БСТ | Яңылыҡтар

Радий Хәбиров «Белем» йәмғиәте Башҡортостан төбәк бүлексәһенең күҙәтеү советы ултырышын үткәрҙе Республика башлығы Радий Хәбиров «Белем» йәмғиәте Башҡортостан төбәк бүлексәһенең күҙәтеү советы ултырышын үткәрҙе. Осрашыуҙа «Белем» йәмғиәтенең хәрби-илһөйәрлек һәм мәғрифәтселек йүнәлештәрендәге эшмәкәрлегенә йомғаҡ яһалды, яңы маҡсаттар билдәләнде.

Өфөлә Ғәзиз Әлмөхәмәтовтың тыуыуына 130 йыл тулыуға хәтер кисәһе үтте Өфөлә күренекле йырсы һәм композитор Ғәзиз Әлмөхәмәтовтың тыуыуына 130 йыл тулыу айҡанлы хәтер кисәһе үтте. Әҙәби-музыкаль сара Мәжит Ғафуриҙың мемориаль йорт-музейында ойошторолдо

Иглин районы Келәш ауылында яңы модулле фельдшер-акушерлыҡ пункты асылды Бер йыл эсендә бишенсе ФАП. Иглин районы Келәш ауылында яңы модулле фельдшер-акушерлыҡ пункты асылды. Медицина учреждениеһы «Оҙайлы һәм әүҙем тормош» милли проекты ярҙамында сафҡа инде. Хәҙер ул Үктәй ауыл биләмәһенә ҡараған ике тораҡ пункта йәшәүсе 300 самаһы кешене, шул иҫәптән 40-ҡа яҡын баланы хеҙмәтләндерәсәк.

Башҡортостандың Йәмәғәт палатаһында һанлы мутлашыу темаһына түңәрәк өҫтәл уҙҙы Белгестәр мессенджерҙарҙы хәүефһеҙ ҡулланыу тураһында кәңәштәр бирҙе, мутлашыуҙың билдәләрен асыҡларға, әгәр картанан аҡса урланған булһа, эш итеү алгоритмдарын өйрәтте. Тикшерелгән мәсьәләләр араһында Ватан мессенджеры «МАХ» үҫеше һәм хәүефһеҙлеге ҡаралды.

Рәсәй Ғәҙәттән тыш хәлдәр министрлығы яңы мобиль ҡушымта тәҡдим итте Бушлай һанлы ҡушымта оператив рәүештә ҡотҡарыусылар саҡыртырға, географик координаттарҙы билдәләргә, хәүеф янаған осраҡта мәғлүмәт алырға ярҙам итә. Мобиль ҡушымта аша пилотһыҙ осоу аппараттары менән бәйле иҫкәртеү мәғлүмәте таратыла. МАКС ҡушымтаһына бәйле интерактив ярҙамсы граждандарға төрлө һорауҙар буйынса онлайн яуап ҡайтара.

Башҡортостан вәкилдәре Мәскәүҙән еңеү менән ҡайтты Илдең баш ҡалаһында “АпиДар” бал продукцияһы Бөтә Рәсәй конкурсы үтте. Ул 20-гә яҡын төбәктән килгән умартасылар һәм апипродукция етештереүселәрҙе берләштерҙе. Ярышта Башҡортостандан 6 кеше ҡатнашты. Улар 16 төр продукция тәҡдим итте. Конкурс һөҙөмтәһе буйынса, яҡташтарыбыҙ 24 призлы урындың етәүһен яуланы. “Прополислы продукттар” номинацияһында Умартасылыҡ һәм апитерапия үҙәге еңеүсе булды. Күгәрсендән Ольга Лыщенко ошо уҡ номинацияла өсөнсө урын алды. Өфөнән Артур Абсатаров ике номинацияла бүләкләнде. Еңеүселәрҙең тулы исемлеге менән Башҡортостан ауыл хужалығы министрлығы сайтында танышырға була.

Өфөнөң Черниковка биҫтәһендә берәҙәк эттәр артҡан Баш ҡала мэры Ратмир Мәүлиев Калинин районы хакимиәт башлығын шуның өсөн тәнҡитләне. “Үткән аҙнала Өфөлә урам эттәренә бәйле 80 мөрәжәғәт ҡабул ителгән. 6 кеше, шул иҫәптән 2 баланы эт тешләгән. Калинин районы йыл дауамында бындай хәбәрҙәр буйынса беренсе урында килә. Был насар күренеш”, - тине Ратмир Мәүлиев. Калинин район хакимиәтенә быйыл берәҙәк хайуандар тураһында 501 мөрәжәғәт килгән. 527 эт һәм бесәй тотолған. “3 кешене йорт хайуандары тешләүе асыҡланды. Хужалары уларҙы морондоҡһоҙ йөрөткән”, - тине Калинин районы хакимиәте башлығы урынбаҫары Дмитрий Миронов.

Башҡортостанда медицина хеҙмәткәрҙәренә бер тапҡыр бирелгән түләүҙәр артты Республика хөкүмәтенең ошо турала ҡарары бар. Документҡа ярашлы, табиптар 1 миллион ярым һум ала. Ауыл һәм ҡасабаға эшкә барған фельдшер, акушер һәм шәфҡәт туташтарына 750 мең һум түләнә. “Ауыл табибы” һәм “Ауыл фельдшеры” программалары Башҡортостандың бөтә хакимиәттәрендә тормошҡа ашырыла.

Башҡортостанда нейроселтәр буйынса беренсе һөнәри әҙерлек дипломдары тапшырылды Башҡортостан Башлығы ҡарамағындағы Башҡортостан дәүләт хеҙмәте һәм идара итеү академияһында һөнәри әҙерлек дипломдары тапшырылды. «Мәғлүмәт ресурстары һәм нейроселтәр менән эшләү буйынса белгес» программаһы буйынса 150 кеше белемен камиллаштырған. Яңы йүнәлеш «Кадрҙар» милли программаһы буйынса тормошҡа ашырылған.

Ауырғазы районы Татар Нуғаҙағы ауылында йыһазландырылған спорт һәм ял паркы асылды Төҙөкләндереү «Ауыл биләмәләрен комплекслы үҫтереү» дәүләт программаһы сиктәрендә уҙғарылған. Һуңғы биш йылда федераль проект буйынса Ауырғазы районына 13,3 миллион һум дәүләт ярҙамы йүнәлтелгән. Был аҡсаға Семенкин ауылында бөйөк Ватан һуғышында һәләк булған яугирҙарға һәйкәл ҡуйылған, Миҫеле ауылы менән Балыҡлыкүл ауыл биләмәһендә урамдарҙы яҡтыртыу ҡоролмалары һәм контейнер майҙансыҡтары барлыҡҡа килгән.

Әбйәлил районында 10 йәшлек ҡыҙ Екатеринбургта реабилитациянан һуң өйөнә ҡайтты Ауыр сир һәм янғын арҡаһында Нурзилә Исламғолова бер йылдан ашыу йөрөй алмай. Хәҙер ҡыҙ аяғына баҫҡан. Реабилитация үҙәге белгестәре уның менән координацияны ҡайтарырыу өсөн көн һайын шөғөлләнә, мускулдарҙы нығытырға һәм уларҙың эшен яҡшыртырға ярҙам итә.

Рәсәйҙең иң шәп участка терапевы Өфөнөң 13-сө ҡала клиник дауаханаһында эшләй Ул-медицина учреждениеһының терапия бүлеге мөдире Флүзә Әхмәтйәнова. «Йылдың иң яҡшы табибы» Бөтә Рәсәй конкурсында «Иң яҡшы участка терапевы» номинацияһында еңеү яулаусы. Флүзә Рәсих ҡыҙы участка терапевы булып 30 йылдан ашыу эшләй, үҙ һөнәренең оҫтаһы. Ил кимәлендә иң яҡшы тип баһаланған тәжрибәле табиптың шатлығын беҙҙең ижади төркөм дә уртаҡлашты.

Өфөнөң Затон биҫтәһендә 1225 урынлыҡ яңы мәктәп төҙөлә Белем биреүгә заманса шарттар. Өфөнөң Ленин районы биләмәһендә дүрт мәғариф учреждениеһы төҙөлә. Уларҙың иң күләмлеһе Затон биҫтәһендә 1225 уҡыусыға иҫәпләнгән гуманитар-лингвистик йүнәлештәге белем биреү комплексы. Миловка, Летчиктар, Ғәзи Заһитов һәм Дмитрий Купцов урамдарында йәшәүселәр белем аласаҡ мәктәптәге төҙөлөш эштәре барышы менән беҙҙең ижади төркөм танышты.

Башҡортостанда «Һөт кухняһы» ярҙамын 19 меңдән ашыу кеше алған Башҡортостанда туғыҙ ай эсендә 19 меңдән ашыу кеше «Һөт кухняһы» продукцияһын льготалы алыу хоҡуғынан файҙаланған. Шул уҡ ваҡытта махсус хәрби операцияла ҡатнашыусы ғаиләләр араһында ярҙам алыусылар былтырғы менән сағыштырғанда 20,9 процентҡа артҡан. Һөт ризыҡтары ассортиментын арттырыу буйынса социаль селтәрҙәр аша төбәк башлығына мөрәжәғәт итеү һөҙөмтәһендә быйыл продукция 12 төр менән тулыланды. Әйткәндәй, 11 ноябрҙә Башҡортостан башлығы менән тура бәйләнешкә сыға. Теләге булған һәр кем үҙен борсоған һорауҙарын бирә ала.

Радий Хәбиров «Әр-Рәхим» мәсетен яҡтыртыуҙың өс концепцияһы менән танышты. Бөгөн Радий Хәбиров «Әр-Рәхим» мәсетен яҡтыртыуҙың өс концепцияһы менән танышты. Бөтәһе ете вариант тәҡдим ителгән, шуларҙың өсәүһен баш ҡаланың архитектура советы һайлаған. Улар араһында төп мосолман һәм дәүләт байрамдары көндәрендә ҡулланыласаҡ махсус яҡтыртыу бар. Әле мәсет бинаһында техник һәм дизайнер һынауҙары үткәрелә, төрлө яҡтылыҡ сценарийҙары һәм ҡорамалдары тикшерелә.

#МУЗЫКАВМЕСТЕ проекты беренсе сығарылышын тәҡдим итте. «Бөйөк ил йырҙары. Волга буйынан һөйөү менән». #МУЗЫКАВМЕСТЕ проекты беренсе сығарылышын тәҡдим итте. Был хаҡта социаль селтәрҙәрҙә Радий Хәбиров яҙҙы. Округтың иң матур урындары буйлап музыкаль сәйәхәт легендар «Течет река Волга» йыры менән башлана.

Миәкә районында тыуған Айгөл Әхмәтшина Норвегия тамашасыһы күңелен «Һандуғас» йыры менән әсир итте Осло сәхнәһендә башҡорт халыҡ йыры яңғыраны. Миәкә районында тыуған Айгөл Әхмәтшина Норвегия тамашасыһы күңелен «Һандуғас» йыры менән әсир итте. 6 йәшенән академик вокал менән шөғөлләнә башлаған башҡорт ҡыҙы бөгөн донъя операһы йондоҙо. Ул Лондондың «Ковент-Гарден» клубында стажировка үтә, Мадридтың «Король операһы»нда сығыш яһай һәм Нью-Йорктың «Метрополитен операһы»нда Карменды башҡара.

Комсомолдың тыуған көнө алдынан Өфөлә студент отрядтары ветерандары слеты үтте Унда ваҡытында Советтар Союзында берҙән-бер «Зоркий» фотографтар отрядының фотоһүрәттәр күргәҙмәһе ойошторолдо. Әлеге ваҡытта ил һәм республика кимәлендә танылған фоторәссамдарҙың һәр ҡайһыһында был осорҙоң студент отрядтары тормошон сағылдырған бай архив һаҡлана. Күргәҙмә ветерандарға студент йәшлеген иҫкә төшөрҙө.

Утҡа ҡаршы тороусыларҙың штаттан тыш «хеҙмәткәре» барлыҡҡа килгән Берәҙәк бесәй Өфөнөң 8-се янғын һүндереү часына сентябрҙә эйәләшкән. Рыжий ҡушаматлы бесәй бында үҙен өйҙәге кеүек тоя. Бер кемгә лә ҡамасауламай, әйтерһең, ҡотҡарыусыларҙың эше етди икәнен яҡшы аңлай. Йонсоған йорт хайуаны янғын һүндереү часына үҙе килә.