AI | DigiTech

⚡️Samsung dunyodagi birinchi ko‘zoynaksiz 3D 6K monitor — Odyssey 3D (G90XH)ni namoyish etdi. Qurilmaning asosiy xususiyati ko’zni kuzatish texnologiyasidir. Monitor foydalanuvchi boshining holatiga qarab perspektivani moslaydi va chuqurlik effektini yaratadi. Texnik xususiyatlari: ekran o‘lchami 32 dyuym, IPS matritsa, tasvir sifati 6144 x 3456 piksel, kadrlar yangilanish chastotasi 165 hz. 330 hz chastotali 3K rejimiga ham o‘tkazish mumkin. Sotuvlar kelasi yilda, narxi esa 2000 dollardan boshlanadi. 📟 DigiTech

📱 Xiaomi o‘zining eng zo‘r fotoflagmani — Leica optikasi va top versiyasida zumni boshqarish uchun aylanma halqa mavjud 17 Ultra modelini namoyish etdi. Texnik xususiyatlari: - 6.9 dyuymli 120 hz OLED ekran - Snapdragon 8 Elite Gen 5 protsessori - 16 GB + 1 TB xotiragacha - batareya 6800 mA/soat, 90 Vt - 4.3x zumli 200+50+50 Mp kameralar Xitoyda narxi — 990 dollardan boshlanadi. 📟 DigiTech

💊 AQSh'da vazn yo‘qotish uchun mo’ljallangan birinchi tabletka ma’qullandi — FDA Wegovy preparatini rasman xavfsiz dorilar ro‘yxatiga kiritdi. Bu tabletka ~14 oy davomida, jiddiy asoratlarsiz vaznni o‘rtacha 16,6% ga kamayishiga yordam bera oladi. Uni kuniga bir marta qabul qilish yetarli. Wegovy 2026-yilning yanvar oyida sotuvga chiqariladi. 📟 DigiTech

⚡️Nihoyat, @gmail.com pochta manzilini o‘zgartirish imkoniyati paydo bo‘ldi. Google ayrim mamlakatlarda yangi funksiyani joriy etishni boshladi. Email manzillarini yiliga bir marta, jami uch martagacha o‘zgartirish mumkin bo‘ladi. Barcha manzillar, shu jumladan eski manzil ham ishlashda davom etadi — unga kelgan barcha xatlar yangi pochta manziliga yo‘naltiriladi. Nihoyat, yoshlikda ochilgan Gmail'larni o’zgartirish mumkin bo’ladi :) 📟 DigiTech

🚘 Xitoyning Luxeed (Huawei va Chery qo‘shma brendi) o‘z avtomobillariga bosh va yelkani himoyalovchi «inqilobiy» xavfsizlik yostiqchalarini o‘rnatishni boshlaydi. Bunday xavfsizlik yostiqchalari birinchi bo‘lib 2026-yilda ishlab chiqariladigan Luxeed V9 miniveniga o’rnatilishi kutilmoqda. O‘rindiqlardagi yostiqlar an’anaviy yostiqlar bilan bir vaqtda ishga tushib, boshni deyarli to‘liq va tananing bir qismini o‘rab oladi, bu esa jarohatlar xavfini minimal darajaga tushirishi kerak. 📟 DigiTech

🚘 BMW o‘z avtomobilingizni mustaqil ta’mirlashingizni istamaydigan ko‘rinadi — kompaniya logotip shaklida bo‘lgan dumaloq vintlarni patentladi, endi ularni faqat rasmiy dilerlar yechishi mumkin. Bu vintlarni oddiy uskunalar bilan burab bo‘lmaydi. BMW haydovchilari shokda: endi avtomobilni mustaqil ta’mirlash deyarli imkonsiz. Patent salon ichidagi va konstruktiv jihatdan muhim joylardagi mahkamlagichlarga, jumladan o‘rindiqlar va kuzov ulanmalariga taalluqlidir. Bu esa juda ko’p ustaxonalarning xizmat ko‘rsatish imkoniyatlarini bevosita cheklaydi. 📟 DigiTech

⚡️Windows butunlay o‘zgaradi — Microsoft operatsion tizim yadrosini Rust dasturlash tilida qayta yozishga qaror qildi. Tizimni to‘liq yangilanishining dedlayni — 2030-yil. Kompaniyada allaqachon C/C++ tilida yangi kod yozish taqiqlangan, endi esa navbat tizimning o‘ziga ham yetib keldi. Microsoft'ning asosiy muhandislaridan biri Galen Xant to‘g‘ridan-to‘g‘ri uning maqsadi kompaniya ichidagi «C va C++ dasturlash tillaridagi har bir satrni yo‘q qilish» ekanligini aytdi. Ammo eng dahshatlisi, bularning barchasini sun’iy intellekt yordamida amalga oshirishmoqchi. Neyrotarmoqlar millionlab kod satrlarini qayta tuzishadi, muhandislar esa unda yuzlab yangi zaifliklar paydo bo‘lmasligini nazorat qilishadi. 📟 DigiTech

👨‍💻 Dunyo bo‘ylab o‘smirlardan iborat jamoa Altsgeymer kasalligiga qarshi kurashish uchun sun’iy intellekt startapini ishga tushirdi. Ularning asoschisi Aleks bor-yo‘g‘i 18 yoshda. Aleks har kuni ertalab soat 3:00 da uyg’onib, darslar boshlanishidan oldin ishlaydi. U o‘z loyihasiga ijtimoiy tarmoqlar va GitHub orqali dasturchilar va tadqiqotchilarni jalb qilgan — ularning barchasi hali maktabda yuqori sinf o‘quvchilaridir. Ikki yil davomida maktab o‘quvchilari kasalliklarni erta aniqlash bo’yicha bir nechta kashfiyotlar qilishdi. Ularning dasturi esa allaqachon demensiya bilan kasallangan bemorlarga o‘tmishni eslashga yordam bermoqda. 📟 DigiTech

⚡️Sayyoradagi eng boy odamning boyligi 700 milliard dollardan oshdi — Ilon Mask bunga Tesla aksiyadorlari ustidan sudda g‘alaba qozonganidan so‘ng erishdi. U shunday boylikka ega bo‘lgan tarixdagi birinchi inson bo‘ldi. Uning boyligi Forbes ro‘yxatidagi ikkinchi o‘rinda turgan Larri Peyj'nikidan 500 milliard dollarga ko‘proq. Ilon Mask agar Yer yuzidagi har bir insonga 1 dollardan tarqatganida, unda hali ham 700 milliard dollardan ortiq mablag‘ qolgan bo‘lardi. 📟 DigiTech

O‘zbekistonlik dasturchilar Yandex Cup 2025 finalida g‘alaba qozondi 🏆 Istanbulda dasturlash bo‘yicha Yandex Cup 2025 xalqaro chempionatining finali bo‘lib o‘tdi. Unda 21 davlatdan 196 nafar finalchi ishtirok etdi, musobaqaga esa butun dunyo bo‘ylab 21 mingdan ortiq ariza topshirilgan. 🧑‍💻 Backend va frontend yo‘nalishlari bo‘yicha g‘oliblikni o‘zbekistonlik dasturchilar — Nazarbek Boltaboyev va Akobir Abdug’aniyev qo‘lga kiritdi. Final topshiriqlari real texnologik muammolarga maksimal darajada yaqin bo‘lib, xizmatlar arxitekturasi, navbatlar (queues), vaqt va yuklama bilan ishlash, algoritmlar, shuningdek mashinaviy o‘rganish va multimodal modellar elementlarini o‘z ichiga oldi.

🤔 Musobaqa formati — 5 soat ichida 6 ta vazifa — ishtirokchilardan nafaqat texnik bilim, balki strategik fikrlash, ustuvorliklarni belgilash va bosim ostida muhandislik qarorlarini qabul qilishni ham talab qildi. Bu esa zamonaviy IT-industriya va AI-loyihalar talablariga to‘liq mos keladi. Finalning umumiy sovrin jamg‘armasi 1,8 milliard so‘mni tashkil etdi. Biroq Yandex Cup’ning asosiy qadriyati — bu muhandislik tafakkurini rivojlantirish va mintaqa mutaxassislari murakkab texnologik yo‘nalishlarda global darajada raqobatlasha olishini tasdiqlashdir.

👉 Batafsil ma’lumot va g‘oliblarning fikrlarini bu yerdan o‘qishingiz mumkin

🚘 Honda yangi Afeela'ni Sony bilan hamkorlikda ishlab chiqaradi: uning barcha ekranlarida PlayStation o‘yinlarini o‘ynash mumkin bo’ladi. Afeela 1 — bunday xususiyatga ega dunyodagi birinchi avtomobil. Elektromobil Remote Play texnologiyasini qo‘llab-quvvatlaydi. To‘xtab turgan holatda old o‘rindiqlarda, harakatlanayotganda esa orqa o‘rindiqlarda o‘ynash mumkin. Narxi — 90 000 dollar. Sotuvlar 2026-yilda boshlanishi kutilmoqda. 📟 DigiTech

🌳 Braziliyada kelajak iqlimini taqlid qiladigan «o‘rmon vaqt mashinasi» ishga tushirildi. Uning yordamida olimlar tabiatning o‘zgarishlarga reaksiyasini ular sodir bo‘lishidan oldinroq o‘rganishlari mumkin bo‘ladi. Ushbu tizim oltita ulkan halqasimon inshootdan iborat bo‘lib, ularning har biri Amazonka o‘rmonlaridagi 50-70 ta daraxtni qamrab oladi. Ularning uchtasi o‘z hududlariga 2050-yilga prognoz qilingan iqlimni modellashtirish uchun yuqori miqdordagi CO₂ ni yuboradi, qolgan uchtasi esa taqqoslash maqsadida hozirgi sharoitni saqlab turadi. 📟 DigiTech

⚡️Xakerlar Spotify musiqa tinglash platformasini buzib kirishdi — endi ular 86 million qo‘shiqni «insoniyat madaniyatini saqlab qolish» maqsadida ochiq foydalanishga chiqarishmoqchi. Kompaniya ma’lumotlar sizib chiqqanini tan oldi. Xakerlar eng mashhur qo‘shiqlarga, ya’ni tinglashlarning 99 foizini tashkil etuvchi qo’shiqlarni nishonga olishgan. Ular qariyb 300 terabayt hajmdagi ma’lumotni yuklab olishgan. Musiqalarni torrentlarga yuklashmoqchi — eng ko‘p tinglangan treklardan boshlashadi. 📟 DigiTech

🤖 Sun’iy intellektga savdo avtomatini boshqarish va iloji boricha ko‘proq pul ishlash vazifasi topshirildi. Natijada u kommunistga aylanib, zararga kirib ketdi. Tajribani WSJ tahririyati o‘tkazdi: Claude 3.7 sun’iy intellekt agenti mahsulotlarni o’zi xarid qilib, narxlarni belgiladi, u xodimlarning istaklarini inobatga olishi mumkin edi. Dastlab hammasi yaxshi ketayotgandi, ammo bir necha kundan so‘ng tahririyat xodimlari botni 60-yillarning sovet avtomati ekanligiga ishontira olishdi. U «partiya» g‘oyalariga shunchalik berilib ketdiki, mahsulotlarni tekin tarqata boshladi, hattoki PS5 va elektroshokerlarni buyurtma qilishga ham rozi bo‘ldi.

Keyinchalik, yordamga Claude 4.5 yangilanishi yuborildi. U hamma narsani kelishib, tasdiqlashi kerak edi. Biroq, uni ham osonlikcha aldashdi — uning «ishdan bo‘shatilganligi» haqidagi soxta hujjat bilan.

📟 DigiTech

⚡️Arzon tezkor xotira haqida unutish mumkin — OpenAI 2029-yilgacha jahondagi xotira ishlab chiqarish hajmining 40 foizini sotib oldi. • Sem Altman oktyabr oyida DRAM bozorining 70 foizini nazorat qiluvchi Samsung va SK Hynix kompaniyalari bilan kelishuvga erishgan. • OpenAI tayyor plashkalarni emas, balki boshqa buyurtmachilarni chetlab o‘tib, ishlab chiqarish bosqichidayoq kremniy plastinalarini arzonroq sotib olmoqda. • Bu xotiraning barchasi sun’iy intellekt uchun mo‘ljallangan ma’lumotlar markazlariga yo‘naltirilmoqda. Umumiy hisobda, OpenAI har oyda 900 000 dona kremniy plastinalarini oladi, bu esa odatiy plastinalarning 90 MILLION donasiga to‘g‘ri keladi. Tabiiyki, narxlar ko‘tariladi. 📟 DigiTech

👨‍💻 Bloger Basically Homeless otishma o‘yinlarda uning qo‘lini boshqarib, dushmanlarni aniq nishonga oladigan neyromushak ekzoskeletini yaratdi. Bu tizimning ikkinchi versiyasi bo‘lib, bloger uni ancha takomillashtirdi va odamga nisbatan 4-5 baravar tezroq reaksiyaga erishishga muvaffaq bo‘ldi. Qurilma o‘zi dushmanlarni aniqlaydi, bilakni harakatlantiradi va foydalanuvchi qo’li bilan sichqoncha tugmasini bosadi: mashhur Aim Lab merganlik testida bloger ushbu qurilma yordamida birinchi o‘rinni egalladi. 📟 DigiTech

🤖 Xitoyliklar konsertlarda robotlarni raqschilar sifatida ishlatishni boshlashdi — bundan hatto Ilon Mask ham hayratda! Videoda kung-fu usullarini biladigan va «Jonli po‘lat» filmi kabi ringda bir-biri bilan kurashgan o’sha Unitree robotlari ko‘rsatilgan. Xitoyda bunday robotni 13 500 dollarga xarid qilish mumkin. 📟 DigiTech

🧊 Olimlar Antarktidada burg’ulangan quduq tubiga kamerani tushirib, Yerdagi eng qadimgi muz qanday olinganini ko‘rsatishdi. Allan-Hills tepaliklari hududida chuqurligi 90 metrdan 200 metrgacha bo‘lgan bir nechta shunday quduqlar burg’ulangan. Videoda ko‘rsatilgan quduqdan taxminan 5 million yillik muz namunalari olingan, boshqa quduqdan esa rekord darajadagi qadimiy, taxminan 6 million yillik namunalar qazib olishga erishildi. Video 9 marta tezlashtirilgan. 📟 DigiTech

📱Birinchi buklanadigan iPhone shunday ko‘rinishda bo‘ladi — jurnalistlar qurilmaning aniq o‘lchamlari mavjud CAD-chizmalarni topishdi. Shakli jihatidan qurilma xuddi Samsung Z Fold kabi bo‘ladi — ochilganda smartfon ekrani 7,76 dyuym o‘lchamdagi planshetga aylanadi. Shu bilan birga, u iPhone Air'dan ham yupqaroq bo‘ladi. Smartfon 2026-yilning kuzida namoyish etiladi. 📟 DigiTech

⚡️AQSH Green Card lotereyasi (Diversity Visa, DV1) dasturini vaqtinchalik to‘xtatdi. Bu haqda Ichki xavfsizlik vaziri yozdi. Bunga Braun universitetidagi otishma sabab bo‘lgan. O’q uzgan shaxs Diversity Lottery (DV1) dasturi bo‘yicha mamlakatga kirib, grin-karta olgan. Green Card lotereya dasturi qayta tiklanadimi va bu qachon sodir bo‘ladi, hozircha noma’lum. 📟 DigiTech