រដ្ឋបាលខេត្តកំពង់ចាម

នាព្រឹកថ្ងៃទី២៨ ខែកញ្ញា ឆ្នាំ២០២៦ ឯកឧត្តម ផេន សុផល អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលខេត្តកំពង់ចាម បានដឹកនាំកិច្ចប្រជុំ អនុគណៈកម្មការបច្ចេកទេសប្រណាំងទូក នៃគណៈកម្មការរៀបចំក្នុងពិធីប្រណាំងទុកថ្នាក់ខេត្ត ក្នុងពិធីប្រណាំងទូក “ ង ” ទូកខ្នាតអន្តរជាតិ បណ្ដែតប្រទីប តាំងពិព័រណ៍សមិទ្ធផល និងអុចកាំជ្រួច នៅក្រុងកំពង់ចាម ។ កិច្ចប្រជុំបានធ្វើនៅសាលាខេត្ត ដោយមានការអញ្ជើញចូលរួមពី លោកនាយករង រដ្ឋបាលសាលាខេត្ត, អភិបាលរងក្រុង , ចៅសង្កាត់ទាំង៤ តំណាងមន្ទីរ និងមន្ត្រីជំនាញពាក់ព័ន្ធផងដែរ។

មន្ទីរពេទ្យបង្អែកខេត្តកំពង់ចាម ប្រារព្ធពិធីអបអរសាទរទិវាពិភពលោកសុវត្ថិភាពអ្នកជំងឺ ឆ្នាំ២០២៦ ក្រោមប្រធានបទ «សុវត្ថិភាពនៃការថែទាំសម្រាប់អ្នកជំងឺមិនឆ្លង» កំពង់ចាម៖ នារសៀលថ្ងៃទី២៨ ខែកញ្ញា ឆ្នាំ២០២៦ នៅមន្ទីរពេទ្យបង្អែកខេត្តកំពង់ចាម បានប្រារព្ធពិធីអបអរសាទរទិវាពិភពលោកសុវត្ថិភាពអ្នកជំងឺ ឆ្នាំ២០២៦ ក្រោមប្រធានបទ «សុវត្ថិភាពនៃការថែទាំសម្រាប់អ្នកជំងឺមិនឆ្លង» ក្រោមអធិបតីភាពដ៏ខ្ពង់ខ្ពស់ លោក ឃន ប្រុស អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម។

នាថ្ងៃទី២៨ ខែកញ្ញា ឆ្នាំ២០២៦ លោកជំទាវ ប៉ាង ដានី អភិបាលរងខេត្ត និងជាប្រធានក្រុមប្រឹក្សាសកម្មភាពជនពិការខេត្ត បានចូលរួមដឹកនាំក្រុមការងារក្រុមប្រឹក្សាសកម្មភាពជនពិការខេត្ត បានចុះសួរសុខទុក្ខ និងឧបត្ថម្ភដល់ក្រុមជួយខ្លួនឯង នៃជនមានពិការភាព (ចំនួន ៦ក្រុម) និងសហគមន៍ផលិតសាប៊ូលាងចានស្ត្រីឆ្លាតវៃរបស់ជនមានពិការភាព (ចំនួន ១ក្រុម) សរុបចំនួន ៧ក្រុម នៅស្រុកព្រៃឈរ និងស្រុកបាធាយ ដោយមានការចូលរួមពី លោកស្រីអភិបាលរងស្រុក លោកប្រធានការិយាល័យសង្គមកិច្ច និងសុខុមាលភាពសង្គមស្រុក អាជ្ញាធរមូលដ្ឋាន និងសមាជិកក្រុមទាំង ៧។ ក្រោមការយកចិត្តទុកដាក់គាំទ្រ និងលើកទឹកចិត្តពីសំណាក់ថ្នាក់ដឹកនាំខេត្ត លោកជំទាវ អភិបាលរងខេត្ត បានសំណេះសំណាល នាំនូវប្រសាសន៍ផ្ដាំផ្ញើ និងការគិតគូរ ដល់ក្រុមជួយខ្លួនឯង ប្រមូលនូវបញ្ហាប្រឈម តម្រូវការ និងសំណូមពរនានា ដើម្បីរួមគ្នាស្វែងរកដំណោះស្រាយ ផ្សព្វផ្សាយពីភាពជាគំរូ និងលើកទឹកចិត្តដល់ជនពិការដទៃទៀតឱ្យចងក្រងជាក្រុមសហគមន៍។ ក្នុងឱកាសនោះដែរ លោកជំទាវ បាននាំយកថវិការបស់ឯកឧត្ដមអភិបាល នៃគណៈអភិបាលខេត្ត និងជាប្រធានកិត្តិយសក្រុមប្រឹក្សាសកម្មភាពជនពិការខេត្ត ឧបត្ថម្ភដល់សហគមន៍ និងក្រុមជួយខ្លួនឯង ទាំង៧ក្រុម /ក្នុង ១ក្រុមទទួលបានថវិកាចំនួន ៤០០.០០០ រៀល សរុបចំនួន ២.៨០០.០០០ រៀល ។

គណៈកម្មាធិការរៀបចំដែនដីថ្នាក់ខេត្ត បើកកិច្ចប្រជុំធ្វើបច្ចុប្បន្នភាពអចលនទ្រព្យ និងពិនិត្យការងារគ្រប់គ្រងដីធ្លីនៅទូទាំងខេត្តកំពង់ចាម (កំពង់ចាម)៖ នាព្រឹកថ្ងៃទី២៨ ខែកញ្ញា ឆ្នាំ២០២៦ នៅសាលប្រជុំសាលាខេត្តកំពង់ចាម ឯកឧត្តម អ៊ុន ចាន់ដា អភិបាល នៃគណៈអភិបាលខេត្ត និងជាប្រធានគណៈកម្មាធិការគ្រប់គ្រងដីរដ្ឋថ្នាក់ខេត្ត និងឯកឧត្តម ខ្លូត ផន ប្រធានក្រុមប្រឹក្សាខេត្ត បានអញ្ជើញដឹកនាំកិច្ចប្រជុំគណៈកម្មាធិការរៀបចំដែនដី និងនគរូបនីយកម្មថ្នាក់ខេត្ត ដើម្បីពិនិត្យ និងធ្វើបច្ចុប្បន្នភាពអចលនទ្រព្យរដ្ឋ និងការងារគ្រប់គ្រងដីធ្លីនៅទូទាំងខេត្តកំពង់ចាម។ នាឱកាសនោះ ឯកឧត្តម អ៊ុន ចាន់ដា បានគូសបញ្ជាក់អំពីសារសំខាន់ និងភាពចាំបាច់នៃការគ្រប់គ្រង ការចុះបញ្ជី និងការធ្វើបច្ចុប្បន្នភាពទិន្នន័យអចលនទ្រព្យឱ្យបានច្បាស់លាស់ និងទាន់ពេលវេលា ដើម្បីធានាបាននូវតម្លាភាព សុវត្ថិភាពផ្លូវច្បាប់ និងប្រសិទ្ធភាពខ្ពស់ក្នុងការប្រើប្រាស់ ទាំងពេលចំពោះមុខ និងទៅអនាគត។ ជាមួយគ្នានេះដែរ ឯកឧត្តមអភិបាលខេត្ត ក៏បានផ្តល់ឱកាសជូនតំណាងមន្ទីរ-អង្គភាពជុំវិញខេត្ត លើកឡើងនូវបញ្ហាប្រឈម ការលំបាក និងសំណូមពរនានាទាក់ទងនឹងទីតាំងដីធ្លី ឬទីស្តីការអង្គភាពរបស់ខ្លួន ដើម្បីរួមគ្នាពិភាក្សា ផ្លាស់ប្តូរយោបល់ និងស្វែងរកដំណោះស្រាយសមស្រប។ ឯកឧត្តម អ៊ុន ចាន់ដា បានបន្ថែមថា អាជ្ញាធរខេត្តជានិច្ចកាលតែងតែយកចិត្តទុកដាក់ និងបង្កលក្ខណៈងាយស្រួលដល់គ្រប់មន្ទីរ-អង្គភាពទាំងអស់ ក្នុងការបំពេញភារកិច្ច និងមានទីតាំងធ្វើការងារសមរម្យ។ ឯកឧត្តមក៏បានផ្តាំផ្ញើ និងរំលឹកដល់គ្រប់មន្ទីរ-អង្គភាពពាក់ព័ន្ធ ត្រូវបន្តសហការគ្នាឱ្យបានជិតស្និទ្ធ ស្រាវជ្រាវ ប្រមូលព័ត៌មាន និងផ្ទៀងផ្ទាត់ឯកសារពាក់ព័ន្ធឱ្យបានគ្រប់ជ្រុងជ្រោយ ដើម្បីឱ្យការងាររៀបចំដែនដី និងការគ្រប់គ្រងអចលនទ្រព្យក្នុងខេត្តប្រព្រឹត្តទៅដោយរលូន ជៀសវាងការជាន់ដែនសមត្ថកិច្ច/ដីធ្លីគ្នា និងសម្រេចបានលទ្ធផលល្អប្រសើរតាមផែនការគ្រោងទុក៕

សមរភូមិក្រោយ​និងសមរភូមិមុខគឺតែ១​ ខ្មែររួមសាមគ្គីគ្នា​គឺខ្មែរខ្លាំង នៅថ្ងៃទី២៧ ខែកញ្ញា ឆ្នាំ២០២៦ លោក ង៉ោក ចរិយា នាយិការង រដ្ឋបាលសាលាខេត្តបានចូលរួមទទួលអំណោយឧបត្ថម្ភពីមន្ទីរទេសចរណ៍ខេត្ត និងក្រុមបង្កើតមាតិកា នូវគ្រឿងឿបភោគបរិភោគមួយចំនួន ក្នុងការចូលរួមចំណែកជាមួយរាជរដ្ឋាភិបាលកម្ពុជា ដើម្បីជួយដល់វីរកងទ័ពជួរមុខ ដែលកំពុងឈរជើងការពារអធិបតេយ្យភាព បូរណភាពទឹកដី តស៊ូការពារបន្ទាត់ព្រំដែន(កម្ពុជា-ថៃ ) និងចុះសួរសុខទុក្ខជូនបងប្អូនប្រជាពលរដ្ឋភៀសសឹកដែលកំពុងបន្តស្នាក់នៅតាមមណ្ឌលសុវត្ថិភាព ក្នុងខេត្តព្រះវិហារ។ សូមជូនពរ សូមជួបប្រទះនូវព្រះពុទ្ធពរ ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។៨

សមរភូមិក្រោយ​និងសមរភូមិមុខគឺតែ១​ ខ្មែររួមសាមគ្គីគ្នា​គឺខ្មែរខ្លាំង នៅថ្ងៃទី២៧ ខែកញ្ញា ឆ្នាំ២០២៦ លោក អឿ វឿន នាយកទីចាត់ការគ្រប់គ្រងធនធានមនុស្ស សាលាខេត្តបានចូលរួមទទួលអំណោយឧបត្ថម្ភពីក្រុមហ៊ុន សហគ្រាស យូ ឌីឡា នូវថវិកាចំនួន ១.០០០.០០០រៀល (មួយលានរៀល) ក្នុងការចូលរួមចំណែកជាមួយរាជរដ្ឋាភិបាលកម្ពុជា ដើម្បីជួយដល់វីរកងទ័ពជួរមុខ ដែលកំពុងឈរជើងការពារអធិបតេយ្យភាព បូរណភាពទឹកដី តស៊ូការពារបន្ទាត់ព្រំដែន(កម្ពុជា-ថៃ ) និងចុះសួរសុខទុក្ខជូនបងប្អូនប្រជាពលរដ្ឋភៀសសឹកដែលកំពុងបន្តស្នាក់នៅតាមមណ្ឌលសុវត្ថិភាព ក្នុងខេត្តព្រះវិហារ។ សូមជូនពរ សូមជួបប្រទះនូវព្រះពុទ្ធពរ ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។៨

សមរភូមិក្រោយ​និងសមរភូមិមុខគឺតែ១​ ខ្មែររួមសាមគ្គីគ្នា​គឺខ្មែរខ្លាំង នៅថ្ងៃទី២៧ ខែកញ្ញា ឆ្នាំ២០២៦ លោក ឡី មិច នាយករង រដ្ឋបាលសាលាខេត្តបានចូលរួមទទួលអំណោយឧបត្ថម្ភពីកញ្ញា ជៀម ស្រីនិច សម្ភាររួមមាន ទឹកត្រី ២០០យួរ ទឹកស៊ីអ៊ីវ ២០០យួរ ស្ករស ៦បេ ប៊ីចេងចំណុះ៥ខាំ ៧កេស ប្រេងឆាចំណុះ៨០០ml ២៥កេស និងអំបិលម៉ត់ ៤០បេ សរុបថវិកា ២.៨៥៣$ ក្នុងការចូលរួមចំណែកជាមួយរាជរដ្ឋាភិបាលកម្ពុជា ដើម្បីជួយដល់វីរកងទ័ពជួរមុខ ដែលកំពុងឈរជើងការពារអធិបតេយ្យភាព បូរណភាពទឹកដី តស៊ូការពារបន្ទាត់ព្រំដែន(កម្ពុជា-ថៃ ) និងចុះសួរសុខទុក្ខជូនបងប្អូនប្រជាពលរដ្ឋភៀសសឹកដែលកំពុងបន្តស្នាក់នៅតាមមណ្ឌលសុវត្ថិភាព ក្នុងខេត្តព្រះវិហារ។ សូមជូនពរ សូមជួបប្រទះនូវព្រះពុទ្ធពរ ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។៨

ស្រុកបាធាយ៖ នៅព្រឹកថ្ងៃទី២៧ ខែកញ្ញា ឆ្នាំ២០២៦ ឯកឧត្តម លី ថៃហាក់ និង. ឯឧត្តម លី សំអូន អនុប្រធានក្រុមការងារចុះមូលដ្ឋានស្រុកបាធាយ រួមជាមួយ​ លោក​ អ៊ូត​ ឈាងលី​ ប្រធាន​គណៈកម្មាធិការ​គណបក្ស​ស្រុកបាធាយ​ បានអញ្ជេីញចុះជួបសួរសុខទុក្ខនិងនាំយកអំណោយជាស្បៀងអាហារ ថវិកាទៅចែកជូនដល់ប្រជាពលរដ្ឋតាមខ្នងផ្ទះ ដែលជួបការលំបាកនិងខ្វះខាត ក្នុងមូលដ្ឋានឃុំមេព្រីង ស្រុកបាធាយ ខេត្តកំពង់ចាម។

អភិបាលខេត្តកំពង់ចាម អញ្ជើញចូលរួមរំលែកទុក្ខ និងគោរពវិញ្ញាណក្ខន្ធឧបាសក សេង ពោន អតីតសមាជិកក្រុមប្រឹក្សាខេត្តកំពង់ចាម អាណត្តិទី៣ (កំពង់ចាម) នាព្រឹកថ្ងៃអាទិត្យ ទី២៧ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ព្រមទាំងថ្នាក់ដឹកនាំ មន្ត្រីរាជការ មន្ទីរ-អង្គភាពជុំវិញខេត្ត បានអញ្ជើញចូលរួមរំលែកទុក្ខ និងគោរពវិញ្ញាណក្ខន្ធសពឧបាសក សេង ពោន អតីតសមាជិកក្រុមប្រឹក្សាខេត្តកំពង់ចាម អាណត្តិទី៣ ត្រូវជាឪពុកក្មេករបស់លោកវេជ្ជបណ្ឌិត ណែម ប៊ុនធឿន បុគ្គលិកមន្ទីរសុខាភិបាល នៃរដ្ឋបាលខេត្តកំពង់ចាម ដែលបានទទួលមរណភាពកាលពីថ្ងៃទី២៦ ខែកញ្ញា ឆ្នាំ២០២៦ ក្នុងជន្មាយុ៨១ឆ្នាំ ដោយជរាពាធ ស្ថិតនៅគេហដ្ឋាន សង្កាត់កំពង់ចាម ក្រុងកំពង់ចាម។ ក្នុងវេលាប្រកបដោយសមានទុក្ខនេះ ឯកឧត្តម អភិបាលខេត្ត និងសហការី បានចូលរួមរំលែកទុក្ខដ៏សែនក្រៀមក្រំជាមួយក្រុមគ្រួសាររបស់លោកវេជ្ជបណ្ឌិត ណែម ប៊ុនធឿន ដែលត្រូវជា ឪពុកក្មេក ឪពុក និងជីតាជាទីគោរពស្រលាញ់ដ៏ជ្រាលជ្រៅបំផុត ប្រកបដោយគុណធម៌ សង្គហធម៌ ព្រហ្មវិហារធម៌ល្អប្រពៃរបស់កូនៗ ចៅៗ ចៅទួត ហើយក៏ជាការបាត់បង់នូវពុទ្ធសាសនិក មួយរូប ដែលតែង តែមានសទ្ធាជ្រះថ្លាក្រៃលែងក្នុងការលើកស្ទួយព្រះពុទ្ធសាសនានៅកម្ពុជា។ ឯកឧត្តម អភិបាលខេត្ត ព្រមទាំងសហការី បានឧទ្ទិសបួងសួងដល់ដួងវិញ្ញាណក្ខន្ធ ឧបាសក សេង ពោន សូមបានទៅកាន់សុគតិភពកុំបីឃ្លៀងឃ្លាតឡើយ។🙏🙏🙏

ប្រជាពលរដ្ឋខេត្តកំពង់ចាម ថ្លែងអំណរគុណដល់មន្ទីរពេទ្យបង្អែកខេត្តកំពង់ចាម ដែលផ្តល់ សេវាសុខភាពប្រកបដោយសីលធម៌ ការយកចិត្តទុកដាក់ ស្នាមញញឹម និងជួយសម្រាលបន្ទុកអ្នកជំងឺក្រីក្រ!

ប្រជាពលរដ្ឋខេត្តកំពង់ចាម ថ្លែងអំណរគុណដល់មន្ទីរពេទ្យបង្អែកខេត្តកំពង់ចាម ដែលផ្តល់ សេវាសុខភាពប្រកបដោយសីលធម៌ ការយកចិត្តទុកដាក់ ស្នាមញញឹម និងជួយសម្រាលបន្ទុកអ្នកជំងឺក្រីក្រ! JOIN មន្ទីរព័ត៌មានខេត្តកំពង់ចាម 👉 Facebook    👉 YouTube             👉 Website 👉 TikTok 👉 X (Twitter)

អភិបាលខេត្តកំពង់ចាម អញ្ជើញចូលរួមកាន់បិណ្ឌវេនទី១ នៅវត្តជ័យគិរី (វត្តភ្នំហាន់ជ័យ) (កំពង់ចាម)៖ នៅព្រឹកថ្ងៃអាទិត្យ ១រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ព្រមទាំងថ្នាក់ដឹកនាំ មន្ត្រីរាជការ មន្ទីរអង្គភាពជុំវិញខេត្ត អាជ្ញាធរមូលដ្ឋាន និងប្រជាពុទ្ធបរិស័ទ បានមូលមតិគ្នាជាឯកច្ឆន្ទ រៀបចំប្រារព្ធពិធីបុណ្យកាន់បិណ្ឌវេនទី១ ស្ថិតនៅវត្តជ័យគិរី (វត្តភ្នំហាន់ជ័យ) ស្រុកកំពង់សៀម ដើម្បីឧទ្ទិសកុសលជូនដួងវិញ្ញាណក្ខន្ធ ដល់បុពការីជន ជាពិសេស វិរៈកងទ័ពដែលបានពលីជីវិតក្នុងបុព្វហេតុការពារបូរណភាពទឹកដីកម្ពុជា។ គួររំលឹកថា បុណ្យភ្ជុំបិណ្ឌ ជាពិធីបុណ្យមួយដែលធំជាងគេ នៅក្នុងចំណោមពិធីបុណ្យទាំងអស់ ចំពោះអ្នកកាន់ព្រះពុទ្ធសាសនា។ ជារៀងរាល់ឆ្នាំនៅពេលដល់ថ្ងៃខែ ដែលត្រូវប្រារព្ធ ពិធីបុណ្យភ្ជុំបិណ្ឌ គ្រប់បងប្អូនកូនចៅ សាច់ញាតិសន្ដានទាំងអស់ ទោះនៅទីជិត-ឆ្ងាយ តែងតែធ្វើដំណើរទៅជួបជុំគ្នា ជាពិសេសឪពុកម្ដាយនៅស្រុកកំណើត ដើម្បីរៀបចំម្ហូបអាហារ បាយសម្លរ ចង្ហាន់យកទៅប្រគេនព្រះសង្ឃ ដែលគង់នៅវត្តអារាម ហើយទាំងនេះគឺជាទម្លាប់មួយដែលគេនិយមធ្វើតៗគ្នា របស់ជនជាតិខ្មែរយើងជាយូរលង់មកហើយ៕

កូនត្រីប្រមាណ ២០ម៉ឺនកូន និងត្រីមេពូជជាច្រើនក្បាល ត្រូវបានលែងចូលក្នុងបឹងធម្មជាតិទំនប់ជ្រោយចេក (កំពង់ចាម)៖ នាព្រឹកថ្ងៃទី២៧ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញជាអធិបតីក្នុងពិធីលែងកូនត្រីចម្រុះប្រមាណ ២០ម៉ឺនកូន និងត្រីមេពូជជាច្រើនក្បាល ចូលទៅក្នុងប្រភពទឹកបឹងធម្មជាតិ នៅទីតាំងទំនប់ជ្រោយចេក ក្នុងឃុំស្រក ស្រុកកំពង់សៀម។ ព្រឹត្តិការណ៍នេះត្រូវបានរៀបចំឡើងដោយរដ្ឋបាលខេត្តកំពង់ចាម ដោយមានការឧបត្ថម្ភ និងគាំទ្រពីក្រុមហ៊ុន Ganzberg។ ក្នុងឱកាសនោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានបង្ហាញនូវក្តីរីករាយចំពោះការរៀបចំព្រឹត្តិការណ៍ដ៏សំខាន់នេះ ដែលជាការរួមចំណែកយ៉ាងសកម្មជាមួយរាជរដ្ឋាភិបាល ក្នុងការលើកកម្ពស់ការអភិរក្សធនធានជលផល និងការបង្កើនបរិមាណត្រីក្នុងប្រភពទឹកធម្មជាតិ។ ឯកឧត្តមអភិបាលខេត្តបានមានប្រសាសន៍សង្កត់ធ្ងន់ថា៖ «ការលែងកូនត្រី និងត្រីមេពូជនាពេលនេះ មិនត្រឹមតែជួយស្តារ និងបង្កើនស្តុកត្រីក្នុងប្រភពទឹកធម្មជាតិប៉ុណ្ណោះទេ ប៉ុន្តែថែមទាំងរួមចំណែកយ៉ាងសំខាន់ដល់ការធានាសន្តិសុខស្បៀង អាហារូបត្ថម្ភ និងការលើកកម្ពស់ជីវភាពរស់នៅរបស់ប្រជាពលរដ្ឋក្នុងមូលដ្ឋានឱ្យកាន់តែប្រសើរឡើង។ កន្លងមក ក្រោយពីរាជរដ្ឋាភិបាលបានលុបបំបាត់ឡូត៍នេសាទ ខេត្តកំពង់ចាមសម្រេចបានការបង្កើតសហគមន៍នេសាទចំនួន ២០សហគមន៍ និងកន្លែងអភិរក្សមេពូជត្រីចំនួន ២៩កន្លែង។ ដូច្នេះ យើងត្រូវតែរួមគ្នាថែរក្សា និងអភិវឌ្ឍសមិទ្ធផលទាំងនេះឱ្យមានចីរភាព»។ ឯកឧត្តម អ៊ុន ចាន់ដា ក៏បានអំពាវនាវបន្ថែមឱ្យអាជ្ញាធរដែនដីគ្រប់លំដាប់ថ្នាក់ មន្ទីរ-អង្គភាពពាក់ព័ន្ធ និងប្រជាសហគមន៍ទាំងអស់ បន្តសហការគ្នាយ៉ាងជិតស្និទ្ធក្នុងការការពារតំបន់អភិរក្ស និងស្រះជម្រកត្រី។ ជាពិសេស ត្រូវបង្កើនកិច្ចខិតខំប្រឹងប្រែងក្នុងការទប់ស្កាត់ និងបង្ក្រាបបទល្មើសនេសាទខុសច្បាប់គ្រប់ប្រភេទ ដូចជា ការប្រើប្រាស់ឧបករណ៍ឆក់ ស្បៃមុង ឬសារធាតុពុល ព្រមទាំងទប់ស្កាត់ការកាប់ឆ្ការ និងការទន្ទ្រានកាន់កាប់ដីព្រៃលិចទឹក។ ការចូលរួមរបស់បងប្អូនទាំងអស់គ្នា គឺជាកត្តាកំណត់ជោគជ័យក្នុងការថែរក្សាធនធានជលផល ដើម្បីបង្កើនប្រាក់ចំណូល និងទុកជាសម្បត្តិមរតកដល់កូនចៅជំនាន់ក្រោយៗទៀត៕