Migratsiya agentligi

🇺🇿🇰🇷 КОРЕЯДАН ПУЛ ЎТКАЗМАЛАРИ: ЮРТДОШЛАРИМИЗ УЧУН ҚАНДАЙ ҚУЛАЙЛИКЛАР ЯРАТИЛИШИ МУМКИН? Миграция агентлиги делегацияси Сеул шаҳрида “HANPASS” компанияси раҳбарияти билан музокара ўтказди. “HANPASS” — халқаро пул ўтказмалари ва бошқа молиявий хизматларни тақдим этувчи Жанубий Корея компанияси. Унинг платформаси орқали 200 дан ортиқ давлатга пул ўтказиш мумкин, хизматларидан фойдаланувчилар сони эса 1 миллиондан ошган. Учрашувда Жанубий Кореяда меҳнат қилаётган ҳамюртларимиз учун пул ўтказмаларини янада қулай ва хавфсиз амалга ошириш, манфаатли шартлар ва махсус хизмат пакетларини ишлаб чиқиш таклиф этилди. Шунингдек, молиявий операцияларда фирибгарлик ҳолатларини аниқлаш ва олдини олишга қаратилган замонавий хавфсизлик ечимлари муҳокама қилинди. 🤝 Музокаралар якунида Миграция агентлиги ва “HANPASS” ўртасида ҳамкорликни ривожлантириш бўйича келишув имзоланди. 🇬🇧 EN 🇷🇺 RU 📢 Хабарни тарқатинг! 👉 @uzmigration

🇺🇿🇰🇷 ЖАНУБИЙ КОРЕЯДАГИ ЮРТДОШЛАР МУРОЖААТЛАРИ НАЗОРАТГА ОЛИНДИ Сеул шаҳрида Миграция агентлиги раҳбари Мухсинхўжа Абдураҳмонов Жанубий Кореяда меҳнат қилаётган юртдошларимиз билан очиқ мулоқот ўтказди.

Учрашувда ҳамюртларимизнинг меҳнат фаолияти ва иш визалари, қонуний бандлик, иш берувчилар билан боғлиқ масалалар, меҳнат ҳуқуқларини ҳимоя қилиш ҳамда Кореяда қайта ишга жойлашиш юзасидан мурожаатлар кўриб чиқилди.

Ҳар бир мурожаат бўйича тегишли тушунтириш ва тавсиялар берилди, қўшимча ўрганиш талаб этадиган масалалар назоратга олиниб, тегишли тартибда ҳал этиш чоралари белгиланди. 🇬🇧 EN 🇷🇺 RU 📢 Хабарни тарқатинг! 👉 @uzmigration

🇺🇿 НИЖНЕКАМСКДА ЖАБРЛАНГАН ЮРТДОШЛАРИМИЗ ВАТАНГА ҚАЙТАРИЛДИ Жорий йилнинг 10 август куни Татаристон Республикасининг Нижнекамск шаҳрида содир бўлган фожиали воқеа оқибатида тан жароҳати олган Ўзбекистон фуқароларига зарур тиббий, ҳуқуқий ва ташкилий ёрдам кўрсатилди. Жабрланган юртдошларимизнинг даволаниши ва Ватанга қайтарилиши билан боғлиқ масалалар Миграция агентлигининг Россиядаги ваколатхонаси, Ўзбекистоннинг Қозон шаҳридаги Бош консулхонаси ҳамда «Uzbekistan Airways» АЖ ҳамкорлигида амалга оширилди. Хусусан, мураккаб жарроҳлик амалиётини бошдан ўтказган юртдошимизнинг ҳолати барқарорлашгач, тиббий эвакуация жараёнида шифокорлар кузатуви ва зарур тиббий шароитлар таъминланди. Айни пайтда, ҳамюртларимизга Россия Федерацияси қонунчилигида белгиланган тартибда компенсация маблағларини олиш учун зарур ҳужжатларни расмийлаштириш ва тегишли ташкилотларга тақдим этиш билан боғлиқ масалалар назоратга олинган.

Хорижда меҳнат фаолиятини амалга ошириш даврида мушкул вазиятга тушсангиз, Миграция агентлигига мурожаат қилинг. 📞 1282 — қисқа рақам 📲 @huquqiy_yordam_uzbot — 24/7 ҳуқуқий ёрдам

🇬🇧 EN 🇷🇺 RU 📢 Хабарни тарқатинг! 👉 @uzmigration

#ХавфсизМеҳнат ⚠️ ПАСПОРТИНГИЗ — ШАХСИЙ ҲУЖЖАТИНГИЗ. УНИ БЕГОНА ШАХСГА БЕРМАНГ! Чет элда ишга жойлашиш вақтида турди баҳоналар билан ҳужжатларни олиб қўйиш, шартномасиз иш таклиф қилиш ёки иш берувчи ҳақида аниқ маълумот бермаслик — жиддий хавф белгиси бўлиши мумкин. Шубҳали таклифларга рози бўлишдан олдин маълумотларни текширинг. Одам савдоси қурбонига айланиб қолманг. Хорижда меҳнат фаолиятини амалга ошириш даврида мушкул вазиятга тушсангиз, Миграция агентлигига мурожаат қилинг. 📞 1282 — қисқа рақам 📲 @huquqiy_yordam_uzbot — 24/7 ҳуқуқий ёрдам 📢 Хабарни тарқатинг! 👉 @uzmigration

🇺🇿 O‘zbekiston Respublikasi Prezidenti Shavkat Mirziyoyevning Koreya Respublikasiga davlat tashrifi arafasida Seulning markaziy ko‘chalari hamda Seul minorasi mamlakatimiz bayrog‘i va davlat ramzlari bilan burkandi. https://t.me/Rasmiy_axborot_official

Davlatimiz rahbari Koreyadagi vatandoshlar bilan suhbatlashdi. — Глава нашего государства побеседовал с соотечественниками в Корее. Prezident.uz|Facebook|Instagram|YouTube|X

«Бир хабар ортидан бошланган ёрдам...» Екатеринбург шаҳрида бир неча ойдан буён яшаш жойи ва маблағсиз қолган Ўзбекистон фуқароси ҳақида хабар келиб тушгач, Миграция агентлиги вакиллиги ходимлари уни излаб топди. Фуқарога зарур ёрдам кўрсатилиб, Бош консулхона билан ҳамкорликда Ватанга қайтиш ҳужжати расмийлаштирилди ва авиачипта харид қилинди. ✈️ 10 сентябрь куни юртдошимиз Ўзбекистонга қайтарилди. 📞 Хорижда оғир вазиятга тушиб қолсангиз, мурожаат қилишни кечиктирманг. Миграция агентлигининг 1282 қисқа рақами орқали 24/7 боғланишингиз мумкин. 🇬🇧 EN 🇷🇺 RU 📢 Хабарни тарқатинг! 👉 @uzmigration

СЕРБИЯДАГИ КЕЛИШУВЛАР АМАЛИЙ БОСҚИЧГА ЎТМОҚДА Сербияда ўтказиладиган «EXPO 2027» халқаро кўргазмаси доирасида қурилиш объектлари ҳамда ишлаб чиқариш соҳаларида ишлаш учун Ўзбекистон Республикаси фуқаролари таклиф этилмоқда. Ариза қолдириш учун ҳавола XORIJDA ISH телеграм каналида! 🇬🇧 EN 🇷🇺 RU 📢 Хабарни тарқатинг! 👉 @uzmigration

🇺🇿🇰🇷 JANUBIY KOREYADA MEHNAT QILAYOTGAN YURTDOSHLARIMIZ UCHUN OCHIQ MULOQOT 📌 Migratsiya agentligi rahbari Muxsinxo‘ja Abdurahmonov Janubiy Koreyada mehnat faoliyatini olib borayotgan yurtdoshlarimiz bilan ochiq muloqot o‘tkazadi. Uchrashuv davomida yurtdoshlarimiz o‘zlarini qiziqtirgan masalalar yuzasidan Migratsiya agentligi rahbariga bevosita murojaat qilishlari mumkin.

📌 Asosiy mavzular: — mehnat faoliyati va ish vizalari; — ish qidirish va qonuniy bandlik; — ish beruvchi bilan bog‘liq masalalar; — mehnat huquqlarini himoya qilish; — O‘zbekistonga qaytish va qayta ishga joylashish; — davlat tomonidan ko‘rsatiladigan moliyaviy yordam; — migratsiyaga oid boshqa masalalar.

📆 Sana: 13-sentabr, 2026-yil 🕙 Vaqt: 10:00–14:00 📍 Manzil: Seul shahri HANPASS kompaniyasi binosi B2, S Tower, 92 Achasan-ro, Seongdong-gu, Seoul 서울특별시 성동구 아차산로 92, 에스타워 B2층 📍Lokatsiya Barcha yurtdoshlarimizni ochiq muloqotda faol ishtirok etishga taklif qilamiz. 🇬🇧 EN 🇷🇺 RU 📢 Yaqinlaringizga ham ulashing! So‘nggi yangiliklardan XORIJDA ISH kanali orqali xabardor bo‘lib turing!

РАСМИЙ ИЗОҲ Жорий йилнинг 10 сентябрь куни Миграция агентлигининг Россия Федерациясидаги ваколатхонаси ходимлари Ўзбекистон Республикасининг Россия Федерациясидаги Элчихонаси вакиллари билан биргаликда Москва шаҳридаги «Коммунарский» ички ишлар бўлимига бориб, Ўзбекистон фуқароларининг ушланиши билан боғлиқ ҳолатни ўрганди. Россия томони тақдим этган маълумотга кўра, «Коммунарка-1» ҳудудидаги хостелда ўтказилган тадбир давомида 32 нафар хорижий фуқаро, жумладан, 7 нафар Ўзбекистон фуқароси ички ишлар бўлимига олиб кетилган. Батафсил ўқиш 📢 Хабарни тарқатинг! 👉 @uzmigration

Olmazor tumanida mehnat bozori talabi bilan kadrlar tayyorlash tizimi o‘rtasidagi bog‘liqlikni kuchaytirish masalasi ham muhokama qilindi. Bugun tumandagi ish beruvchilarga 4 mingdan ziyod o‘rta maxsus ma’lumotli hamda qariyb 1 ming nafar maxsus ma’lumot talab etilmaydigan yo‘nalishlarda ishchi kuchiga ehtiyoj mavjud. Shu bois, Olmazor kasbiy ko‘nikmalar markazi negizida axborot texnologiyalari va ilg‘or innovatsiyalar bo‘yicha 400 o‘rinli texnikum, sobiq Toshkent arxitektura-qurilish kolleji binosida zamonaviy kasb-hunar markazi tashkil etiladi. Boshqa mavjud binolardan ham kasbga o‘qitish maqsadida samarali foydalaniladi. Xorij mehnat bozoriga maqsadli tayyorgarlikni kuchaytirish uchun Germaniyaning xususiy o‘quv markazlari bilan 500 kishiga mo‘ljallangan nemis tili kurslarini tashkil etish, Chexiya va Slovakiya uchun tibbiyot xodimlarini tayyorlash rejalashtirilgan. Shuningdek, Germaniya, Yaponiya, Koreya va Buyuk Britaniyadan 20 ta yirik rekruting kompaniyasini jalb qilish, Fransiya kompaniyalari bilan yiliga 1,5 ming nafar fuqaroni mavsumiy ishlarga joylashtirish bo‘yicha loyihalar amalga oshiriladi. Yoshlar shaharchasida 42 gektar maydonda IT-park, yuqori texnologiyali sanoat va ta’lim obyektlarini birlashtirgan innovatsion klasterni tashkil etish ishlarini yil yakuniga qadar boshlash vazifasi qo‘yildi. Facebook|Instagram|X

❓ 60 МЛН СЎМЛИК ГРАНТ КИМЛАРГА БЕРИЛАДИ?

💰 Грант маблағи қўлга бериладими? 🌍 Қайси давлатдан қайтганлар иштирок эта олади? 📊 Ғолиблар қандай танланади? 💼 Ўз маблағингизни киритиш шартми?

Хорижда ишлаб қайтган фуқаролар учун эълон қилинган грант танлови бўйича энг кўп берилаётган саволларга ушбу видеода жавоб берамиз. ▶️ Видеони кўринг ва танлов шартлари билан батафсил танишинг. 📢 Хабарни тарқатинг! 👉 @uzmigration

#мурожаат_ва_ечим МАСОФА ТЎСИҚ ЭМАС: ХОРИЖДАГИ ХОТИН-ҚИЗЛАРИМИЗ МУРОЖААТЛАРИ ЎРГАНИЛДИ Миграция агентлиги ва Оила ва хотин-қизлар қўмитаси масъуллари иштирокида хориждаги хотин-қизларимиз билан онлайн қабул ўтказилди.

Мулоқотда 300 нафарга яқин аёллар иштирок этиб, ҳужжатларни расмийлаштириш, Ватанга қайтиш, фарзандлар таълими, бандлик, тадбиркорлик, ҳуқуқий ва ижтимоий ҳимоя билан боғлиқ масалалар юзасидан мурожаат қилди.

Мурожаатлар бўйича амалий чоралар ҳам белгиланди. Хусусан, Актау шаҳрида бўлиб турган, Ватанга қайтиш истагини билдирган 5 нафар аёл ва уларнинг фарзандлари учун авиачипталар харид қилинди. Улар 12 сентябрь куни Ўзбекистонга қайтиб келади. 20 га яқин ҳамюртларимизнинг мурожаатлари юзасидан ҳуқуқий маслаҳатлар берилди ва жойида ҳал этилди. Қўшимча ўрганиш талаб этадиган бошқа масалалар ҳам назоратга олинди. 🇬🇧 EN 🇷🇺 RU 📢 Хабарни тарқатинг! 👉 @uzmigration

🇺🇿🇯🇵 ТИЛ ВА КАСБИЙ ТАЙЁРГАРЛИКДАН — ЯПОНИЯДАГИ ИШ ЎРИНЛАРИГА Миграция агентлиги томонидан яна бир гуруҳ юртдошларимиз Японияга меҳнат фаолиятини амалга ошириш учун жўнаб кетди. Улар 5 ой ичида япон тилидан N4 даражасини эгаллади.

Юртдошларимиз Японияда ҳавоза ўрнатувчи ва қолипчи йўналишларида фаолият олиб боради. 💴 Ойлик соф даромад — ўртача 150–160 минг иена

Эгалланган тил ва касбий кўникмалар — халқаро меҳнат бозорида муносиб иш ўрнига эришишнинг муҳим омилидир. 🇬🇧 EN 🇷🇺 RU 📢 Хабарни тарқатинг! 👉 @uzmigration

🇺🇿🇷🇸 ЎЗБЕКИСТОН ВА СЕРБИЯ ЎРТАСИДА МЕҲНАТ МОБИЛЛИГИ БЎЙИЧА ЯНГИ ҚАДАМ Миграция агентлиги директори Мухсинхўжа Абдураҳмонов Сербия Республикасининг Меҳнат, бандлик, фахрийлар ва ижтимоий сиёсат вазири Милица Стаменковски билан учрашди. Музокараларнинг асосий натижаларидан бири — Ўзбекистон ва Сербия ўртасида миграция ва мобиллик соҳасида Ҳукуматлараро битимни имзолаш масаласи бўйича келишувга эришилгани бўлди.

Учрашувда Сербия томони мамлакатда ўтказиладиган EXPO 2027 халқаро кўргазмаси объектлари қурилишига ўзбекистонлик малакали мутахассисларни жалб қилишдан манфаатдор эканини билдирди. Бу йўналишда кадрларни олдиндан тайёрлаш ва муносиб меҳнат шароитларига эга иш ўринларига йўналтириш масалалари муҳокама қилинди.

Шунингдек, Сербиянинг Ўзбекистонда элчихона очиши режалаштирилаётгани маълум қилинди. Бу ҳамюртларимиз учун ҳозирда Астана шаҳри орқали амалга оширилаётган виза расмийлаштириш жараёнларини анча соддалаштириши кутилмоқда. Музокаралар Сербия Миллий бандлик хизмати директори Милан Боснич билан давом эттирилди. Томонлар Ҳукуматлараро битим ратификация қилингач, икки идора ўртасида меҳнат миграцияси ва ишчи кучи мобиллиги соҳасидаги ҳамкорлик тўғрисидаги Баённомани имзолашга келишиб олди. 🇷🇺 RU 🇬🇧 EN 📢 Хабарни тарқатинг! 👉 @uzmigration

🇺🇿 10 КУНДА 96 415 НАФАР ЎЗБЕКИСТОНЛИК ВАТАНГА ҚАЙТДИ Россия Федерациясида вақтинча меҳнат фаолиятини олиб бораётган ҳамюртларимизга тезкор ёрдам кўрсатиш мақсадида Миграция агентлиги, Ташқи ишлар вазирлиги, Ички ишлар вазирлиги ва бошка масъул идоралар фаолият олиб бормоқда. Мурожаатлар 24/7 қабул қилиниб, ҳуқуқий ва меҳнат масалаларидан тортиб, оғир вазиятга тушиб қолганларга кўмаклашиш, ишсиз қолганларга бошқа иш имкониятларини таклиф этиш ҳамда Ватанга қайтиш истагидагиларга ёрдам беришгача бўлган масалалар индивидуал тартибда кўриб чиқилмоқда. 📊 Видеода — сўнгги 10 кунлик фаолият натижалари. 📞 Мурожаат учун: +7 495 803-40-00 — колл-марказ (24/7) 📲 Қуйидаги ишонч рақами орқали мессенжерлардан мурожаат йўллашингиз мумкин: 📞 +7 925 045 47 44 Ишонч рақам 1. 😎 Telegram 2. 😎 WhatsApp 3. 📲 MAX 🌐 Агар мессенжерлар орқали мурожаат қилиш имкони бўлмаса, 👉 ҳавола 👈 сўзини устига босиб, онлайн ариза қолдиришингиз мумкин. 📢 Хабарни тарқатинг! 👉 @uzmigration

🇺🇿 🏳️ Сербия Ўзбекистон фуқаролари учун меҳнат бозорини очмоқда Сербия Меҳнат, бандлик, фахрийлар ва ижтимоий масалалар вазири Milisa Durdevich Stamenkovski Ўзбекистон билан меҳнат мобиллиги ва меҳнат миграцияси бўйича имзоланган келишувни тарихий битим деб атади. Унга кўра, бу Сербиянинг чет давлат билан тузган илк шундай келишуви бўлиб, Ўзбекистон билан стратегик ҳамкорлик ўрнатиш ниятини ифодалайди.

“Ҳужжат Сербияда ишлайдиган Ўзбекистон фуқароларига тизимли кафолат беради. Улар маҳаллий ходимлар билан мутлақо тенг ҳуқуқларга эга бўлади”,

— деди вазир. Унинг маълум қилишича, 2027-йил бошидан Сербияда энг кам ойлик 600 еврони ташкил этади, йил якунига бориб эса бу кўрсаткич 650 еврога етиши кутилмоқда. Яқин йилларда Сербия Экспо кўргазмасига мезбонлик қилиши сабабли тиришқоқ, малакали ва меҳнаткаш кадрларга талаб янада ошади. Келишувни амалиётга татбиқ этиш учун Ўзбекистон Миграция агентлиги Сербиядаги ишчи кучига эҳтиёжи бор корхоналар билан тўғридан тўғри музокаралар олиб бормоқда. Milisa Stamenkovski таъкидлашича, ҳозирда Ўзбекистон Сербия билан бундай келишув имзолаган биринчи ва ягона давлат. 📢 Хабарни тарқатинг! 👉 @uzmigration

🇺🇿 ХАЛҚАРО БОЗОРГА — ХАЛҚАРО СТАНДАРТДАГИ КАДРЛАР Ташкиллаштирилган меҳнат мобиллигида хусусий секторнинг вазифаси фақат вакансияга номзод топиш билан чекланмайди. Бугун хусусий бандлик агентликлари кадрларни хорижий иш берувчилар талаблари асосида тайёрлаш ва малакасини халқаро стандартлар бўйича тасдиқлаш жараёнида ҳам фаол иштирок этмоқда.

«Dhaef Global» ва «Mir Power» хусусий бандлик агентликлари томонидан ташкил этилган «Mohir Usta» марказида токарлик, металлга ишлов бериш, CNC технологиялари, пайвандлаш ва бошқа талаб юқори касблар бўйича мутахассислар тайёрланмоқда.

🎥 Видеода — хусусий секторнинг миллий кадрлар сифатини ошириш ва уларни халқаро меҳнат бозорига тайёр мутахассис сифатида олиб чиқишдаги ўрни ҳақида. 📌 Айни пайтда марказда пайвандчилар учун ISO 9606 халқаро сертификатини олиш имконияти мавжуд. Синовлар MIG/MAG, TIG ва электр пайвандлаш йўналишларида ўтказилади. 📍 Қибрай, ТошГРЭС кўчаси, 14 📞 +998 77 736 90 90 📩 @mohirusta_support 👉 @uzmigration

Oʻzbekiston va Serbiya Prezidentlari Strategik sheriklik munosabatlarini oʻrnatish toʻgʻrisida deklaratsiyani imzoladilar. — Президенты Узбекистана и Сербии подписали Декларацию об установлении отношений стратегического партнерства. Prezident.uz|Facebook|Instagram|YouTube|X

Prezident Shavkat Mirziyoyev Serbiyaning oliy davlat mukofoti bilan taqdirlandi. — Президент Шавкат Мирзиёев награжден высшей государственной наградой Сербии. Prezident.uz|Facebook|Instagram|YouTube|X