላምና የታሪካዊ ክብር እንጂ የጥልና የሥርዓተ አልበኝነት አለመሆኑን በክንድና በጥበብ ማስመስከር!
የብረት ያህል የጠነከረ የውስጥ አንድነት የአባቶቻችንን የታሪክ ፈለግ በመከተል፣ በወንድሞች መካከል የሚዘራውን የጥርጣሬና የመከፋፈል ድንጋይ በአንድነት ክንድ ፈንቅሎ መጣል! የበሰለ ጥበብ፣ ስልትና አስተዋይነት፦ የመከራውን ማዕበል፣ የመንግሥትን ጥቃትና የውስጥ ፈተናን በብልህነት፣ በጽናትና በቆራጥነት ሰብሮ ማለፍ!
የመጨረሻው የታሪክ ጥሪ ለሙሉ የአማራ ሕዝብ በሀገር ውስጥም ሆነ በውጭ ሀገር የምትገኝ የአማራ ሕዝብ ሆይ! ታሪክ ዛሬ በደጃፍህ ቆማ በታላቅ ድምፅ እየጠራችህ ነው! የዛሬው ትግል የቡድን ወይም የጥቂቶች ሳይሆን የመላው ሕዝብ የሕልውናና የመኖሬ-አለመኖሬ ጥያቄ ነው! በሀገር ውስጥ ያለኸው በጋራ በመቆም፣ በውጭ ሀገር ያለኸው ደግሞ በዲፕሎማሲው በኢኮኖሚውና በድምፅ አሰማችነቱ አንድ ሆነህ ካልቆምክና ይህንን በአቢይ አህመድ የሚመራውን የጥፋትና የከበባ ሥርዓት በትግልህ ካላሸነፍክ ነገ ታሪክ ቆማ ትበላሃለች!
ተበትነህና ተከፋፍለህ የሚጠበቅብህን የታሪክ ኃላፊነት ካልተወጣህ፣ የመጪው ትውልድና የታሪክ ፍርድ እጅግ መራራ ይሆናል! የፈተናው ድንጋይ ቢከብድም፣ የከበባው ሌሊት ቢረዝምም፣ የአባቶችን አደራ ተሸክሞ በወኔ፣ በአንድነትና በፍትሕ የተመራ እውነተኛ ትግል በጭራሽ በመቃብር ቀርቶ አይቀርም! በሀገር ውስጥና በውጭ ያለው ሕዝብ በአንድነት ሲነሳ፣ በደጋው ተራሮች ላይ የፍትሕ፣ የሰላምና የነጻነት አዲስ የትንሣኤ ማለዳ ብርሃን ፈንጥቆ መውጣቱ አይቀሬ ነው! Dave Amhara
22 9月, 10:41
ኢትዮጵያ ሕዝባዊ ኃይሎች ትብብር ለሕልውና (ትብብር ለሕልውና) መመስረቱን አስመልክቶ
ከአማራ ማኅበራት ትብብር በአሜሪካ የተሰጠ የድጋፍ መግለጫ
አፋብንን ጨምሮ ሰባት የኢትዮጵያ ሕዝባዊ ኃይሎች ማለትም የአማራ ፋኖ ብሔራዊ ንቅናቄ፣ የኦሮሞ ነፃነት
ሰራዊት፣ ሕዝባዊ ወያኔ ሓርነት ትግራይ፣ የኦጋዴን ሕዝብ ነፃነት ግንባር፣ የአፋር ብሔራዊ አንድነት አብዮታዊ
ግንባር፣ የቤኔሻንጉል ሕዝቦች ነፃነት ንቅናቄ፣ የጉምዝ ሕዝቦች ዲሞክራሲ ንቅናቄ ጊዜ ወስደው በመምከር
በኢትዮጵያ የተንሰራፋውን ዘረ-ፈጅ ጦረኛ አገዝዝ ከስር ፈንቅሎ በመገርሰስ ሁሉንም የሚያሳትፍ የሽግግር
ስርዓት ለማምጣት የሚያስችላቸውን የኢትዮጵያ ሕዝባዊ ኃይሎች ትብብር ለሕልውና (ትብብር ለሕልውና)
በመመስርተቻው የተሰማንን ልባዊ ደስታ እና ሙሉ ድጋፍ ለመግለፅ ይህንን መግለጫ አውጥተናል።
ይህ የኢትዮጵያ ትንሣዔ ተብሎ ሊገለፅ የሚችል ትብብር እንዲመጣ የአብዛኛው ህዝብ ምኞት እና ጥያቄ
ከመሆኑ አልፎ የትብብር ንግግሩ ጭምጭምታ ከተሰማበት ጊዜ ጀምሮ በሚሊዮኖች በጉጉት ሲጠበቅ ነበር።
የአብይ አህመድ አገዛዝ የአማራን ህዝብ በዕብሪት ለማጥፋት የከፈተው ወረራ ሦስት አመታት ያስቆጠረ
ሲሆን የሕልውና አደጋ ያላደረሰበት ማህበረሰብ ኢትዮጵያ ውስጥ አለ ለማለት አይቻልም። በዚህም ረገድ
እነዚህ የሕልውና አደጋ የተደቀነባቸው ማህበረሰቦች እና ድርጅቶች ትብብር ፈጥረው የጋራ ጠላታቸውን
ተቀናጅተው በአስቸኳይ እና በአነስተኛ መስዋዕትነት ለማስወገድ መተባበራቸው ወቅቱ የሚጠይቀው ጉዳይ
ነው።
ይህን ትብብር ተስፋ ሰጭ የሚያደርገው ዋነኛ አላማው በኢትዮጵያ ያለውን አስከፊ ስርዓት በጋራ ታግሎ
መጣል ብቻ ሳይሆን ከስርዓቱ መወገድ በኋላ ሁሉንም ባለድርሻ አካላት ያሳተፈ የሽግግር መንግሥት
በመመስረት በኢትዮጵያ ሰላም ለማስፈን፣ የህዝብ ደህንነትን እና የሕግ የበላይነትን ማረጋገጥ፣ ሰብዓዊ እና
ዲሞክራሲያዊ መብቶችን ማክበር ብሎም በዘላቂነት ሀገረ መንግሥትን ለማፅናት የሚያስችል ህገ
መንግሥት በህዝቦች ፍላጎት አማክኝነት ለመቅረጽ የሕገ መንግሥት ውይይት እንደሚደረግ ማብሰሩ ነው።
በተጨማሪም በሀገሪቱ የሚታዩትን ችግሮች እንዲሁምሊከሰቱ የሚችሉ ተግዳሮቶችን በሰላም በውይይት እና
በድርድር ለመፍታት በሚል ያስቀመጠው መርህ ወይም ዓላማ የሚደነቅ ነው።
ትብብር ለሕልውና ለማከናወን ያቀዳቸው ጉዳዮች በታቀደላቸው መሰረት ግባቸውን ይመቱ ዘንድ በትብብሩ
ውስጥ ያሉ ኃይሎች የሚወክሏቸው ማህበረሰቦች ብሎም ሁሉም ኢትዮጵያውያን ጠንካራ እና ዘርፈ ብዙ
ድጋፍ ማድረግ ይጠበቅባቸዋል። ኢትዮጵያ ከገባችበት አዘቅት ልትወጣ የምትችለው በሁሉም ኢትዮጵያውያን
ርብርብ መሆኑን መገንዘብ ያሻል። በዚህም ረገድ ከሲቪክ ማህበራት፣ ከፓለቲካ ፓርቲዎች በተለይም ከገዥው ስርዓት የአፈና መዋቅር የራቁ በውጭ ከሚገኙ ማኅበራት፣ ምሁራን፣ ሚዲያወች እና ባለሃብቶች
ታላቅ አስተዋጽዖ ይጠበቃል። በተለይም ትብብር ለሕልውናን ለዓለም አቀፉ ማህበረሰብ የማስተዋወቅ፣
አላማወቹን የማስረዳት ስፊ ስራ ውጭ ካለው የኢትዮጵያ ዲያስፓራ ይጠበቃል። ይህ ለኢትዮጵያ የመጣላት
ታሪካዊ እድል በአግባቡ ጥቅም ላይ እንዲውል ለማድረግ በውጭ ያለው ማኅበረሰብ የእርስ በርስ ግንኙነት
በማድረግ እና አንድነት በመፍጠር የሚጠበቅበትን ዘርፈ ብዙ ድጋፍ እንደሚያደርግ ጥርጥር የለንም።
ትብብር ለሕልውናን የመሰረቱ ስባቱ ኃይሎች መቀላቀል የሚሹ ተጨማሪ ኃይላትን በመያዝ ይህንን
ኢትዮጵያን ከቅጥረኛ አገዛዝ የማዳን ትልቅ ሀገራዊ ተልዕኮ በአግባቡ እና በዘላቂነት መወጣት
እንዲችሉ በከፍተኛ ትዕግስት እና የመግባባት መንፈስ ውይይቶቻቸውን እና ንግግሮቻቸውን እንደሚያደርጉ
ተስፋ እናደርጋለን። ኢትዮጵያ ከዚህ አስከፊ ስርዓት መገርሰስ በኋላ በጦርነት እና በግጭት አዙሪት ውስጥ
ለማለፍ የሚያስችል አቅም ወይም ጦርነትን የሚሸከም ትክሻ የላትም። ኢትዮጵያውያን እንደ ማንኛውም
ሌሎች ሀገሮች በሀገራቸው በሰላም መኖርን ፣ ተዘዋዉሮ መስራትን፣ በህግ ብቻ መዳኘትን፣ዲሞክራሲያዊ
በሆነ መንገድ መሪዎቻቸውን እና ተወካዮቻቸውን መምረጥን፣ በነፃነት ሃሳብን የመግለፅ እእንዲሁም
የሰብዓዊመብቶች ሙሉ በሙሉ መከበርን ይሻሉ። ይህን እውን የሚያደርግ ስራ እንዲሰራ ከትብብር
ለሕልውና እና ከሁሉም የባለድርሻ አካላት ብዙ ይጠበቃል።
የአማራ ማኅበራት ትብብር በአሜሪካ የኢትዮጵያ ሕዝባዊ ኃይሎች ይህንን ትብብር ለሕልውና
በመመስረታቸው በድጋሜ የተሰማንን ደስታ እየገለፅን ሙሉ ድጋፉችንን እንደምናደርግ እናሳውቃለን።
በዘረ-ፈጅ አገዛዙ መቃብር ላይ የኢትዮጵያ ትንሣዔ ይረጋገጣል!
ድል፣ ሰላም፣ ፍትህ ለመላው የኢትዮጵያ ሕዝብ!
22 9月, 09:51
እንኳን ደህና መጣችሁ👏👏✊💪💪
የትብብር ኃይሉ አንድነት ይፋ ከተደረገ ቀን ጀምሮ የጠላት ኃይል በገፍ እየፈረሰ ፋኖን እየተቀላቀለ ነው✊💪💪
የኢትዮጵያ ህዝባዊ ኃይሎች ትብብር ለህልዉና /ትብብር ለህልዉና/ የአንድነት ብስራት ማግስት በርካታ የአገዛዙ ኃይሎች እየፈራሩሱ ፋኖን እየተቀላቀሉ ይገኛሉ!!!
በአንድ ቀን ብቻ 7 የአገዛዙ ሰራዊት አባላት ከ404ኛ ህዳሴ ኮር 22ኛ ክ/ጦር እና 95ኛ ክ/ጦር በመዉጣት ከእነ ትጥቃቸዉ የአፋብን ቴዎድሮስ 2ኛ ዕዝ 105ኛ ኮር 66ኛ ክ/ጦርን ተቀላቅለዋል። እነሱም:-
1, አብዱርአህማን በዙ=22ኛ ክ/ጦር መሀንዲስ
2,ጌታቸዉ ክንዱ=22ኛ ክ/ጦር መሀንዲስ ብሬን ተኳሽ
3,አብየ ተስፋ=95ኛ ክ/ጦር
4,ሲራቅ አመዴ=95ኛ ክ/ጦር
5,አስር አለቃ እንዳልክ =95ኛ ክ/ጦ
6,ጤናዉ ንጉስ=ከምዕራብ ዕዝ 7ኛ መካናይዝድ መድፍ ምድብተኛ
7,ሰንጋዉ አስረሳ=ሚሊሻ ከጃዊ ናቸዉ።
አዲስ ትዉልድ፣አዲስ አስተሳሰብ፣አዲስ ተስፋ!!!
የአፋብን ቴዎድሮስ 2ኛ ዕዝ 105ኛ ኮር 66ኛ ክ/ጦር ህ/ግንኙነት
መስከረም 12/2019 ዓ.ም
22 9月, 06:23
የአፋር ብሔራዊ አንድነት አብዮታዊ ግንባር (ኡጉጉሞ)
●●●●●●22/09/2026●●●●●●
የአፋር ብሔራዊ አንድነት አብዮታዊ ግንባር (ኡጉጉሞ) ታጋይ ጓድ #ኢብራሂም_ዓሊ ሳምንታዊ የክልላችን ብሎም የሀገራችን ክንዉኖች እና ተያያዥ ጉዳዮችን አስመልክተው የሰጡት ማብራሪያ...
ድልና ድምቀት ለህዝባዊ ሀይሎች
ዉድቀትና ዉርደት ለጨቋኞች !!!
Afar National Unity Revolutionary Front/ANURF/
22 9月, 05:04
አሳዛኝ ዜና
የዘረ ፈጅ አገዛዙ በዘፈቀደ በሚተኩሰው ከባድ መሳሪያ በረሐ ማሪያም የአራት አርሶ አደሮችን ህይወት ቀጠፈ ።
መስከረም 11/2019ዓ/ም በሰሜን ወሎ ዞን በራያ ቆቦ ወረዳ ልዩ ስሙ በረሃ ማሪያም 030 ቀበሌ በእርሻ ስራ በነበሩ አርሶ አደሮች ላይ የጨፍጫፊው አገዛዝ ከባድ መሳሪያ በማረፉ አራት ንፁሀን ህይወታቸው ያለፈ ሲሆን በሶስት አርሶ አደሮች ላይ ከፍተኛ ጉዳት አደረሰ።
ተስፋ የቆረጠው አገዛዝ በአማራ ክልል በደረሰበት የፖለቲካ ኪሳራ ምክኒያት ምንም አይነት ጦርነት ባልተከፈተበት ቦታ ሲቪል አርሶ አደሮችን የጦርነት ኢላማ በማድረግ መንደሮችን እና ከተሞችን በከባድ መሳሪያ በማውደም ላይ ነዉ ሲል የ102ኛ ኮር ቃል አቀባይ መረጃውን አድርሷል።
መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል።
ህልውናችን በተባበረ ክንዳችን!
የአፋብን ምኒልክ 1ኛ ዕዝ ሚዲያና ኮሚኒኬሽን መምሪያ
መስከረም 12/2019 ዓ.ም
22 9月, 04:57
ሰበር የእርስ በእርስ ቅንደሻ!!
~~~
በሸበል በረታ ወረዳ መርገጭ ንዑስ ከተማ የአገዛዙ ቅጥረኛ የሚኒሻ ሰራዊት አባላት መስከረም 11/2019 ዓ.ም ከምሽቱ 3:00 ሰዓት የእርስ በእርስ ተኩስ በማካሄድ የአንሸብና ዙችር ተወላጅ የነበረው #ወርቁ አብየ የተባለ ቀንደኛ ሚሊሻ በእርስ በእርስ ውጊያው ሲወገድ በስሩ የሚገኙ የሚሊሻ አባላት ቁስለኛ ሆነዋል።
አዲስ ትውልድ፣ አዲስ አስተሳሰብ፣ አዲስ ተስፋ!!
መስከረም12/2019 ዓ.ም
አፋብን ቴዎድሮስ 2ኛ ዕዞ 201ኛ ኮር64ኛ ክ/ጦር ሕዝብ ግንኙነት
22 9月, 04:41
የጸሐፌ ትዕዛዝ አክሊሉ ኃብተወልድ ክፍለ ጦር እንደ ስማቸው ታሪካዊ ድል ማስመዝገባቸው ተገለፀ!!
ቀን 12/01/2019 ዓ.ም
የትብብር ኃይሎች ብስራትን ተከትሎ እየተበተነ በሚገኘው የአገዛዙ ሠራዊት ላይ፡ አፋብን ሸዋ ጠቅላይ ግዛት፣ አሳምነው 5ኛ ዕዝ ከሰም 2ኛ ኮር ጸሐፌ ትዕዛዝ አክሊሉ ኃብተወልድ ክፍለ ጦር ታላቅ ድል ማስመዝገቡን የኮሩ ሕዝብ ግንኙነት አስታወቀ።
በቅርብ ጊዜ የተመሠረተውና በሊቀ ጠበብቱ "ጸሐፌ ትዕዛዝ አክሊሉ ኃብተወልድ " ስም የተሠየመው ክፍለ ጦር፣ ከአዲስ አበባ 42 ኪሎ ሜትር ርቀት ላይ በሚገኘው 'እቲሳ ቀይ ገደል እና 'አሌልቱ ከተማ' ዙሪያ በቀን 11/01/2019 ዓ.ም ከቀኑ 5:00 ሰዓት ጀምሮ በተደረገ የረጅም ሰዓታት አውደ ውጊያ ክፍለ ጦሩ አስደማሚ ገድል ፈፅሞ ልዩ ድል አስመዝግቧል።
በአገዛዙ ግፍና መከራ ሲሰቃዩ የቆዩት የፅናት አውራዎቹ ክፍለ ጦር፡ አገዛዙ የኋላ ደጀን ነው ብሎ ባሠፈረው ጥምር ጦር፡ መከላከያ፣ ሚሊሻና የኦሮሚያ ልዩ ኃይል ሠራዊት ላይ ባለ ታሪኮቹ በወታደራዊ የበላይነት ጠላትን ሰብዓዊና ወታደራዊ ኪሳራ እዲያስተናግድ አድርገውበታል።
በዚሕ አውደ ውጊያ ቁጥራቸው በውል ያልታወቁ በርካታ የጠላት ኃይል ሲሞቱ፣ ከ15 በላይ ቁስለኞች መኖራቸው በመረጃ ተረጋግጧል። ቁስለኞቹን በአንቡላስ ለሕክምና ወደ ሰንዳፋ ሲያመላልስ፡ ማንሳት ያቃተውን እየገደለ ምሽጉን እየለቀቀ ሔዷል። ለመልቀቅ ተገዷል። ከሞትና ከመቁሰል የተረፉት የሚሊሻ አባላት ደግሞ መሳሪያቸውን ከነሙሉ ትጥቁ በመያዝ አክሊሉ ኃብተወልድ ክፍለ ጦርን ተቀላቅለዋል።
የአገዛዙ ሰራዊት የትግል ሥነ ልቦና ማጣትና የአቅም ማነስን ተከትሎ በጥቃቱ እጅግ የተጎዳው ቀጠናውን ለቆ ለመውጣት ሲገደድ፣ የወገን ጦር ከአራት ቀበሌዎች በላይ በመቆጣጠር የማሕበረሰቡን ሠላምና ደሕንነትን በከፍተኛ ኃላፊነት ከሕዝቡ ጋር እያረጋጋና እያረጋገጠ ይገኛል ሲል የኮሩ ሕዝብ ግንኙነቱ አሳውቋል።
" ክብር ለትግሉ ሠማዕታት!
" ህልውናችን በተባበረ ክንዳችን!
የአፋብን ሸዋ ጠቅላይ ግዛት አሳምነው 5ኛ ዕዝ ሕዝብ ግንኙነት መምሪያ
22 9月, 01:51
