2 377
订阅者
-124 小时
+147 天
+2530 天
帖子存档
2 377
نیویۆرک تایمز:
ئێران قۆناغی ئاگربەستەکەی بەکارهێناوە بۆ هەماهەنگی نهێنی لەگەڵ حزبوڵڵا، حوسییەکان و میلیشیا سەر بە ئێرانەکان لە عێراق، بە مەبەستی داڕشتنی پلان بۆ فراوانکردنی جەنگەکە و زیادکردنی گوشارەکان لەسەر ئەمریکا.
فەرماندە باڵاکانی فەیلەقی قودس گفتوگۆی ڤیدیۆییان لەگەڵ سەرکردەی میلیشیاکان ئەنجامداوە، لەرێگەی ڕاوێژکارەکانیان کاریان کردووە بۆ پڕکردنەوەی بۆشایی سەرکردایەتی حزبوڵڵا لە ڕێگەی دانانی فەرماندەکانی سوپای پاسداران بە شێوەیەکی ڕاستەوخۆ لە ئەنجومەنی باڵای بەڕێوەبردنی ئەو حزبەدا، کە ئەمەش کەمەرەی هەژموونی تاران بەسەر ئۆپراسیۆنەکانی گرووپەکەوە بەهێزتر دەکات.
2 377
بەرپرسێکی ئەمریکی:
بۆ پاراستنی سەربازەکانمان سیستمی پاتریۆتمان لە هەولێرەوە بردووە بۆ ئوردن.
2 377
بەپێی دیمەنی مانگی دەستکرد، ئەمریکا بەشێک لە بنکە ئاسمانییەکانی لە بەحرەین چۆڵکردووە.
"بەهۆی کەمی مووشەکی سیستمی بەرگری، هێزەکانی لە ناوچەیەک کۆدەکاتەوە، بنکەی تەنەفیش لە سوریا بەشێکی چۆڵکراوە."
2 377
+1
باڵۆنی چاودێری فڕۆکەخانەی هەولێر لەلایەن سووپای ئەمریکاوە هێنرایە خوارەوە...
ئەم باڵۆنە وەک راداری سیستەمی دژە مووشەکی پاتریۆتی ئەمریکی کاری دەکرد.
2 377
ئەمبەرین زەمان، پەیامنێری ماڵپەری ئەلمۆنیتۆر:
راپۆرتەكەی ئەلمۆنیتۆر راستە و زۆرینەی سوپای ئەمریكا لە هەولێر كشاونەتەوە.
دۆخەكە هاوشێوەی رۆژئاوای كوردستانە و ئەمریكا لە پێناو بەرژەوەندی خۆی لە هەرێمی كوردستان بووە.
2 377
سعوودیە و ئوردن هەڕەشەی کردنە ئامانجی میلیشیاکانی ئێراق کردووە ئەگەر نەوەستن و هێرشیان کرێتەسەر، و کوەیتیش هەڕەشەیەکی هاوشێوەی ئاراستە کردووە. لە بەرامبەردا، ئێراق هەوڵ دەدات دراوسێکانی قەناعەت پێ بکات کە توانای ڕێگریکردنی لە هێرشەکان هەیە، و هۆشداری داوە لەوەی کە هەر هێرشێک بۆ سەر ئەو گرووپانە لە ناوخۆی وڵاتەکە، هەوڵەکانی حکومەت بۆ کۆنتڕۆڵکردنیان لەبار دەبات. هەروەها داوای لە سعوودیە کردووە بۆ گرتنەبەری ڕێوشوێنی پێشوەختە هەر زانیارییەکی هەواڵگریی پێبگەیەنێت، ئێراق ئاستی هۆشداری لە بنکە سەربازییەکان بەرز کردووەتەوە بەهۆی ترسی جووڵەی ئەو گرووپانە.
2 377
ئەمریکا و ئیسرائیل ئامادەکاری دەکەن بۆ لێدانی وێستگەکانی کارەبا لە ئێران له ڕۆژی شەممە، هەرچەندە هێشتا بڕیاری کۆتایی نەدراوە گفتوگۆ سەبارەت بە کاتی هێرشەکان کراوە، بۆ دڵنیابوون لەوەی دوای کردنەوەی بازاڕەکان لە ڕۆژی دووشەممەدا کاریگەری شۆک هێنەر دروست نەکەن
چەندین بەرپرسی ئەمریکی ڕایانگەیاندووە کە ئیسرائیل لە پلانەکان ئاگادارکراوەتەوە و لەگەڵ ئەمریکا هەماهەنگی دەکات بەڵام ترەمپ هێشتا بە شێوەیەکی یەکجارەکی ئەو کارەی پەسەند نەکردووە
کەناڵی ئیسرائیلی (i24 News).
2 377
باڵیۆزی ئێران لە عێراق دەڵێت: زۆربەی هۆزەکانی پارێزگاکانی عێراق ئامادەییان دەربڕیوە، بۆ داکۆکی لە وڵاتەکەمان، بە چەک بەرەنگاری ئەمریکا ببنەوە
2 377
باڵیۆزخانەکانی ئەمریکا لە رۆژهەڵاتی ناوەڕاست هۆشداری بە هاوڵاتیانیان دەدەن و دەڵێن ئامادەبن.
2 377
وه‌زاره‌تی ده‌ره‌وه‌ی ئێران دوای پەیوەندی تەلەفۆنی وەزیری دەرەوەی هەردوو وڵات:
به‌ریتانیا دووپاتی کردەوە به‌شێک نییه له جه‌نگی دژ به وڵاته‌كه‌مان.
2 377
ئەمریکا: بە هۆکاری ئەمنی و لەبەر پێداویستی ستراتیژی جێگۆڕکێی کاتی تەکتیکی دەکات؛
ئەوەی ڕوودەدات لە کشاندنەوەی کاتی بێدەنگی هێز و بەشێك لە سیستمی بەرگری ئاسمانی ئەمریکا لە (بنکەی هەریر) لە هەولێر، بریتییە لە جێگۆڕکێی کاتی تەکتیکی کە هۆکاری ئەمنی و پێداویستی ستراتیژی لە پشتە.
ئەمریکا، هۆکاری هەیە و بەم هەنگاوەی ئامانجی ستراتیژی دەپێکێت؛
- ئەمریکا و ئیسرائیل و هاوپەیمانەکانیان لە وڵاتانی ئەوروپا و هاوپەیمانی ناتۆ و وڵاتە عەرەبییەکان، ئامادەکارییە جەنگییەکانیان تەواو کردووە بۆ گەڕێکی تری جەنگ لەگەڵ ئێراندا. کە تیایدا بە نیازن ئامانجی زۆر ستراتیژی بپێکن و کۆتایی بە مەترسییەکانی ئێران بۆ سەر بەرژەوەندییەکانی ئەمریکا و ئیسرائیل و کۆی وڵاتانی ناوچەکە و جیهان بهێنن.
- جێگۆڕکێی تەکتیکی ئەمریکا، لە ڕێگەی کشاندنەوەی کاتی هێز و چەکە ستراتیژییەکانی لەنێوانیاندا سیستمی بەرگری ئاسمانی، بۆ ئەوەیە کەمترین زیانی پێ بگات لەکاتی هێرشە موشەکییەکانی ئێران بۆ سەر بنکەکانی لە ناوچەکەدا. واتا کشاندنەوەی کۆتایی نیە و ڕێکاری خۆپارێزییە هەروەك چۆن لە کۆی وڵاتانی ناوچەکە بەتایبەت لە وڵاتانی عەرەبی گرتویەتیەبەر.
- ئەمریکا، دەیەوێت کورد پەلکێشی نێو شەڕەکە بکات بۆ ئەنجامدانی هێرشی زەمینی بێ ئەوەی هیچ وابەستەبوون و زامنکارییەکمان پێبدات، ئەویش بە ناچارکردنی هەرێمی کوردستان بۆ ئەوەی ڕووبەڕووی ئێران ببێتەوە بەهۆی ئەو فشار و هێرشە موشەکییانەی ئەو وڵاتە دەیکاتە سەر پایتەختی هەرێم، هەروەها ناچارکردنی هەرێم بە هاوکاری کردنی هێزە نیشتیمانپارێزەکانی ڕۆژهەڵات و کردنەوەی سنورەکان بەڕوویاندا تا دەگاتە ئاستی پێشکەش کردنی هاوکاری لۆجستی لەکاتی پێویستدا. ئەمە لەکاتێکدایە ئەمریکا دەزانێت کورد تینوی ئازادی و ڕزگارییە لەداگیرکاری و لەهەمان کاتدا ئەمریکا هیچ پاراستن و زامنکارییەکمان پێشکەش ناکات لەکاتی هەنگاونانێکی لەو جۆرەدا.
لەم ڕوانگەیەوە:
- ئەم جێگۆڕکێ کاتییە تاکتیکییەی ئەمریکا هیچ جێی مەترسی نیە، بە تایبەت کە ئێمەی کورد لەگەڵ جەنگ و موشەك و درۆن و تۆپ و تەیارە و کوشتن و بڕین ڕاهاتووین.
- سەرکردایەتی سیاسی و سەربازی کورد بە دیاریکراوی لە باشور و ڕۆژهەڵاتی نیشتیمان، دەبێت زۆر بە وردی لەگەڵ بەهەند وەرگرتنی ئاسایشی نەتەوەییمان و پاراستنی خاك و خەڵکی کوردستان و دەستکەوتەکانمان بە ئاڕاستەی بەدیهێنانی ئامانج و بەرژەوەندییە باڵاکانی نەتەوەکەمان بە هەماهەنگی لەگەڵ یەکتر هەنگاو بنێن و بڕیار بدەن لە بژاردە هەمەجۆرەکان. بەتایبەت ئەم قۆناغە بە کرداری قۆناغی زێڕینی کوردە و کۆتا دەرفەتی بۆ ئازادی ڕۆژهەڵاتی کوردستان لەخۆگرتووە.
- کورد دەبێت لەو ڕاستییە تێبگات، خەبات و تێکۆشانی ئێمە تەنها و تەنها بۆ ئازادی و سەربەخۆیی خاك و خەڵکی کوردستانە و ڕوونیشە کورد بە کرێگیراوی هیچ لایەن و هێز و وڵاتێك نیە و ئامانج و ستراتیژی نەتەوەییمان بۆ ئازادی و سەربەخۆیی کوردستان تەواو دورە لە بەرژەوەندی و هەژمونگەرایی وڵاتانی زلهێز و ململانێی جەمسەرە جیهانی و هەرێمییەکان.
دەتوانن تەماشایەکی ئەم بەستەرەش بکەن، کە پێشتر و پێش دەستپێکردنەوەی جەنگی (٣٥) ڕۆژە بۆچوونی خۆمم لەسەر بێلایەنی کورد خستووەتەڕوو لە (٢٠٢٦/٢/٢٥). چونکە دەمزانی گەڕی دووەمی جەنگ دەست پێدەکاتەوە و وڵاتانی زلهێزیش هیچ پاراستن و زامنکارییەکان پێشکەشی کورد نەکردووە لە ئەگەری هەر جوڵەیەکی دیراسەنەکراودا.
https://www.facebook.com/share/1CL7Znw6Sr/?mibextid=wwXIfr
دکتۆرا نیکۆڵا ئەشرەف شاڵی
2 377
سەرچاوەیەکی باڵای ئێرانی: پلانێکی تۆکمەمان ئامادە کردووە بۆ وەڵامدانەوەی هەر ڕەفتارێکی شێتانەی ئەمریکا.
2 377
کۆشکی سپی: تاران یاداشتی لێکتێگەیشتنی پێشێل کرد و تەقەی لە کەشتیەکان کرد و سەربازە ئەمریکییەکانی کوشت
2 377
کەناڵی (CBS )ی ئەمریکی:
ئەمریکا و ئیسرائیل خۆیان ئامادە دەکەن بۆ هێرشێکی گەورە بۆ سەر ژێرخانی وزەی ئێران، لەناویاندا پاڵاوگە و وێستگەکانی کارەبا .
