Wajjira barnoota Go/H/Baha

Sammuu Kee Eenyutu To'ataa Jiraa? Ati addunyaa kanaaf kennaa addaati. Namni si fakkaatu yoo jiraates, namni si bakka bu'u garuu hin jiru. Si qofaatu si ta'ee addunyaa kanarra jiraate darba. Sammuu kee eenyutu to'ataa jiraa? Maatii kee moo hiriyaa keetu waan ati hojjechuu qabduuf eeyyama siif kennaa? Dhugaadha! Eenyummaan kee fi amalli kee har'aa waliin jireenya naannoo kee fi guddisa maatii keetu si boce. Dhiibbaan isaanii dandeettii kee akka ati hin beekneef ofitti amanamummaa sirraa mulqeera taanaan ofirratti dammaqi! Fedhii kee, filannoo kee, miiraa kee fi dandeetti kee kan beeku Sammuu keeti malee isa namoonni natu siif beeka jedhan miti. 1. Namoonni dhibbantaan 50 hidhaa sodaa maatii fi naannoo isaaniin takaalamanii kaayyoo isaanii irraa kufaniiru. 2. Namoonni dhibbantaan 23 hidhaa anatu siif beeka hiriyootaa fi namootaan mul'ata isaanitti ofitti amanamummaa dhabanii garba ta'aniiru. Namoota sammuu jal'aaf sammuu isaanii kennanii waan hin feene hojjechaa jiraachaa jiru. 3. Namoonni dhibbantaan 18 gammaduudhaaf, hojjechuudhaaf, jiraachuudhaaf baala sammuu isaanii hadoochanii fi ho'isaniif sagadanii jiraatu. Sammuu isaanii araadatti yeroo malee waan gurgurataniif addunyaa dhugaa keessaa bahanii yeroo hojjechuu qabanitti rafanii yeroo boqochuu qabanitti immoo daandii gubbaa ciisanii maraatummaa kadhachaa jiru. 4. Namoonni dhibbantaan 5 dandeettii isaanii wallaalanii namoota ni beeku jedhanii yaadan akkeessuudhaan bu'aa fakkeessummaan hirkatanii jiraatu. Wanti isaan hojjetan yaada ofii isaanii utuu hin taane kalaqa namootaa hatanii gurgurachuudha. 5. Namoonni dhibbantaan 4 waa'ee ofii isaanii, ofii murteeffatanii madaalaa fi orbitii mataa isaanii irra jiraatu. Baay'een isaanii dandeetti waaqni isaaniif kennetti ofii isaaniif maatii isaanii fayyadanii yoo darban isaan keessaa muraasni kalaqaa fi tattaaffii dhuunfaa isaaniin dhalootaaf galaa gaarii guduunfanii kan darbanidha. Kanaaf namni hamma kee siif beeku hin jiru. Ati ofii keef ofirratti dammaqii of ta'ii jiraadhu! Guuboo hirkattummaa jalaa bahii dungoo fiddee dhufte addunyaa kanatti bobeessi! Ati lakkoofsa meeqaffaadha? Yaada kee barreessi!