قهوة مبرمجين

نزلت تحديث جديد وصار متاح للإصدارت القديمة من الجوالات وانظمه التشغيل وحسنت خوارزمية البحث والاقتراحات نسخة ابل ‏ https://apps.apple.com/app/id6778521798 نسخة أندرويد ‏ https://play.google.com/store/apps/details?id=dev.s4j.ghurar

‏امس Hugging Face نزلت تقرير مفصل عن حادثه اختراقها من الذكاء وحاولت الخصها واترجمها لكم ‏هذي القصة كما روتها Hugging Face. فيها مصطلحات تقنية كثيرة بس ما تفهم القصه بدونها. ‏باختصار: وكيل OpenAI على موديل جديد ما قعد يحل اختبار الأمن السيبراني، قرر يسرق الإجابات وسرقها ‏الخط الزمني: ‏📔 9 يوليو: الوكيل يمر بتقييم داخلي لقدرات OpenAI السيبرانية. فلاتر الأمان هناك معطّلة عمدًا عشان يقيسون المستوى الخام للموديل. الوكيل يلقى ثغرة zero day في بروكسي سجل الحزم، ويخرج من الحاوية المعزولة للإنترنت، وبعدها يخترق خدمة عامة لتشغيل الكود وياخذ فيها root. الوكيل عين لنفسه صلاحيات المدير تخيلوا. ‏بنفس اليوم يركّب قناة تحكم تخيلوا استخدم خدمات الإنترنت المجانية: خدمات request-capture ومواقع pastebin ومشاركة الملفات. يقطّع الأوامر لقطع ويغلّفها gzip+base64 ويبدّل المنافذ باستمرار كل ما تقفل واحد عشان ما ينمسك. ‏📔 10 يوليو: الوكيل يبحث في محركات البحث والـAPI عن الأسماء اللي يشوفها في بيئته هو. يعني عمليًا يبحث عن نفسه. وعلى الأرجح يستنتج إن إجابات ExploitGym/CyberGym ممكن تكون على Hugging Face. ‏الوكيل يرفع على Hugging Face داتاسيتات مجهّزة بعناية: ‏وحدة تخلي معالج ملفات HDF5 يقرأ ملفات محلية على سيرفر Hugging Face. وكذا ياخذ متغيرات البيئة مع التوكنز وكود المعالج نفسه. ‏والثانية حقن Jinja2 يشغّل Python عشوائي داخل pod إنتاجي في Kubernetes. ونتائج الأوامر يطلّعها عبر API الموقع وداتاسيتات مشفّرة خاصة فيه. ‏📔 11 يوليو: ذروة النشاط. 7,677 عملية في يوم واحد. في أقل من 13 ساعة يمشي الوكيل من pod إنتاجي واحد لين cluster-admin في عدة عناقيد داخلية في Hugging Face. ‏يسرق توكنز service-account ويدخل على cloud metadata ويرفع pod مميّز بقرص المضيف وياخذ root على النود. وبعدها يبني أسطول ذاتي على 11 نود، ويقرأ MongoDB الداخلية وKubernetes secret واحد فيه 136 مفتاح دفعة وحدة. ‏من ضمنها مفتاح شبكة mesh-VPN المؤسسية للضحية وبيانات اعتماد مشتركة لسيرفر داخلي. وبسبب إعداد سيء كان هذا الاعتماد الواحد مربوط بـsystem:masters في عدة عناقيد مرة وحدة. عشان كذا حصل الوكيل على cluster-admin في اثنين منها حرفيًا في ثانية. معمارية اقتصادية جدًا لين ما شافها الروبوت. ‏📔 12 يوليو: الوكيل يبدأ يستفيد من الضحية نفسها. خلال الحملة كلها سجّل 181 جهاز مؤقت في الشبكة المؤسسية، ورفع بروكسي SOCKS من داخل الساندبوكسات، وشاف 22 عقدة داخلية في Hugging Face. وحاول يدخل قاعدة البيانات الرئيسية بس private-link allowlist وقفه. ‏وآخر الليل يوصل لإدارة السورس كود، ويصدر لنفسه GitHub App token بصلاحيات كتابة، ويفتح pull request علشان يشغل الـCI ويسحب اعتمادات جديدة. ‏المحاولة ما نجحت، وما دخل شي خبيث في الحزم والصور المنشورة. ‏📔 13 يوليو: تثبيت وتنظيف آثار. لودر من pastebin، وإعادة كتابة DNS، وتوكنز جديدة قصيرة العمر، ومفتاح RSA، وحتى بروكسي CORS على Hugging Face نفسه كمخرج احتياطي للإنترنت. الساعة ⁦ 13:37 ⁩ رصدوا آخر نشاط له معنى، وبعدها فريق Hugging Face يقطع الوصول. آخر حدث مسجّل ⁦ 14:14 ⁩ UTC. ‏في النهاية من محتوى المستخدمين ما وصل الوكيل إلا لخمس داتاسيتات فيها حلول مسائل ExploitGym/CyberGym. يعني حلّها؟ ‏النماذج والداتاسيتات والـSpaces والحزم الثانية ما تضررت حسب Hugging Face. والقاعدة الرئيسية وسلسلة توريد البرمجيات ظلت سليمة. ‏تخيلوا إن الموظفين وهم يحققون في الحادثة استخدموا هم كمان نماذج ذكاء اصطناعي، بس Claude Opus وFable رفضوا يحللون جزء كبير من السجلات واعتبروها طلب خطير. عشان كذا Hugging Face شغّلوا GLM-5.2 عندهم وفكّوا فيه الـpayloads المخفية. شكرًا للنماذج الصينية. ‏كل التفاصيل هنا: https://huggingface.co/blog/agent-intrusion-technical-timeline

‏مبرمج ترك شغله عشان يصير كهربائي 💔 ‏مطور عمره 31 سنة ضبح من الاجتماعات اللي ما تخلص ومن الكمبيوتر ومن الشغل المؤسسي اللي بلا معنى. المسكين كان ياخذ 95 ألف دولار زائد بونص 10% بس كان يبي يشتغل بيده ويشوف نتيجة ملموسة. عشان كذا قرر يترك كل شي وقدم على التدريب في نقابة الكهربائيين. ‏احترق في شغل فقرر يحترق في شغل ثاني 😅

‏المبرمجين ما يخافون يفقدون شغلهم بسبب الذكاء الاصطناعي بالعكس خايفين يشتغلون أكثر بنفس الراتب ‏نزل استطلاع كبير عن شعور موظفي التقنية في 2026 والصورة طلعت مثيرة للاهتمام: ‏• أكثر من نص الموظفين ما ينصحون الجونيورز بمهنتهم. وعمومًا الاحتراق الوظيفي زاد بشكل كبير خلال سنة من 44.7% لـ55.7%. ‏• 82% يقولون إن الذكاء الاصطناعي يخليهم أكثر إنتاجية بس جودة الشغل تنزل معه. الناس صارت تفهم كودها أقل وتفقد التركيز أسرع. ‏• ومع كذا 22% بس هم اللي قلقانين إنهم يفقدون شغلهم بسبب الذكاء الاصطناعي. أما الخوف الأول عند 51% فهو إنهم بيطالبونهم بأكثر بنفس الراتب. ‏• وسلام خاص للمدراء: 25% بس من موظفي التقنية يشوفون مديرهم فعّال حقيقة و36% يشوفونه غير فعّال أصلًا. ‏الدراسة كبيرة فعلًا وفيها تحليليات وافكار كثيرة اللي يحب يطلع عليها. https://www.lennysnewsletter.com/p/how-tech-workers-are-feeling-in-2026

‏اتوقع كل العلوم بتتغير ‏اليوم GPT-5.6 Pro دحضت فرضية شهيرة ثانية ظلت مفتوحة قرابة 30 سنة ‏فرضية Dinitz-Garg-Goemans من نظرية الرسوم البيانية وتدفقات الشبكات. تقول إنك تقدر تحوّل أي تدفق كسري (يتوزّع على عدة مسارات) لتدفق غير قابل للتجزئة (كل طلب يمشي بمسار واحد) بدون ما تزيد التكلفة، مع تجاوز محدود لسعات الشبكة. ‏مثل هذي النتائج عادة تصير أساس لخوارزميات تحسين عملية، عشان كذا الفرضية مهمة. وأصلها ورقة 1999 لـDinitz وGarg وGoemans. ‏الحل بالمناسبة لقاه Dmitry Rybin خريج رياضيات من HSE ومؤسس مشارك في ستارت أب ذكاء اصطناعي في شنجن شغله بالضبط الذكاء الاصطناعي للرياضيات واكتشاف الخوارزميات. وهذي رابط المحادثة لو احد يحب يشوفها https://chatgpt.com/share/6a60b2eb-0b64-83ee-9c76-7931ca1de063 ‏البرومبتنق عادي مثل "حقق اختراق" و"اكسر الحالة العامة" و"كمّل بحث" يعني ولا تلميحات ولا حتى تعليمات جادة. صاحبنا نفسه يسمّي مجرد نكتة. ‏والنتيجة إن الموديل بعد عدة جولات طلّع المثال المضاد المطلوب. الرسم عنده تكلفة تدفق كسري 58 وأي تدفق غير قابل للتجزئة (بتجاوز سعة 15 أو أقل) تكلفته 60 على الأقل. كذا صارت الرياضيات في 2026.

‏اليوم يكمل 57 سنة بالضبط على أول هبوط للبشر على سطح القمر ‏هنا كل الكود المصدري الأصلي اللي نجحت المهمة بفضله متاح للعامة. انرفع أوبن سورس من عشر سنين. ‏فيه 145 ألف سطر كتبتها المبدعة Margaret Hamilton وفريقها لوحدة القيادة والمركبة القمرية. https://github.com/chrislgarry/apollo-11

‏Fable 5 دحضت فرضية Jacobian الشهيرة ‏الفرضية تقول لو تطبيق متعدد الحدود عنده محدد Jacobian ثابت وغير صفري فلازم يكون له معكوس متعدد الحدود. ولازم نفهم إن هذي مو مسألة ضيقة ثانية من مسائل الرياضيات بل حرفيًا السؤال المركزي في قابلية عكس التطبيقات متعددة الحدود واللي تراكم عليه من ثلاثينات القرن الماضي كوم من الأدبيات. ‏لين اليوم ما تبرهنت إلا في حالات خاصة. والمثال المضاد اللي لقاه Fable يدحض الفرضية. ‏الحل أعلنه الرياضيان Levent Alpöge وAkhil Mathew والمثال قابل للتحقق بالورقة والقلم وببرامج الجبر الحاسوبي وأكّده رياضيون مستقلون.

‏كيف تدمّر منافسك بالذكاء الاصطناعي ‏خلنا نفترض إن عندك بزنس وفيه منافس صعب وتحاول تدمره. ايش تقدر تسوي؟ تقدر تنزّل تقييماته في المنصات والخرائط، وتقدر تحشي مواقع المراجعات بمراجعات وهمية، وتقدر تطلّع مقاطع ترند مثلا "ليش هالشركة كذا وكذا". ‏هذا صار قديم. المشاكل الحديثة لازم حلول حديثة. فيه خدمة CRM اسمها OnePageCRM نشرت على موقعها مقارنة مع منافسها folk CRM خلاصتها إنه غالي وماينفع وبشكل عام زبالة. كانها زي محتوى تسويقي رخيص بس فيه تفصيلة مهمة: ‏جمهور هذا النص مش البشر، بل زواحف ChatGPT وClaude وGemini. ‏وهذي مو لقطة عابرة من تسويق شاطر. وكالة Hard Numbers قاست حجم الظاهرة: شغّلت 50 برومبت شرائي من نوع فيه أسباب تخليني ما أختار هالمزوّد؟ على خدمات B2B مختلفة. وفي 70% من الردود كان البوت يخلط نص كتبه واحد من المنافسين بالذات عن الشركة اللي تسأل عنها. ‏وهنا الفكرة الأساسية. الإنسان لما يشوف دومين ⁦ onepagecrm.com ⁩ في صفحة عن منافسه بيفهم على طول إن هذا مصدر ما ينبني عليه. أما البوت لأ. نص من موقع منافس ونص من مراجعة مستقلة بالنسبة للذكاء الاصطناعي ما فيه فرق، كله يمشي. ‏وتخيلوا ان الفكرة رخيصة جدًا والمخاطرة شبه معدومة . تحط مراجعة موضوعية على دومينك وتخفيها عن الزوار البشر وتترك زواحف الذكاء الاصطناعي تدخل عليها. وبس، عميل منافسك بيستلم كلامك كأنه معلومة محايدة 👍 ‏قبل كانوا يسمّونها SEO أسود والحين صارت GEO أسود. وGEO يعني Generative Engine Optimization يعني زي الـSEO بس لبوتات الذكاء الاصطناعي. علم مستقل بحيله الخاصة. وكل ما زادت حصة الذكاء الاصطناعي من إجمالي البحث زاد دور الـGEO. ‏طبعاً انا ضد هذي الاشياء وما أشجعها. أنا مع المنافسة الشريفة. والأحسن منها التعاون. تتفقون وتحلبون السوق كله سوا عادة أربح من إنكم تذبحون بعض. نفس المقال يقول إنه بدل العبث بمواد التشهير للشات بوت الأفضل بالعكس تتفقون وتمدحون بعض مدح كويس في التقييمات . وهذا كمان بيدخل في ردود الذكاء الاصطناعي وما بتحتاج تحارب أحد.

‏نزلت تحديث جديد جربوه 🔥 ايفون https://apps.apple.com/app/id6778521798 اندويد https://play.google.com/store/apps/details?id=dev.s4j.ghurar

لأول مرة في التاريخ البشر يطلعون أرخص من السوفتوير محللين من ⁦a16z⁩ جمّعوا بيانات إنفاق الشركات على الذكاء الاصطناعي ورسموا رسوم بيانية مثيرة. باختصار طلع عندهم إنه في أعلى ⁦1%⁩ من الشركات صار إنفاق توكنز الذكاء الاصطناعي لكل موظف يقارب متوسط راتب المهندس السنوي. والنمو مؤخرًا كان أُسّيًا فبهذا المسار مع نهاية السنة المهندسين بيخسرون بفارق كبير قدام الـ⁦LLM⁩ في التكلفة. مضحك صح؟ إحنا وعدونا إن العكس هو اللي بيصير. وهذا كله عن التكاليف الظاهرة بس. لو تعمّقت أكثر تطلع إنه غير إنفاق التوكنز الذكاء الاصطناعي كمان يولّد وظائف جديدة كثيرة. الرسم الثاني يبيّن إن الشركات كثيفة استخدام الذكاء الاصطناعي خلال سنتين بعد التبني زوّدت طاقمها ⁦10.2%+⁩ بينما الشركات قليلة الإنفاق ظلت مكانها والطاقم ما تغيّر تقريبًا. (بس هذا مجرد ارتباط ممكن يكون له تفسيرات ثانية.) ⁦www.a16z.news/p/the-next-ai-goldrush-tokens-loops⁩

‏قصة حزينة ثانية عن GPT-5.6 Sol، شاركها مطور ثاني: ‏صحى من النوم واكتشف إن الاشتراكات حق شركته نازل آلاف الدولارات. ‏طلع إن GPT-5.6 Sol وهو نايم راحت خلال 7 ثواني ولغت كل اشتراكات مستخدمين مؤسسته 😅 ‏الله يعينه طبعا بس ليش الموضوع كل شوي يصير كأنه حملة إعلانية لـ Anthropic؟

‏لو تتعلموا AWS لقيت لك كنز ‏ممكن يقلب كل تصوّرنا عن محاكيات AWS. ‏فريق تطوير كسر الطريقة المعتادة وطلّع Floci. محاكي AWS مبني بـJava (Quarkus مترجم بـGraalVM) يطلع كنيتف باينري سريع. يشغّل حوالي 45 خدمة AWS (S3, Lambda, DynamoDB, SQS, SNS, IAM, CloudFormation, Step Functions وغيرها) ويشتغل في أقل من ثانية بواقع 24 ملي ثانية تقريبًا واستهلاك ذاكرة 13 ميجا بس وهو خامل. ‏بدون توكنات LocalStack ولا فواتير AWS ولا 4 جيجا رام محجوزة للحاويات ولا انتظار 30 ثانية. الخدمات الخفيفة (زي S3 وDynamoDB وSQS) تشتغل داخليًا بدون Docker، والأثقل (Lambda وRDS وECS) تستخدم حاويات Docker حقيقية عشان دقة أعلى. ‏بس تحمّله وتشغّله وعندك شبه كل بنية AWS محليًا. ‏⁦ github.com/floci-io/floci⁩

‏تخيلوا مطوّر يقول إن GPT-5.6-Sol مسح له بالغلط تقريبا كل ملفاته على الـMac والموديل نفسه اعترف ‏الناس على النت مستغربين كيف كذا هذا مو من GPT-3.5 هذا يعتبر افضل موديل في منتصف 2026. مع إن OpenAI نفسها في تقرير الأمان حقها سبق ونبّهت إن Sol عنده ميل يتجاوز صلاحياته ويحذف أشياء بدون إذن. ‏انتبهوا تسلموه ملفات دوامكم

‏لو قالوا لك اجلس بالبيت وندفع لك نص مليون دولار بالسنه توافق؟ ‏قصة منتشرة في الإعلام التقني إن Google تدفع لبعض موظفيها 500 ألف دولار في السنة عشان يقعدون في البيوت ولا يعملوا شي حرفيًا. ‏ الخبر صحيح تقريبا وطبعًا Google ما جنت وما ترمي الفلوس على الفاضي. لأ هي تسوي كذا بس مع أثمن كوادر الذكاء الاصطناعي عندها. يطلع لها أرخص إن الواحد ياخذ راتب سنة على الفاضي بدل ما يروح يحسّن النماذج في Anthropic أو OpenAI. بس الأهم مو هذا. ‏الموضوع إن سباق الذكاء الاصطناعي ماشي بسرعة جنونية وكل شي فيه يتغير بسرعات خيالية. الأساليب والمعرفة اللي مفيدة اليوم بعد سنة بتصير قديمة تقريبًا بالكامل. عشان كذا بالذات في مجال الذكاء الاصطناعي يطلع لـGoogle مربح تسوي كذا (في مجالات ثانية لأ بس في الذكاء الاصطناعي إي). هي تجمّد أثمن وأكثر الناس طلبًا لمدة سنة عشان خبرتهم المتطورة تصير قديمة بعد سنة . وبعدها يروحون للمنافسين على راحتهم ما بيغيّر الوضع شيء. ‏يعني عشان يدفعون لك نص مليون في السنة وانت قاعد في البيت لازم معرفتك ما تكون بس قيّمة وفريدة بشكل جنوني. لازم تعطي disruption في اللحظة وبعدها تتقادم بسرعة. غير كذا الشركة ما بتقدر تصرف على garden leave زي هذا وكل الخطة بتفقد معناها. ‏وفيه نقطة مهمة . في أمريكا ما تقدر تسوي كذا لأنه ممنوع بقوانين العمل. لكن في دول ثانية زي بريطانيا ينفع. فعشان كذا Google تحشر أثمن ألماسات الذكاء الاصطناعي في DeepMind البريطانية وهناك تقدر تجمّدهم وقت ما تبي ‏حرام عليهم صراحة .

تخيلوا الصين تبي تقفل أفضل نماذجها للذكاء الاصطناعي عن العالم الخارجي 😬 ‏Reuters تقول إن سلطات بكين تناقش قيود على تصدير نماذجها الأكثر تقدمًا حتى اللي ما نزلت بعد. وفي الاجتماع اللي بحث الموضوع كانت كل شركات الذكاء الاصطناعي الصينية الكبيرة حاضرة: Alibaba وByteDance و Z.ai . وايش بيصير بالنماذج مفتوحة المصدر اللي يعتمد عليها 80% من الستارتابات الأمريكية (وغيرها) للان مجهول. اتوقع إن حرب الذكاء الاصطناع

نزلت تحديث جديد فيه ميزات روعه جربوه نسخة الايفون https://apps.apple.com/app/id6778521798 نسخة الاندرويد https://play.google.com/store/apps/details?id=dev.s4j.ghurar

الصين تفتتح خطة خمسية لتعليم الذكاء الاصطناعي مجلس الدولة نشر خطة خمسية تنص على إن الإلمام بالذكاء الاصطناعي لازم يصير قدرة أساسية لكل طالب في أي مرحلة تعليمية. الحين تعليم الذكاء الاصطناعي في الصين بيبدأ تقريبًا من عمر 6 سنوات وبينتشر على شكل مقررات منظّمة في كل صفوف المدرسة وبعدين للجامعات والكليات وهكذا. وهذا مو مجرد فكرة بل جزء من استراتيجية شي جين بينغ للتفوق التقني والمنافسة مع أمريكا. الإلمام بالذكاء الاصطناعي على نطاق واسع صار يُعتبر مسألة قدرة تنافسية وطنية. أعجبوني صراحة. يعني قريب بيصيرون أول دولة تكون فيها مهارات التعامل مع الذكاء الاصطناعي أساسية زي الإنترنت أو أبسط البرمجيات.

‏صار لي فترة أدور تطبيق للشعر العربي الكلاسيكي يكون احترفي ومافي شي اعجبني وقررت أسوّيه بنفسي. ‏غُرَر. ‏مكتبة فيها شعر لأكثر من ١٦٠٠ شاعر، من المعلقات لين المتنبي وأبي العلاء المعرّي. والواجهة عربية من البداية وكل جهاز له تصميمه الآيفون بفلسفته والأندرويد بالمتريال يعني نتيف للنظامين. ‏غُرَر مو بس مكتبة تقرأ منها. تحفظ الأبيات اللي تحبها والتطبيق يرجّعها لك بين فترة وفترة عشان تثبت معاك. تجمع مختاراتك في مكان ما يضيع وأي بيت يعجبك تطلعه بصوره أنيقة تنشرها أو تهديها لأحد. وإذا استصعب عليك معنى فيه شرح للقصائد المشهورة تفهّمك من غير ما تدوّر خارج التطبيق . ولو عندك النسخة المدفوعة يكون شغّال حتى بدون نت ومعاك وين ما رحت. ‏طبعاً مجاني وبدون إعلانات ‏حملوه من هنا ‏⁦ ghurar.app ⁩

تخيلوا ⁦Dario Amodei⁩ ضد النماذج مفتوحة المصدر 👀 الرئيس التنفيذي لـ⁦Anthropic⁩ من فترة يخوّف المشرّعين من مخاطر النماذج المفتوحة وإنها ما تنضبط وصعب تتقيّد. والحين قال إن الأوبن سورس في الذكاء الاصطناعي مجرد مناورة لصرف الانتباه. حجته إن النماذج ما تقدر تكون مفتوحة المصدر فعلًا ولتشغيلها برضو تحتاج سحابة وبنية تحتية قوية بس التحكم فيها أصعب. هذي شوية أرقام وحقائق: ⁦80%⁩ من المشاريع الناشئة الأمريكية في الذكاء الاصطناعي مبنية على نماذج صينية. في ⁦OpenRouter⁩ خلال سنة نزل بشكل حاد عدد التوكنز المصروفة على النماذج الأمريكية وصار الصرف على النماذج الصينية أكثر بالضعف. وكمان شركات أمريكية كبيرة تنتقل بالجملة للنماذج الصينية المفتوحة. مثلًا ⁦Coinbase⁩ الحين تستخدم ⁦GLM-5.2⁩ و⁦Kimi 2.7⁩ وغيرها من النماذج الرخيصة عشان تكسب أكثر بسعر أقل. يبدو إن ⁦Amodei⁩ فاهم إن الأوبن سورس يدمّر شغله والصينيون بدأوا يكسبون في سباق الذكاء الاصطناعي