News Of Myanmar

🇮🇷 🇮🇷❌🇮🇱 🇺🇸 - "Roar of the Lion" နဲ့ "Epic Fury" စစ်ဆင်ရေးတွေအတွင်း အီရန်နိုင်ငံရဲ့ ဝေဟင်ပိုင်နက်ထဲကို ကျူးကျော်ဝင်ရောက်လာတဲ့ ဒရုန်း (၁၂၅) စင်းကို ကြားဖြတ်ဟန့်တားနိုင်ခဲ့တယ်လို့ အီရန်က ကြေညာလိုက်ပါတယ်။ အဆိုပါ (၁၂၅) စင်းထဲမှာ အမေရိကန်လေတပ် (USAF) ရဲ့ လူကပ်စ် "LUCAS" OWA-UAV နဲ့ "MQ-9A" ဒရုန်းတွေအပြင်၊ အစ္စရေးလေတပ် (IAF) ရဲ့ အော်ဘစ်တာ "Orbiter-1/2/3/4"၊ "IAI အီတန် Eitan" နဲ့ ဟာမီးစ် "HERMES-450/900" ထောက်လှမ်းရေးနဲ့ တိုက်ခိုက်ရေးဒရုန်းတွေ ပါဝင်နေတာပါ။ ၂၀၂၃ ခုနှစ်၊ အောက်တိုဘာလကစပြီး အီရန်ဦးဆောင်တဲ့ မဟာမိတ်အဖွဲ့တွေဟာ အစ္စရေးရဲ့ ဟာမီးစ် "HERMES-900" ဒရုန်း ၇၇ ရာခိုင်နှုန်းခန့်နဲ့ "HERMES-450" ဒရုန်း ၇၃ ရာခိုင်နှုန်းခန့်ကို ပစ်ချနိုင်ခဲ့ပါတယ်။ ဒါကြောင့် အစ္စရေးရဲ့ ဒရုန်းလက်နက်တိုက်ဟာ လက်ရှိမှာ ထိရောက်မှုမရှိတော့ဘဲ ခေတ်နောက်ကျသွားတဲ့ အခြေအနေကို ရောက်နေတယ်လို့ ဆိုပါတယ်။ ပြီးခဲ့တဲ့ ၂၄ နာရီအတွင်းမှာလည်း အီရန်ဝေဟင်ပိုင်နက်ထဲမှာ ဟာမီးစ် "HERMES-series" ဒရုန်းတွေ ပျံသန်းတာမျိုး လုံးဝမရှိတော့ပါဘူး။ NOM

ပြည်သူ့စစ်မှုထမ်းသင်တန်းအမှတ်စဉ်(၂၃)သင်တန်းဖွင့်ပွဲများအား တိုင်းစစ်ဌာနချုပ်အသီးသီး၌ကျင်းပပြုလုပ် မတ် ၂၃၊ ၂၀၂၆

အမေရိကန်နိုင်ငံ၊ တက္ကဆက်ပြည်နယ်၊ ပေါ့အာသာ Port Arthur မြို့ရှိ ဗာလီရို Valero ရေနံချက်စက်ရုံတွင် ကျယ်လောင်သော ပေါက်ကွဲသံတစ်ခု ကြားရပြီးနောက် အကြောင်းရင်းအတိအကျ မသိရသေးသည့် မီးလောင်မှုကြီးများ ဖြစ်ပွားခဲ့ကြောင်း သတင်းရရှိပါသည်။ NOM

အမေရိကန်နဲ့ အီရန်တို့ရဲ့ လက်ရှိစစ်ပွဲအတွင်း အမေရိကန်ရဲ့ လူနဲ့စစ်ပစ္စည်း အဆုံးအရှုံးနဲ့ ပတ်သက်ပြီး သတင်းဌာနအသီးသီးက ကိန်းဂဏန်းအမျိုးမျိုး ထုတ်ပြန်ထားပါတယ်။ စစ်ပွဲဖြစ်ပွားနေဆဲဖြစ်ပြီး အခြေအနေတွေ အချိန်နဲ့တပြေးညီ ပြောင်းလဲနေတာကြောင့် အတိအကျ အတည်ပြုနိုင်တဲ့ အချက်အလက်တွေကိုတော့ အောက်မှာ ဖော်ပြထားပါတယ်။ 👥 လူအင်အားဆုံးရှုံးမှု လူအင်အားဆုံးရှုံးမှုနဲ့ ပတ်သက်ပြီး သတင်းရင်းမြစ်အလိုက် အောက်ပါအတိုင်း ကွဲပြားနေပါတယ်။ သတင်းရင်းမြစ် သေဆုံးမှု (ခန့်မှန်း) ဒဏ်ရာရမှု (ခန့်မှန်း) မှတ်ချက် ပင်တဂွန် (အမေရိကန် ကာကွယ်ရေးဌာန) အနည်းဆုံး ၁၃ ဦး ခန့်မှန်းခြေ ၁၄၀ ဦး စစ်ပွဲစတင်ချိန်မှ မတ်လ ၁၀ ရက်နေ့အထိ တရားဝင်ထုတ်ပြန်ချက် အီရန်နိုင်ငံပိုင် မီဒီယာ (PressTV) အနည်းဆုံး ၂၀၀ ဦး ၃,၀၀၀ ကျော် စစ်ပွဲ ပထမတစ်ပတ်အတွင်း အမေရိကန် စစ်ဘက်ဆိုင်ရာ အရင်းအမြစ်ကို ကိုးကား 🚁 စစ်ပစ္စည်းဆုံးရှုံးမှု စစ်ပစ္စည်းဆုံးရှုံးမှုနဲ့ ပတ်သက်ပြီးလည်း သတင်းဌာနအလိုက် အောက်ပါအတိုင်း ဖော်ပြထားပါတယ်။ ပစ္စည်းအမျိုးအစား ဆုံးရှုံးမှုအခြေအနေ (ခန့်မှန်း) သတင်းရင်းမြစ် စုစုပေါင်း ပစ္စည်းတန်ဖိုး ပထမ ၄ ရက်အတွင်း $၁.၉ ဘီလီယံ၊ ပထမ ၂ ပတ်အတွင်း $၃.၈၄ ဘီလီယံ Anadolu Agency အဆင့်မြင့် ရေဒါစနစ်များ AN/TPY-2 နှင့် AN/FPS-132 အပါအဝင် စနစ်များ ပျက်စီး (တန်ဖိုး ဒေါ်လာ ဘီလီယံချီ) Anadolu Agency လေယာဉ်နှင့် ဒရုန်းများ F-15E တိုက်လေယာဉ် ၃ စင်း၊ KC-135 လေယာဉ် ၁ စင်း၊ MQ-9 Reaper ဒရုန်း ၁၁ စင်း ဆုံးရှုံး Anadolu Agency, Xinhua အီရန်ဘက်က ပြောဆိုချက် Patriot လေကြောင်းရန်ကာကွယ်ရေးစနစ် ၂၃ ခု၊ လေယာဉ်နှင့် ရဟတ်ယာဉ် ၃၇ စင်း၊ ဒုံးပစ်စင် ၁၅၀ ဆုံးရှုံး PressTV

အီရတ်ကိုကျူးကျော်စဥ်ကအမေရိကန်သမ္မတဂျော့ချ်ဘုရှ်ကစစ်ပွဲသည်၈ရက်အတွင်းပြီးမည်ဟုမိန့်ခွန်းပြောခဲ့သော်လည်း၈နှစ်ကြာတိုက်ခဲ့ရသည်။ယခုလည်းအမေရိကန်သမ္မတထရမ့်ကအီရန်စစ်သည်သုံးလေးရက်ဖြင့်ပြီးမည်ဟုပြောခဲ့သော်လည်းစစ်ပွဲသည်စတုတ္ထအပတ်အတွင်းဝင်ရောက်လာပြီဖြစ်သည့်အပြင်အီရတ်နိုင်ငံအတွင်းမှနေတိုးတပ်အားလုံးဆုတ်ခွာလိုက်ရသည်။

အမေရိကန်သမ္မတထရမ့်၏မဟာမိတ်များကအီရန်စစ်သည်ကပ်ဘေးကြီးတစ်ခုဖြစ်လာလိမ့်မည်ဟုပုဂ္ဂိုလ်ရေးအရသတိပေးခဲ့ကြသည်။

အမေရိကန်သမ္မတထရမ့်၏မိခင် ကထရမ့်ကိုရည်ညွှန်းပြောခဲ့သည့်စကား NOM ဟုတ်တယ်၊ သူက အရူးပဲ၊ ကျိုးကြောင်းဆင်ခြင်တုံတရားလည်း လုံးဝမရှိဘူး၊ လူမှုဆက်ဆံရေးစွမ်းရည်လည်း မရှိဘူး၊ ဒါပေမယ့် သူက ကျွန်မသားဖြစ်နေတယ်။ သူ နိုင်ငံရေးထဲ ဘယ်တော့မှ မဝင်ပါစေနဲ့လို့ပဲ မျှော်လင့်ပါတယ်။ သူက ကပ်ဘေးကြီးတစ်ခု ဖြစ်လာလိမ့်မယ်။ (မေရီအန်းထရမ့်)

“လိုတာယူသွား၊ စစ်ပြီးမှ ပေး” NOM အီရန်နိုင်ငံက စူပါမားကတ်တစ်ခုမှာ လက်ရေးနဲ့ရေးထားတဲ့ ဆိုင်းဘုတ်တစ်ခုမှာ “စိတ်မပူပါနဲ့။ တစ်ခုခုလိုရင် ယူသွားပါ။ စစ်ပြီးမှငွေပေးပါ” လို့ ဖော်ပြထားပါတယ်။ ⠀ စစ်ပွဲနဲ့ စီးပွားရေးအခက်အခဲတွေကြားမှာ လူမှုအသိုင်းအဝိုင်းတွေဟာ အပြန်အလှန်ယုံကြည်မှုနဲ့ အကူအညီပေးမှုအပေါ် မှီခိုအားထားလာကြရပြီး၊ ဈေးနှုန်းတွေမြင့်တက်မှုနဲ့ ပစ္စည်းရှားပါးမှုတွေကြောင့် လူတွေ ရုန်းကန်နေရချိန်မှာ အလွတ်သဘော “နောက်မှပေး” စနစ်သကျင့်သုံးမှုတွေလည်း ပျံ့နှံ့လာနေပြီ ဖြစ်ပါတယ်။

ကိုလံဘီယာလေတပ်မှလေယာဥ်ပျက်ကျ NOM စစ်သည်၁၁၀ဦးသယ်ဆောင်လာသောကိုလံဘီယာလေတပ်မှC130လေယာဥ်သည်ပီရူးနယ်စပ်အနီးအမေဇုန်တောအတွင်းပျက်ကျမီးလောင်ရာလေယာဥ်ပေါ်ပါသူအားလုံးသေဆုံးဖွယ်ရှိသည်။

ယော PDF (YPDF) အကြမ်းဖက်အဖွဲ့ဝင်အချင်းချင်း ပစ်ခတ်မှုကြောင့် YPDF မြေပြင်ရုံးမှ ကောင်းကောင်း ဆိုသူအပါအဝင်အကြမ်းဖက်သမားနှစ်ဦးသေဆုံးခဲ့ပြီး နှစ်ဦးဒဏ်ရာရ။ NOM

အီရန်နိုင်ငံခြားရေးဝန်ကြီးဌာန - အမေရိကန်ပြည်ထောင်စုနှင့် အီရန်အစ္စလာမ်မစ်သမ္မတနိုင်ငံတို့အကြား ဆွေးနွေးမှုများ ပြုလုပ်နေသည်ဟူသော အမေရိကန်သမ္မတ ဒေါ်နယ်ထရမ့်၏ ပြောကြားချက်ကို ကျွန်ုပ်တို့ ငြင်းဆိုသည်။ အီရန်အစ္စလာမ်မစ်သမ္မတနိုင်ငံသည် စစ်ပွဲမှရည်မှန်းထားသော အီရန်၏ပန်းတိုင်များမပြည့်မီ မည်သည့်ဆွေးနွေးညှိနှိုင်းမှုကိုမဆို ပယ်ချသည့် ၎င်း၏ရပ်တည်ချက်ကို ဆက်လက်ဆုပ်ကိုင်ထားသည်။ NOM

🇰🇼 ကူဝိတ်တွင် နောက်ထပ် အမေရိကန်တိုက်လေယာဉ်တစ်စင်း ပစ်ခတ်ခံရပြီး ပျက်ကျ အမေရိကန် F-15 တိုက်လေယာဉ်တစ်စင်း ကူဝိတ်နိုင်ငံမှာ ပျက်ကျသွားပါတယ်။ ဒီနေ့ အစောပိုင်းတုန်းက အီရတ် Al-Ahed သတင်းဌာနက အီရန်ကောင်းကင်ယံမှာ အမေရိကန်တိုက်လေယာဉ်တစ်စင်း ပစ်ခတ်ခံခဲ့ရတယ်လို့ ဖော်ပြခဲ့ပါတယ်။ အဲ့ဒီတိုက်လေယာဉ်ဟာ လွန်ခဲ့တဲ့ နာရီအနည်းငယ်က ကူဝိတ်နိုင်ငံထဲမှာ ပျက်ကျသွားတာဖြစ်တယ်လို့လည်း ဒီသတင်းဌာနက ဆိုပါတယ်။ NOM

ပြည်သူ့လွှတ်တော်ဥက္ကဋ္ဌဦးခင်ရီ တတိယအကြိမ်ပြည်သူ့လွှတ်တော် ပထမပုံမှန်အစည်းအဝေး ဒုတိယနေ့သို့တက်ရောက် ( ၂၃.၀၃.၂၀၂၆ ) ရက်နေ့

အီရန်ဒုံးကျည်ပညာရှင်ကိုအစ္စရေးကလေကြောင်းမှတိုက်ခိုက််သတ်ဖြတ် NOM ဒေါက်တာ Saeed Shamkhdari ဟု လူသိများသော အီရန် ဒုံးကျည်ကျွမ်းကျင်သူသည် တီဟီရန်မြို့ရှိ ၎င်း၏နေအိမ်တွင် ရှိစဉ်အစ္စရေး၏လေကြောင်းတိုက်ခိုက်မှုကြောင့်မိသားစုဝင်အချို့နှင့်အတူ သေဆုံးကြောင်း သတင်းများအရ သိရသည်။

နယူးယောက်မြို့က LaGuardia လေဆိပ်မှာ Air Canada Express လေယာဉ်ဟာ မြေပြင်ယာဉ်တစီးနဲ့ တိုက်မိခဲ့ရာကနေ လေယာဉ်မှူးနဲ့ တွဲဖက်လေယာဉ်မှူးတို့ သေဆုံးခဲ့တယ်လို့ NBC က ဖော်ပြခဲ့ပါတယ်။ ခရီးသည် ၇၆ ဦး လိုက်ပါလာတဲ့ လေယာဉ်ဟာ လေဆိပ်ကို ဆင်းသက်ချိန်မှာ မီးသတ်ကားတစီးနဲ့ တိုက်မိခဲ့ပြီး လေဆိပ်ကိုလည်း အရေးပေါ်ပိတ်လိုက်ရတယ်လို့ အာဏာပိုင်တွေက အတည်ပြုခဲ့ပါတယ်။ News Of Myanmar NOM

တက္ကီဆီကါးများဆီဆိုင်နှင့်ပေါင်းပြီးအကြိမ်ကြိမ်ဆီထည့်နေ NOM၊မတ်၂၃၊၂၀၂၆ ဆီရောင်းချသည့်စနစ်ကိုမည်သို့ပြင်စေကါမူတက္ကဆီအငှါးကါးများနှင့်ဆီဆိုင်ဝန်ထမ်းများပေါင်းပြီးတစ်နေ့အတွင်းအကြိမ်ကြိမ်တန်းစီကါဆီထုတ်ရောင်းစားနေကြောင်းယနေ့မျက်မြင်တွေ့လာသူတစ်ဦးက NOMသို့ဆက်သွယ်သတင်းပေးပို့လာသည်။ “ဆီဆိုင်တွေမှာဆီထည့်ရင်ကါးဝှီးတက်ကိုစကင်ဖတ်ရတယ်။ဒါပေမယ့်ဆီဆိုင်ဝန်ထမ်းကိုတစ်သောင်းပေးလိုက်ရင်အဲဒီကါးကိုစကင်မဖတ်ပဲထည့်ပေးလိုက်တယ်။ဒီတော့တက္ကဆီတွေကလူမဆွဲတော့ပဲအကြိမ်ကြိမ်တန်းစီပြီးဆီထုတ်စားနေကြတယ်။တစ်နေ့ကိုငါးကြိမ်တန်းစီပြီးထည့်ရင်တစ်နေ့အမြတ်ကနှစ်သိန်းခွဲရှိတယ်။ဒီတော့ဆိုင်တွေမှာကါးတန်းကြီးတွေကလျော့မသွားတော့ဘူး၊တက္ကဆီတွေချည်းဖြစ်နေတယ်”ဟုပြောသည်။ ရန်ကုန်တွင်တက္ကဆီအငှါးယာဉ်ခြောက်သောင်းခန့်ရှိပြီးလိုင်စင်မဲ့ကါးများကိုနံပါတ်တူပွါးထားသည်မှာလည်းသုံးသောင်းခန့်ရှိကြောင်းသိရသည်။ကါးများကိုစကင်မဖတ်ပဲဆီထည့်ပေးနေသဖြင့်လိုင်စင်မဲ့ကါးများပါဆီထည့်ခွင့်ရနေသည်။ နိုင်ငံတော်မှာကမ္ဘာ့လောင်စာဆီအကျပ်အတည်းကါလတွင်နိုင်ငံအတွင်းလောင်စာဆီမပြတ်တောက်ရန်မျိုးစုံစဉ်းစားစီစဉ်နေသော်လည်းအောက်ခြေဝန်ထမ်းတစ်စုကလုပ်စားနေသဖြင့်ဆီဆိုင်များတွင်ကါးတန်းကြီးလည်းမလျော့၊ဆီများလည်းကုန်ကျမှုမလျော့ပဲလည်သူစားစတမ်းဖြစ်နေသည်ကိုသက်ဆိုင်ရာများမှကြတ်မတ်ပေးနိုင်ပါရန်အသိပေးအပ်ပါသည်။

ရန်ကုန်၌ တစ်ပတ်အတွင်း ဓါတ်ဆီတစ်လီတာဈေး ကျပ် ၈၀၀ နီးပါးနှင့် ဒီဇယ်ဆီတစ်လီတာဈေး ကျပ် ၁,၂၀၀ ကျော်အထိ တက်လာ Bar Code နှင့် QR Code စနစ် အတွင်းထည့်သွင်း၍ လာမည့်ရက်သတ္တပတ်အတွင်း စတင်ဆောင်ရွက်သွားမည် NOM မတ် ၂၃ ၊ ၂၀၂၆ ပြီးခဲ့သည့်တစ်ပတ်အတွင်းတစ်ရိပ်ရိပ် တက်လာသည့် စက်သုံးဆီ ဈေးနှုန်းများအရ ရန်ကုန်၌ ဓါတ်ဆီတစ်လီတာဈေး ကျပ် ၈၀၀ နီးပါးနှင့် ပရီမီယံဒီဇယ်ဆီ တစ်လီတာဈေး ကျပ် ၁,၂၀၀ ကျော်အထိ တက်လာ ကြောင်း စက်သုံးဆီတင်သွင်းသို လှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီ၏ နေ့စဉ် ထုတ်ပြန်သော စာရင်းများအရ သိရသည်။ မတ် ၁၆ ရက်နေ့ (တနင်္လာနေ့)က ရန်ကုန်တွင် ၉၂ ရွန် တစ်လီတာ ကျပ် ၂,၈၃၀ ၊ ၉၅ ရွန် တစ်လီတာ ကျပ် ၂,၉၃၀၊ ဒီဇယ်ဆီတစ်လီတာ ကျပ် ၃,၂၀၅ နှင့် ပရီမီယံဒီဇယ်တစ်လီတာ ကျပ် ၃,၅၆၀ ရှိခဲ့သည်။ ထိုနောက်ပိုင်း မတ် ၂၀ ရက် (သောကြာနေ့) မှ စ၍ စက်သုံးဆီဈေးများတက်မဟုတ်ခြင်း ထိုးတက်သွားပြီး ၉၂ ရွန် တစ်လီတာ ကျပ် ၃,၆၁၀၊ ၉၅ ရွန် တစ်လီတာ ကျပ် ၃,၈၅၀၊ ဒီဇယ်ဆီတစ်လီတာ ကျပ် ၄,၃၉၀ နှင့် ပရီမီယံဒီဇယ်တစ်လီတာ ကျပ် ၄,၈၂၀ ဖြစ်ခဲ့သည်။ အဆိုပါ ဈေးနှုန်းများသည် ယနေ့ မတ်လ ၂၃ ရက်နေ့အထိ ရှိနေဆဲဖြစ်ပြီး ရန်ကုန်နှင့် မန္တလေးကဲ့သို့သော မြို့ကြီးများအပါအဝင် နယ်မြို့အသီးသီးရှိ စက်သုံးဆီဆိုင် အများစုတွင် ဆီထည့်မည့် ကားများ ရှည်လျားစွာ တန်းစီရမှုများရှိနေပြီး တစ်ခါတစ်ရံတစ်နေကုန်နီးပါး တန်းစီစောင့်ဆိုင်းနေရမှုများ ရှိ နေကြောင်း ကားအသုံးပြုများထံကသိရသည်။ ထို့အတူ စက်သုံးဆီဝယ်ယူရာတွင် ပိုမိုအဆင်ပြေချောမွေ့စေရန်အတွက် ယာဉ်၏စက်စွမ်းအား အပေါ် မူတည်၍ တစ်ပတ်အတွင်း ဝယ်ယူခွင့်ရှိသည့် ပမာဏကို သတ်မှတ်ပြီး တစ်ပတ်အတွင်း တစ်ကြိမ်တည်းဖြစ်စေ၊ အများဆုံး ၂ ကြိမ်ခွဲ၍ဖြစ်စေ ဝယ်ယူနိုင်မည့် စနစ်ကို Bar Code နှင့် QR Code စနစ် အတွင်းထည့် သွင်း၍ လာမည့်ရက်သတ္တပတ်အတွင်း စတင်ဆောင်ရွက်သွားမည်ဖြစ်ကြောင်း မတ် ၂၂ ရက် ညပိုင်း၌ အသိပေးထုတ်ပြန်ထား‌ကြောင်းသိရသည်။ NOM

ပုဂ္ဂလိက ဆန်စပါးလုပ်ငန်း နယ်ပယ်တစ်ခုလုံးတွင် ဒစ်ဂျစ်တယ်ငွေပေးချေမှု (Rice Industry Cashless Ecosystem) အစီအစဉ်သစ်ကို စတင်‌မည် NOM၊မတ် ၂၃၊၂၀၂၆ မြန်မာ့ဆန်စပါးကဏ္ဍရှိ ပုဂ္ဂလိကဆန်စပါးလုပ်ငန်းနယ်ပယ်တစ်ခုလုံးတွင် ဒစ်ဂျစ်တယ်ငွေပေးချေမှု (Rice Industry Cashless Ecosystem) အစီအစဉ်သစ်ကို စတင်တော့မည်ဖြစ်ကြောင်း မြန်မာနိုင်ငံဆန်စပါးအသင်းချုပ်(MRF)မှ သိရသည်။ ထိုသို့ဆောင်ရွက်ရခြင်းသည် ပုဂ္ဂလိက ဆန်စပါးလုပ်ငန်းနယ်ပယ်တစ်ခုလုံးတွင် ဒစ်ဂျစ်တယ်ငွေပေးချေမှု စနစ်များ ပိုမိုထွန်းကားလာစေရန်နှင့် ခေတ်မီဘဏ်ဝန်ဆောင်မှုများကို ကျယ်ပြန့်စွာအသုံးချနိုင်စေရန် ရည်ရွယ်၍ “MRF RICE - Rice Industry Cashless Ecosystem” အစီအစဉ်သစ်ကို စတင်ဆောင်ရွက်ခြင်းဖြစ်ကြောင်း သိရသည်။ အဆိုပါ ငွေပေးချေမှုအစီအစဉ်သည်နိုင်ငံတော်၏ မြန်မာ့ဒစ်ဂျစ်တယ်စီးပွားရေးလမ်းပြမြေပုံ - ၂၀၃၀ နှင့် မြန်မာနိုင်ငံတော် ဗဟိုဘဏ်၏ လမ်းညွှန်ချက်များနှင့်အညီ ပေါ်ပေါက်လာခြင်းဖြစ်ပြီး ဆန်စပါးတန်ဖိုးကွင်းဆက် (Rice Value Chain) တစ်လျှောက်တွင် ပါဝင်ပတ်သက်နေကြသော တောင်သူလယ်သမားများ၊ ဆန်စက်ပိုင်ရှင်များ၊ ဆန်ကုန်သည်များ၊ ဆန်တင်ပို့ရောင်းချသူများနှင့် အကျိုးဆောင်ပွဲစားများအားလုံးကို ဘဏ်စနစ်အတွင်းသို့ ပိုမိုလာရောက်စေရန် ရည်ရွယ်ထားခြင်းဖြစ်ကြောင်းသိရသည်။

ဆံတော်ရှင်ကျိုက်ထီးရိုးတောင်တက် ကားခများခရီးသည်တစ်ဦးကို ကျပ်၂၀၀၀မြင့်တက်လာ NOM မတ်၂၃၊ ၂၀၂၆ မွန်ပြည်နယ်၊ ကျိုက်ထိုမြို့နယ်ရှိ ဆံတော်ရှင်ကျိုက်ထီးရိုး တောင်တက်ကားခများကို ယနေ့ (မတ်၂၃ ရက်) နေ့မှစ၍ လူတစ်ဦးလျှင် ခေါင်းခန်း ကျပ် ၁၁,၀၀ဝ နှင့်နောက်ခန်း ကျပ် ၉,၀၀ဝ ဖြင့် ပြောင်းလဲပြင်ဆင်သတ်မှတ်လိုက်ကြောင်း တောင်တက်ကားမောင်းနှင်သူတစ်ဦးကပြောသည်။ ယခင်က ဆံတော်ရှင်ကျိုက်ထီးရိုးတောင်တက်ကားခများကို ခရီးသည်တစ်ဦးလျှင် ခေါင်းခန်း ကျပ် ၉,၀၀ဝ နှင့် နောက်ခန်း ကျပ် ၇,၀၀ဝ ဖြင့် ပြေးဆွဲပေးနေသော်လည်း လက်ရှိကြုံတွေ့နေရသည့် ဆီပြဿနာအခက်အခဲများကြောင့် တောင်တက်ကားခများကို လူတစ်ဦးလျှင် ခေါင်းခန်း ကျပ် ၁၁,၀၀ဝ နှင့် နောက်ခန်း ကျပ် ၉,၀၀ဝ ဖြင့် ပြောင်းလဲပြင်ဆင်သတ်မှတ်လိုက် ကြောင်းသိရသည်။ "အခုလို စျေးတက်သွားတာကလည်း ကိုယ်ကဖန်တီးယူလို့ဖြစ်တာမဟုတ်ဘူး။ စက်သုံးဆီ ခက်ခဲမှုတွေကြောင့်ဖြစ်ရတာပါ။ အခုလိုစျေးကြီးပေးဝယ်ပြီး လိုသလောက် ရရင် အဆင်ပြေနိုင်တယ်။ အခုက လိုသလောက်လည်းမရဘူးဆိုတော့ ဘာလုပ်မလဲ နားမလား၊ ဆက်သွားမလားဆိုတာဘဲ စဉ်းစားရမယ်။ ဆက်သွားရင်တော့ စျေးတက်ရမယ်ဆိုတာ ကားသမားတွေတင်ပြခဲ့လို့ အသင်းကခွင့်ပြုပေးခဲ့တာပါ"ဟု တောင်တက်ကားမောင်းနှင်သူတစ်ဦးကပြောသည်။ ဆံတော်ရှင် ကျိုက်ထီးရိုးစေတီတော်ကြီးအား ဖူးမြော်ရန်အတွက် လာရောက်ကြသော ဘုရားဖူးမိဘပြည်သူများအား လက်ရှိဆီပြဿနာ အခက်အခဲများကြောင့် တောင် တက်ကားခများကို မတ် ၂၃ ရက်တွင် စျေးနှုန်း ပြင်ဆင်သက်မှတ်ထားသော်လည်း ၂၂ ရက်နေ့တွင် တက်သွားသော ဘုရား ဖူးများအနေဖြင့် ပြန်အဆင်းတွင် ယခင်ပုံမှန်ဈေးနှုန်းဖြင့်သာ ပြန်လည်ပေးဆောင်ရမည် ဖြစ်ကြောင်းအသိပေးထားသည်။ NOM

🇮🇷 ရန်သူ (အမေရိကန်နှင့်အပေါင်းအပါများ) က ကမ်းရိုးတန်း ဒါမှမဟုတ် ကျွန်းစုတွေကို တိုက်ခိုက်ဖို့ ကြိုးပမ်းလာမယ်ဆိုရင် အီရန်နိုင်ငံအနေနဲ့ ပါရှန်ကွေ့အတွင်းက ရေကြောင်းလမ်းအားလုံးမှာ မိုင်းထောင်သွားမှာဖြစ်တယ်လို့ အီရန်ကာကွယ်ရေးကောင်စီက ပြောကြားလိုက်ပါတယ်။ NOM