PARANOIA.KZ

CNN: Украинада Patriot-қа арналған зымырандар қоры таусылды. Жақын аралықта АҚШ-тан бұл зымыран түрлерінің келуі екіталай. Жалпы әлем бойынша Patriot-қа арналған зымырандардың қоры азайған.

Bloomberg: Ұлыбритания Украинаға Storm Shadow зымырандарын жеткізеді. Саны құпия сақталуда. Украина бұл зымырандарды ресейлік әскери қолбасшыларды жою, штабтарды атқылауда қолданып келеді. Соңғы мәрте Донецктегі әскери штабты атқылап, 20-дан астам офицерді жойған болатын.

CNN: Украинада Patriot-қа арналған зымырандар қоры таусылды. Жақын аралықта АҚШ-тан бұл зымыран түрлерінің келуі екіталай. Жалпы әлем бойынша Patriot-қа арналған зымырандардың қоры азайған.

Хуситтер Йеменнің Аден аймағындағы президенттік ғимаратқа соққы жасады. Екі адам қаза тапқан.

Қасым-Жомарт Тоқаев пен Ильхам Әлиев Транскаспий талшықты-оптикалық байланыс желісін іске қосу рәсіміне қатысты. Президенттер Каспий теңізінің түбі арқылы Қазақстан мен Әзербайжанды жалғастыратын ұзындығы 380 шақырымдық талшықты-оптикалық байланыс желісін салтанатты түрде іске қосты. Жобаны «Қазақтелеком» АҚ мен AzerTelecom компаниясы бірлесіп жүзеге асырды. Бұл желі Қазақстанды және Орталық Азияның басқа елдерін, сондай-ақ Қытайды Еуропамен жалғайтын жаңа байланыс бағытының бір бөлігі саналады. Ол Жерорта теңізі мен Қара теңізде орналасқан байланыс жүйелеріне қосылуы мүмкін.   Жоба Қазақстанның цифрлық экономикасын дамыту тұрғысынан стратегиялық мәнге ие. Атап айтқанда, ТОБЖ елімізде қосымша халықаралық байланыс желісін іске қосып, отандық нарыққа жаһандық технологиялық компанияларды тартуға және бұлтты сервистер мен жасанды интеллект инфрақұрылымын дамытуға жағдай жасайды. Ақпарат: Ақорда арнасынан

CNN: АҚШ Иранға “бомбалардың анасы” атанған 9,8 тонналық бомбаны тастауы мүмкін. Қазір Пентагон GBU-43/B MOAB бомбасын қолдануды ойластырып жатыр. Бомба Иранның Пикакс тауындағы ядролық нысанына тасталуы мүмкін.

Ресейлік репер Қазақстанда есірткімен ұсталды... Қордайда есірткі контрабандасы күдігімен ресейлік рэпер Navai ұсталды.  Жамбыл облысында шекарадан өтпек болған танымал ресейлік рэпер Navai (шын аты-жөні — Наваи Бахманоғлы Бакиров) есірткі контрабандасы бойынша күдікке ілініп, ұсталды. Бұл туралы өңірлік Полиция департаментінің баспасөз қызметі мәлімдеді. Оқиға 13 қазанда «Қордай» өткізу пунктінде болған. Шекаралық бақылау барысында әнші отырған көлік тексеріліп, ішінен заңсыз есірткі заты табылып, тәркіленді. Әзірге тәркіленген заттың нақты қай түрі екені және оның көлемі туралы ресми ақпарат жарияланған жоқ. Тәртіп сақшылары аталған факті бойынша қылмыстық іс қозғады. Жергілікті бұқаралық ақпарат құралдарының хабарлауынша, рэпермен бірге көлікте болған тағы екі адам жауап алынғаннан кейін босатылған.

Бакуде өтіп жатқан Азиядағы өзара іс-қимыл және сенім шаралары кеңесінің 7-саммиті аясында Президент Қасым-Жомарт Тоқаев Израиль Президенті Ицхак Герцогпен кездесті. Мемлекеттер басшылары Қазақстан-Израиль қарым-қатынасы қарқынды сипат алғанына тоқталды. Сондай-ақ сауда-экономикалық және инвестициялық ықпалдастыққа ден қоя отырып, маңызды бағыттар бойынша ынтымақтастықты дамыту перспективасын талқылады. Ицхак Герцог Қазақстанның Бейбітшілік кеңесіне қосылуын құптап, бұл оқиғаның бейбітшілік пен тұрақтылықты нығайтуға қосылған зор үлес екенін атап өтті. Ақпарат: Ақорда арнасынан

Ресейдегі Борисоглебск әскери әуежайына жасалған соққының спутник түсірілімі жарияланды. Сарапшылар кемі 4 дана Су-34 толық отқа оранып, тағы екеуі жарамсыз күйге түскен дейді.

‼АҚШ президенті Дональд Трамптың соңғы апталардағы күрделі саясаттағы күрт бұрылысы әлемдік ақпарат кеңістігін әрі-сәрі күйге түсірді. Ресеймен «мұнай келісімін» жасасқан Трамп өзін-өзі ақтау үшін «бар бәлеге» Киевті һәм президент Зеленскийді айыптап, «Украинаға жаңа басшы керек» деген Ресей риторикасын қайта қоздатты... ▪ТРАМП НЕГЕ ЗЕЛЕНСКИЙГЕ ШҮЙЛІКТІ? ▪КИЕВТІҢ ЖАУАБЫ: ПОЗИЦИЯДАН АУЫТҚЫМА, ТРАМП! ▪УКРАИНАНЫ ЗЕЛЕНСКИЙДЕН КЕЙІН КІМ БАСҚАРАДЫ? ⬇Толық: https://mezgil.kz/e/action/ShowInfo.php?classid=2&id=9121

Су-34М ұшақтарының құны 50 млн долларға жуық. Егер түнгі соққыда аталмыш ұшақтың бірден 6 данасы жойылғаны спутник түсірілімдерімен расталса, онда бұл ауқымды операцияның бірі ретінде тіркелмек.

Украина түнде Воронеж аймағындағы Борисоглебск әскери әуежайына соққы жасады. Бұл осы соғыстағы аталған әуежайға жасалған ең ауқымды шабуыл. Украина “Нептун” зымырандарын қолданған дейді ақпарат көздері. Шабуылда 6 дана Су-34 ұшағы жойылғаны айтылуда.

Украина әуе шарлары арқылы Мәскеудің әуежайларын бұғаттауды жалғастыруда. Үш күнде 400-ден астам рейс шегерілген. Кейбірі мүлде тоқтатылған. Мыңдаған адам ондаған сағат бойы әуежайларда жатыр. Көбі турларының, бизнес кездесулерінің іске аспай, шығынға батқанын айтуда.

Пәкістанда мектептің шатыры опырылып, 29 адам көз жұмды. Олардың 28-і бала.

Түркия су астында қалды. Толассыз жауған нөсер жауын Түркияның бірнеше аймағындағы өзендерді арнасынан асырып, су тасқыны болып жатыр. Ыстамбұл қаласы да табиғи қиқар мінезін сезінуде.

Зеленский Трамптың энергетикалық келісімін үш күн бұзбағанын айтты. Алайда Ресей шабуыл жасауды жалғастыруда дейді. Соған байланысты енді Ресейдің МӨЗ-дерін, энергия саласын атқылауды қайта бастаймыз деді.

Трамп Канада туралы: "Түптің түбінде олар біздің бір штатымыз болады. Мен солай ойлаймын. Бізге олардың керегі жоқ, бірақ оларға біз керекпіз. Не үшін біз оларға жыл сайын 80-100 млрд доллар қаржы бөлуіміз керек? Олар тіпті біздің аймағымыз да емес. Менің ойымша, түбінде Канада Гренландия жолымен жүретін болады", - дейді.

Албания елінде де наразылық акциялары өтуде. Наразылықты студенттер ұйымдастыруда. Олар білім алу қолжетімді болсын дейді. Сонымен бірге, студенттерді қаржылай қолдау да күшейтілсін деген ойда. Қазір Албаниядағы жастардың 25 пайыздан астамы жұмыссыз. Сол үшін жұмыссыздық мәселесін шешуді де сұрауда. Наразы топ президент қызметінен кетсін деген ұранды да айтқан. Наразылық акциялары Білім және ғылым министрлігі алдында өтуде.

Малиде азамат соғысы жалғасуда. JNIM (Жамағат Нұсрат әл-Ислам уәл Муслимин) лаңкестік тобы Мали әскерінің Диура аймағындағы базасына шабуыл жасады. Шабуыл барысында базаны басып алған. Шайқаста 150-ге жуық сарбаз қаза тауып, тағы 80-і тұтқынға түскен. Жүзге жуық сарбаз әскери позициясын тастап, қашып кеткен.