𝐒𝐓𝐔𝐃𝐘 𝐓𝐈𝐌𝐄 🩺🫀

لما شعرت بعدم الإنجاز تذكرت حديث الرسول ﷺ: لَأنْ أقولَ: "سُبحانَ اللهِ، والحمدُ للهِ، ولا إلهَ إلَّا اللهُ، واللهُ أكبَرُ، أحَبُّ إليَّ ممَّا طلَعَتْ عليه الشَّمسُ". فأقول هذا الذكر مستشعرًا أني أنجزت إنجازًا لا تساويه الدنيا كلها فيهدأ قلبي وتطمئن نفسي. - خالد التميمي.

الفيديو هادا عندي من العام ليفات❤ 6 سنين بقاتلي ونسمع هادا الخطاب😭 وفقنا الله واياكم

حالتي ونا نواجه ف عراقيل الحياة🤣

كبسولي اخاوتي🤣🤣

ننصحكم تروحو تضربو طلة على منجية الاجابة في كل مادة بسك الاغلبية تروحلهم نقاط فحوايج تافهة كيما هكا يخرج من الامتحان فرحان و بعد نهار يشوف علامتو يتخلع ويقول ظلموني

تبانلي نخلي البنات لي دايرين عرس درك حتى يرقدو ونوض نعيط بصك راني مغمومة منها نريح ومنها نقلقهم كيما قلقوني وش رايكم😃

متخنقوش رواحكم بالقراية متصاحبوش ناس سلبية كل دقيقة الباك صعيب .منيش لاحق .. اني خايف ...غير اخطيكم من العباد هادو هادا الوقت لازم تبقا بينك وبين نفسك فقط اخرج اتمشى ولا دير رياضة ولا انا نشفا الوقت هادا من باك2021 بابا كان يخرجنا انا واختي التوأم بسك علابالو بلي رانا مضغوطين وخايفين نتفكر مرة كي خرجنا قتلو بابا اديني لبلاصة خالية من الناس استغرب هوا بصح داني ايا بقيت نعيط على طول صوتي😃😃 حسيت جبل انزاح مني وارتحت🤣

رزقك ديجا راهو مكتوب ومعدلك مكتوب وتخصصك مكتوب فلازم تكون مؤمن بلي اي حاجة رح تصرالك من عند ربي فيها لانو دوما وابداا الخير فيما اختاره الله هو بعلمه وبحكمته الانسان ميخافش من حاجة مزالت مصراتش لازم يكون تخمامك غير ف يومك مثلا اليوم وش درت؟ صليت الفرائض؟ قريت ورد من القرآن؟ قريت مادة هادي ومادة هادي بسك عندي فيهم نقائص؟ راجعت المادة الفلانية؟ كي تكون اجابتك فالليل على هادو الاسئلة ترضيك اعرف بلي راك فالطريق الصحيحة

حرفيا منيش نتمسخر ربي يهديهم

حنكتب بسك دايرين عرس فالاقامة💔

كيفاه نتغلب على الستراس في الوقت لي بقا👇

يتم البحث عن مكان هادئ🤣

مساءُ الخير… أَأُنهِكتَ من التَّعب؟ أما زال حلم الوصول يؤرِّقُك؟ أما زلت تُفكِّرُ كيف ستصل ومتى؟ بدأتَ تشعرُ بأنَّ كلَّ تلك الجهود الّتي تبذلها ليست كافيةً، بينما تمتلئ قائمة مهامك بالكثير مما يتوجَّب عليك فعله؟ متى سأفعل كلَّ هذا؟ ما زال يومك مليئًا بالقراءة بين تلك الكتب تطوي واحدًا وتفتحُ آخرًا، ولا يشغل تفكيرك سوى كيف سينتهي هذا اليوم ومتى ستنتهي كلُّ تلك الأعباءِ؟ يا صديقي إن لم تكن حياتك هكذا فكيف ستكون!  إن لم يملأ العلمُ والعملُ يومَك فماذا سيملؤه؟ إن لم تنهض بنفسك أنت فمن سينهض بأمَّتك!

ترقبو الليلة des vocaux بصوتي الجميل🤣🤣🤣 لي دخلو جدد لي يتنمر على اللهجة نبلوكيه🥺🤣

مبعد فالليل نهدرو شويا نصائح وتحفيز وكدا (نوليلكم جوفر)🤣 لي عندو اي استفسار يتفضل 🥰

الفايدة ديت استراحة باه نوكل فاها حاجة حلوة ايا لقيت روحي ضربت نص ساعة فتلغرام الوضع دا ختييييير😭 روحو تقرو 😠

تفكرت مرة كنت دايرة فيديو study with me كيما هكا وفات عليا بابا حسبني نهدر معاه bla cam😭😂😂 رخسني😂😂😂😂

🤍😭

ديرو جادوغ باه تصورو فيديو هكا نتم تاني العام الجاي😭😂😂