سمر إسماعيل

- لا أسعى لغير «الخفة».. أحاول مع نفسي كل يوم أن أتخفف من الذكريات الماضية، والمواقف الأليمة التي تزورني من وقت لآخر، فتفسد عليّ يومي. أن أتخفف من التعلق بما فات، والتوق لما هو آتٍ إلى هذا الحد الذي يُضيّع مني عيش اليوم كما هو.. أحاول أن أتخفف من العلاقات المزعجة؛ علاقات تكلّف النفس والعقل دون أن تقدم دعمًا أو مقابلًا، فقط أخذ لا يُبادَل. أن أتخفف من العالم ككل.. بشؤونه وأحداثه. أنا أحاوط مساحتي الصغيرة بالعناية، وأصب فيها جهدي وطاقتي، دون أن يعنيني شيء آخر.. أريد أن أتخفف لأصل لخفة الطير في السماء؛ لا يبالي بشيء، ولا يُغريه شيء، وقد كفاه الله همّه، وتكفّل له برزقه، وعاش آمنًا في سربه.

- لما كنت طالبة، كنت بحصل على أعلى الدرجات في الكلينيكال -بفضل الله- ولما اشتغلت، كان المرضى بيحبوني جدًا، فاكرة عنبر الأورام أول ما أدخل، كانت طنط تقول: هتبقى أكبر دكتورة بإذن الله؛ عشان وشها السِمح الجميل. الحمد لله على نعمة الرحمة، والرفق، ربنا ما يجعلني أعتاد رؤية الألم.

- أشياء لأجلها بحب الطب؛ الدعوات الطيبة.🩵

الإنسان مشاعره مختلطة تجاه الموضوع ده. بغضب من الحالات اللي بتيجي وأنا عارفة السبب، وبحاول ألتمس العذر وأفهمهم -غالبًا مش بيقتنعوا، لكن أديت اللي عليّ- وبغضب أضعاف مضاعفة من المجرم العوضي، وبشفق عليه في الوقت نفسه. يا رب الناس تفوق. التريند لسة شغال.. لسة ناس بتموت.

السلام عليكم ورحمة الله وبركاته.. أنا محمد مجدي، الابن الأكبر للفقيد الراحل المهندس مجدي محمود مهدي، ونائب الأمراض المتوطنة والكبد والجهاز الهضمي بمستشفيات جامعة عين شمس، وحاصل على الجزء الأول من الزمالة البريطانية لأمراض الباطنة العامة. بدايةً، طبعًا تعددت الأسباب والموت واحد، ولا نقول إلا ما يُرضي ربنا، كلها أعمار مقدّرة عند الخالق سبحانه وتعالى في كتاب، لكن وجودي هنا النهارده من على اكونت بابا ليه غرض واضح، هو تعريف الناس بالسبب المباشر في وفاته رحمة الله عليه، من أجل إبراء ذمته، وتوضيح الصحيح للناس، وده اللي خلّاني أقدم نفسي فوق وأعرف الناس بشغلي قبل ما أتكلم. زي ما أصدقاء بابا عارفين من خلال منشوراته، فهو كان متبع لما يُسمى بـ"نظام الطيبات"، الفتنة اللي حلّت على مجتمعنا لتُقنع الناس بالسم، حتى أعقل الناس وأعلمهم في مجالاتهم، نظام يتمحور حول طعام وشراب خفيف على الجهاز الهضمي وسهل الهضم، لكن أضراره في الناحية التانية بكافة الأدلة العلمية والعملية تؤدي إلى derangement أو اختلال في وظائف الجسم الداخلية بسبب تحول الأطعمة دي لدهون بالشرايين والأعضاء وسميات تضر كافة الأجهزة تدريجيًا، وفقدان وزن بطريقة غير صحية تمامًا عن طريق خسارة الكتلة العضلية للجسم نتيجة خسارة عناصر غذائية هامة وبروتينات عالية القيمة. أُشهد الله تعالى أني ناقشت بابا حبيبي في الموضوع ده كتير، ورغم ثقته في شخصي وعلمي البسيط دائمًا ودعمه منقطع النظير إلا انه كان مختلف معايا في الموضوع ده تحديدًا، ودار بينا النقاش كتير حتى قبل أيام من وفاته. بابا كان مريض سكر وضغط لمدة ٣٠ سنة، خلالهم كان محافظ جدًا على صحته من كل الجوانب وملتزم بغذائه وعلاجاته، وقبل بداية اتباعه للنظام من حوالي ٣ شهور كانت تحاليه ممتازة لو اتكلمنا على سنه وحالته المرضية، حتى أن نسبة الدهون منخفضة الكثافة أو ما يعرف بالدهون الضارة في الدم "LDL" أحسن من اللي المفروض يكون عليه، وهي الدهون المعروفة بعلاقتها المباشرة بتصلب الشرايين وتكوين الجلطات، حتى وصلنا إلى فخ النظام ووقف العلاج، عشان يحصل اللي حصل ويكون السبب المباشر في وفاة بابا حبيبي هو: "جلطات حادة في الشريان التاجي الأمامي من القلب صاحبها وجود غيبوبة سكرية وحموضة بالدم" وإنا لله وإنا إليه راجعون.. زي ما قلنا تعددت الأسباب وكلها أقدار وأعمار عند الخالق سبحانه وتعالى، لكن بردو اسمها "أسباب"، وأنا وضحت سبب وجودي هنا ايه في بداية الكلام.. رحمة الله تعالى على أحكم الناس، أعدل الناس، أعقل الناس، حبيبي وصديقي وفقيد قلبي بابا المهندس مجدي محمود مهدي، اللي قضى عمره ساعيًا في الخير، حتى لما المناصب كانت بتضغط على شغله ووقته، في ميزان حسناته بإذن الله تعالى، ولا نزكيه على الله.. وفي النهاية، لعنة الله على الشيطان الملعون القاتل ضياء العوضي، اللي قتل ناس كتير حيًا وميتًا، وقتل بابا معاهم، ولو كان بابا بيقولي يا محمد اعتبره له ما له وعليه ما عليه لا يجوز عليه سوى الرحمة، بس أنا مش قادر أدعيله بالرحمة، وأنا خصيمه يوم الدين.. خلّوا بالكم من نفسكم، وحافظوا على صحتكم، واستشيروا أهل العلم الحقيقي اللي ما أكثرهم والله، بس للأسف الترند دايمًا عند المخالفين والأغبياء، وانتشار النوعية دي من السفهاء سهل بسبب ضعف الناس ويأسهم في بعض الأحيان. كله بيبدأ النظام بـ: أنا ارتحت، بقيت كويس، حركتي خفت، قولوني أحسن وكله هينتهي بيه المطاف بعد أيام، شهور، وممكن توصل في بعض الأحيان لسنة ولا اتنين حسب capacity كل جسم، لـ مخاطر عظيمة، ممكن منلحقش نتناقش فيها لأن ضريبتها الحياة

- اليوم أريد أن أقول لنفسي: على مهلٍ.. أنت بالفعل تحاولين. على مهلٍ.. لم ينفلت العمر من بين يديكِ، لا يزال هناك ما ينتظر أن تعيشيه. على مهلٍ.. لأنَّ ثمة أمور لن ينفعك ركضكِ تجاهها مهما ركضتي! إما أن تكون كُتِبت نصيبكِ، فتأخذينها سهلة يسيرة، وإما ألا تكون. افتحي ذراعيكِ للعالم، خذي نفسًا عميقًا، وسيري على مهلٍ، واعلمي أن ما أخطأكِ ما كان ليُصيبكِ، وأن ما أصابكِ ما كان ليُخطئكِ، وكوني مُمتنة لما يحدث وإن لم يكن مرادك، لكنه سيكون في الغدِ فارقًا في نسختك الجديدة. على مهلٍ..

- بحاول حقيقي، لكن بنسى..😅 بس بعوض أصدقاء القناة بمشاركات أقرب، وأسئلة.💗 محتاجة مديرة أعمال تتولى شؤون السوشيال ميديا^^

- أهلًا بأجواء المدارس الجميلة.💜 اللـ معندهمش مدرسة، ياترى إيه اللي بيهون أيامكم الفترة دي؟ شاركوني. https://www.instagram.com/stories/tipofthedayapp/3985345782721486450?utm_source=ig_story_item_share&stkn=MWc1eTQyYzc3MDR3MQ==

- مش عارف سوق النخاسة (الشرعي) اللي فتح في الفيس ده فتح ليه وازاي؟! وكيف واحد عنده مروءة ونخوة، فضلا عن أن يكون أبا سويا وزوجا محترما؛ يرضى لنفسه أن يكون نخاسا بهذه الطريقة المقززة؟! وكيف واحدة عندها مثقال ذرة من كرامة؛ خرجت من بيت رجال، ترضى لنفسها الزواج من خلال هؤلاء العواطلية بهذه الصورة المهينة؟! وإني براءة لذمتي أقول: الغالب الأعم من مبادرات (توفيق راسين في الحلال) بكل أشكالها الحالية ما هي إلا تجميع للعقد النفسية وضعف الكفاءة بكل أشكالها، في الجنسين. عافانا الله وبناتنا والمسلمين. -محمد عطية.

- https://www.instagram.com/p/DdHCmQvDYEf/?stkn=MWg0Y3h1NmpoZGV2NQ==

- أسنان فيها تحديات كمان زي: عدد الأطباء بالنسبة لعدد المرضى، سيطرة ناس بعينهم على السوق، بتاخدي فترة تشتغلي بمقابل زهيد ويبقى كويس لو حد علمك فعلًا. وبشري كمان: ضغط، سنين طويلة، حركات نيابة عشوائية، مرتب زهيد لفترة طويلة من عمرك. بنختار إيه؟ اللي نتحمل عيوبه. كلمي حد خريج أسنان، وحد خريج بشري واعرفي منهم، ولو بتقدمي خاص اسألي خريجين الجامعات الخاصة والجامعة دي بالأخص، لأن فيه فروقات، وبعدين هيكون فيه مستجدات خصوصًا في السفر والاعتماد والمعادلات.

نفس السؤال اللي فوق.. لا هي مش الست الفاضية اللي بتعمل مشاكل، هو أي إنسان -ومعذرةً لو حيوان والله- خدناه من بيئته، وحطناه في بيئة جديدة تمامًا، منعزل، بدون علاقات، بدون عمل أو علم يشغله، هيفقد عقله. فاللـ هينتقل لبيئة تانية؛ يدخل جروبات المنطقة، يتعرف على الأماكن الجيدة للخروج، أنشطة ونوادي تناسبه، يبحث عن فرصة لإكمال دراسته، أو عن عمل يشغله لبعض الوقت، وعن صداقات طيبة.

- كلنا -بلا استثناء- هتمر علينا فترات مش هنشتغل، وهناخد أجازات لسنوات، ونأجل دراسات عليا، أنا مقتنعة مفيش بنت مش هتعمل كدا ولو كانت دكتورة. بس مش بتفهم فكرة إنعدام الحلول الوسط؟ أبسط شيء ممكن تشتغلي حاجة اسمها نص الوقت، وبتاخدي نص المرتب، وبتقضي نيابتك ضعف زمايلك. يعني ٣ أيام في الأسبوع لحد الضهر بس! اللـ عايز يحل، هيلاقي حل. أنا معنديش مشكلة حد يدرس طب ويقعد في البيت نهائي، بس مشكلتي إنك تقعدي وعينك متعلقة بطموح عايزاه، مش هترتاحي. + الفراغ سيء. مش لأننا مش كويسين، لا هو الفراغ بيخرج أسوأ ما فينا؛ حتى لو فيه خروجات أسبوعية، محتاجة معنى لحياتك. آخر نقطة عن العلاقات، مش عارفة أقول إيه حقيقي. بس على كل حال هي تاني نقطة تراجعيها مع نفسك بعد فكرة الشغل نفسها، لكنه يظل طلب تقيل ومحتاجة تناقشي مع نفسك مدى تقبلك له.

- ماشاء الله، ربنا يبارك فيه. أولًا: الصدقة. ثانيًا: تطوير الذات (فلوس على جنب تتحط كل شهر لكورس أو تدريب يساعدك تلاقي فرص أفضل، حتى لو هيكون الجزء الأكبر من المرتب) ثالثًا: احتياجاتك الشخصية. لما بننظر للـ معانا إنه قليل بيضيع على رفاهيات، وأنا مش ضد الرفاهيات، بس فيه أولويات للوقت، هتكون استثمار.

- وعليكم السلام ورحمة الله وبركاته. هتتعودي مع الوقت، اكتبيها لنفسك وخليها عند آخر حاجة بتعمليها وأنت نازلة، ولما توصلي ابعتي مسدج بسيطة. الرجال -خصوصًا أول العلاقة- بيحبوا يحسوا إنه أنت مهم، أنت بطلي، أنت اللي هتيجي تنقذني من الذئاب البشرية، رغبات مشروعة، فرحوهم معلش😃💗

- تعلمي وانفعين نفسك وانفعينا نحن بنات أمتك. إحنا في حاجة شديدة لفتيات تدرس التخصصات الشرعية ويكون عندهن ملكة فقهية جيدة، وتكفينا السؤال. مشكلة التخصصات الشرعية -في رأيي- إن معظم الدراسين بتكون معدلاتهم قليلة، دخلوها مضطرين، فقلما نجد عالمًا أو فقيهًا بحق وكذلك في البنات. فالزمي طريقك واجتهدي فيه، أنت على ثغر عظيم.

- كلية جميلة، فرص كويسة، وشغل كويس. مفيش حد بيقدر يتجاوز في حق حد في بيئة العمل، كله بيخضع لقانون، والإنسان المحترم، الجميع بيحترمه. فافرحي بمكانك، واجتهدي فيه، وآخر جملة عجيبة والله وفيها تألي عجيب على الله. تعليقات الناس آخر ما تلتفتي له. الله يرزقك خير المهنة، وخير الأزواج.

- القبول الشكلي مهم جدًا، النساء تحب أن تعامل زوجها كزينتها، تتباهى به ودي سبحان الله فطرة النساء؛ ولذلك معظم البنات تميل لصفات جسدية معينة من الطول وعرض الكتفين ورخامة الصوت، وكأننا بنتوارث الميول على الشفرة الوراثية. 😃 فاسألي نفسك: هل كل ما فيه سيجعلني أتغاضى عن هذه النقطة؟ أم كلما نظرت إليه لن ألتفت إلا لهذه النقطة؟ ولا يعيبك ولا يعيبه..

- لازم تتطلبي مساعدة متخصصة. DBT therapist.

- واعذرونا -مقدمًا- على التأخير. https://t.me/Madrasetelbanat1281_bot