News Of Myanmar

၂၀၂၆ ခုနှစ်၊ (၇၉) နှစ်မြောက် ပြည်ထောင်စုနေ့အထိမ်းအမှတ် ပြည်ထောင်စုအဆင့် MSME ထုတ်ကုန်ပြပွဲနှင့် ဈေးရောင်းပွဲတော် ဖွင့်ပွဲအခမ်းအနားကျင်းပပြုလုပ် ပြည်ထောင်စုသမ္မတမြန်မာနိုင်ငံတော်ယာယီသမ္မတ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် တက်ရောက်ချီးမြှင့် ဖေဖော်ဝါရီ ၈၊ ၂၀၂၆ News Of Myanmar NOM

ပြည်ထောင်စုသမ္မတမြန်မာနိုင်ငံတော် ပြည်ထောင်စုရွေးကောက်ပွဲကော်မရှင် ကြေညာချက်အမှတ် ( ၃၃ / ၂၀၂၆ ) ၁၃၈၇ ခုနှစ်၊ တပို့တွဲလပြည့်ကျော် ၇ ရက် ( ၂၀၂၆ ခုနှစ်၊ ဖေဖော်ဝါရီလ ၈ ရက် ) တပ်မတော်သား အမျိုးသားလွှတ်တော်ကိုယ်စားလှယ် အမည်စာရင်းကြေညာခြင်း News Of Myanmar NOM

ဖေဖော်ဝါရီလ၈ရက်နိုင်ငံတကာသတင်းတိုများ NOM ၁။အမေရိကန်သည်နော်ဝေမှယင်းတို့၏တင့်ကားများကိုလေယာဥ် များဖြင့်ဂျော်ဒန်သို့ရွှေ့ပြောင်းလျက်ရှိသည်။(ဓါတ်ပုံ) ၂။ဆီးရီးယားတွင်ဖမ်းထားသောအိုင်အက်စ်အကြမ်းဖက်သမားများကိုအမေရိကန်ကအီရတ်သို့ပို့ဆောင်လျက်ရှိသည်။(ဗီဒီယို) ၃။အီရန်ကိုတိုက်ခိုက်ရန်အမေရိကန်သည်အင်အားဖြည့်တင်းနေရာဘီ၅၂မဟာဗျူဟာမြောက်ဗုံးကြဲလေယာဥ်ကြီးများကာတာနိုင်ငံရှိအယ်လ်အူဒီအစ်လေတပ်စခန်းသို့ရောက်ရှိလာသည်။(ဗီဒီယို) ၄။အစ္စရေးအမှတ်၈၂၀၀ထောက်လှမ်းရေးတပ်ဖွဲ့မှတပ်ကြပ်ကြီးတွမ်မာအီဂက်စ်သည်အီရန်အတွက်သူလျိုလုပ်ပေးမှုဖြင့်အစ္စရေးပြည်တွင်းထောက်လှမ်းရေးရှင်းဘက်ကစစ်ဆေးစဥ်သေဆုံးသွားသည်။(ဓါတ်ပုံ) ၅။ရုရှားထောက်လှမ်းရေးဒုတိယအကြီးအကဲဒုတိယဗိုလ်ချုပ်ကြီးအလက်ဆီကိုသေနတ်ဖြင့်ပစ်ခတ်ခဲ့သောယူကရိန်းထောက်လှမ်း ရေးတပ်ဖွဲ့ဝင်ဆားယက်ဗရီယာကိုဗတ်ကိုယူအေအီးနိုင်ငံတွင်ဖမ်းမိပြီးရုရှားနိုင်ငံသို့ပြန်လည်​ခေါ်ဆောင်ခဲ့သည်။၄င်းနှင့်တစ်ဖွဲ့တည်းဖြစ်သောဗစ်တာဗက်ဆင်ကိုလည်းမော်စကိုတွင်ဖမ်းမိခဲ့သည်။

ရန်ကုန်-မန္တလေးအမြန်လမ်းတွင် မောင်နှင်းသောယာဉ်မောင်းများ ၂နာရီ မောင်းပြီးတိုင်း နီးစပ်ရာယာဉ်ရပ်နားစခန်းတွင် ခေတ္တနားရန်လို NOM၊ဖေဖော်ဝါရီ၈၊၂၀၂၆ ရန်ကုန်-မန္တလေးအမြန်လမ်းတွင် မောင်နှင်းသောယာဉ်မောင်းများ ၂နာရီ မောင်းပြီးတိုင်း နီးစပ်ရာယာဉ်ရပ်နားစခန်းတွင် ခေတ္တနားရန်လိုအပ်ကြောင်းအမြန်လမ်းမကြီးထိန်းသိမ်းပြုပြင်ရေးနှင့်ကြီးကြပ်ရေးအဖွဲ့မှ တာဝန်ရှိသူတစ်ဦးကပြောကြားခဲ့သည်။ ရန်ကုန်မှ မန္တလေးသို့မောင်းနှင်လာသော MDY-8/5P- 6441 NISSAN UD ကုန်တင်ကား၊ အရောင် ဖြူ/နီ ကြားယာဉ်သည် ယနေ့ဖေဖော်ဝါရီ၈ရက်နံနက်၇နာရီခန့်တွင်ရန်ကုန်-မန္တလေးအမြန်လမ်း မိုင်တိုင်၂၅၉ အရောက်တွင် ယာဉ်မောင်းအိပ်ငိုက်ပြီး လမ်းဘေးလက်ယာဘက်ခြမ်းတွင် ကာရံထားသော Guardrail တန်းများအား ဝင်တိုက်မိကာ တိမ်းမှောက်သွားခဲ့ကြောင်း သိရသည်။ "ယာဉ်တိမ်မှောက်တာကတော့လူထိခိုက်မှုတော့မရှိပါဘူး၊အခုဖြစ်စဉ်ကိုကြည့်ရင်ယာဉ်မောင်းက အိပ်ငိုက်လို့ဖြစ်သွားတာပါ ဒါကြောင့် ယာဉ်၂နာရီမောင်းပြီးတိုင်း နီးစပ်ရာယာဉ်ရပ်နားစခန်း တွေမှာ ခဏနားပါ ပြီးမှလိုရာခရီးကိုဆက်သွားသင့်ပါတယ်"ဟု အမြန်လမ်းမကြီးထိန်းသိမ်းပြုပြင်ရေးနှင့်ကြီးကြပ်ရေးအဖွဲ့မှ တာဝန်ရှိသူတစ်ဦး အကြံပြု ပြောကြားခဲ့သည်။

အမေရိကန်နိုင်ငံခြားရေးဝန်ကြီးဌာနဟာ လာမယ့် ဇန်နဝါရီ ၂၀ ရက်နေ့မှာ ထရမ့် သမ္မတတာဝန်မယူခင် X မှာ တင်ခဲ့တဲ့ ပို့စ်အားလုံးကို ဖျက်ပစ်မယ်လို့ သိရပါတယ်။ News Of Myanmar NOM

ဖေဖော်ဝါရီလ၇ရက်နိုင်ငဲတကာသတင်းတိုများ NOM ၁။အီရန်တွင်ဆန္ဒဘပြသူများကပစ်ခတ်သဖြင့်သေဆုံးသောကလေးငယ်များ၏ခန္ဓာကိုယ်အတွင်းအစ္စရေးစစ်တပ်ထုတ်ကျည်ဆန်ထိပ်ဖူးများတွေ့ရှိခဲ့သည်။ ၂။လစ်ဗျားခေါင်းဆောင်ဟောင်းကဒါဖီ၏သားဆာအိဖ်ကဒါဖီ လုပ်ကြံခံရခြင်းတွင်ပြင်သစ်အစိုးရပါဝင်ပတ်သက်ကြောင်းလစ်ဗျားမီဒီယာများကရေးသားကြသည်။(မီဒီယို) ၃။သေနတ်သမား၏လုပ်ကြံခံရသောရုရှားဒုတိယထောက်လှမ်းရေးအကြီးအကဲဗိုလ်ချုပ်အလက်ဆီသည်ဆေးရုံတွင်သတိပြန်ရပြီးစကားပြောနိုင်ပြီဟုရုရှားကကြေညာသည်။(ဓါတ်ပုံ) ၄။ယမန်နေ့ကပါကစ္စတန်နိုင်ငံအစ္စလမ်မာဘတ်မြို့တော်ရှိရှီးယိုက်ဗလီကိုအိုင်အက်စ်အကြမ်းဖက်အဖွဲ့ကဗုံးခွဲတိုက်ခိုက်ရာဝတ်ပြုနေသူ၃၂ဦးသေဆုံးပြီး၁၇၀ဒဏ်ရာရသည်။(ဓါတ်ပုံ) ၅။ပေါ်တူကီတွင်လီယိုနာဒိုမုန်တိုင်းကြောင့်တိုင်းပြည်ကိုအရေးပေါ်အခြေအနေကြေညာလိုက်သည်။(ဓါတ်ပုံ)

၁။ ၉၀ ခုနှစ်လောက်ကနေ စဖွဲ့လိုက်တဲ့ NCGUB ကြီးက ကာလအားဖြင့် ၂၂ ဆိုတဲ့ အတိုင်းအတာအထိ ကြာခဲ့တယ်။ တကယ်တော့ ဒေါက်တာစိန်ဝင်းတို့ရဲ့ စင်ပြိုင်အစိုးရကတောင် လက်ရှိ NUG ထက် ပြည်ပထောက်ခံမှုအား ပိုရတယ်လို့ ပြောလို့ ရကောင်း ရနိုင်လိမ့်မယ်။ မြေပြင်မှာဆိုရင်လည်း KNU တို့လို အမာခံတွေနဲ့ ပေါင်းစည်းနိုင်သလို ABSDF တို့လည်း ရှိခဲ့တာ ဆိုတော့ သူ့ခေတ်သူ့ကာလမှာ အတော်လေး လူဝင်ဆန့်တယ်လို့တော့ ပြောရမှာပဲ။ ------ ၂။ တကယ်တော့ ပြောချင်တာက မအောင်မြင်တဲ့ တော်လှန်ရေးတစ်ခုကို လူငယ်တွေရဲ့ အသက်တွေ ချစတေးပြီး ဦးဆောင်ကြတဲ့သူတွေအနေနဲ့ အနည်းဆုံး တာဝန်ယူမှု၊ တာဝန်ခံမှု တော့ ရှိသင့်တယ်မဟုတ်ဘူးလား‌ ပေါ့။ လက်ရှိ ABSDF ဆိုလည်း သူ့မှာ ဘာကို မူဝါဒအဖြစ် ကိုင်ထားမှန်းလည်း မသိ။ ၁၀၂၇ မှာ အများပျော်တိုင်း လိုက်ဖျော်တဲ့ ရောဖျော်အဆင့်ပဲ ရှိတော့တယ်။ သမိုင်းနဲ့ သန္ဓေ ကောင်းခဲ့လား ဆိုတော့ မိုးသီးဇွန်တို့ လူရာ မဝင်တော့တာပဲ ကြည့်ကြပေါ့။ ပါဂျောင်လူသတ်မှုတွေဆိုတာ အလကား ရှိခဲါတာမှမဟုတ်ဘဲ။ ----- ၃။ ခုလည်း NUG ရဲ့ သက်တမ်းဟာ ၅ နှစ်တာကာလ အထိရောက်လာခဲ့ပြီ။ ဒီကာလအတွင်းမှာ NUG ရဲ့ အပုတ်နံ့ကတော့ NCGUB ထက် ဆိုးမယ့်သဘောပါ။ ဘာပရောဂျက်၊ ညာပရောဂျက်နဲ့ အလှူခံခဲ့ကြတာ ခဏထား။ အနိမ့်ဆုံး မကြည်ပြာအမှုမှာတင် တိုင်ပတ်နေပုံအရ တရားဝင် ဘဏ္ဍာရေး ရှင်းတမ်းတွေသာ ချပြခိုင်းလိုက်ရင် ပို ဆိုးဆိုးဝါးဝါး ရှိမယ့်ပုံစံပါပဲ။ လက်သင့်ရာ ခေါ်စား၊ လက်အောက်မြေပြင်တပ်တွေမှာလည်း ဗိုလ်နဂါးနဲ့တောင် အမြီးအမှောက်က မတည့်။ EAO တွေကလည်း NUG နဲ့ ပေါင်းရင်း တိုင်းရင်းသား အရေးဆိုတာတောင် ကိုယ်စားပြုခွင့်က ရှိမှာ မသေချာဆိုတော့လည်း အကုန်လုံးက သိသိသာသာပဲ ရှောင်ထွက်ကုန်ကြတာ မြင်နိုင်တာပဲ။ ------- ၄။ ဆိုတော့ ....ဒီတော်လှန်ရေးကြီးကို မျက်စိစုံမှိတ်ပြီး မျောပါနေသမျှ လူငယ်တွေ အနေနဲ့ ကိုယိပိုင်ဆိုင်ထားတဲ့ အနာဂတ်တွေ ၊ ဘဝတွေ၊ အသက်တွေ ဆုံးရှုံးကုန်မှာ မနှမျောကြဘူးလားမသိဘူး။ CDM အချင်းချင်းအတူတူ၊ PDF ဖြစ်တာချင်းအတူတူ လိင်ကျေးကျွန်တွေ ဖြစ်ပြီး ဘဝတွေ တောထဲမှာ ပျက်ချင်တိုင်း ပျက်ဆီးနေကြတယ်။ စစ်ရေးအားဖြင့် ကြည့်ပြန်တော့ မြေပြင်မှာလည်း မစိုးမိုးနိုင်၊ နိုင်ငံရေးဘက် အားကောင်းလား ဆိုပြန်တော့ နိုင်ငံတကာမှာလည်း တိုးမပေါက်၊ အရင်လို ခွက်ခေါက်ဖို့ကလည်း လူထုက အမှန်တရားကို နားလည် သဘောပေါက်ချိန်။ နွေဦးတော်လှန်ရေးမှာ ပါခဲ့ကြပြီး အသက်ပေးသွားရတဲ့ လူငယ်တွေရဲ့ ပျက်စီးဆုံးရှုံးခဲ့ရတာတွေကို ဘယ်သူတွေက တာဝန်ယူမှု၊ တာဝန်ခံမှု ပေးကြမှာလဲ။ ------ ဒီတော်လှန်ရေးကြီးက စကတည်းက ကိုယ်အာဏာပြန်ရဖို့ သပ်သပ်အတွက် လူငယ်တွေရဲ့ ဘဝကို ချနင်းခဲ့ကြတဲ့ အရက်စက်ဆုံး ယုတ်မာမှု သမိုင်းတွေပါပဲ။ ခုလည်း NUG နဲ့ NLD ရဲ့ ကျိုးကြောင်းဆက်နွယ်မှု သဘောတရားကို မဖြတ်တောက်နိုင်သရွေ့ NLD ဆိုတာ ပါတီတခုအနေနဲ့ ပြန်လာဖို့ မလွယ်တော့ပါဘူး။ အသက်တွေနဲ့ရင်းပြီး ပေးခဲ့ကြတဲ့ သင်ခန်းစာ တွေပေါ့လေ။ (နရီမိုး)

အိုဘားမားတို့ ဇနီးမောင်နှံကို မျောက်တွေအဖြစ် သရုပ်ဖော်ထားတဲ့ ဗီဒီယိုဖိုင်ကို တင်ပြီးမှ ပြန်ဖျက်ခဲ့တဲ့ လုပ်ရပ်အတွက် ထရမ့်ဟာ ပြန်လည်တောင်းပန်ဖို့ ငြင်းဆိုလိုက်ပါတယ်။ “သူ ဘာအမှားမှ မလုပ်ခဲ့ဘူး” လို့လည်း ထရမ့်က ပြောဆိုခဲ့ပြီး ဗီဒီယိုကို အစအဆုံး သူကြည့်ပြီးဖြစ်ကာ အဆင်ပြေတယ်လို့လည်း Air Force One ပေါ် မတက်ခင် သတင်းထောက်တွေကို ပြောဆိုခဲ့ပါတယ်။ News Of Myanmar NOM

ပြည်ထောင်စုနေ့နှင့် အခြားရုံးပိတ်ရက်ကာလအတွင်း အထူးရထားများ တိုးချဲ့ပြေးဆွဲမည် NOM၊ဖေဖော်ဝါရီ၇၊၂၀၂၆ ပြည်ထောင်စုနေ့နှင့် အခြား ရုံးပိတ်ရက်ကာလများအတွင်း ခရီးသွားပြည်သူများနှင့် ဌာနဆိုင်ရာဝန်ထမ်းများ အဆင်ပြေစွာ ခရီးသွားလာနိုင်ရန်အတွက်အထူးရထားများ တိုးချဲ့ပြေး ဆွဲမည်ဖြစ်ကြောင်း မြန်မာ့မီးရထားမှ သိရသည်။ ပို့ဆောင်ရေးနှင့် ဆက်သွယ်ရေးဝန်ကြီးဌာန မြန်မာ့မီးရထားမှ ရထားစီးခရီးသွားပြည်သူများ ပိုမိုစိတ်ချမ်းမြေ့စွာ သွားလာနိုင်ရန်အတွက် ရန်ကုန်-နေပြည် တော် လမ်းပိုင်း၌ လေအေး ပေးစက်ပါ DEMUတွဲဆိုင်းသစ်များဖြင့်လည်းကောင်း၊ရန်ကုန်-ပြည်နှင့် ရန်ကုန်-မော်လမြိုင် လမ်းပိုင်းတို့တွင် လေအိတ်ရထားတွဲဆိုင်းများဖြင့် ပြေးဆွဲပေးရာမှ ယခုအခါပြည်ထောင်စုနေ့နှင့် တရုတ် နှစ်သစ်ကူး ရုံးပိတ်ရက်ကာလအတွင်း ခရီးသွားပြည်သူများနှင့် ဌာန ဆိုင်ရာဝန်ထမ်းများ အဆင် ပြေစွာခရီးသွားလာနိုင်စေရေးအတွက်ရန်ကုန်- နေပြည်တော်-ရန်ကုန်ရန်ကုန်-မော်လမြိုင်-ရန်ကုန်နှင့် ရန်ကုန်-ပြည်-ရန်ကုန်ခရီးစဉ်များကို ပုံမှန်ရထားများအပြင် အထူးရထား များကို တိုးချဲ့ ပြေးဆွဲပေးသွားမည်ဖြစ်ကြောင်းသိရသည်။ ထို့ပြင် ရန်ကုန်-နေပြည်တော် -ရန်ကုန် လမ်းပိုင်းအတွင်း ပြေးဆွဲလျက်ရှိသည့် ပုံမှန်ရထား များ နှင့် အထူးရထားများအတွက် Online မှ လက်မှတ်ရောင်းချခြင်းနှင့်ငွေပေးချေ ခြင်း (Online  Railway Ticketing and Payment System - ORTP) စနစ်ဖြင့် ကြိုတင်ဝယ်ယူ နိုင်ပြီး ခရီး စဉ်အစအဆုံး ဘူတာများအတွက် ခုနစ်ရက်နှင့် ကြားဘူတာများအတွက် သုံးရက် ကြိုတင်၍ ဝယ်ယူနိုင်မည်ဖြစ်ကြောင်းသိရသည်။

ရှမ်းပြည်နယ်တွင် ငလျင်ကြောင့် ပျက်ဆီးမှုများ ပြုပြင်ရန် ကျပ် ၁၄၇ ဘီလီယံချထားပေး NOM၊ဖေဖော်ဝါရီ၇၊၂၀၂၆ ရှမ်းပြည်နယ်အတွင် မန္တလေးငလျင်ကြီးကြောင့် ထိခိုက် ပျက်စီးမှုများ ပြန်လည်တည်ဆောက်နိုင်ရေးအတွက် ကျပ် ၁၄၇ ဘီလီယံကျော် ခွဲဝေချထားပေးကြောင်း ယနေ့ ကျရောက်သည့်  (၇၉) နှစ်မြောက် ရှမ်းပြည်နယ်နေ့ အခမ်းအနားသို့ ပေးပို့သည့် သဝဏ်လွှာတွင် ယာယီသမ္မတက အထက်ပါတိုင်း ပြောကြားခဲ့ခြင်း ဖြစ်သည်။ ရှမ်းပြည်နယ်အတွင်း ၂၀၂၅ ခုနှစ်မတ်လ ၂၈ ရက်နေ့က ဖြစ်ပွားခဲ့သည့် မန္တလေးငလျင်ကြီးကြောင့် အစိုးရရုံး ဌာနအဆောက်အအုံများ၊ ဝန်ထမ်းအိမ်ရာများ၊ ဘာသာ ရေးအဆောက်အအုံများနှင့် စေတီပုထိုးများ၊ ဆေးရုံများ၊ ကျောင်းများနှင့် ဒေသခံပြည်သူများ၏ နေအိမ်များ ပြန်လည်တည်ဆောက်နိုင်ရေးအတွက် ကျပ် ၁၄၇ ဘီလီယံကျော် ခွဲဝေချထားပေးကြောင်းသိရသည်။ ထို့အတူ ပြည်တွင်းလက်နက် ကိုင်ပဋိပက္ခများ ချုပ်ငြိမ်းရေးအတွက် တိုင်းရင်းသားစည်းလုံးညီညွတ်ရေးသည် အသက်တမျှ အရေးကြီးသည့်အပြင် နိုင်ငံတစ်နိုင်ငံ ဖွံ့ဖြိုးတိုးတက်ရေး အတွက် ကြီးမားသောမောင်းနှင်အားတစ်ရပ်ဖြစ်သည့်အားလျော် စွာ တိုင်းရင်းသားညီအစ်ကိုများအကြား သံသယ များဖယ်ရှားကာ ဆွေးနွေးညှိနှိုင်းခြင်းဖြင့် ယုံကြည်မှုတည်ဆောက်ပြီး ထာဝရငြိမ်းချမ်းရေးရရှိအောင် ဆောင်ရွက်သွားကြရမည်ဖြစ်ပါ ကြောင်းထည်သွင်းဖော်ပြထားသည်။

🇷🇺🏴‍☠️"ရုရှားထောက်လှမ်းရေး ဒုတိယအကြီးအကဲကို သေနတ်ဖြင့် ပစ်ခတ်ခဲ့သူကို ဖမ်းဆီးရမိ၊ ဗိုလ်ချုပ် အလက်ဆီယက်ဗ် (Alekseyev) သတိပြန်လည်ရရှိ" ရုရှားထောက်လှမ်းရေး ဒုတိယအကြီးအကဲကို သေနတ်ဖြင့် ပစ်ခတ်ခဲ့သူကို ဖမ်းဆီးရမိပြီဖြစ်သည်။ ခွဲစိတ်မှုအောင်ပြီးနောက် ဗိုလ်ချုပ် အလက်ဆီယက်ဗ် (Alekseyev) သည် သတိပြန်လည်ရရှိလာပြီဖြစ်ပြီး အသက်အန္တရာယ်လည်းစိုးရိမ်ရသည့် အခြေအနေမှ ကျော်လွန် သွားပြီဖြစ်သည်။ လူသတ်သမား၏ အပေါင်းအပါကိုလည်း ဖမ်းဆီးရမိထားသည်။ ဗိုလ်ချုပ်နှင့် ၎င်း၏မိသားစုနှင့် နီးစပ်သူတစ်ဦး၏ ပြောကြားချက်အရ အဆိုပါဖမ်းဆီးမှုတွင် နိုင်ငံအချို့မှ ထောက်လှမ်းရေးအဖွဲ့များက ကူညီဆောင်ရွက်ပေးခဲ့ကြသည်ဟု သိရသည်။ 🏴‍☠️"သတင်းကောင်းပဲ၊ ဗလာဒီမာ အလက်ဆီယက်ဗ် သတိပြန်ရလာပြီ။ သူ စကားပြောနိုင်ပြီ။ အန္တရာယ် ကနေ ကျော်လွန်သွားပါပြီ။ ကမ္ဘာ့ထောက်လှမ်းရေးအဖွဲ့အားလုံးက ဒီဖမ်းဆီးမှုမှာ ပူးပေါင်းပါဝင်ခဲ့ကြတယ်။ လက်ရှိ ဒူဘိုင်းကနေ လွှဲပြောင်းခေါ်ဆောင်လာတဲ့ လူသတ် သမားရော၊ သူ့ရဲ့ အပေါင်းအပါကိုပါ ဖမ်းဆီးရမိထားပါပြီ။" News Of Myanmar NOM

တဦးထဲစီမံခန့်ခွဲပိုင်ခွင့် သုံးပိုင်ခွင့်ရှိသူ"ဦးကျော်မိုးထွန်း" ကိုယ်တိုင်ဘဲရှင်းရမဲ့အချက်ပါ.. ဘာဘာညာညာတွေဒီထက်ပိုပြီးမစွပ်စွဲချင်ပါဘူး.. အားလုံးသိသင့်တဲ့ကိစ္စတခုဖြစ်ကြောင်းဘဲထောက်ပြတာပါ... လူတွေက"တခြား Fundraisers တွေ နွေဦးရံပုံငွေတွေ ထောက်ပို့တွေ ပရောဂျက်အလွဲသုံးမှုတွေ"အကြောင်းဘဲအာရုံရောက်နေတော့ အများသိသင့်တဲ့ဒီကိစ္စကြီးကို"မျက်စိသျှမ်း"နေကြတယ်.. --- "ဦးကျော်မိုးထွန်းကိုယ်တိုင်ရှင်းပြလိုက်တာအကောင်းဆုံးးလို့တိုက်တွန်းပါရစေ.. သန်းလွင်ထွန်း ၆ ဖေဖေါ်ဝါရီ ၂၀၂၆

မြန်မာကုလရုံး ဦးကျော်မိုးထွန်းနဲ့ $2.6 သန်း --- အမေရိကန်အပါအဝင်နိုင်ငံပေါင်း ၅၀ လောက်က ကုလသမဂ္ဂကြီးထံနှစ်စဉ်ပုံမှန်ထည်ဝင်ရမဲ့ရံပုံငွေပေးသွင်းခြင်းမရှိတာကြောင့်ကုလအဖွဲ့ကြီးလုပ်ငန်းရပ်တန့်မဲ့အန္တရာယ်ရှိနေကြောင်းအတွင်းရေးမှူးချုပ်အန်တိုနီယိုဂူတာရက်စ်ကမကြာသေးခင်ကထုတ်ဖေါ်ပြောကြားလိုက်တယ်.. တကယ်တမ်းမှာကအဲဒီနိုင်ငံ ၄၀-၅၀ ဆိုတာကနှစ်နဲ့ချီပျက်ကွက်နေတဲ့နိုင်ငံတွေကိုဘဲပြောတာ.. ဥပမာ- - အမေရိကန်က ၂၀၂၅ ကထဲကငွေမသွင်းဘူး (တနှစ်ပျှမ်းမျှ $ 700 milllions). - မြန်မာက ၂၀၂၁ ကထဲကငွေမသွင်းဘူး (တနှစ်ပျှမ်းမျှ $ ၃သိန်း) ဒီနှစ် ၂၀၂၆ အတွက် နောက်ဆုံးထားပေးသွင်းရမဲ့ရက်ကန့်သတ်ချက်က ဖေဖေါ်ဝါရီလဆန်းမှာဖြစ်ပေမဲ့ ဖေဖေါ်ဝါရီ ၅ ရက်နေ့အထိသိရသလောက်ကတော့ စုစုပေါင်း ၅၂ နိုင်ငံဘဲငွေသွင်းရသေးတယ်.. ကုလအဖွဲ့ဝင်နိုင်ငံပေါင်း ၁၉၃ နိုင်ငံရှိတာမို့ လောလောဆယ်မှာ နိုင်ငံပေါင်း ၁၄၁ နိုင်ငံကငွေမသွင်းတာ/ငွေသွင်းဘို့နောက်ကျနေတာတွေဖြစ်နေတယ်.. --- ကုလသမဂ္ဂရဲ့ငွေကြေးအခက်အခဲအကြောင်းသတင်းတွေမှာဖတ်ရတော့ ကျနော်စိတ်ထဲမှာအချိန်အတော်ကြာကြာကထဲကရှိနေခဲ့တဲ့မြန်မာနိုင်ငံနဲ့ပါတ်သက်တဲ့အရေးကြီးမေးခွန်းတခုပြန်ပေါ်လာတယ်.. --- မြန်မာနိုင်ငံဟာ ၂၀၂၀ အတွက်အချိုးကျကုလရံပုံငွေ $ 280,534 ($၂သိန်း၈သောင်းကျော်)ကို ပေးသွင်းခဲ့တယ်လို့ ကုလသမဂ္ဂရဲ့ ၂၀၂၀ ဒီဇင်ဘာလထုတ်ပြန်ချက်မှာတွေ့ရတယ်.. ၂၀၂၁ ကစပြီး မြန်မာနိုင်ငံကငွေမသွင်းတော့တာ.. ငွေမရှိတော့လို့လား?.. NY မြို့မြန်မာကုလရုံးဟာ ကုလရေးရာကိစ္စတွေအတွက်သုံးစွဲဘို့အရံငွေတွေကို Bank of America မှာအကောင့်ဖွင့်ပြီးစုဆောင်းထားရှိတယ်.. *၂၀၂၁ ဖေဖေါ်ဝါရီအထိ $၂.၆ သန်းလောက်ရှိတယ်..* ကုလသမဂ္ဂဆိုင်ရာမြန်မာသံရုံးမှာအရံသင့်ထားရှိတဲ့အဲဒီငွေတွေဘယ်ရောက်ကုန်လဲ..??? --- ဒီမေးခွန်းတွေအတွက်ကျနော့်မှာအဖြေတချို့တဝက်ရှိပေမဲ့ အစအဆုံးအမှန်တကယ်ရိုးရိုးသားရှင်းလင်းဖြေကြားရမဲ့သူကတော့တဦးထဲဘဲရှိပါတယ်.. "ဦးကျော်မိုးထွန်း"ပါ.. --- မြန်မာနိုင်ငံမှာ ၂၀၂၁ ဖေဖေါ်ဝါရီ စစ်တပ်ကအာဏာသိမ်းအပြီး ကုလသမဂ္ဂအမြဲတမ်းကိုယ်စားလယ်သံအမတ်ကြီးဦးကျော်မိုးထွန်းက လက်၃ချောင်းထောင်ပြီး သူဟာမြန်မာစစ်အစိုးရအစား NUG ကိုဘဲကိုယ်စားပြုသစ္စာခံပါကြောင်းလူသိရှင်ကြားကြေငြာခဲ့တယ်.. CDM လုပ်တာပေါ့.. ** အဲဒီအချိန်က နယူးရောက်မြို့ကုလမြန်မာရုံးမှာမြန်မာဝန်ထမ်း ၁၅ ဦးရှိတယ်.. ** ဦးကျော်မိုးထွန်းတယောက်ဘဲ CDM လုပ်တာ.. ** ကျန်ဝန်ထမ်း ၁၄ ဦးထဲမှာ မြန်မာပြည်ပြန်ခေါ်သူ/အစားထိုးသူတွေနဲ့ အခုလက်ရှိ ၅ဦးဘဲရှိတာကို UN e-Blue Book မှာစာရင်းဖေါ်ပြထားတာကိုတွေ့ရတယ်.. ၂ပိုင်းကွဲနေတဲ့ NY မြန်မာကုလရုံးမှာ ဦးကျော်မိုးထွန်းကတဖက် ကျန် ၅ ဦးကတဖက်. --- ဦးကျော်မိုးထွန်း CDM လုပ်တဲ့ကိစ္စမှာလူတွေမသိတဲ့အရေးအကြီးဆုံးအချက်တခုရှိတယ်.. NY မြို့မြန်မာကုလရုံးရဲ့ကုလရေးရာကိစ္စတွေမှာသုံးစွဲဘို့အရံငွေ​အဖြစ် Bank of America အကောင့်မှာအပ်နှံထားတဲ့​ငွေ $၂.၆ သန်းကိုစီမံခန့်ခွဲခွင့်ရှိသူ /ထုတ်ယူသုံးစွဲခွင့်ရှိသူ Administrator က သံအမတ်ကြီးဦးကျော်မိုးထွန်းတဦးထဲဘဲ.. သူ CDM လုပ်တဲ့အချိန်မှာ အရံငွေ $ ၂.၆ သန်းလောက်ရှိတယ်.. ဒီအကြောင်းကိုသူကအခုချိန်ထိထုတ်ဖေါ်မပြောဘူး.. --- တချိန်က ဝါရှင်တန်မြန်မာသံရုံးက (ဦးအောင်လင်းထွဋ်အပါအဝင်) သံရုံးယာယီတာဝန်ခံတွေခိုလှုံခွင့်တောင်းခံတော့ သံရုံးငွေစာရင်းတွေကိုအတိအကျစာရင်းပြပြီးချန်ထားခဲ့ပါတယ်.. ဦးအောင်လင်းထွဋ်ဆိုယင်အဲဒီစာရင်းကိုကျနော့်ဆီ (VOA) ကိုပေးပို့ခဲ့ပါတယ်.. --- ဦးကျော်မိုးထွန်းက"သူဟာ NUG ကိုကိုယ်စားပြုပြီး ကုလသဂ္ဂရေးရာတွေကိုလုပ်ဆောင်ပေးနေတာမို့ ဒီရံပုံငွေတွေ ($၂.၆သန်း)ကိုသုံးစွဲနေရပါတယ်လို့ပြောကောင်းပြောနိုင်ပါတယ်.. ** ဒါဆိုသူကကုလသမဂ္ဂကိုသွင်းစရာရှိတဲ့ငွေတွေဘာလို့မသွင်းသလဲ??? အသုံးစားရိတ်​တွေကိုစာရင်းရှင်းပြဘို့လိုတာ​ပေါ့.. --- ဦး​ကျော်မိုးထွန်းဟာ CDM ဆိုပေမဲ့ သူ့ရဲ့လစာအသုံးစားရိတ်နဲ့ သူ့ကိုကူဘို့ NY ရုံးကိုမလိမ်တပါတ်နည်းနဲ့ခေါ်ယူထားတဲ့ ကမ်းဘောဒီးယာမြန်မာသံရုံးကစာရေးဝန်ထမ်းအမျိုးသမီးနဲ့ အစ္စရေးမြန်မာသံရုံးကစာရေးဝန်ထမ်းအမျိုးသား (သူအပါအဝင်စုစုပေါင်း ၃ ဦး) ကိုဘဲ သူ့သဘောနဲ့သူ လစာတွေဆက်ပြီးခံစားခွင့်ပေးနေတယ်လို့ယူဆရတယ်.. သူဟာမြန်မာနိုင်ငံကုလရုံးကပိုင်ဆိုင်တဲ့သံအမတ်ကြီးနေအိမ်မှာဆက်နေနေတာမို့ အိမ်ငှါးခတွေဘာတွေလဲပေးစရာမလိုပါဘူး.. ***သူမလိမ့်တပါတ်နဲ့ NY ရုံးမှာစာရေးဝန်ထမ်းတွေကိုခေါ်သုံးနေတယ်လို့ပြောရတာက ဒီလူ၂ယောက်ဟာ သူတို့ CDM လုပ်တဲ့ ကမ်ဘောဒီးယားနဲ့အစ္စရေးနိုင်ငံတွေကနေ အမေရိကားကိုဘယ်လိုရောက်လာကြမှန်းမသိရလို့ပါ.. ဒီလူတွေကို UN e-Blue book ထဲက ကုလသမဂ္ဂမြန်မာရုံးဝန်ထမ်းစာရင်းမှာလဲမတွေ့ရပါဘူး*** UN e-blue book မှာဖေါ်ပြထားတဲ့ ကျန်တဲ့မြန်မာအရာရှိဝန်ထမ်း ၅ ဦးဟာ မြန်မာအစိုးရကိုကိုယ်စားပြုဆဲဖြစ်တာမို့ မြန်မာအစိုးရဘက်ကပုံမှန်လစာပေးပါတယ်.. --- အရေးအကြီးဆုံးအချက်ကိုပြန်လှည့်ရအောင်ပါ.. --- ကုလသမဂ္ဂဆိုင်ရာမြန်မာသံရုံးရဲ့ Bank Of America အကောင့်ထဲကအရံငွေ $၂.၆ သန်း ဘယ်ရောက်သွားပါသလဲ..????

တဦးထဲစီမံခန့်ခွဲပိုင်ခွင့် သုံးပိုင်ခွင့်ရှိသူ"ဦးကျော်မိုးထွန်း" ကိုယ်တိုင်ဘဲရှင်းရမဲ့အချက်ပါ.. ဘာဘာညာညာတွေဒီထက်ပိုပြီးမစွပ်စွဲချင်ပါဘူး.. အားလုံးသိသင့်တဲ့ကိစ္စတခုဖြစ်ကြောင်းဘဲထောက်ပြတာပါ... လူတွေက"တခြား Fundraisers တွေ နွေဦးရံပုံငွေတွေ ထောက်ပို့တွေ ပရောဂျက်အလွဲသုံးမှုတွေ"အကြောင်းဘဲအာရုံရောက်နေတော့ အများသိသင့်တဲ့ဒီကိစ္စကြီးကို"မျက်စိသျှမ်း"နေကြတယ်.. --- "ဦးကျော်မိုးထွန်းကိုယ်တိုင်ရှင်းပြလိုက်တာအကောင်းဆုံးးလို့တိုက်တွန်းပါရစေ.. သန်းလွင်ထွန်း ၆ ဖေဖေါ်ဝါရီ ၂၀၂၆

မြန်မာကုလရုံး ဦးကျော်မိုးထွန်းနဲ့ $2.6 သန်း --- အမေရိကန်အပါအဝင်နိုင်ငံပေါင်း ၅၀ လောက်က ကုလသမဂ္ဂကြီးထံနှစ်စဉ်ပုံမှန်ထည်ဝင်ရမဲ့ရံပုံငွေပေးသွင်းခြင်းမရှိတာကြောင့်ကုလအဖွဲ့ကြီးလုပ်ငန်းရပ်တန့်မဲ့အန္တရာယ်ရှိနေကြောင်းအတွင်းရေးမှူးချုပ်အန်တိုနီယိုဂူတာရက်စ်ကမကြာသေးခင်ကထုတ်ဖေါ်ပြောကြားလိုက်တယ်.. တကယ်တမ်းမှာကအဲဒီနိုင်ငံ ၄၀-၅၀ ဆိုတာကနှစ်နဲ့ချီပျက်ကွက်နေတဲ့နိုင်ငံတွေကိုဘဲပြောတာ.. ဥပမာ- - အမေရိကန်က ၂၀၂၅ ကထဲကငွေမသွင်းဘူး (တနှစ်ပျှမ်းမျှ $ 700 milllions). - မြန်မာက ၂၀၂၁ ကထဲကငွေမသွင်းဘူး (တနှစ်ပျှမ်းမျှ $ ၃သိန်း) ဒီနှစ် ၂၀၂၆ အတွက် နောက်ဆုံးထားပေးသွင်းရမဲ့ရက်ကန့်သတ်ချက်က ဖေဖေါ်ဝါရီလဆန်းမှာဖြစ်ပေမဲ့ ဖေဖေါ်ဝါရီ ၅ ရက်နေ့အထိသိရသလောက်ကတော့ စုစုပေါင်း ၅၂ နိုင်ငံဘဲငွေသွင်းရသေးတယ်.. ကုလအဖွဲ့ဝင်နိုင်ငံပေါင်း ၁၉၃ နိုင်ငံရှိတာမို့ လောလောဆယ်မှာ နိုင်ငံပေါင်း ၁၄၁ နိုင်ငံကငွေမသွင်းတာ/ငွေသွင်းဘို့နောက်ကျနေတာတွေဖြစ်နေတယ်.. --- ကုလသမဂ္ဂရဲ့ငွေကြေးအခက်အခဲအကြောင်းသတင်းတွေမှာဖတ်ရတော့ ကျနော်စိတ်ထဲမှာအချိန်အတော်ကြာကြာကထဲကရှိနေခဲ့တဲ့မြန်မာနိုင်ငံနဲ့ပါတ်သက်တဲ့အရေးကြီးမေးခွန်းတခုပြန်ပေါ်လာတယ်.. --- မြန်မာနိုင်ငံဟာ ၂၀၂၀ အတွက်အချိုးကျကုလရံပုံငွေ $ 280,534 ($၂သိန်း၈သောင်းကျော်)ကို ပေးသွင်းခဲ့တယ်လို့ ကုလသမဂ္ဂရဲ့ ၂၀၂၀ ဒီဇင်ဘာလထုတ်ပြန်ချက်မှာတွေ့ရတယ်.. ၂၀၂၁ ကစပြီး မြန်မာနိုင်ငံကငွေမသွင်းတော့တာ.. ငွေမရှိတော့လို့လား?.. NY မြို့မြန်မာကုလရုံးဟာ ကုလရေးရာကိစ္စတွေအတွက်သုံးစွဲဘို့အရံငွေတွေကို Bank of America မှာအကောင့်ဖွင့်ပြီးစုဆောင်းထားရှိတယ်.. *၂၀၂၁ ဖေဖေါ်ဝါရီအထိ $၂.၆ သန်းလောက်ရှိတယ်..* ကုလသမဂ္ဂဆိုင်ရာမြန်မာသံရုံးမှာအရံသင့်ထားရှိတဲ့အဲဒီငွေတွေဘယ်ရောက်ကုန်လဲ..??? --- ဒီမေးခွန်းတွေအတွက်ကျနော့်မှာအဖြေတချို့တဝက်ရှိပေမဲ့ အစအဆုံးအမှန်တကယ်ရိုးရိုးသားရှင်းလင်းဖြေကြားရမဲ့သူကတော့တဦးထဲဘဲရှိပါတယ်.. "ဦးကျော်မိုးထွန်း"ပါ.. --- မြန်မာနိုင်ငံမှာ ၂၀၂၁ ဖေဖေါ်ဝါရီ စစ်တပ်ကအာဏာသိမ်းအပြီး ကုလသမဂ္ဂအမြဲတမ်းကိုယ်စားလယ်သံအမတ်ကြီးဦးကျော်မိုးထွန်းက လက်၃ချောင်းထောင်ပြီး သူဟာမြန်မာစစ်အစိုးရအစား NUG ကိုဘဲကိုယ်စားပြုသစ္စာခံပါကြောင်းလူသိရှင်ကြားကြေငြာခဲ့တယ်.. CDM လုပ်တာပေါ့.. ** အဲဒီအချိန်က နယူးရောက်မြို့ကုလမြန်မာရုံးမှာမြန်မာဝန်ထမ်း ၁၅ ဦးရှိတယ်.. ** ဦးကျော်မိုးထွန်းတယောက်ဘဲ CDM လုပ်တာ.. ** ကျန်ဝန်ထမ်း ၁၄ ဦးထဲမှာ မြန်မာပြည်ပြန်ခေါ်သူ/အစားထိုးသူတွေနဲ့ အခုလက်ရှိ ၅ဦးဘဲရှိတာကို UN e-Blue Book မှာစာရင်းဖေါ်ပြထားတာကိုတွေ့ရတယ်.. ၂ပိုင်းကွဲနေတဲ့ NY မြန်မာကုလရုံးမှာ ဦးကျော်မိုးထွန်းကတဖက် ကျန် ၅ ဦးကတဖက်. --- ဦးကျော်မိုးထွန်း CDM လုပ်တဲ့ကိစ္စမှာလူတွေမသိတဲ့အရေးအကြီးဆုံးအချက်တခုရှိတယ်.. NY မြို့မြန်မာကုလရုံးရဲ့ကုလရေးရာကိစ္စတွေမှာသုံးစွဲဘို့အရံငွေ​အဖြစ် Bank of America အကောင့်မှာအပ်နှံထားတဲ့​ငွေ $၂.၆ သန်းကိုစီမံခန့်ခွဲခွင့်ရှိသူ /ထုတ်ယူသုံးစွဲခွင့်ရှိသူ Administrator က သံအမတ်ကြီးဦးကျော်မိုးထွန်းတဦးထဲဘဲ.. သူ CDM လုပ်တဲ့အချိန်မှာ အရံငွေ $ ၂.၆ သန်းလောက်ရှိတယ်.. ဒီအကြောင်းကိုသူကအခုချိန်ထိထုတ်ဖေါ်မပြောဘူး.. --- တချိန်က ဝါရှင်တန်မြန်မာသံရုံးက (ဦးအောင်လင်းထွဋ်အပါအဝင်) သံရုံးယာယီတာဝန်ခံတွေခိုလှုံခွင့်တောင်းခံတော့ သံရုံးငွေစာရင်းတွေကိုအတိအကျစာရင်းပြပြီးချန်ထားခဲ့ပါတယ်.. ဦးအောင်လင်းထွဋ်ဆိုယင်အဲဒီစာရင်းကိုကျနော့်ဆီ (VOA) ကိုပေးပို့ခဲ့ပါတယ်.. --- ဦးကျော်မိုးထွန်းက"သူဟာ NUG ကိုကိုယ်စားပြုပြီး ကုလသဂ္ဂရေးရာတွေကိုလုပ်ဆောင်ပေးနေတာမို့ ဒီရံပုံငွေတွေ ($၂.၆သန်း)ကိုသုံးစွဲနေရပါတယ်လို့ပြောကောင်းပြောနိုင်ပါတယ်.. ** ဒါဆိုသူကကုလသမဂ္ဂကိုသွင်းစရာရှိတဲ့ငွေတွေဘာလို့မသွင်းသလဲ??? အသုံးစားရိတ်​တွေကိုစာရင်းရှင်းပြဘို့လိုတာ​ပေါ့.. --- ဦး​ကျော်မိုးထွန်းဟာ CDM ဆိုပေမဲ့ သူ့ရဲ့လစာအသုံးစားရိတ်နဲ့ သူ့ကိုကူဘို့ NY ရုံးကိုမလိမ်တပါတ်နည်းနဲ့ခေါ်ယူထားတဲ့ ကမ်းဘောဒီးယာမြန်မာသံရုံးကစာရေးဝန်ထမ်းအမျိုးသမီးနဲ့ အစ္စရေးမြန်မာသံရုံးကစာရေးဝန်ထမ်းအမျိုးသား (သူအပါအဝင်စုစုပေါင်း ၃ ဦး) ကိုဘဲ သူ့သဘောနဲ့သူ လစာတွေဆက်ပြီးခံစားခွင့်ပေးနေတယ်လို့ယူဆရတယ်.. သူဟာမြန်မာနိုင်ငံကုလရုံးကပိုင်ဆိုင်တဲ့သံအမတ်ကြီးနေအိမ်မှာဆက်နေနေတာမို့ အိမ်ငှါးခတွေဘာတွေလဲပေးစရာမလိုပါဘူး.. ***သူမလိမ့်တပါတ်နဲ့ NY ရုံးမှာစာရေးဝန်ထမ်းတွေကိုခေါ်သုံးနေတယ်လို့ပြောရတာက ဒီလူ၂ယောက်ဟာ သူတို့ CDM လုပ်တဲ့ ကမ်ဘောဒီးယားနဲ့အစ္စရေးနိုင်ငံတွေကနေ အမေရိကားကိုဘယ်လိုရောက်လာကြမှန်းမသိရလို့ပါ.. ဒီလူတွေကို UN e-Blue book ထဲက ကုလသမဂ္ဂမြန်မာရုံးဝန်ထမ်းစာရင်းမှာလဲမတွေ့ရပါဘူး*** UN e-blue book မှာဖေါ်ပြထားတဲ့ ကျန်တဲ့မြန်မာအရာရှိဝန်ထမ်း ၅ ဦးဟာ မြန်မာအစိုးရကိုကိုယ်စားပြုဆဲဖြစ်တာမို့ မြန်မာအစိုးရဘက်ကပုံမှန်လစာပေးပါတယ်.. --- အရေးအကြီးဆုံးအချက်ကိုပြန်လှည့်ရအောင်ပါ.. --- ကုလသမဂ္ဂဆိုင်ရာမြန်မာသံရုံးရဲ့ Bank Of America အကောင့်ထဲကအရံငွေ $၂.၆ သန်း ဘယ်ရောက်သွားပါသလဲ..????

"ခေတ်တစ်ခေတ်ရဲ့ ဈာပန၊ လစ်ဗျားသမိုင်းမှာ အကြီးကျယ်ဆုံးပဲ!" ဆာဒီ ကဒါဖီက ဘာနီဝါလစ်ဒ်မြို့မှာ ကျင်းပတဲ့ သူ့ရဲ့အစ်ကိုဖြစ်သူ ဆေ့ဖ် အယ်လ်-အစ္စလမ် ကဒါဖီ ရဲ့ ဈာပနနဲ့ ပတ်သက်ပြီး အခုလို ပြောကြားခဲ့ပါတယ်။ "မင်းဟာ သေဆုံးခြင်းနဲ့အတူ လစ်ဗျားရွေးကောက်ပွဲမှာ အနိုင်ရသွားခဲ့ပြီ။ ဒီဈာပနဟာ တစ်နိုင်ငံလုံးအတိုင်းအတာနဲ့ လူထုဆန္ဒခံယူပွဲပဲ!" နေတိုး (NATO) ကျောထောက်နောက်ခံပြု ပုန်ကန်မှုများအပြီး လစ်ဗျားနိုင်ငံကို ပြန်လည်စုစည်းပေးနိုင်မည့်သူဟု ရှုမြင်ခြင်းခံရသည့် လစ်ဗျားခေါင်းဆောင်းဟောင်း မူအမ်မာ ကဒါဖီ၏ ထင်ရှားသောသားဖြစ်သူ ဆေ့ဖ် အယ်လ်-အစ္စလမ် ကဒါဖီ ကို မျက်နှာဖုံးများဝတ်ဆင်ထားသည့် လက်နက်ကိုင် အကြမ်းဖက်သမားလေးဦးက ၎င်း ၏နေအိမ်အား ဝင်ရောက်စီးနင်းပြီး သေနတ်ဖြင့် ၁၈ ချက်ပစ်သတ်ကာ လုပ်ကြံသတ်ဖြတ်ခဲ့ခြင်းဖြစ်သည်။ ဆေ့ဖ် အယ်လ်-အစ္စလမ် ကဒါဖီ ကို လုပ်ကြံသတ်ဖြတ်မှုတွင် ပြင်သစ်နှင့် ဗြိတိန်နိုင်ငံတို့ ပါဝင်ပတ်သက်နေကြောင်း သတင်းများက ဖော်ပြနေကြသည်။ News Of Myanmar NOM

ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် သီတဂူ စက္ခုဒါနဆေးရုံတက်ရောက်ကုသမှုခံယူလျက်ရှိသူများအား ရင်းရင်းနှီးနှီး နှုတ်ဆက်အားပေး၊ သီတဂူဆရာတော်ကြီးအား ဖူးမြော်ကြည်ညို ဖေဖော်ဝါရီ ၆၊ ၂၀၂၆ News Of Myanmar NOM

🇮🇷🇴🇲🇺🇸"အီရန်နိုင်ငံခြားရေးဝန် ကြီးက အမေရိကန်အလယ်ပိုင်းစစ် ဌာနချုပ်ရဲ့တပ်မှူးကို ဆွေးနွေးပွဲခန်းမထဲကို မိနစ် ၂၀ ကျော်ကြာတဲ့အထိ ပေးမဝင်ဘဲထား" အီရန်နိုင်ငံခြားရေးဝန်ကြီး အဘတ်စ် အာရတ်ချီ (Abbas Araqchi) ဟာ အမေရိကန် အလယ်ပိုင်းစစ်ဌာနချုပ် (CENTCOM) ရဲ့ တပ်မှူးကို ဆွေးနွေးပွဲခန်းမထဲကို မိနစ် ၂၀ ကျော်ကြာတဲ့အထိ ပေးမဝင်ဘဲ ထားခဲ့ပါတယ်။ အိုမန်နိုင်ငံခြားရေးဝန်ကြီး အယ်လ်-ဘူဆာအီဒီ (Al-Busaidi) က ခေါ်ဆောင်လာလို့ အခန်းထဲရောက် လာတဲ့အခါမှာလည်း အာရတ်ချီက အမေရိကန်တပ်မှူးကို လက်ဆွဲနှုတ် ဆက်ဖို့ ငြင်းဆန်ခဲ့တယ်လို့ အိုမန်မီဒီယာတွေက ဖော်ပြခဲ့ပါတယ်။" News Of Myanmar NOM

ထို့နောက် ညွှန်ကြားရေးမှူး ချုပ်နှင့် ဦးဆောင်ညွှန်ကြားရေးမှူးများက သက်ဆိုင်ရာလုပ်ငန်းကဏ္ဍ အလိုက် ရှင်းလင်းတင်ပြကြပြီး တိုင်းဒေသကြီး / ပြည်နယ်များမှ သယံဇာတရေးရာဝန်ကြီးများ၊ စက်မှုဇုန်များမှ တာဝန်ရှိသူ များ၊ စီးပွားရေးလုပ်ငန်းရှင်များက စက်မှုနှင့် စီးပွားရေးလုပ်ငန်းများ သို့ သတ်မှတ်နှုန်းထားအသစ်ဖြင့် ဓာတ်အားခကောက်ခံဆောင်ရွက်မည့်အခြေအနေများနှင့် ဓာတ်အားခ တိုးမြှင့်ကောက်ခံမှု အပေါ် အားသာချက်/အားနည်းချက်များ၊ ဖြစ်ပေါ်လာသည့် အခက်အခဲများကို တင်ပြဆွေးနွေး ကြသည်။ တင်ပြမှုများအပေါ် ပြည်ထောင်စုဝန်ကြီးက လိုအပ်သည်များအား ပေါင်းစပ်ညှိနှိုင်း ဖြည့်ဆည်းဆောင်ရွက်ပေးခဲ့ပြီး နိဂုံးချုပ်အမှာစကား ပြောကြားခဲ့ကြောင်း သတင်းရရှိသည်။ News Of Myanmar NOM