КЫРГЫЗ ТИЛИ ЖРТ

📚 Илим тармактары жана алардын мааниси Нумизматика — тыйындарды, акчаларды жана медалдарды изилдөөчү илим. Геральдика — гербдерди жана алардын тарыхын изилдөөчү илим. Сфрагистика — мөөрлөрдү изилдөөчү илим. Палеография — байыркы жазууларды жана кол жазмаларды изилдөөчү илим. Археология — байыркы адамдардын жашоосун материалдык эстеликтер аркылуу изилдөөчү илим. Этнография — элдердин турмушун, каада-салтын жана маданиятын изилдөөчү илим. Топонимика — жер-суу аталыштарын изилдөөчү тармак. Антропонимика — адам аттарын, фамилияларын жана алардын келип чыгышын изилдөөчү тармак. Ономастика — энчилүү аттарды изилдөөчү тил илиминин тармагы. Этимология — сөздөрдүн келип чыгышын жана тарыхын изилдөөчү тил илиминин бөлүмү. Диалектология — тилдин аймактык өзгөчөлүктөрүн, диалектилерин изилдөөчү тармак. Лексикология — тилдин сөздүк курамын изилдөөчү илим. Фразеология — туруктуу сөз айкаштарын изилдөөчү тил илиминин бөлүмү. Архив таануу — архивдик документтерди сактоо, уюштуруу жана изилдөө менен алектенүүчү тармак. Генеалогия — адамдын же үй-бүлөнүн ата-тегин, санжырасын изилдөөчү тармак. Хронология — тарыхый окуялардын даталарын жана убакыттык ырааттуулугун аныктоочу тармак. Картография — географиялык карталарды түзүү жана изилдөө илими. Иконография — сүрөттөрдөгү, көркөм чыгармалардагы образдарды жана символдорду изилдөөчү тармак. Мифология — элдердин мифтерин, уламыштарын жана мифологиялык түшүнүктөрүн изилдөөчү тармак. Фольклористика — элдик оозеки чыгармачылыкты изилдөөчү илим. Билип ал📝✅

Алтындарым💛 Жоопторун чатка жазабыз📝

Көрүп олтуруп, эң чоң эмгек экендигин баамдадым. Мен башында, эмне үчүн шырдак деп атабайт деген ойдо элем. Көрсө, шырмал менен шырдактын өтө чоң айырмасы бар тура. Биздин облуста шырдак жасоо абдан жакшы жолго коюлган. Шырдакты эки өңдөгү кийизден оюштуруп, анан жөрмөп, анан шырыйт. Ал эми бул аймакта кийиздин үстүнөн, оюуну чийип алып, ар түрдүү жоон жиптерди бастырат тура. Деги эле, кыргыздын улуттук кол өнөрчүлүк кесиби - өтө машакаттуу, көп эмгекти талап кылган өнөрлүү кесип болуп эсептелет. Постто жазылгандай бул өнөрдү унутта калтырбай, жаштарыбыз улап кетет деген чоң ишенимдебиз, улуттук кол өнөрчүлүктү изилдеген ишиңде ийгиликтерди каалайм!

🌿 ТИЛ — УЛУТТУН ЖҮРӨГҮ, ЭЛДИН ЖАН ДҮЙНӨСҮ. Эне тилим — элимдин үнү, Эзелтеден калган улуу муңу. Ар бир сөзү — бабалардын изи, Ар бир тамга — тарыхымдын сыры. Тилим барда — менин улутум бар, Тилим барда — менин бүтүндүгүм бар. Кылымдарды карыткан кыргыз тилим, Жүрөктөрдө түбөлүккө жашай бер! 🤍 23-сентябрь — Мамлекеттик тил күнү! 🇰🇬 Эне тилибизди аздектейли, барктайлы, байыталы жана кийинки муунга таза мурас кылып өткөрөлү. Кыргыз тили — кечээбиздин мурасы, бүгүнүбүздүн сыймыгы, эртеңибиздин керемети! ✨

🇰🇬 31-Август — Кыргыз Республикасынын Эгемендүүлүк күнү! Эгемендик — бул эркиндик гана эмес, элдин намысы, жердин ыйыктыгы, келечек алдындагы жоопкерчилик. Көк асманыбыз ачык, элибиз ынтымактуу, өлкөбүз өнүгүү жолунда болсун! Эгемендүүлүгүбүз түбөлүктүү болсун! 🇰🇬❤️ Улуу Кыргызстандын улуу күнү кут болсун!

УЧА .... тартуунун аземи,салтанаты, жөрөлгөсү мааниси... ( уча тартканда акча берүү керекпи?,,, жокпу? деген суроого жооп иретинде) (Нарк куржундан) Кадимки Токсоба төрө Кашкардан кайтканда,журт мыктылары, астына улак тартып, үстүнө өргөө көтөртүп, казысы СЕРЕ чыккан ( эки эли,беш эли, таман,андан кийин сере деп өлчөнөт) баабединдеп, бата айтылып, туу бээни жыгып, УЧАНЫ эки жигит замбилдеп көтөрүп кирип Төрөгө тартышат .Ошондо төрөнүн Уланкасыр деген жанжигити ыргып чыгып,УЧА акысы деп, тарткандарга ТАЙ ЖЕТЕЛЕТКЕН экен. Кадимки Садыр аке, Кочкордогу, Чекилдектин түзүндө өткөн чоң курултайда,Алайдан ат арытып кырк жигити менен келген Алымбек Даткага, кадырын арттырып,кастарлата Учаны тарттырганда ,Нарк билги кайран Датка атабыз,БИР ЖЫЛКЫНЫН БААСЫНА ЖАСАЛГАН, алтын басылып,күмүш чегилген КЕМЕРДИ КЕСТИГИ менен УЧА тарткан жигитке карматкан экен. Арийне,эл ичиндеги эле аңыз кептин учугун айттым. Шыр айтканда, Учаны тартуу салты укмуш эми... Уча тартылуучу өргөө...(аземделип жасалгаланган)... Учанын дасторкону (саркечтелип,саймасы менен көркөмдөлгөн)... Учага деп ( КОШ МИЗДҮҮ канжар) сунулган... Уча тарткан жана алган тарапты ЖАРЧЫЛАР ЫРГА кошкон... Уча кирген өргөөгө АСАБА КӨТӨРТҮШКӨН... Уча,жаш курагына карабастан,АЙТКАНЫ ЭМ БОЛГОН, КАЙРАТЫ ДЕМ БОЛГОН,,КЕЛЕЧЕКЕ КЕРБЕНДИН ЖОЛУН КӨРГӨЗГӨН,КАРАСА КӨЗҮ ,КААЛАСА СӨЗҮ ЖЕТКЕН, КАЛКТЫН КАШКӨЙ ЖАКШЫСЫНА тартышкан экен. Мына !, эзелки элибиздин салты! Элдик жөрөлгөнүн туу чокусу!!! Учурда,учаны элибизде эмдигиче салты тутуп каадасы менен тартышат. Биле жүрөлү... Сүйүнбек Касмамбетов #улуттук_нарк #улуттук_салт

«Улуттан нарк калат, атадан салт калат.» Нарк — улуттун жүрөгүндө сакталган асыл баалуулук, салт — атадан балага мурас болуп өткөн ыйык жол. Ата-бабанын аманатын урпак улап, улуттун улуулугун, салттын наркын сактайт. ❤️🇰🇬

Салам, достор! ☀️ Жайкы каникулуңар кандай өтүп жатат? Убакытты текке кетирбей⏳ЖРТга азыртан даярдангыла! Биз менен бирге: ✅ ЖРТ тесттерин иштейбиз ✅ Теориялык темаларды кайталайбыз ✅ Практикалык сабактарды өтөбүз ✅ Жогорку упай алууга багытталган даярдык көрөбүз Келечегиңер үчүн пайдалуу жай өткөргүңөр келсе, бизге кошулгула! 📞 WhatsApp: 0706 95 47 95 Бүгүнкү аракет — эртеңки ийгиликтин ачкычы! 🎓