ASTU–POST

የተወደዳችሁ የዩኒቨርሲቲያችን ነባር ተማሪዎች፤ እንደሚታወቀው አዳዲስ ተማሪዎች ወደ አዳማ ሳይንስና ቴክኖሎጂ ዩኒቨርሲቲ በሚቀላቀሉበት ወቅት አዲሱን የካምፓስ ህይወት የመላመድ፣ ህንፃዎችንና አገልግሎቶችን የመለየት እንዲሁም የመረጋጋት ፈተናዎች ያጋጥሟቸዋል። እኛም በነበርንበት ወቅት የነባር ተማሪዎች ድጋፍና አቀባበል ምን ያህል ትልቅ አስተዋጽኦ እንደነበረው እናስታውሳለን። ስለሆነም የኤስ.ቲ.ዩ ሰላም ፎረም ከተማሪዎች አገልግሎት ቢሮ ጋር በመተባበር ለአዲሶቹ ወንድሞቻችንና እህቶቻችን የተረጋጋ፣ ሰላማዊና ሞቅ ያለ አቀባበል ለማድረግ የሚያስችል የበጎ ፈቃደኝነት አገልግሎት አዘጋጅቷል። በዚህ የበጎ ፈቃድ አገልግሎት ላይ በመሳተፍ አዎንታዊ ተፅዕኖ ለመፍጠርና ድጋፋችሁን ለማሳየት እንድትመዘገቡ ጥሪያችንን እናቀርባለን። የበጎ ፈቃደኞች ተግባራት፦ -አዳዲስ ተማሪዎችን ከዋናው በር ጀምሮ ወደ ዶርም፣ ካፌ እና ሬጅስትራር መምራትና ማግዝ። -ስለ ካምፓስ ህይወት፣ መመሪያዎችና አገልግሎቶች የመጀመሪያ ደረጃ መረጃ መስጠት። -በአቀባበል ወቅት ሰላማዊ፣ አዎንታዊና ፍቅር የተሞላበት አካባቢ እንዲፈጠር ማገዝ። የምዝገባ ሁኔታ፦ በአቀባበል መርሃ-ግብሩ ላይ በበጎ ፈቃደኝነት ለመሳተፍ ፍላጎት ያላችሁ ተማሪዎች ከታች ያለውን የGoogle Form ሊንክ በመጫን መረጃችሁን (ሙሉ ስም፣ ክፍል/Department፣ ስልክ ቁጥር እና የዶርም ቁጥር) እንድትሞሉ እንጠይቃለን። 🔗 የምዝገባ ሊንክ፦ [https://docs.google.com/forms/d/e/1FAIpQLSc-M8RNz7hdpg_N3pR8o1zGi2WRV4iTEpxM94gOWuCjyeXqXw/viewform?usp=publish-editor] 📅 የምዝገባ ማብቂያ ቀን፦ [22-25 2026] ማሳሰቢያ፦ በበጎ ፈቃደኝነት ለሚሳተፉ ተማሪዎች በፕሮግራሙ መጨረሻ ከተማሪዎች አገልግሎት ቢሮ እና ከሰላም ፎረም የእውቅና ምስክር ወረቀት (Certificate) የሚሰጥ ይሆናል።* አዲሶቹን አባላቶቻችንን በፍቅርና በአንድነት አብረን እንቀበል! የኤስ.ቲ.ዩ ሰላም ፎረም @Astupost