SNA RADIO

UPDATE: Wararkii ugu dambeeyay Ee ka imaanaya xadka ay ku kala qeyb-samaan Goballada Galgaduud iyo Sh/dhaxe ayaa sheegaya in saaka salaadii Subax ka dib diyaaradaha dagaalka ay duqeyma culus ay fuliyeen Duqeymaha ayaa ka dhacay halka loo yaqaano Hareeri Culusoow iyo Raydab boore oo ah dhul hood ah sida ay warbaahinta Ciidamadda u sheegeen saraakiisha ciidanka Xds Goobaha la duqeeyay ayaa waxaa isku uruursanayay khawaarijta waa inta u dhaxaysa Ruunirgood iyo Galcad

Waa sawiro aan ka helnay howlgal Ciidanka Xds ay kasameeyeen nawaaxiga degaanka Goof-guduud maalintii Arbacada

Howlgal ciidanka xoogga dalka Soomaaliyeed ka sameeyeen deegaano dhaca galbeedka degmada waajid ee gobolka Bakool waxay ku dileen 25 ka mid ahayd khawaarijta kuwaas oo isku diyaarinayey dhagarta shacabka Soomaaliyeed. Khawaarijta la dilay 5 ka mid ah ayaa ahaa ajaanib qayb ka ahayd Maleeshiyaadka loo xilsaaray dhibaataynta Bulshada ku nool Gobolka Bakool, Gudoomiyaha degmada waajib Maxamed Macalin yuusuf oo la hadlay warbaahinta Qaranka ayaa u xaqiijyey dhimashada Maleeshiyaadka khawaarijta oo ay ku jiraan ajaanibta,intaas ayuu raaciyey inay jiraan dhaawacyo dagaalka ku gaaray khawaarijta ciidanka ay weerarka ku qaadeen kuwaas oo ay goobta ka qaadeen. Ciidanka xoogga dalka Soomaaliyeed ayaa sii baacsanaya farxadka maleeshiyaadkii ku jabay dagaalka.

Ciidanka Xds ayaa degmada Waajid ee Gobolka Bakool kudilay 12 dhagarqabe oo katirsan khawaarijta kadib markii ay isku dayeen inay soo weeraraan garoonka diyaaradaha degamadaasi.

Abaanduulaha Qeybta 43-aad G/sare Cismaan Xaaji iyo Taliyaha Guutada 10-aad, Qeybta 43aad XDS Gaashaanle sare Cismaan Sheekh Cabdi, ayaa Safar shaqo ku tagay degmadda Doolow ee gobolka Gedo, si loo Dardar geliyo howlgalada lagula dagaalamayo Khawaarijta, waxaana halkaasi si Diiran ugu Soo dhaweeyay saraakiil ka tirsan XDS.

Ciidanka Xoogga Dalka ayaa saaka howlgal qorshaysan ka fuliyay deegaano Hoostaga Gobolka Shabeelada Hoose Hawlgalkaan oo u jeedkiisu ahaa Burburinta goobaha ay ku dhibaateeyaan dadka shacabka Nabadiidka ayaa waxaa fuliyey ciidanka ururka 64 aad guutada 7 aad ee qeybta 12 April ciidanka Xoogga Dalka Soomaaliyeed Intii lagu gudo jiray baritaanka, Saraakiisha Ciidanku waxaa ay ku gulaysteen in ay burburiyaan goobo ay Nabadiidka ku farsamayn jireen walxaha qarxa iyo barahii lagu baadi jiray dadka shacabka ah ciidanka ayaa howlgalka ka fuliyey degaanada kala ah Kir koriyow,Doxa goled,Doxa goled,balad amin,Sharyale,Halimow,dukod,Liblay ,xalimow lugod,Caday bonad, Taliyaha Daraawiishta degmada walaweyn Cali juu ayaa Shacabka u sheegay in ay soo sheegay hadii ay arkaan Maleyshiyaadka Nabadiidka Taliyaha Ururka 64 aad guutada 7 aad ee qeybta 12 April Cali Cabdullahi Halac oo Howlgalka hogaaminayey ayaa sheegay in dhamaan goobihii nabadiidka ku dhibaateen jireen dadka shacabka la bur buriyey Cali Cabdullahi Halac ayaa Xusay in ay sii wadi doonaan Howlgalada dalka looga saarayo Nabadiidka

Ciidanka Xoogga Dalka Soomaaliyeed ayaa ku Burburiyay Jidgooyo iyo xarun Khawaarijtu ku la hayd deegaanka Jameeco ee Gobalka Baay halkaas oo ah goob ay doonayeen in ay ku Cuna qabateeyaan Shacabka ku nool Gobalkaas. Hawlgalkaan oo dhacay maqribnimadii Caawa ayaa lagu dilay Maleeshiyaad gaaraya 15 qof kuwaas oo ay ku jiraan sadex Horjooge. Waxaa gabi ahaan la burburiyay jidgooyadii Khawaarijta waxaana goobta laga fasaxay gaadiidkii dadwaynaha ee ay halkaas ku xanibeen. Waa hawlgalkii labaad oo muddo 24 saac ah ka dhaca wadada isku xirta Muqdisho iyo Baydhabo gaar ahaan inta u dhaxaysa leego iyo Buurhakaba halkaas oo Khawaarijtu ay isku dayaysay in ay xanibaan gaadiidka dadwaynaha si ay u dhibaateeeyaan Shacabka. Ciidanka Xoogga oo ka jawaabaya isku dayga Khawaarijta ayaa bilaabay hawlgalo lagu beegsanayo jidgooyooyinka xaaraanta ah ee Khawaarijta

Ciidamadda degaanka Ee degmada qoryooleey ayaa weerareeray bar control oo ay khawaarijta lacago baad ah uga qaadi jireen shacabka weerarka ayaa lagu dilay labo dhagarqabe iyadoona laga furtay laba qori

Ciidanka Xoogga Dalka Soomaaliyeed ayaa howlgal ay kasameeyeen degaanada oo Gal-libaax, Al-furaat iyo dhulka howdka ah ee u dhexeeyo gobolada Shabeelaha dhexe iyo Galguduud iyo degaanada ku xeeran ayay ku dileen 150 dhagarqabe & lix Amiir oo uu kujiro horjooge Daahir Calasoow sida uu warbaahinta Ciidamadda Qalabka sida u xaqiijiyay Taliyaha Ciidanka Dhulka Xds Generaal Axmed Aadan Cali. Howlgalka oo saaka aroornimadii bilaawday ayay ciidanka Xds jab xoog leh ku gaarsiiyee n argagexisada waxayna kuburburiyeen meelihii gabaadka ay ka dhiganayeen khawaarijta.