ماذا بعد! 🖤

و يالا السلام عليكم ورحمه الله وبركاته ، كلمتين كانوا محشورين ف زوري🫵😂.

متسمعش لكلام الناس ، وملكش دعوه خالص ب علاقة العبد و ربه ، دي حاجه بينه وبينك ،ف خليك ف علاقتك مع ربنا وبس !

" إِنَّ الحَسَناتِ يُذهِبنَ السَّيِّئَاتِ " المعادلة البسيطه خالص . لو مش قادر ان تتخلص من معصية فحاصرها بالطاعات ! لو هزمك الشيطان مرة فهناك ألف عبادة ترد له بها الصاع صاعين ! فما دمت تذنب وانت منكسر وترجع الى الله وانت في خجل فاطمئن فإنك على خير ي صديقي والله .

حاجه كمان . انت مش منافق، يعني مثلاً لما تعمل ذنب ، وبعد كدا تعمل خير بعده عشان تكفر أو عشان ضميرك ، انت كدا مش منافق .

اقولك حاجه تحفه . خلي دايما فيه العمل خفي بينك وبين ربنا . زي مثلاً قراءة ورد قرآن ، أو ذكر كتير ، أو تطلع صدقه دايما ، وصلاة ف جوف الليل ، أو دعم ناس من غير ما يعرفوا. العمل دا هو اللي هينجيك من مهالك أنت ممتخيلهاش.

انت اللي عارف ايه اللي هيبسطك وهيرجع النور تاني ف عيونك . انت اللي عارف غلط ف ايه قبل كدا . انت اللي عارف اصلا ايه اللي وصلك لكدا ، انت بس !

اه لما يكون معاك حد فاهمك وبيحبك الموضوع بيبقى أخف شويه. بس أقسم بالله محدش يعرف يطلعك من الفتره دي غير انت.

أكتشفت أنه فعلاً شخص واحد بس اللي يطلعك من أصعب فترة وأصعب اكتئاب ف الكون (هو أنت ) مش حد تاني والله .

لما الإنسان بيبقى مكتأب مبيبقاش باصص ولا ف دماغه حاجه اسمها بكرا ، وبكرا هيبقى أحسن !.

بس مش كلنا لما نطلع من الفتره دي بنكون استفادنا. الشاطر بس اللي بيستفاد وبياخد باله كويس جداً من اللي مر بيه ، وبيقرر مينفعش اقع ف الغلط دا تاني ، يعلم ع الحاجه اللي وصلته لكدا ويتعلم .

كلنا بيجي علينا فتره مش أحسن ، فتره متبقاش مستحمل نفسك خالص ، فتره بتبقى عيونك بس ع نص الكوبايه الفاضي.

بس مش من حقك خالص ، إنك لما تطلع م الفتره دي تبقى أسوأ !! لازم ضريبة زعلك و انعزالك دا تبقى انضج وواعي أكتر.

من حقك تزعل ، ومن حقك تنعزل ، ومن حقك تفصل عن العالم دا شويه كل فتره.

عاوزه اصييييح. جاهزين ؟ حتى لو مش جاهزين هصيح بردو هعهعههع😂.

ربنا يجبرك جبر يتعجب منه اهل السموات والأرض يا رب يا رب🤍.

أرجو أن أنال ما أريده وأن أكون مطمئنًّا وأن أحظى بحياة تليق بي وأن تتيسّر أموري وأن يكون أملي صادقًا كما أتصوّر."))

‏سُبحَان الذي إذا ذَكرته ذكرك ، و إن شكَرتَهُ زادَك ، و إن توكّلت عليه كفَاك ، سُبحانَ الله وَبِحمدِه ، سُبحَانَ الله العَظِيم.

ما أطول ليل المريض والمحزون والخائف ! كان الله لأهل البلاء.

❤️‍🩹.

وعليكم السلام ورحمه الله وبركاته 🤎. وصلي أحساسك ف كل كلمه ، وقد ايه الموضوع مرهق وواخد من تفكيرك. الحل بجد الدعاء ، الدعاء سهم الذي لا يخيب . ادعي كتير قولي يا رب أنساه ، يا رب قدملي اللي فيه الخير يا رب اخترلي ولا تخيرني ،يا رب متعلقش قلبي بحد ، يا رب علق قلبي بطاعتك فقط . ابذلي مجهود اكتر ف انك تكوني مشغوله ، ومتيأسيش ولا تيأسي م الدعاء ، ادعي دعاء المضطر ، ربنا يجبر بخاطرك يا رب 🤎.