Ethiopian Higher Education Institutions Muslim Students' Union

ዛሬ በፓርላማ ኡስታዝ ካሚል ሸምሱ "የኒቃብ ጥያቄ ጥያቄ ሆኖ የሚዘልቀው እስከመች ነው? አይሰለቻችሁም ወይ?" ብለው የጠየቁ ሲሆን የትምህርት ሚኒስቴሩ ፕ/ር ብርሃኑ ነጋ "ኒቃብን ለብሶ መማር የኢትዮጵያ ሕግ እና ፖሊሲ አይፈቅድም!" ብለዋል:: @EHEMSU

ከጁሙዓ ሶላት ጋር ተያይዞ የፕሮግራም ማስተካከያ እንዲደረግ የአዲስ አበባ ዩኒቨርሲቲ ሙስሊም ተማሪዎች ህብረት በጠየቀው መሠረት በAAU School of commerce ማስተካከያ ተደርጓል:: በካምፓሱ የት/ክ/ጊዜ ከጧት እስከ 5:30 የሚቆይ ሲሆን ከሰዓት ደግሞ 7:30 የሚጀምር ይሆናል:: ጥሩ ጅማሮ ነው ••• ሁሉም ካምፓስ ••• ሁሉም ዩኒቨርሲቲ ••• ከKG ጀምሮም ያሉ ትምህርት ቤቶች ሁሉ መሠል አርዓያነትን ሊከተሉ ይገባል:: ጁምዓ ቀን በሕግ እንደፀናው የትኛውም የመንግስት እንቅስቃሴ ከጧት እስከ 5:30 ሲሆን ከሰዓት ደግሞ ከ7:30 ጀምሮ ነው:: ይህንን መተላለፍ የሙስሊም ተማሪዎችን መብት ከመጣስ ባሻገር ሕግንም መተላለፍ ነው:: @EHEMSU

የአዲስ አበባ ዩኒቨርሲቲ ሙስሊም ተማሪዎች ህብረት ዩኒቨርሲቲው ከጁምዓ ሶላት ጋር ተያይዞ የሚወጡ ፕሮግራሞች ላይ የሙስሊም ተማሪዎችን መብት በሚጥሱ መልኩ ማውጣቱን ተከትሎ እንዲያስተካክል የሳምንት ቀነ- ገደብ መስጠቱን ተከትሎ የዩኒቨርሲቲው አካዳሚክ ም/ፕሬዚዳንት ለኮሌጅ ዲኖች ማስተካከያ እንዲያደርጉ በኢሜይል አሳውቋል! እንደሚታወቀው በጁምዓ ቀን የትምህርት ተቋማትም ሆኑ የትኛውም የመንግስት ተቋማት የስራ ሰዓታቸው ከጧት እስከ 5:30 ሲሆን ከሰዓት ደግሞ ከ7:30 ጀምሮ ነው:: ሆኖም የትምህርት ተቋማትና አየር መንገድ በተደጋጋሚ ጥሰት ሲፈፅሙ ተስተውሏል::

የህዝብ ተወካይ ካሉ እንዲህ ነው ••• ወ/ሮ ኸዲጃ! ወ/ሮ ኸዲጃ በህዝብ ተወካዮች ም/ቤት አፈጉባዔን ተከራክራ የሙስሊም ተማሪዎችን ጥያቄ አቅርባለች:: "የሙስሊሙ በዓል በደረሰ ቁጥር ትምህርት ሚኒስቴር ፈተና በበዓል ቀን የሚያወጣው ለምንድን ነው?" ብላ ጠይቃለች:: ደጋግመው የሚሰሩትን ስህተት እስኪስተካከሉ ድረስ በአደባባይ ደጋግሞ መጠየቅ ያሻል ••• ጀግኒት! @EHEMSU

ከኢፍጣር መልስ ••• ከዒድ ማግስት ___ ዩኒቨርሲቲዎች! • ብዙ ዩኒቨርሲቲዎች በረመዳን የኢፍጣር ድግስ አሰናድተዋል:: ሙስሊም ተማሪዎች ከኢፍጣር ጋር በግቢ ውስጥ በጀመዓ በአደባባይ ሰግደዋል:: ሶላት ስለማያልፍ ሰው እያለም ለግል መስገዱ ክልክል ስለሆነ በጀመዓ ሰግደዋል:: ለምን በጀመዓ ሰገዳችሁ ብሎ የከለከላቸውም አልነበረም:: ለመከልከልም የተክለፈለፈ አልነበረም:: ይልቁኑም ዩኒቨርሲቲዎቹ ፎቶ ለማንሳት ተጣድፈው የተነሳውንም በይፋ ለሕዝብ ለቀዋል:: በዚያ ውስጥ የተረበሸም ሆነ መብቱ የተነካበት የዩኒቨርሲቲው የማህበረሰብ ክፍል የለም:: • ከሶላት ባሻገር ሁሉም ሙስሊም ለኢፍጣሩ ሐይማኖቱ ያዘዘውንና እርሱ ይሆነኛል ብሎ የለበሰውን አለባበስ ለብሶ ነው የተሰለፈው:: አለባበሱ የነካው ግለሰብም ሆነ ያጎደለው እሴት የለም:: ይልቁኑም የሙስሊም ተማሪዎችን እሴት አክብሮ ለዩኒቨርሲቲው ተጨማሪ ውበት ሆኗል:: • በዒድም ላይ የተስተዋለው ተመሳሳይ ነገር ነው:: ■ ከኢፍጣር መልስ _ ከዒድ ማግስት ያለውን ስናይ ግን አሁንም ድረስ ሶላት እና ኒቃብ ላይ ችግር ያለባቸው ዩኒቨርሲቲዎች አሉ:: አሁንም ድረስ የጀመዓ ሶላትን በመመሪያ የሚከለክሉ ኒቃብንም የሚከለክሉ ግቢዎች አሉ:: ቢቻል በረመዷኑ በሌሎች ዩኒቨርሲቲዎች የታየውን መከባበር አይተው ቢያከብሩ ጥሩ ነው:: ካልሆነ ደግሞ ሙስሊሙ ተማሪ በፍትሕ እና እውነት ላይ ቆሞ ፍትሕ እስኪሰፍን ሊጠይቅ እና ሊታገል ይገባል:: @EHEMSU

ዒድ ••• በሐረማያ ዩኒቨርሲቲ!‌‌ @EHEMSU

ዒድ ••• በድሬ ዳዋ ዩኒቨርሲቲ ! @EHEMSU

ዒድ ••• በአዲስ አበባ ዩኒቨርሲቲ! በAAU የጥቁር አንበሳ ካምፓስ ሆስፒታል ከተማሪዎቹ ባሻገር በሆስፒታሉ ካሉ ከ300 በላይ ታካሚዎች ጋር ዒድን አክብሯል! @MohammadamminKassaw

Eid Mubarak! Gooftaan Hojii gaggaarii keenna nurraa haa qeebalu. Iidni iida gammachuu kan barakaa isiniif haa ta'u. firaa fi maatii keessa hunda waliin yeroo gaarii. @EHEMSU

ዒዱኩም ሙባረክ! ኢዱ ነገ መሆኑ ተረጋግጧል:: ቀሪ ዘመናችሁ እንደ ለይለተል ቀድር ሰላም እና ሰኪና የሞላበት ይሁን !" @MohammadamminKassaw

የዒድ ቀንን ለመወሰን የሳዑዲ ጠቅላይ ፍ/ቤት ተሰይሟል:: ከደቂቃዎች ቡሃላ ውጤቱ የሚታወቅ ይሆናል::

ሰመራ ዩኒቨርሲቲ ለሙስሊም ተማሪዎች የኢፍጣር መርሐ- ግብር አዘጋጅቷል! መጋቢት 17/2017 ዓ.ል የሰመራ ዩኒቨርሲቲ የዩኒቨርሲቲውን ፕሬዚዳንት ጨምሮ ከፍተኛ አመራሮች በተገኙበት ለሙስሊም ተማሪዎች የኢፍጣር መርሐ -ግብር አዘጋጅቷል::

ጂግጅጋ ዩኒቨርሲቲ ለሙስሊም ተማሪዎች የኢፍጣር ፕሮግራም አዘጋጅቷል! በትላንትናው እለት የዩኒቨርሲቲው ፕሬዚዳንት ዶክተር በሺር አብዱላሂ እና ሌሎች ከፍተኛ አመራሮች በተገኙበት በጅግጂጋ ዩኒቨርሲቲ ልዩ የሆነ የኢፍጣር መርሐ- ግብር ተዘጋጅቷል:: ተማሪዎች ከአመራሮቹ ጋር በመሆን በምግብ አዳራሹ ውስጥ የጀመዓ ሶላትንም ከውነዋል::

በድሬ ዳዋ ዩኒቨርሲቲ የነበረ የኢፍጣር መርሐ- ግብር:: ተማሪዎች ከዩኒቨርሲቲው አመራሮች ጋር በጋራ አፍጥረው ነበር::

የወልቂጤ ዩኒቨርሲቲ ለሙስሊም ተማሪዎች ልዩ የሆነ የኢፍጣር መርሐ- ግብር አሳውቋል! በመጋቢት 17/2017 ዓ.ል የወልቂጤ ዩኒቨርሲቲ ለዩኒቨርሲቲው ሙስሊም ተማሪዎች ልዩ የሆነ የኢፍጣር መርሐ- ግብር አዘጋጅቷል:: በዝግጅቱ የዩዩኒቨርሲቲው ፕሬዚዳንት ዶክተር ፋሲል ደሊልን ጨምሮ የዩኒቨርሲቲው ከፍተኛ ባለስልጣናት ተሳትፈዋል:: ተማሪዎችም መሠል ፕሮግራሞች ዩኒቨርሲቲው ከተማሪዎቹ ጋር የሚኖረውን ግንኙነት እንደሚያግለብት ገልፀዋል::

የወራቤ ዩኒቨርሲቲ ለወራቤ ማህበረሰብ እና ለወራቤ ዩኒቨርሲቲ ሙስሊም ተማሪዎች የኢፍጣር መርሐ- ግብር አዘጋጅቷል! በመጋቢት 18/2017 ዓ.ል የወራቤ ዩኒቨርሲቲ የኢፍጣር መርሐ-ግብር ያዘጋጀ ሲሆን በመርሐ-ግብሩ የዩኒቨርሲቲው ፕሬዚዳንት ዶ/ር ኢንጅነር ተውፊቅ ጀማልንና የስልጤ ዞን ዋና አስተዳዳሪ አቶ ዘይኔ ቢልካን ጨምሮ የዞኑ ከፍተኛ አመራሮች ታድመዋል::

ሚዛን ቴፒ ዩኒቨርሲቲ እና ቡሌ ሆራ ዩኒቨርሲቲም ለሙስሊም ተማሪዎች የኢፍጣር መርሐ- ግብር ማዘጋጀታቸውን ገልፀዋል:: በኢፍጣር ፕሮግራሙ ላይ ተማሪዎች ከዩኒቨርሲቲዎቹ ከፍተኛ አመራሮች ጋር በአብሮነት የተሰባሰቡ ሲሆን የጀመዓ ሶላትንም ከውነዋል! @MohammadamminKassaw

መቀሌ ዩኒቨርሲቲ የኢፍጣር ፕሮግራም አዘጋጀ! መቀሌ ዩኒቨርሲቲ በዩኒቨርሲቲው ውስጥ የሚገኙ 200 ተማሪዎችን እና ከማህበረሰቡ ውስጥ የተውጣጡ የሐይማኖት አባቶችን ያሳተፈ የኢፍጣር ፕሮግራም እንዳዘጋጀ አሳውቋል:: ከኢፍጣር ቡሃላ ተማሪዎች የጀመዓ ሶላት የሰገዱ ሲሆን በፕሮግራሙ ላይ የተገኙ የዩኒቨርሲቲው አመራሮችም መልዕክቶችን አስተላልፈዋል::

አምቦ ዩኒቨርሲቲ ለሙስሊም ተማሪዎች የኢፍጣር ፕሮግራም አዘጋጀ! በዛሬው እለት ማለትም መጋቢት 19/2017 ዓ.ል አምቦ ዩኒቨርሲቲ ለሙስሊም ተማሪዎች በዋናው ግቢ ታላቅ የኢፍጣር ፕሮግራም አዘጋጅቷል:: በዝግጅቱ ወቅት የዩኒቨርሲቲው ፕሬዚዳንት እና ምክትል ፕሬዚዳንትን ጨምሮ ከፍተኛ አመራሮች የተገኙ ሲሆን ፕሮግራሙ የተዘጋጀው በሐይማኖት እሴቶች መካከል መከባበር እንዲኖር ለማድረግ እንደሆነ ተወስቷል:: ከዚህም በተጨማሪ የተማሪዎች ህብረት አመራሮች እና የሌላ እምነት ተከታይ ተወካዮች ተገኝተው የፕሮግራሙ ተሳታፊ ሆነዋል::