سمر إسماعيل

- الأثر اللـ سايباه ورايا في بيت أهلي ♡ ارقد في سلام يا فرويد.

- على فكرة وزارة الصحة ومنظمة الصحة العالمية عملوا مسح قومي للصحة النفسية في مصر على عينة ممثلة للمجتمع كله في 26 محافظة وآسف للصدمة بس النتيجة في آخر مسح منشور ان نسبة المصابين باضطرابات او أمراض نفسية في مصر طلعت @واحد من كل أربع أشخاص بالغين المصابين بالاكتئاب لوحدهم نسبتهم 43.7% من اجمالي المصابين ونسبة اللي بيتلقوا علاج %0.4 أيوه أربعة من عشرة في المية للأسف اغلب الباقيين ميعرفوش أصلا. -منقول.

- طيب.. الترند الخاص بمستشفى الشاطبي اللـ طلعه أساسًا أطباء محترمين من امتياز ونواب شافوا ست وابنها اتعرضوا لظلم، ومسكتوش رغم إنهم هيتضروا.. التريند أخد إتجاه تاني، ضيّع حقوق الجميع، وألهى الناس عن القضية الأساسية! فيه إساءات، فيه تعدي،.. وده غير مقبول، وأطالب بعدم السكوت عليه، والحمد لله أنا ناقشت الموضوع مع بنات #مدرسة_البنات، قبل التريند بفترة. لكن نكون منصفين! شهادات البعض غير معقولة طبيًّا! ده هراء يعني مع شديد احترامي😅 لا حد يقدر يعقّم حالة دون إذن كتابي، وموافقة زوجها، ولا فيه مبيض بيطير في السقف، ولا حد طمعان في بويضاتك يا فندم. أنا بكره الشاطبي، وعمري ما أفكر آخد نسا، بس أنا شوفت النواب والامتياز سهرانين طول الليل جنب الحالات الكرتيكال، شوفتهم بيجمعوا فلوس من بعض عشان حالات غير مقتدرة، شفت نواب رجالة _عشان معرفش إيه دخلهم في النص دلوقتي رغم إن معظم الإيحاءات بتتقال من تمريض ستات_ في غاية الاحترام والأدب. أنا مش برتاح للعلاج مع راجل، بس دي شهادة حق! فيه ناس تم الخوض فيهم بدون بينة. للأسف السوشيال ميديا تحركها العواطف، القصص الأسطورية، الانحراف الشديد، مستحيل التوسط يلقى رواجًا بين الناس. أنا مش بطالب بتحقيق ولا عقاب، وربنا ينجي الناس كلهم، بطالب نكون منصفين، وناخد حقوقنا دون التعدي على حقوق غيرنا. وطب إسكندرية هتفضل كيان طبي مرموق له الأسبقية بين كليات الطب مهما حصل، وهفضل فخورة إني خريجة طب إسكندرية رغم كل شيء.:))

- يالبساطة الحياة في 2017! يارب في كل نُسخي، أفضل ذكية، وواثقة، وطيبة:)) 💚

- كذا صاغكَ اللهُ يا ابنَ الوُجُودِ وأَلْقَتْكَ في الكونِ هذي الحيَاهْ فما لكَ ترضَى بذُلِّ القيودِ وتَحْني لمنْ كبَّلوكَ الجِبَاهْ -أبو القاسم الشابي.

- يخبط أكتر مع نفسه ومع المجتمع، يؤمن إن محدش هياخده من إيده يوصله، هو هيوصل، بس هيوصل إزاي لو فضل واقف مكانه؟ أنا تايه ونقطة! نجرب المتاح، ولو مساحات مختلفة عننا، نخفق عادي، الإخفاق بيخلينا نتعرف على نفسنا بشكل صادق، نجرب نقرب من الناس، اترفضنا؟ عادي.. كل تجربة فيها إشارة لشيء مهم، محتاجين نجرب، وهنفهم.

- أنا طبيبة بشرية خريجة طب إسكندرية، وبدرس وبتدرب في العلاج النفسي. بنكون الاتنين يعني بإذن الله.

- كنت بخلص امتحانات، وأروح على البيت بسرعة عشان أرتاح، ومكنتش بخرج مع صحابي إلا لو أجبروني. لما اتخرجت من الجامعة، وكملت دراسة في مكان جديد، واتعرفت على ناس جديدة، بقيت بعد الامتحان بقعد معاهم ساعة، نطلب حاجة نشربها ونتكلم شوية وأروح. فرق كبير! الساعة مش هتفرق في وقتك ولا في وقتي، بس هتفرق في نفسيتك، وفي عمق العلاقات اللـ بتكونيها. عشان نكون منصفين، هل شايفة غضبك منهم مبرر؟ تخيلي حد طلبتي منه كذا مرة حاجة، ورفض، هتطلبي تاني؟ هو بقى فاهم رد فعلك، وبيتصرف على أساسه. هم شايفينك مشغولة، مش فاضية، وبالتالي خلاص.. فأنا شايفة إن اندماجنا مع الناس، تكوين الصداقات، العلاقات، لا تقل أهمية عن الدراسة. فحاولي تقربي منهم، تسأليهم لو هيخرجوا قريب، تكون علاقاتك بعد كدا فيها مساحة لوجود حقيقي، هتفرق معاك.

- موقف يدعو للاستغراب فعلًا، بس إيه اللي هيعود عليك من التفكير فيه أو محاولة الفهم؟ خلاص الألم أو الأذى وقعوا، خلاص أنا فهمت إن العلاقة لا تناسبني، وبالتبعية، انسحبت. خطوات شجاعة حقيقي، بقدرها. ركزي مع نفسك، إنك تتعافي من العلاقة، متبصيش للماضي، متسأليش، متراقبيش. عمومًا كبنات، نتعود إن اللي بنتركه عشان واعيين إنه مش مناسب، منراقبوش، سواء شخص أتقدم، أو خطبة مكملتش. النظر للأمام، بيبهت أثر الماضي. بس إزاي يعمل! ده كان باين إنه بيحبني! بس.. بس، كل بس بتنكأ جرح! هو ميخصناش دلوقتي، يخصك نفسك.

- مساحة الزواج كلها قايمة على فكرة "القبول"، يعني ممكن أولوياتنا تختلف، بس أنا متقبلة، وشايفة فيه مساحة تنوع بتضيف نوع من الإثارة لعلاقتنا. (طبعًا أولويات شخصية، مش قيمية، يعني مش شيء غير مقبول أخلاقيًّا أو ينافي القيم، ويبقى اسمها مش أولوية عندي!) في حين ممكن أولويات مختلفة تورث جفوة بينا، فده على حسب طبيعة الموقف وتفاصيله، ومدى استعدادك للتحمل وقابليتك، ومرونة الطرف الآخر أنه يتغير. طيب السؤال، أنا مش متقبلة بردو؟ خلاص، لا يعيبك ولا يعيبه حقيقي، ولا ظلم له ولا ظلم ليك. المجهود مش بيبذل عشان نتقبل - نعصر على نفسنا ليمونة يعني- لكن عشان نبحث عن نقاط ومساحات مشتركة، طب مفيش؟ لا يكلف الله نفسًا إلا وسعها.

- وجود هواية نافعة جنب الدراسة= تجديد نشاط، تفريغ انفعالي بشكل صحي. أنا معنديش مشكلة مع فكرة تكريس الوقت للمذاكرة لوجود هدف، إحنا بنتفاوت في أولوياتنا، بس لنفسك عليك حق! وأنت بتنظمي جدولك، حطي ساعة في آخر اليوم تمارسي اللي بتحبيه، كمكافأة، واستعادة شغف.💗

- أنت مش محتاجة "تفصلي"، لكن محتاجة "تقفي!" نفسيتك هي اللـ مشغّلاك، هي اللي بتخليك تقومي من السرير وتتحركي، فأي كبت، أو إنكار، هيظهر ويعجزك غصب عنك. النبي صلى الله عليه وسلم كان بيستعيذ من العجز والكسل. اقفي شوفي نفسك، عقلك، قلبك بيقولوا لك إيه، لو مشكلة تتحل حليها (مصدر ضغط معلوم، تخلصي منه)، لا ده حاجة أعمق أنا نفسيًّا مهترئة، يبقى أطلب مساعدة متخصصة. لكن التجاهل مش هيخليك تنجزي حاجة، وهيخلي الأزمة تتعمق. ألف سلامة عليك.

- رائع!💜 https://www.instagram.com/p/DZdR43fjSad/?igsh=aDJ1eHdzeHEzdXF4

- أهلًا.. تبعتي ريكورد هنا: @Madrasetelbanat1281_bot وأكونت يكون باسمك، مش اسم مبهم.

- مع الأسف، هوافق. اتفضلوا: https://ngl.link/samarismail37535/dealbreaker 😤😤

- دكتور، ومعالجة بيوديناميك، بتقولي: أنا جبت جيد جدًا بعد شرحك! سمعت الڤيديو، ودخلت حليت الامتحان. الحمد لله، كل الشروحات كانت مجانية، ونسيتها في القناة، لكن مشاهداتها بتزيد فأعتقد ناس جديدة بتنتفع الحمد لله. الشروحات للمختصّين فقط، هتكون غير مجدية للتثقيف العام. لكن الحمد لله، رحلة كشفت للإنسان الكثير عن نفسه.💚

- إلى السفر من الإسكندرية إلى القاهرة بشكل شبه يوميّ، إلى المذاكرة في طرقات المستشفى الصاخبة، إلى الليالي الطويلة، والصباحات الثقيلة التي كنت أخشى مواجهتها، أنا هنا.. فتاةٌ شجاعةٌ، طموحةٌ، مُحاوِلةٌ، لم ولن تترك أبدًا السعي إلى غايتها. لعلّي اليوم أقولها -حقًّا-: أرى ما أريد.

- 💚.