Tarek Elabyad ✌️

🌱.

السلام عليكم ازيكم ياشباب يارب تكونوا بخير بالنسبة بقا ان جروب الواتس اب سعته 1025 وفيه حوالي 300 طلب فـ إحنا قررنا نعمل قناة تبقا شاملة ومساعدة للجروب وتبقا حيز إضافي للجروب وتساعدڪم الرابط..

https://whatsapp.com/channel/0029VbApuRHK0IBmW15pqH0S

في الحياة مش دايما هنكسب من أول مرة بس اللي يفرق فعلا هو اللي بيقوم ويكمل أقوى اللي حصل حصل المهم دلوقتي تستغل الفرصة دي 1/ راجع أخطائك بصدق شوف إيه السبب الحقيقي هل كنت بتأجل؟ ما كنتش بتفهم؟ بتذاكر غلط؟ اعرف السبب علشان تعرف تعالجه 2/ غير طريقة مذاكرتك جرب أساليب جديدة اسأل افهم خليك ذكي في وقتك نظمه ومتلومش نفسك كتير 3/ اثبت إنك قدها خليك قد التحدي واثبت لنفسك إنك مش شخص بيستسلم بل شخص بيقوم وبيتعلم من كل غلطه 4/ خليها نقطة تحول في ناس كتير كانوا زيك وجابوا أعلى الدرجات بعد كده.مش المهم البداية المهم النهاية 5/متقارنش نفسك بحد كل واحد ليه ظروفه وطريقه ركز في نفسك وخليك فخور بكل خطوة بتعملها لقدام. بالتوفــيق بإذن الله🫶

كل كلمة قلتيها واضحة قد إيه تعبتي من كتر التفكير والتوتر والضغط وتشتتك بين مدرسين كتير وكل واحد ليه طريقته والواجبات اللي بتتعمل بالعافية علشان تخلصي مش علشان تتفهميأول حاجة لازم تهدي وتعرفي إن ده طبيعي جدا إننا نتلخبط ونبقى مش عارفين نركز نختار مين ونسيب مين خصوصا في تالتة اللي كلها توتر وكلام كتير بس أهم حاجة دلوقتي تعمليها إنك توقفي وتقيمي كل مدرس هل بيشرحلك فعلاً ولا بيجري في المنهج؟ هل بتخرجي من الحصة فاهمة؟ هل بيغرقك واجب وخلاص ولا الواجب مفيد؟ لو إجابتك لأ على الأسئلة دي يبقى المدرس ده مش مناسبك حتى لو الناس كلها معاه مش لازم تحجزي مع كل الناس إنتي مش مطالبة ترضي كل التريندات إنتي مطالبة تريّحي نفسك وتفهمي موضوع إنك بتحاولي تكتبي الواجب بالعافية أو بتحضري حصص مش بتستفيدي منها ده في حد ذاته بيضيع وقتك وطاقتك الراحة النفسية أهم بكتير من الكم لأن طول ما دماغك مشتتة ومتوترة مش هتدخلي أي معلومة مهما حضرتي مش لازم كل الناس تبدأ من أول الحصة وتبقى مركزة ومش لازم نمشي زي الكتاب ما بيقول أهم حاجة نلاقي طريقنا احنا وفاكرة دايما إن ومن يتوكل على الله فهو حسبه وإنك طول ما نيتك إنك تجتهدي وتنجحي علشان ترضي ربنا وتحققي هدفك فربنا عمره ما هيسيبك قولي اللهم اجعل هذا العام نهاية لكل تعب وبداية لكل خير تمنيت ووفقني لما تحب وترضى وخلل دايما قلبك مطمن إنك في رعاية ربنا، وكل حاجة هتعدي وهتفرحي بثمار تعبك قريب إن شاء الله

بالـتـوفـيـق🫶

اشوف تفاعـل وبـعدها اڪمل

تأسيس الإنجليزي لازم تركزي على 3 حاجات 1. الجرامر هو المفتاح لفهم القطعة الترجمةوالاختيارات أهم دروس تأسيس الأزمنة (Present – Past – Future) If conditionals Relative clauses Passive voice Modal verbs (can – should – must...) مصادر للتأسيس قناة مستر عصام غانم أو ذاكرلي إنجليزي – Grammar playlist كتاب The Best grammar units – ابدئي بأول 5 وحدات 2. الترجمة والقطع: اعرفي كلمات جديدة كل يوم (من كتاب المدرسة أو كتب ذاكرلي / العمالقة) استخدمي تطبيق زي Quizlet أو كروت للمراجعة السريعة. تمرني على ترجمة جمل من عربي لإنجليزي والعكس 3. الكتابة: احفظي شكل المقالات المتوقعة (email – paragraph – article) استخدمي جمل ثابتة وتعبيرات قوية تأسيس العربي 1. القراءة والنصوص: فهم المعاني المفردات والشرح خدي درس أو اتفرجي على فيديوهات مبسطة للقراءة والنصوص القديمة من تانية وثالثة البلاغة: افهمي (التشبيه، الاستعارة، الكناية، المجاز)وغيرهم النحو: ابداي من الأساسيات: الفاعل، المبتدأ والخبر، كان وأخواتها، إن وأخواتها، جمع التكسير وغيرهم احفظي القواعد + تدربي عليها بأسئلة بسيطة كل يوم تقدري تتابعي قناة مستر رضا الفاروق أو الدحيح في النحو لو تحبي أجهزلك خطة تأسيس أو تلخيص للقواعد المهمة قوليلي ولو عندي وقت اعمل دا م هتاخر ولو عايزة ترشيحات لمدرسين على يوتيوب كمان أقولك أفضلهم

بالتوفيق

اه في علاقة بين فيزياء تانية ثانوي وفيزياء تالتة ثانوي بس مش في كل حاجة. هوضحلك دا...... إيه اللي ليه علاقة؟ في تانية ثانوي بتدرسي أساسيات كتير قوانين الحركه قوانين نيوتن وغيروا...... كل دي حاجات بتكون الأساس اللي هتبني عليه في تالتة في تالتة ثانوي هتكملي على ده لكن بمستوى أعمق هل لازم أكون فاهمة تانية كويس قبل ما أبدأ تالتة؟ مش لازم تكوني حافظة كل كلمة من تانية لكن مهم تكوني فاهمة الأساسيات لو ناسية أو مش مركزة في تانية ممكن تراجعي أفكار بسيطة منها قبل ما تدخلي على تالتة

الخلاصه.......

فيزياء تانية = الأساس فيزياء تالتة = التطبيق والعمق يعني لو عايزة تبقي شاطرة في فيزياء تالتة راجعي الأساسيات من تانية بس بسرعة مش لازم ترجعي المنهج كله لو تحبي أقولك جدول مراجعة بسيط لمراجعة أساسيات تانية في أسبوع أو تلخيص سريع للي مهم منها لتالتة قوليلي

المقارنه بتعتمد على أسلوب كل طالب واحتياجه لكن هقولك المميزات والفرق بينهم وانتي تختاري الافضل ليكي مستر محمد أيمن: الأسلوب: شرح بسيط وسلس، بيحب يبسط المعلومة ويوصلها بشكل بسيط التركيز: بيهتم جدًا بالفهم قبل الحفظ وبيشتغل على الأساسيات الشرح: بيكرر ويوضح، فمناسب للّي بيحس إن الأحياء صعبة أو مش بيحب يحفظ كتير المراجعة: عنده مراجعات قوية وتبسيط للكتاب بشكل كويس جدًا ✅ مناسب لو: بتفضلي الشرح الهادي والمفصل محتاجة حد يساعدك في الفهم الأول وبعدين الحفظ مش بتحبي التعقيد أو الشرح السريع مستر أحمد الجوهري: الأسلوب: حازم وسريع وبيشرح بأسلوب المتميزين التركيز: بيهتم بالتفاصيل الدقيقة والأسئلة المتوقعة في الامتحانات الشرح: منظم جدًا ومناسب للي عنده خلفية كويسة في الأحياء الملخصات: قوية جدًا، وبيطلع منها امتحانات كتير ✅ مناسب لو: بتحبي الشرح المركز والسريع مستواكي متوسط أو فوق المتوسط عايزة مدرس يجهزك للامتحان بشكل مباشر

رأيي بصراحة:

لو لسه بتحاولي تفهمي الأساسيات ومش بتحبي الأحياء أوي ➤ اختاري محمد أيمن. لو فهمتي المادة وعايزة تدخلِي في الجد وتستعدي بقوة للامتحانات ➤ يبقى أحمد الجوهري هيشدك.

باقي 50 والجروب يكتمل..

https://chat.whatsapp.com/JHz0uVGyuXaIgz1gD7wwrF

جروب واتس اب هيفيدكم في 3 ثانوي هقبل 200 بس الحقوا قدموا طلبات ☻

• احنا داخلين مرحله مش صعبه بس مهمه ف اهم حاجه انك تبقا عارف هتمشي ازاي تبقا مظبط معاد نومك معاد مذاكرتك تبقا صاحي مقسم يومك ومرتبله •احسن وقت للمذاكره بالنسبه ليا من 5او 6الصبح التركيز بيبقا عالي في الوقت دا وحاجه كمان تبقا معاد نومك ومذاكرتك تلتزمي ب مواعيد مذاكره ونوم وصحيان ثابتين دا هيزيد التركيز جدا والنوم من 11او 10 وكدا يبقا نمت القدر ال محتاجوا علشان تبقا مركز بالتوفيق🫶