រដ្ឋ រង្សី l RANGSEY REPORT 🇰🇭

⭕️ សមត្ថកិច្ចចុះបង្ក្រាបទីតាំងផលិតបារីក្លែងក្លាយ ២កន្លែង នៅក្នុងសង្កាត់ស្វាយរលំ និងសង្កាត់សិតត្បូ ក្រុងតាខ្មៅ ខេត្តកណ្តាល កាលពីថ្ងៃទី២២ ខែមិថុនា ឆ្នាំ២០២៦ បានរកឃើញបារីក្លែងបន្លំម៉ាកជាច្រើនប្រភេទ ដូចជាម៉ាកMarlboro, Winston, Gold Mount , Jps classic,Tobacco Gauses, Canyon និងបារីជាច្រើនម៉ាកផ្សេងទៀង និងបានឃាត់ខ្លួនមេការ និងកម្មករចំនួន ៥នាក់ ដើម្បីធ្វើការសាកសួរ។ វត្ថុតាងទាំងអស់ត្រូវបានកម្លាំងសមត្ថកិច្ចធ្វើការដកហូត និងព័ទ្ធសៀ ដើម្បីបន្តនីតិវិធីច្បាប់។ CNC TV

ភ្នំពេញ៖ ខណៈតំបន់មួយចំនួនក្នុងរាជធានីភ្នំពេញ កំពុងមានភ្លៀងធ្លាក់យ៉ាងខ្លាំង បង្កឱ្យផ្លូវមួយចំនួនសើមជោក និងមានទឹកហូរតាមដងផ្លូវ ស្រាប់តែនៅតំបន់ AEON សែនសុខ បែរជាមិនមានភ្លៀងធ្លាក់នោះទេ ដោយអាកាសធាតុនៅតែស្ងួតធម្មតា។ ស្ថានភាពនេះបង្ហាញឱ្យឃើញពីភាពខុសគ្នានៃការធ្លាក់ភ្លៀងក្នុងតំបន់នីមួយៗ ទោះបីស្ថិតនៅក្នុងរាជធានីតែមួយក៏ដោយ ខណៈប្រជាពលរដ្ឋមួយចំនួនកំពុងជួបភ្លៀងធ្លាក់ខ្លាំង រីឯអ្នកនៅម្តុំ AEON សែនសុខវិញ នៅតែមិនទាន់ឃើញដំណក់ភ្លៀងនៅឡើយ។ រូបភាព l វឿន រង្សី l RANGSEY REPORT

⭕️ ភ្នំពេញ៖ ភ្លៀងធ្លាក់មួយមេយ៉ាងខ្លាំងនៅល្ងាចនេះ បានធ្វើឱ្យផ្លូវមួយចំនួនមានទឹកជន់លិច និងបង្កការលំបាកដល់ការធ្វើដំណើររបស់ប្រជាពលរដ្ឋ។ ជាក់ស្តែង នៅចំណុច ផ្លូវភ្លោះអូរឬស្សី តាមបណ្តោយផ្លូវលេខ 214 កែងផ្លូវលេខ 111 ស្ថិតក្នុងសង្កាត់បឹងព្រលិត ខណ្ឌ ៧ មករា មានភ្លៀងធ្លាក់ជាបន្តបន្ទាប់ ខណៈប្រជាពលរដ្ឋ និងអ្នកធ្វើដំណើរត្រូវបង្កើនការប្រុងប្រយ័ត្ន ដើម្បីជៀសវាងគ្រោះថ្នាក់ដែលអាចកើតមានក្នុងអំឡុងពេលអាកាសធាតុមិនអំណោយផលនេះ។ រូបភាព LIM MENG រង្សី l RANGSEY REPORT

⭕️ លទ្ធផលស្រាវជ្រាវចេញផ្សាយឆ្នាំ២០២៦ របស់ធនាគារពិភពលោក និងដៃគូអភិវឌ្ឍន៍៖ ប្រពន្ធ័សុខាភិបាលកម្ពុជា បានឈានដល់ថ្នាលដ៏រុឹងមាំមួយ ដែលផ្តល់លទ្ធភាពឱ្យទទួលបានការថែទាំព្យាបាលសុខភាព ដោយផ្តោតចម្បងលើអ្នកជំងឺ លោកសាស្រ្តាចារ្យរដ្ឋមន្រ្តី បានគូសរំលេច ឱ្យមានការប្រុងប្រយ័ត្នខ្ពស់ គ្រប់ពេលវេលា លើជំងឺឆ្លងនានា ជាពិសេសជំងឺអេបូឡា (Ebola) ដែលកំពុងមានការរីករាតត្បាតក្នុងបណ្តាប្រទេសមួយចំនួន។ បន្ថែមពីនេះ ក៏ត្រូវបង្កើនការប្រុងប្រយ័ត្នលើជំងឺគ្រុនចាញ់ កុំឱ្យមានការនាំចូលពីក្រៅប្រទេស ដែលកម្ពុជាកំពុងមានវឌ្ឍនភាពល្អប្រសើរ ឈានដល់ការលុបបំបាត់ជំងឺគ្រុនចាញ់នៅកម្ពុជា៕ អត្ថបទ៖ សន ពិសិដ្ឋ

⭕️ មហាជនបន្តលើកឡើងពីបញ្ហាផ្លូវ និងប្រព័ន្ធលូតាមបណ្តោយផ្លូវរថភ្លើងចាស់ ខណៈមានការជជែកវែកញែកជាថ្មីនៅលើបណ្តាញសង្គម អ្នកប្រើប្រាស់បណ្តាញសង្គមមួយចំនួនបានសម្តែងមតិថា បញ្ហានេះកើតឡើងដោយសារគម្រោងសាងសង់ផ្លូវ និងប្រព័ន្ធលូ មិនទទួលថវិកា និងអនុវត្តក្នុងពេលដំណាលគ្នា។ ជាមួយគ្នានេះ មហាជនក៏បានស្នើឱ្យគម្រោងអភិវឌ្ឍន៍ផ្លូវនាពេលខាងមុខ មានការសម្របសម្រួលជាមួយគម្រោងប្រព័ន្ធលូឱ្យបានស៊ីសង្វាក់គ្នា ដើម្បីកាត់បន្ថយការជួសជុល ឬកាយឡើងវិញនៅពេលក្រោយ។ គួរបញ្ជាក់ថា ផ្លូវរថភ្លើងចាស់នេះ ត្រូវបានចាត់ទុកថាជាផ្លូវដ៏សំខាន់មួយ ដែលបានជួយសម្រួល និងរំដោះការកកស្ទះចរាចរណ៍ក្នុងរាជធានីភ្នំពេញបានយ៉ាងច្រើន៕ រង្សី l RANGSEY REPORT

🟠 លោក ​ថុល សុភិទិ បានបង្ហោះសារនៅលើបណ្តាញសង្គម ដោយស្នើឱ្យមហាជនបញ្ឈប់ការលើកយករឿងរ៉ាវចាស់ៗមករិះគន់លោកបន្តទៀត។ លោកបានលើកឡើងថា មនុស្សគ្រប់រូបតែងតែមានកំហុស និងអតីតកាលដែលមិនល្អ ហើយគ្មាននរណាម្នាក់ល្អឥតខ្ចោះនោះទេ។ ក្នុងសារដដែល លោកក៏បានប្រកាសថា លោកសុំបញ្ចប់ការពាក់ព័ន្ធជាមួយអ្នកគាំទ្រ K-Pop ចាប់ពីពេលនេះតទៅ និងបានបញ្ជាក់ថា នឹងស្នើទៅក្រុមហ៊ុនឱ្យស្វែងរកអ្នកមកជំនួសតួនាទីរបស់លោក។ ជាមួយគ្នានេះ លោកបានអំពាវនាវកុំឱ្យមានការរករឿង ឬបង្កជម្លោះជាមួយលោកបន្តទៀត។ យក្សដឹង | YAK DOENG MEDIA BTF | YDM

⭕️ ដំណឹងអន្តរជាតិ អគារចាស់មួយខ្នងបានបាក់រលំនៅតំបន់ឆាយណាថោន ក្នុងក្រុងបាងកក ប្រទេសថៃ នារសៀលថ្ងៃទី២០ ខែមិថុនា ឆ្នាំ២០២៦ បណ្តាលឱ្យបុរសម្នាក់ស្លាប់ភ្លាមៗនៅកន្លែងកើតហេតុ។ ហេតុការណ៍នេះបានកើតឡើងតាមបណ្តោយផ្លូវ Charoen Krung Road ក្នុងសង្កាត់ Talat Noi ជិតវត្ត Wat Traimit ខណៈបំណែកបេតុងទំហំធំបានធ្លាក់ពីជាន់ទី២ នៃអគារចាស់មួយខ្នង សង្កត់លើផ្លូវ និងរថយន្តដែលចតនៅក្បែរនោះ។ ក្រោយទទួលដំណឹង កម្លាំងពន្លត់អគ្គិភ័យ និងក្រុមសង្គ្រោះពីស្ថានីយ Suan Mali បានចុះអន្តរាគមន៍ភ្លាមៗ ដើម្បីជួយសង្គ្រោះ និងគ្រប់គ្រងស្ថានការណ៍។ មូលហេតុនៃការបាក់រលំនេះ កំពុងស្ថិតក្រោមការស៊ើបអង្កេតរបស់អាជ្ញាធរថៃ។

ស្វែងរកសាច់ញាតិ

បទចម្រៀង: ២០ មិថុនា ១៩៧៧ នាគទម្លុះដែនមារសង្គ្រោះកម្ពុជា ផ្តួចផ្តើម និងរៀបរៀងដោយ: ឧត្តមសេនីយ៍ឯក រ័ត្ន ស្រ៊ាង

សួស្ដីបងរង្សី និងប្អូនទាំងអស់គ្នា ពេលនេះប្រពន្ធខ្ញុំត្រូវការឈាមបន្ទាន់ដើម្បីត្រៀមវះកាត់ ខ្ញុំសូមបងប្អូនក្នុងគ្រុបអាចបរិច្ចាគឈាមជួយប្រពន្ធខ្ញុំបានទេ ត្រូវការ3កំប្លោកបងប្អូន 🙏🏻🙏🏻🙏🏻 017462749

🟡 បើមើលតាមសុជីវធម៌សង្គម និងបទបញ្ជានៅរោងកុន ខ្ញុំយល់ថា បុរសម្នាក់នោះជាអ្នកខុស ហេតុផល៖ 🎬 រោងកុនជាកន្លែងដែលមនុស្សគ្រប់គ្នាបង់ប្រាក់ ដើម្បីទស្សនាភាពយន្ត និងស្តាប់សំឡេងរឿង។ ការជជែកគ្នាខ្លាំងៗ ឬបង្កសម្លេងរំខាន អាចធ្វើឱ្យអ្នកដទៃខកខានបទពិសោធន៍ក្នុងការមើលរឿង។ 🙋‍♀️ យុវតីដែលអង្គុយខាងមុខ មិនបានស្នើអ្វីលើសហេតុផលទេ។ ការសុំឱ្យរក្សាភាពស្ងៀមស្ងាត់ គឺជាសិទ្ធិធម្មតារបស់អ្នកទស្សនាទាំងអស់។ 🎧 ចំពោះពាក្យថា «លើកក្រោយពាក់កាសមកផង» វាហាក់ដូចជាការឆ្លើយតបបែបចំអក ឬមិនទទួលខុសត្រូវ។ តាមពិតទៅ អ្នកដែលគួរតែបន្ថយសម្លេង គឺអ្នកដែលកំពុងរំខានអ្នកដទៃ មិនមែនអ្នកដែលកំពុងគោរពច្បាប់រោងកុននោះទេ។ មតិខ្លី បើនិយាយពីសិទ្ធិ៖ យុវតីត្រឹមត្រូវ។ បើនិយាយពីសុជីវធម៌៖ បុរសម្នាក់នោះមិនសមរម្យ។ បើនិយាយពីការរស់នៅក្នុងសង្គម៖ មនុស្សម្នាក់ៗគួរគោរពសិទ្ធិ និងផាសុកភាពរបស់អ្នកដទៃនៅទីសាធារណៈ។ សំណួរដល់ប្រិយមិត្ត៖ បើអ្នកជាយុវតីម្នាក់នោះ តើអ្នកនឹងធ្វើដូចម្តេច? តើអ្នកនឹងបន្តអត់ធ្មត់ មិនខ្វល់ ឬរាយការណ៍ទៅបុគ្គលិករោងកុន? 🤔 ប្រភព : https://web.facebook.com/reel/3960899964213594

សម្តីសជាតិ មាយាទសពូជ

⭕️ ឃាត់ខ្លួនជន​ជាតិ​បរទេស​២នាក់ ដែលបានធ្វើសកម្មភាពលួចម៉ូតូនិងកាបូបលុយនិងទូរសព្ទសម្ភារៈផ្សេងៗរបស់បងប្អូនប្រជាពលរដ្ឋ​ កាល​ពី​វេលាម៉ោង​១០:៣០នាទី​យប់​ ​ថ្ងៃ​ទី​១៥​ ខែមិថុនា​ ឆ្នាំ​២០២៦ នៅ​តាម​បណ្ដោយ​ព្រះស៊ីសុវត្ថិ​ ក្នុង​សង្កាត់​ផ្សារ​កណ្ដាល​ទី១​ ខណ្ឌដូនពេញ​ រាជធានី​ភ្នំពេញ​។ ជនសង្ស័យត្រូវបាននាំខ្លួនទៅកាន់កម្លាំង​នាយកដ្ឋាននគរបាលព្រហ្មទណ្ឌ​ អគ្គស្នងការនគរបាលជាតិ​ ដើម្បីធ្វើការសួរនាំនិង អនុវត្តតាមនីតិវិធី ៕ រូបភាព | FN

⭕️ ដោយអនុវត្តតាមទិសដៅការងាររបស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី១២ ខែមិថុនា ឆ្នាំ២០២៦ លោកវរសេនីយ៍ទោ អ៊ុំ ចន្ថា និងលោកវរសេនីយ៍ទោ កាំង សុគន្ធ នាយរងការិយាល័យ បានដឹកនាំកម្លាំងជំនាញចុះផ្សព្វផ្សាយណែនាំឲ្យបានយល់ដឹងពីគ្រោះថ្នាក់អគ្គិភ័យ ក៏ដូចជាប្រាប់ពីវិធីបង្ការ វិធីសង្គ្រោះបឋម និងរបៀបប្រេីប្រាស់បំពង់ពន្លត់អគ្គិភ័យ ត្រួតពិនិត្យបំពង់ពន្លត់អគ្គិភ័យ ដល់ប្រជាពលរដ្ឋ ស្ថិតនៅ ខណ្ឌចំការមន និងខណ្ឌមានជ័យ៕ ស្នងការដ្ឋាននគរបាលរាជធានីភ្នំពេញ