AI | DigiTech

💾 SanDisk 2027-yilda 1 petabaytlik (1024 TB) SSD'ni chiqaradi. U SSD SanDisk'ning yangi platformasi UltraQLC da ishlaydigan bo’ladi. Bundan tashqari, kompaniya sun’iy intellektlar uchun xotira yetishmasligi muammosini hal qilish maqsadida 3D DRAM ustida ishlamoqda — katta tilli modellari (LLM) har 1-2 yilda o’rtacha ~10 baravar o’sib bormoqda va ularga ko’pincha xotira yetmay qoladi. 📟 DigiTech

⚡️Chatbotlar o’z tillarida muloqot qilishni boshlashdi. Ular boshqa chatbot bilan gaplashayotganlarini tushunishlari va signallar orqali so’zlashishga o’tishlari mumkin. Odam bu signallarni tushunmaydi, chatbotlar esa be’malol shunday o’zaro ma’lumot almashishlari mumkin. Hozircha bu ElevenLabs'ning ggwave audio signallari kutubxonasi yordamida qilingan, lekin yaqin kelajakda ular o’zlari uchun mutlaqo yangi til o’ylab topib suhbatlashishni boshlamasliklariga hechkim kafolat bera olmaydi. 📟 DigiTech

⚡️Microsoft Copilot bepul bo’ldi — endi istagan odam undan bepul va limitlarsiz foydalanishi mumkin. • Ovozli rejimdan foydalanish ham endi limitlarsiz — neyrotarmoq bilan soatlab muloqot qilishingiz mumkin. • Copilot OpenAI’ning o1 modeli asosida ishlaydi. • Think Deeper funksiyasi yoqilsa neyrotarmoq so’rovga javob ideal bo’lguncha cheksiz fikrlaydi. 👉 Sinab ko’rish uchun havola. 📟 DigiTech

⌚️«OnePlus Watch 3»ning birinchi partiyasidagi soatlar orqasidagi yozuvda kulgili xatolikni topishdi — «Made in China» yozuvi o’rniga «Meda in China» yozilgan. OnePlus bunga «super limitlangan partiya» deb izoh berdi. Hazlni tushumaganlar uchun esa soatni boshqasiga almashtirib berishga va’da berishmoqda. Abibas 🤝🤝 Meda in China 📟 DigiTech

⚡️Google hisobga kirish uchun SMS'ni QR kodga almashtiradi — hozircha faqat Gmail'da. Bu firibgarlik va hisoblarni o’g‘irlash xavfini kamaytirish bilan izohlanmoqda, yangilanish barcha uchun yaqin oylarda joriy qilinadi: tizimga kirish uchun smartfon kamerasini monitorga qaratib, QR kodni skanerlash kerak bo’ladi. 📟 DigiTech

⚡️Anthropic o’zining birinchi «fikrlaydigan» modelini chiqardi — Claude 3.7 Sonnet. U foydalanuvchining so’rovlariga javoblarini ikki marta tekshiradi. Yangi model SWE benchmarkiga ko’ra 3,5 Sonnet va OpenAI o1 dan bir necha barobar kuchliroqdir. U kod yozishi, matnlar bilan ishlashi, ma’lumotlarni tahlil qilishi va tadqiqotlar tayyorlashi mumkin. Asosiysi undan foydalanish bepul. 👉 Sinab ko’rish uchun havola. 📟 DigiTech

🚴 Mercedes yangi AMG'ni chiqardi, lekin avtomobil emas, elektr velosiped — AMG F1 City Edition 750. Bir zaryadda 112 km yuradi, maksimal tezligi esa 45 km/soat. To’rtta haydash rejimi mavjud — endi hatto velosipedda ham «Sport» rejimini yoqishingiz mumkin. Narxi “atigi” 4000 dollar. 📟 DigiTech

🤖 Anatomik jihatdan eng odamga o’xshash robotni ishlab chiqayotgan Clone startapi ilk bor robotning butun tanasini ko’rsatdi. Gidravlikada ishlaydigan sun’iy mushaklar sintetik teri ostida yashiringan. Kelajakda ushbu androidlardan xizmatkor sifatida foydalanishmoqchi, oldindan buyurtmalarni esa shu yildan ochishadi (hozircha narxi ma’lum emas). 📟 DigiTech

⚡️Tadqiqot: Counter Strike o’yini miyani rivojlantiradi. Sheffild universiteti olimlari 230 ta o’yinchida tadqiqot o’tkazishdi va ushbu o’yin kognitiv qobiliyatlarni kuchaytirishini aniqlashdi. Tadqiqot natijalari: • CS o’yinchilari oddiy odamlarga qaraganda tezroq qarorlar qabul qilishadi. • Ular qiyin vazifalarni boshqalarga qaraganda yaxshiroq va tezroq bajarishadi, ularning strategik fikrlashi esa oddiy odamlarnikidan birnecha marta yaxshiroqdir. • O’yinchilar kamroq stressga tushishadi — bu shifokor va o’t o’chiruvchilar kabi murakkab kasblarda foydali bo’lishi mumkin. Ko’pchilik o’zi bilmay miyani rivojlantirib kelayotgan ekanda :) 📟 DigiTech

⚡️Olimlar tug’ma ko’rlikni yengishdi — shifokorlar tug’ma ko’r bo’lgan bo’lalarni tarixda birinchi bor davolay olishdi. Bolalarga AIPL1 genidagi mutatsiya natijasida kelib chiqqan tug’ma amauroz tashxisi qo’yilgan, shu sababli ular butunlay ko’r bo’lib qolishgan. Shifokorlar ushbu bolalar ko’zining to’r pardasiga genning sog’lom nusxalarini joylashtirdilar. Operatsiyadan besh yil o’tgach ham ular yaxshi ko’rishmoqda. Hozirda ushbu bolalar ota-onalarining yuzlarini taniy oladilar, hatto o’qish va yozishlari mumkin. 📟 DigiTech

🤖 Norvegiyadagi 1X kompaniyasi uy ishlarini bajaradigan xizmatkor Neo Gamma gumanoid robotini namoyish etdi. Neo Gamma choy tayyorlashi, uyni changyutkichda tozalashi va narsalarni joylashtirishi mumkin. Lekin asosiysi — unga SI o’rnatilgan bo’lib, robot asta sekin o’z egalari va ularning odatlariga moslashib boradi. Kelajak allaqachon shu yerda. 📟 DigiTech

🧠 Reading universiteti olimlari nonushtaga yong’oq iste’mol qilish miya faoliyatini kuchaytirishini aniqlashdi. Konsentratsiya, xotirani va qaror qabul qilish tezligini yaxshilash uchun har qanday nonushtaga 50 gramm yong’oq qo’shish kifoya. Effekt olti soat saqlanadi. 📟 DigiTech

🛰️ Xitoyliklar koinotdan yuzlarni tiniq ko’ra oladigan kamerani yaratishdi. Bu tarixdagi eng kuchli josuslik qurilmasi bo’lishi mumkin. Kamera lazer tizimida ishlaydigan bo’lib, 100 km masofadagi 1,7 mm gacha bo’lgan kichik obyektlarni tanib olish imkonini beradi. Ya’ni tom ma’noda koinotdan sizni va smartfoningizda nimalar qilayotganingizni kuzatib turishlari mumkin. Endi bizni Xitoy josuslaridan faqat bulutlar qutqarishi mumkin) 📟 DigiTech

🎥 Filmlar va seriallar parchalaridan til o’rganish uchun sayt chiqdi. Qiyinlik darajasini yoki aksentni tanlashingiz mumkin va sayt epizodlar ro’yxatini ko’rsatadi. Ularning har biri lug’at, grammatika, matnni tushunish va talaffuz bo’yicha vazifalarni o’z ichiga oladi. Asosiysi undan foydalanish bepul. 👉 Sinab ko’rish uchun havola. 📟 DigiTech

🚘 Uchar mashinalar reallikga aylandi — ucha oladigan Model A elektromobili namoyish etildi. Model A bir zaryadda 350 km yo’lni bosib o’ta oladi va 176 km masofagacha ucha oladi. 3000 dan ortiq odam allaqachon 300 ming dollardan to’lab oldindan buyurtma berishgan, ommaviy ishlab chiqarish esa shu yildan boshlanadi. Endi tirbandliklardan uchib o’tib ketsa bo’ladi :) 📟 DigiTech

☄️NASA 2024 YR4 asteroidining 2032-yilda Yerga tushishi ehtimolini 3,1 foizgacha oshirdi — endi u kuzatishlar tarixidagi eng xavfli kosmik obyekt hisoblanadi. Sayyora bilan to’qnashuv sodir bo’lgan taqdirda zarba to’lqini Xirosimaga tushgan atom bombasidan 500 barobar kuchliroq bo’ladi, Kolumbiya, Nigeriya va Hindiston xavf ostida. Shunga qaramay, vahima qilishga asos yo’q: Yerga tushish ehtimoli hali juda kichik va NASA'da asteroidlarning trayektoriyasini o’zgartirish bo’yicha tajribasi ham bor, 2022-yilda NASA zond yordamida Dimorf asteroidi trayektoriyasini o’zgartirgan edi. 📟 DigiTech

🌳 Xitoyning Van'an shahrida qadimiy daraxtni kesmaslikka qaror qilishib, yo’lni uning atrofida qurishdi. Aytishlaricha, bu banyan daraxtining yoshi yuzlab yillar bo’lishi mumkin, shuning uchun uni yo’q qilish juda shafqatsiz bo’lardi. 📟 DigiTech

⚡️Microsoft kompaniyasi topologik o’tkazgichlardan foydalangan holda insoniyat tarixidagi birinchi kvant chipini yaratdi. Buning uchun kompaniya yangi materiya holatini kashf qildi. Bu bir vaqtning o’zida texnologiya va fizikadagi fundamental inqilobdir — qisqacha tushuntirishga harakat qilamiz:

• Materiyaning uchta asosiy turi mavjud: qattiq, suyuq va gaz — bugun esa bu o'zgardi! • Microsoft tadqiqotga 20 yil sarfladi va materiyallarning yangi turini — topologik o’tkazgichlarni yaratdi. • Topologik o’tkazgichlar materiyaning yangi holatini yaratadi — qattiq, suyuq yoki gazsimon emas, balki topologik. • Topologik kubitlar termodinamika va elektrodinamika qonunlari bilan cheklanmaydi. • Ular yordamida insoniyat million kubitli kvant kompyuterini yaratishi mumkin — u hatto zamonaviy superkompyuterlarda ham minglab yillar talab qiladigan muammolarni bir zumda hal qila oladi. • Bu shunchaki tadqiqot emas: Microsoft'da allaqachon topologik o’tkazgichlarda ishlaydigan «Majorana 1» chipi mavjud.

• Topologik o’tkazgichlar 20-asrda yarimo’tkazgichlarning yaratilishi bilan taqqoslanadigan fundamental kashfiyotdir. • Microsoft hozirda kaft o’lchamidagi navbatdagi chipni yaratmoqda, u Yerdagi barcha kompyuterlardan kuchliroq bo’ladi (hatto barchasini birlashtirganda ham). • Topologik o’tkazgichlar bilan chip yaratish uchun o’nlab emas, atigi birnecha yil yetadi. • Bunday kvant kompyuteri dunyoni o’zgartirib yuborishi mumkin. 📟 DigiTech

💰Yaxshi daromad topish qobiliyati gendan o’tishi aniqlandi. Olimlar 12 mamlakatdan 668,288 kishinining genlarini o’rganib chiqishdi va genomda pul ishlash qobiliyati bilan bog’liq bo’lgan hududlar borligini aniqlashdi. – Genlar potensial yaxshi daromadga 25% ta’sir qiladi; – O’qishda yaxshiroq o’rganishga yordam beradigan genlar ko’pincha «pul genlari» bilan bog’liq. – Pul geniga ega odamlarning ruhiy salomatligi yaxshi bo’ladi va ko’p tavakkal qilishga moyilligi bo’ladi. 📟 DigiTech

👩‍💻Qizlar uchun "Technovation Girls Uzbekistan 2025” xalqaro tanlovining yangi mavsumiga ro‘yxatdan o‘tish boshlandi Technovation Girls Uzbekistan – O‘zbekistondagi qizlar uchun yirik STEM-dastur yangi mavsumiga start berildi. Ushbu dastur Tech4Impact tomonidan Raqamli texnologiyalar vazirligi, Raqamli ta’limni rivojlantirish markazi va Yandex Uzbekistan kompaniyasi bilan hamkorlikda tashkil qilindi. 👩‍💼2025-yilda hamkorlik doirasida Yandex mutaxassislari O‘zbekistonning barcha hududlaridan ishtirok etadigan jamoalarga yana mentorlik qiladi. Har bir jamoa 3 oy davomida mentorlar yordamida ijtimoiy yo‘naltirilgan mobil yoki veb-ilovani yaratishi, loyihaning biznes rejasini yozishi va loyiha haqida video tasvirga olib, o‘z loyihasini tanlov finalida taqdim etishi kerak bo‘ladi. 💻O‘zbekiston jamoalari quyidagi mavzularda mobil ilovalarni ishlab chiqadi: ta’lim sifatini yashilash uchun AI (sun’iy intellekt)dan foydalanish, nogironligi bor odamlarga yordam berish va maktablarda bullingni pasaytirish, daraxt ekish va havo sifatini kuzatish, yo‘l harakati xavfsizligini kuchaytirish, moliyaviy firibgarliklar holatlarini kamaytirish, ayollarning imkoniyatlari va huquqlarini kengaytirish va boshqa mavzular. 📲Technovation Girls Uzbekistan tanloviga ro‘yxatdan o‘tish 2025-yil 1-martgacha ochiq bo‘ladi. https://my.technovationchallenge.org/