AI | DigiTech

👨‍💻 Agar iPad yoki Mac qurilmangizni yangilamoqchi bo‘lsangiz, siz uchun yomon xabar bor: Apple va’da qilganidek, xotira inqirozi tufayli qurilmalar narxlarini oshirdi. iPhone’dan tashqari deyarli hamma narsa qimmatlashdi:

• MacBook Pro M5: $1699 → $1999 (+$300) • MacBook Air M5: $1099 → $1299 (+$200) • MacBook Neo: $599 → $699 (+$100) • iPad Pro: $999 → $1199 (+$200) • iPad Air: $599 → $749 (+$150)

Mish-mishlarga ko‘ra, yangi iPhone 18'lar narxi 50-100 dollarga oshadi — ularning taqdimoti sentyabrda bo‘ladi. 📟 DigiTech

📲 Google dasturchilarga Google Play’ni chetlab o‘tib, to‘lovlarni qabul qilishga ruxsat beradi. Bu funksiya AQSh, Yevropa Ittifoqi va Buyuk Britaniyadagi foydalanuvchilar uchun allaqachon mavjud. Qolgan hududlarga esa 2027-yilning sentyabriga qadar yetib boradi. Shuningdek, Google dasturchilar uchun to‘lov komissiyalarini ham kamaytiradi. Masalan, yiliga bir million dollardan kam daromad topadigan ilovalar barcha tranzaksiyalar uchun kompaniyaga odatdagi 30 foiz o‘rniga 10 foiz ulush to‘laydi. 📟 DigiTech

⚡️Olimlar parraksiz uchuvchi robotni ko’rsatishdi. Germaniyalik olimlar texnologiyani tabiatdan o‘zlashtirishga qaror qilishdi. Ular balandlikni saqlab turish uchun hech qanday dvigatel talab qilmaydigan Floaty nomli robotni ko’rsatishdi. Floaty gravitatsiya bilan kuch ishlatib kurashish o‘rniga, yuqoriga ko‘tarilayotgan havo oqimlarida «muallaq turadi». Robotning aqlli algoritmlari atmosfera sharoitlarini doimiy ravishda tahlil qilib, termal oqimlarni tutib oladi, bu unga xuddi qushlar singari soatlab parvoz qilish imkonini beradi, hech qanday propellerlarsiz.

U mutlaq energiya tejamkordir. Og‘ir akkumulyatorlar va katta hajmli motorlardan voz kechish konstruksiyani deyarli vaznsiz va ishlab chiqarishda juda arzon bo‘lishini ta’minlaydi. Ushbu texnologiyani raketalarning qaytish modullariga tatbiq etish taklif qilinmoqda. Bu qimmat uskunalarni yerga ravon tushirish, hamda juda katta miqdordagi yoqilg‘ini tejash imkonini beradi.

📟 DigiTech

⚡️Toshkentda Servercore (@servercoreca) kompaniyasi Central Asian Fintech Association bilan hamkorlikda «IT-palov» flagman biznes-tadbirini o‘tkazdi. Unda banklar, fintex jamoalari va Markaziy bank vakillari sun’iy intellekt davrida xavfsizlik hamda infratuzilmani rivojlantirish masalalarini muhokama qilishdi. Markaziy bank vakillarining ta'kidlashicha, kiberxavflar darajasi o'zgargan — an'anaviy firibgarliklar o'rnini dipfeyklar va avtomatlashgan AI-fishing egallamoqda. Bunga qarshi turish uchun xavfsizlik tizimlariga ham sun'iy intellektni integratsiya qilish shart.

Yana bir masala — regulyator talabini buzmagan holda yangi xizmatlarni tezroq ishga tushirish. Mutaxassislar buning eng maqbul yo'li sifatida gibrid infratuzilmani ko'rsatmoqda. Ya'ni, o‘ta nozik va kritik ma'lumotlar bankning lokal serverlarida saqlanadi, qolgan yuklamalar va yordamchi xizmatlar esa masshtablash hamda xarajatni kamaytirish uchun «bulut»ga ko‘chiriladi.

Ekspertlar fikricha, O‘zbekiston fintex bozori shunchaki yangi texnologiyalarni sinab ko‘rish bosqichidan o‘tib, tizimli, barqaror va xavfsiz infratuzilma qurish bosqichiga o‘tmoqda.

⚡️Google o‘z neyron tarmoqlarini o‘qitish uchun qidiruv tizimida ishlatilgan suratlaringiz va ovozingizni yig‘ib borishni boshladi. Xavfsizlik bo‘yicha tadqiqotchilar kompaniya maxfiylik siyosatini yangilaganini aniqlashdi. Endi siz qidiruv vaqtida foydalanadigan mediafayllar sun’iy intellektni o‘rgatish uchun korporatsiya serverlarida butunlay saqlanib qoladi. Kompaniyaning rasmiy maqsadi – o‘z algoritmlarini, masalan, Gemini neyrotarmog‘ini yanada aniqroq qilishdan iborat. Google ushbu fayllar ularning ma’lumotlar markazlarida 4 yilgacha saqlanishini ma’lum qildi. 📟 DigiTech

⚡️GTA 6 narxi 80 dollar bo’ladi. «Ultimate Edition» uchun esa 100 dollar to‘lashga to’g’ri keladi. Lekin avtoustaxona faqat maksimal nashrda mavjud bo‘ladi — agar sevimli avtomobilingizni tyuning qilmoqchi bo‘lsangiz, ko’proq pul sarflashingizga to‘g‘ri keladi. Shuningdek, Rockstar o’yindan yangi skrinshotlar bilan bo’lishdi. 📟 DigiTech

📚 Kutubxonani to‘ldiramiz: internetda eng ko‘p tavsiya etilgan kitoblar reytingini ko’rsatuvchi booklist saytini topdik. Unda 11 mingdan ortiq kitoblar ro’yxati mavjud bo‘lib, har birining o‘xshash asarlar to‘plami ham bor. Saytdan «miyani rivojlantiruvchi kitob» yoki «umid baxsh etuvchi antiutopiyalar» kabi so‘rovlar orqali izlash mumkin. Alohida sahifada esa mashhur shaxslarning sevimli asarlari ro‘yxati to‘plangan. Statistika yirik platformalar, Garvard kutubxonasi, Hacker News, ijtimoiy tarmoqlar, bloglar va intervyular tahlili asosida yig‘iladi. 👉 Sayt havolasi. 📟 DigiTech

📱Bloomberg: Jon Ternus Apple'da dizayn ustuvorligini tiklamoqchi. Mark Gurmanning so‘zlariga ko‘ra, Ternus o‘z vaqtida Stiv Jobs yaratgan eski boshqaruv modelini kompaniyaga qaytarishni rejalashtirmoqda: dizayn birinchi o‘rinda turishi, qolgan hamma narsa esa uning atrofida aylanishi lozim. So‘nggi 15 yil ichida Tim Kuk bu sxemani bekor qildi. U dadil dizaynerlik yechimlaridan ko‘ra samaradorlikni birinchi o‘ringa qo‘ygani sababli yetakchi dizaynerlar kompaniyani ommaviy ravishda tark etishdi. 📟 DigiTech

📲 Bir xitoylik maktab o‘quvchilari uchun «qog‘oz TikTok» o‘ylab topdi — bu qisqa videolar lentasini eslatuvchi, narxi 4 yuan turadigan kartochkalar to‘plamidir. Ko‘pgina xitoylik bolalarning ota-onalari ularga smartfondan foydalanishni taqiqlaydi. Shu sababli, o‘quvchilar skrolling qilish o‘rniga shunchaki rasmli kartochkalarni varaqlab, «rolik»da nima sodir bo‘layotganini o‘zlari tasavvur qilishadi. 📟 DigiTech

🕹️ Steam Machine narxi 1049 dollardan boshlanadi. Valve kompaniyasi yangi o‘yin konsollari narxlarini e’lon qildi. Boshlang‘ich model 512 GB xotiraga ega bo‘ladi. 2 TB hajmli versiyasi esa 1349 dollar turadi. Qolgan texnik xususiyatlari bir xil: maxsus AMD Zen 4 chipi, AMD RDNA3 arxitekturasidagi videokarta. Steam Machine uchun oldindan buyurtmalar 25-iyundan, sotuvlar esa 30-iyundan boshlanadi. 📟 DigiTech

⚡️MacRumors nashrining yozishicha, iPhone 17 narxi tezkor xotira tanqisligi va sun’iy intellektga bo‘lgan talabning keskin ortishi tufayli shu oydayoq ko‘tarilib ketishi mumkin. Tahlilchilarning fikricha, narx oshishi butun iPhone 17 liniyasiga ta’sir qiladi, so‘ngra Mac va iPad narxlari ham keskin oshishi mumkin. Tim Kuk o‘z faoliyatini shunday «chiroyli» yakunlashga qaror qilganga o‘xshaydi. 📟 DigiTech

Yandex Maps'ga Toshkentdagi O‘zbekiston terma jamoasi o‘yinlarini translyatsiya qiluvchi fan-zonalar va joylar qo‘shildi. 📍Maydonchalar maxsus ruknga jamlangan: qidiruv satriga «Площадки болельщиков» (Muxlislar maydonchalari) deb yozib, eng yaqin tomosha nuqtasini tanlang va mashinada, jamoat transportida yoki piyoda yo‘nalish tuzing. Avtomobilda harakatlanayotganda esa muhit yaratish uchun navigatsiyadagi oddiy sariq ko’rsatgichni futbol to‘piga ⚽️ almashtirish mumkin.

📲 Bazaviy iPhone 18 ko’proq Pro‘ga o‘xshash bo’lishi mumkin. Ijtimoiy tarmoqlarda yangi modellarning ehtimoliy dizayni tarqaldi. Suratlarga qaraganda, bazaviy model boshqa materialdan yasalgan orqa panelga va LiDAR datchigiga ega bo‘ladi. Dizayn haqiqatga qanchalik yaqinligini esa 2027-yilning bahorida bilib olamiz. 📟 DigiTech

⚡️Braziliyada xakerlar favqulodda vaziyatlar haqida ogohlantirish tizimini buzib kirib, millionlab fuqarolarga g‘alati “ogohlantirish” yubordi. Xakerlar Braziliyaning milliy ogohlantirish tizimiga muvaffaqiyatli hujum uyushtirib, mamlakat aholisining smartfonlariga kamida 10 xil xabar yuborishga erishdi. Rasmiylar xabardor qilish tizimini noma’lum muddatga o‘chirib qo‘yishga majbur bo‘ldi.

Xabarga ko‘ra, xakerlar kamida yetti shtatdagi millionlab foydalanuvchilarning smartfonlariga “misantropi4” so‘zi yozilgan bildirishnoma yuborgan. Shu tariqa xakerlar braziliyaliklarga jamiyatga yoki muayyan guruhlarga nisbatan nafratni anglatuvchi “mizantropiya” so‘zini yetkazmoqchi bo‘lgan.

Hukumat hujumni tezda bartaraf eta olmadi va shunchaki tizimni butunlay o‘chirib qo‘ydi. Endi butun mamlakat bo‘ylab ogohlantirishlar ishlamayapti va tizim qachon qayta yoqilishi noma’lum. 📟 DigiTech

⚡️GTA 6 narxi 90 yevro bo‘lishi mumkin. O‘yin sahifasi fransiyadagi riteyler Fnac saytida muddatidan avval paydo bo‘ldi. Unda GTA 6 uch xil nashrda sotilishi ko‘rsatilgan: 90 yevro, 120 yevro va 200 yevro. OAV'lar bu haqda yozishni boshlashi bilanoq, sayt darhol ishdan chiqdi. Hozir o‘yin sahifasi yana ochilyapti, biroq narx haqidagi ma’lumot olib tashlangan. 📟 DigiTech

📱Wall Street Journal: Eng arzon iPhone 18 Pro'ning narxi 1300–1400 dollar bo‘lishi mumkin. Tim Kukning narxlar oshishi haqidagi bayonoti ortidan jurnalistlar komponentlar narxi haqidagi ma’lumotlarga tayanib, hisob-kitob qildilar. Tahlilchilarning xulosasiga ko‘ra, xotira narxining to‘rt baravar qimmatlashishi Apple'ni smartfon narxini birdaniga 200 dollarga, ya’ni 1099 dollardan 1299 dollargacha oshirishga majbur qilishi mumkin. Agar Apple 18 Pro modeli uchun o‘zgaruvchan diafragmali qimmat kamera tayyorlayotganini ham hisobga olsak, narx yana 100 dollarga oshib, 1399 dollargacha yetishi ehtimoli bor. Bu hisob-kitoblarning barchasi taxminiy. Qolaversa, Tim Kuk narxlar oshishi bilan xaridorlarni shokka tushirmaslikka va’da bergan. 📟 DigiTech

📱Mana nima uchun iPhone Air kamerasi bunchalik bo‘rtib chiqqan :) Dizaynerlar hammasini o‘ylashgan 😎 📟 DigiTech

📲 Apple Braziliyada boshqa ilova do‘konlariga rasman ruxsat berdi! Apple uzoq yillar davomida o‘zining yopiq ekotizimiga hech kimni yaqinlashtirmaslik uchun butun dunyo regulyatorlari bilan kurashib keldi. Ammo kompaniya Yevropa Ittifoqi va Yaponiyada yutqazganidan so‘ng, navbat Braziliyaga ham yetib keldi. Endi Braziliyada AppStore'dan tashqari AltStore PAL ilovalar do’konidan ham foydalanish mumkin. Shuningdek, dasturchilarga App Store’ni chetlab o‘tgan holda to‘lovlarni qabul qilishga va Apple'ga 30 foizgacha komissiya to‘lamaslikka ruxsat berildi. 📟 DigiTech

📲 Samsung smartfonlari uy hayvonlari salomatligini suratga qarab baholashni o‘rganadi. Sun’iy intellekt 97% gacha aniqlik bilan stomatologik kasalliklar, katarakta, bo‘g‘imlarning chiqishi va boshqalarni aniqlay oladi. Shuningdek, ilovada itning hurish tarixi, soatlar bo‘yicha statistika hamda uy hayvonlari salomatligini saqlashga oid tavsiyalar bo‘ladi. 📟 DigiTech

🎮 Amerikaning tyuning kompaniyasi GTA VI relizi sababli vaqtincha yopilmoqda: xodimlar 19-noyabrga shunchalik ko‘p dam olish so‘rashganidan, rahbariyatga hammaga o’sha kunni dam olish kuni deb e’lon qilishdan boshqa chora qolmagan.

Jamoaning bir necha a’zosi rahbariyatni ishga chiqa olmasligi, aloqada bo‘lmasligi va kun bo‘yi Vays-Sitida bo‘lishi haqida allaqachon ogohlantirgan. Ish xodimlar GTA'da kamida bitta missiyani bajarganidan so‘ng davom etadi.

Burger Motorsports buni misli ko‘rilmagan madaniy hodisa deb atadi. 📟 DigiTech