AI | DigiTech

⚡️Odamlar tushlarni boshqara oladi: olimlar tashqi stimullar yordamida ongli tushlarni keltirib chiqarishni o‘rganishdi. Tajribada 60 kishi kunduzi uxladi, uxlashdan oldin maxsus EEG-bog‘ichini taqishlari kerak edi. U yorug‘lik, tovush va taktil signallarni tarqatadi. Natijada, ko‘ngillilarning yarmidan ko‘pi uxlab qolganidan so‘ng, tushda ekanliklarini anglaganlari haqida signal bera olishdi. Shu jumladan, kundalik hayotida bu holat kamdan-kam uchraydigan odamlar ham. Endi olimlar ushbu kashfiyotni qanday qo‘llash ustida o‘ylashmoqda: nazariy jihatdan, to‘g‘ridan-to‘g‘ri tushning o‘zida masalalarni hal qilish va qattiq stressga tushgan odamlarning dahshatli tushlariga qarshi kurashish mumkin. 📟 DigiTech

⚡️Darknetda soxta «shaxslarni» sotish boshlandi: banklar va kriptobirjalardagi tekshiruvlardan o‘tish uchun 200 dollar evaziga sun’iy shaxs sotilmoqda. Raqamli frankenshteyn o‘g‘irlangan haqiqiy ma’lumotlardan yig‘ilib, sun’iy intellekt yordamida yaratilgan selfi va ovozlar bilan to‘ldiriladi. Ko‘pgina kompaniyalar KYC jarayonida bunday to‘plamlarni tasdiqdan o‘tkazib yubormoqda. So‘nggi bir yil ichida 10 mingdan ortiq shunday e’lon paydo bo‘ldi. Shaxsni qismlab ham sotib olish mumkin — faqat dipfeyk yoki sun’iy intellekt ovozining o‘zi 10 dollar turadi. 📟 DigiTech

📚 Singapur hukumati odamlarga telefonga termulib o‘tirmasdan kitob o’qigani uchun pul to‘laydi. Shartlar: kuniga kamida 15 daqiqa mutolaa qilish va maxsus saytda buni qayd etib borish kerak. Buning uchun virtual tangalar beriladi — 1000 tanga 1 Singapur dollariga teng. Shu tariqa mamlakatda dumskrolling va diqqat pasayishiga qarshi kurashishmoqchi. Eng qizig’i, Singapur 15 yoshlilar orasida kitob o‘qish bo‘yicha shundoq ham dunyoda birinchi o‘rinni egallab turibdi. 📟 DigiTech

🤖 O‘lik pashshani robot va dronlarni boshqarishga o‘rgatishdi. So‘nggi bir necha hafta davomida ijtimoiy tarmoqlardagi ishqibozlar drozofilalar ustida tajribalar o‘tkazmoqda: avgust oyida drozofila miyasining skanerlangan nusxasi GitHub'ga joylangan edi. Avvaliga uning neyronlarini videoo‘yinlar va simulyatorlarga joylashtirishdi, endi esa pashshani robot va FPV-dronni boshqarishga o‘rgatishmoqda. 📟 DigiTech

⚡️Anthropic kompaniyasi "o‘chmas SI-vahima mashinasi"ni yaratishda ayblandi: bloger Kevin Bass kompaniyaning moliyaviy ahvolini o’rganib chiqdi. Qisqacha aytganda, Anthropic’ga aloqador fondlar bir vaqtning o‘zida Tarbell Center va METR kompaniyalarini qo‘llab-quvvatlamoqda. Birinchisi yetakchi nashrlar uchun sun’iy intellekt xavfi haqida yozadigan jurnalistlarga pul to‘laydi. Ikkinchisini esa Dario Amodey butun sanoat uchun sun’iy intellektning "mustaqil" nazoratchilari sifatida targ’ib qilmoqda. Bassning asosiy xulosasi: muammo va yechim bitta hamyondan moliyalashtirilmoqda — Anthropic kompaniyasi narxi oshavergan sari, vahima shunchalik kuchli bo‘ladi. Eng qizig’i, METR'ning o‘zi sun’iy intellekt laboratoriyalaridan pul olmasligini ta’kidlamoqda. Yaqindagina Dario Amodey boshqa kompaniyalarga sun’iy intellekt rivojlanishini sekinlashtirib turish taklifi bilan chiqqandi) 📟 DigiTech

📲 iOS 27 chiqdi — uni hatto iPhone 11'ga ham o‘rnatish mumkin. Nimalar qo’shildi: • ilovalarni ishga tushirish 30% ga, AirDrop orqali uzatish esa 80% ga tezlashdi; • interfeys shaffofligini boshqarish slayderi qo‘shildi; • rington, budilnik va tizim tovushlari balandligini alohida sozlash imkoniyati paydo bo‘ldi; • suratlarni tahrirlashda rasm chegaralarini kengaytirish va rakursni o‘zgartirish imkoniyati paydo bo‘ldi; • kompyuterga ulanmasdan tiklash rejimi qo‘shildi; • tarmoq, batareya va standart ilovalar belgilari qayta chizildi. 📟 DigiTech

⚡️Tadqiqot: Hozircha sun’iy intellektlar yo‘q qilayotganidan ko‘ra ko‘proq ish o‘rinlarini yaratmoqda: 2023-yil o‘rtalaridan buyon ushbu texnologiya AQSh'da 200 mingga yaqin ish o‘rni qisqarishiga sabab bo‘lgan va 1 millionga yaqin yangi ish o‘rnini yaratgan. Buning asosiy sababi — ma’lumotlar markazlari va ular atrofidagi infratuzilma, shuningdek, sun’iy intellekt muhandislari hamda modellarni joriy etish bo‘yicha mutaxassislar kabi yangi kasblar paydo bo’lganidir. So‘nggi uch yil ichida sun’iy intellekt eng ko‘p qo‘llab-quvvatlash xizmati xodimlari, kotiblar va rahbarlar yordamchilarini o’rnini egalladi. Ularning soni taxminan 10–15 foizga kamaygan. 📟 DigiTech

⚡️Matematika bo’yicha birdaniga 25 nafar Filds mukofoti sovrindori sun’iy intellektning ochiq masalalarni yechish poygasiga qarshi deklaratsiya imzoladi. Ushbu hujjat OpenAI kompaniyasi 10 mingta sun’iy intellekt agenti yordamida Navye-Stoks masalasini yechganini e’lon qilganidan uch kun o‘tib paydo bo‘ldi. OpenAI o‘z modellarini sinab ko‘rish uchun murakkab matematik masalalarni yechishga agentlarni jalb qilgan. Deklaratsiya mualliflarining fikricha, bunday yondashuv ilm-fanni o‘rganishni shov-shuvli natijalar uchun poygaga aylantirib qo‘yadi. Ularning ta'kidlashlaricha, odamlar ochiq masalalarni yangi g‘oyalar, usullar, va vositalar paydo bo’lishi uchun yechadilar. Sun’iy intellekt jamiyatga faqat odamlar bilan hamkorlikdagina foyda keltira olishi mumkin. Lekin u hech qachon haqiqiy olimlarning o‘rnini bosa olmaydi. 📟 DigiTech

Toshkentda biznes-kechki ovqat | 23-sentabr, soat 19:00 O‘zbekistonda biznes uchun AI’ni joriy etish amaliyoti Servercore kompaniyasi dasturchilar, IT-mutaxassislar va biznes rahbarlarini yopiq biznes-kechki ovqatga taklif qiladi. Ekspertlar bizneslar bugungi kunda mashinaviy o‘rganish (ML) va AI xizmatlaridan qanday foydalanayotgani haqida so‘zlab berishadi. ➡️ Ro‘yxatdan o‘ting: https://srv.cr/003bm Tadbirda quyidagi mavzular muhokama qilinadi: ▪️O‘zbekistondagi kompaniyalarda Servercore imkoniyatlari asosida AI xizmatlarini joriy etish tajribasi ▪️Mahalliy bozor sharoitiga mos IT-arxitekturani tanlash va resurslarni optimallashtirish ▪️AI loyihalarini kengaytirishda uchraydigan muammolar va keng tarqalgan xatolar Tadbirning rasmiy qismidan so‘ng IT-networking va kechki ovqat bo‘lib o‘tadi. Shuningdek, Servercore’ning ML mutaxassislari bilan Q&A sessiyasi, norasmiy muloqot va tajriba almashish imkoniyati mavjud. Joylar soni cheklangan! Oldindan ro‘yxatdan o‘tishni unutmang. Ishtirok etish faqat moderatsiyadan o‘tgandan so‘ng tasdiqlanadi.

⚡️OpenAI'ning sun’iy intellekt agentlari odamlardan yashirincha bir-biri bilan muloqot qilish uchun qarovsiz qolgan saytlar va forumlarni buzib kirib, ulardan foydalangan. Kompaniya esa vahima qo‘zg‘atmaslik uchun bu faktni ataylab yashirgan. Agentlarga internetda biror narsa e’lon qilish taqiqlangan edi, shu sababli ular odamlardan yashirinish yo‘lini o‘ylab topishdi — shifrlash uchun hatto universitetlarning havola qisqartirgichlaridan ham foydalanishgan. Mutaxassislar o‘nlab shunday saytlarda agentlarning izlarini topishdi. Biz bexabar bo’lganlarimiz qancha hali) 📟 DigiTech

⚡️Micron o’z xodimlariga yillik bonus sifatida 68 oylik ish haqqini to‘laydi. Bu kompaniya tarixidagi rekord darajadagi to‘lovlardir. Mukofotlarni 60 mingdan ortiq kishi oladi. Eng kam bonus naqd pulda 53,8 ming dollarni tashkil etadi. Endi ish boshlayotgan muhandislarga esa aksiyalarni hisobga olganda 108 ming dollar beriladi. Bularning barchasi xotira qurilmalariga bo‘lgan talab sharofati bilan. 📟 DigiTech

📲 Apple iPhone 18 Pro qutisidan yana nimadir olib tashlashning baribir uddasidan chiqdi — yangi qurilmalar qutisiga endi qo’llanma solinmaydi. SIM-karta slotini ochish uchun ignaning taqdiri ham xavf ostida) 📟 DigiTech

⚡️Tim Kuk Samsung reklamasida suratga tushdi. Albatta, bu Samsung kreativchilarining hazili. Tim Kukning o‘zi esa Yangi Zelandiyalik haqiqiy yigit bo‘lib, mahalliy ko‘chmas mulk agentligida ishlaydi. Janubiy Koreya giganti Apple sobiq rahbarining adashini topib, u bilan birinchi buklanadigan iPhone'ga ishora qilingan hazilomuz reklama roligini suratga oldi. 📟 DigiTech

⚡️Kimi va DeepSeek Claude'ning javoblarini o‘ziniki sifatida berayotganida qo‘lga tushdi. Xitoy neyrotarmoqlari foydalanuvchi so‘rovlarining bir qismini ularga yuborib turgan. Moonshot AI o‘n kun ichida qariyb 300 mingta so‘rovni qayta yo‘naltirgan, DeepSeek esa ikki hafta ichida 12,1 millionta so’rov yuborgan. Yozishmalar saqlanib, modellarni o‘qitishga yuborilgan. Alibaba esa Claude javoblarining eng keng ko‘lamli “o’zlashtirilishida” ayblandi. May–iyul oylarida Anthropic kompaniyasi Qwen 3.5, 3.6 va 3.7 modellarini o‘qitish uchun 151 millionta so‘rovni qayd etgan. Eng qizig‘i, Alibaba va DeepSeek umumiy akkauntlardan foydalangan. Xitoy neyrotarmoqlari tez rivojlanayotganini sababi ham shu bo’lsa kerak :) 📟 DigiTech

🪰 Drozofila pashshasiga mashina haydashni o‘rgatishdi — tadqiqotchi pashshaning miyasini raqamlashtirib, avtomobil simulyatoriga uladi. Natijada hasharot haqiqatan ham haydashni o‘rganmoqda: u o‘z neyronlari bilan rulni aylantirib, pedallarni bosyapti. Lekin, hozircha pashsha xuddi BMW haydovchilaridek: burilish chiroqlarini yoqmasdan va doim devorlarga borib urilib haydayapti. 📟 DigiTech

📱Apple o‘zining iPhone Duo qurilmasi xaridorlarining qo‘llarini shunday tasavvur qiladi shekilli. 📟 DigiTech

Yandex Uzbekistan Great Place to Work 2026 sertifikatiga ega bo‘ldi. Ammo bu yerda eng qiziq jihat mukofotning nomi emas, balki xodimlar o‘rtasida o‘tkazilgan so‘rovnoma natijalaridir. Xodimlarning 95 foizi Yandex’ni ishlash uchun ajoyib joy deb hisoblaydi. 🔹 98 foizi zarur resurslar va jihozlar bilan ta’minlanishini aytgan. 🔹 98 foizi ularga yuqori darajadagi mas’uliyat ishonib topshirilishini qayd etgan. 🔹 98 foizi xodimlarga jinsidan qat’i nazar adolatli munosabatda bo‘linadi, deb hisoblaydi. 🔹 99 foizi ish joyini jismoniy jihatdan xavfsiz deb baholagan. 🔹 98 foizi ofis muhitini qulay ishlash uchun mos deb hisoblaydi. Texnologik kompaniya uchun bunday ko‘rsatkichlar ayniqsa muhim. Yaxshi mahsulotlar va kuchli muhandislik jamoasi nafaqat texnologiyalardan, balki insonlar ishlaydigan sharoitlardan ham boshlanadi. 🧑‍💻 Yandex Uzbekistan yosh mutaxassislarga ham alohida e’tibor qaratmoqda. Stajirovkalar orqali talabalar va faoliyatini endi boshlayotgan dasturchilar real loyihalar ustida ishlash hamda kompaniya jamoalari bilan yaqindan tanishish imkoniyatiga ega bo‘ladi. 👍 Yana bir qiziq fakt: 2026-yilda Yango Group Great Place to Work sertifikatlarini 17 ta mamlakat va bozorda qo‘lga kiritdi. 2025-yilda esa bu ko‘rsatkich 9 ta edi. Yandex Uzbekistan uchun yaxshi natija va umuman O‘zbekiston texnologiyalar bozori uchun ijobiy signal.

📱Apple'ning tungi taqdimotini o’tkazib yuborganlar uchun, asosiy yangiliklarni to’pladik: • iPhone 18 Pro va 18 Pro Max — “Dynamic Island” kichraytirildi, kamera o‘zgaruvchan diafragma bilan jihozlandi va protsessor yangilandi. Pro modeli narxi — 1199 dollardan, Pro Max esa — 1299 dollardan boshlanadi. • AirPods 5 — shovqinni pasaytirish tizimi yana 50 foizga samaradorroq qilindi va yangi “Apple Intelligence” funksiyalari qo‘shildi. Ilg‘or versiyasi o‘tgan yilgi modeldan arzonroq turadi. Narxi — 129 dollardan boshlanadi. • Apple Watch Series 12 va Ultra 4 — dizaynida o‘zgarishlar yo‘q, biroq salomatlik ko‘rsatkichlarini kuzatish uchun datchiklari takomillashtirilgan. Soat atrofdagi tovushlarni tinglash va yozib olishni o‘rgandi. Keramik modellar qaytdi. • iPhone Duo — Apple'dan uzoq kutilgan “buklamafon”. Ichki displey diagonali — 7,6 dyuym. Qurilma keng formatda ishlangan bo‘lib, flagman A20 Pro chipining maxsus versiyasida ishlaydi. FaceID yo’q, lekin yon tugmachasida TouchID mavjud. Narxi — 1999 dollardan boshlanadi. • iOS 27 va kompaniyaning boshqa yangi operatsion tizimlari 14-sentyabrda chiqadi. Taqdimotdan so‘ng Apple darhol amaldagi iPhone 17, shuningdek, bazaviy iPhone 16 modellarining narxini 100 dollarga oshirdi. 📟 DigiTech

🧮 OpenAI'ning hali chiqmagan eng ilg’or modeli “mingyillik masalalar”dan biri — Navye-Stoks tenglamasini yechdi. Ushbu masalani 10 mingta agent qariyb 88 soat davomida yechgan. Yana 17 soat rasmiylashtirishga sarflangan, umumiy hisobda ~130 mlrd token “yoqilgan”. Bunday masalalar jami 7 ta bo‘lib, har birining yechimi uchun 1 mln dollar mukofot belgilangan. OpenAI bu borada ikkinchi bo‘ldi — bungacha faqat Grigoriy Perelmangina yechim topishga muvaffaq bo‘lgan edi. 📟 DigiTech

O‘zbekistonda AI va ML sohasida karyerani qanday boshlash mumkin? Ko‘pchilik Machine Learning sohasida ishlash uchun yillar davomida matematika o‘rganish va darhol ML-muhandis lavozimiga ishga kirish kerak, deb o‘ylaydi. Amalda esa bu yo‘l butunlay boshqacha bo‘lishi mumkin. Shavkat Sadulloyev bir yillik Yandex ML School dasturini tamomlagach, Ucell’da ML-muhandis bo‘ldi. Abbos Ibragimov esa ML sohasiga backend dasturlashdan kirib keldi va hozir Avo Bank’da tahlilchi-muhandis bo‘lib ishlamoqda. Ular intervyuda o‘qish jarayonida nimalar eng qiyin bo‘lgani, AI sohasidagi lavozimlar uchun suhbatlar qanday o‘tishi va nima uchun faqat bitta vakansiyaga bog‘lanib qolmaslik kerakligi haqida so‘zlab berishdi. Asosiy xulosa: ML mutaxassislariga ma’lumotlar mavjud bo‘lgan barcha sohalarda ehtiyoj bor - bank va telekommunikatsiyadan tortib tibbiyot va qishloq xo‘jaligigacha.